ChriScorpiObi

ChriScorpiObi

Thursday, July 31, 2008

靚仔B生日@和民


豪華壽司盛合, 海老沙律, 芝士煙肉春卷, 廣島燒餅


頭頭生日冇耐又到哥哥喇~除左荔枝山之外, 呢度都係另一個間中就想去既地方~次次黎到D菜式都好唔同~ 正 ^0^


呢度D沙律款款都有水準喎, 個汁好好味 ^0^ 壽司都好好味 ^0^ 基本上次次都冇投訴 ^0^ 所以好喜歡黎呢~


D甜品都好吸引架, 不過一來減肥, 二來返屋企仲有蛋糕食~ 所以一次都未試過呢~~~



熱情果夾心朱古力蛋糕 for 靚仔B


一連2個星期都有寶貝仔仔生日, 今次整左呢款蛋糕


用左之前用剩既熱情果忌廉, 整左個夾心層, 上下係朱古力海綿蛋糕, 依家最拿手就係整海綿蛋糕喇XD篩多幾次粉就得架喇XD 今次減左糖, 好在減左咋個蛋糕勁甜呀…><面層淋上白朱古力忌廉, 甜到呢…>~~~< 下次轉返黑朱喇…仲有夾層都要減甜>< 最好味係個海綿底XD


白假力係AMY姐上次帶俾我既, 完全冇問題喎, 不過太大塊同太薄:P 下次整返幼D~


試埋你D黑假力喇, 都溶倒喎, 造埋型, 不過未睇成果


依家天氣又濕又熱, 假力都要說先硬呢~~




B仔細細拎把咁大既刀XD


生日快樂呀~ ^3^ 大個仔唔好蝦媽媽喇~ ^0^


Wednesday, July 30, 2008

椰菜牛丸麵


是日午餐


學校買落包全蛋麵, 落一個麵餅, 切D椰菜(尋日帶定放雪櫃), 幾粒o岩o岩o係大昌買既牛丸, 就係我今日既午餐喇~


其實減肥好多丸類都唔食得, 潮州魚蛋同牛丸係少數選擇, 而牛丸就比魚蛋襟飽


另外麵同米既選擇道理相同, 麵比米襟飽, 呢個麵餅只係167kcal~ ^^


Monday, July 28, 2008

生命靈數





靈  數:51





這組數字顯示
      你是一個特別想要凸顯自己的人,凡事都想要顯示出與眾不同(以前好係, 依家好D),脫穎而出的特色,因此表現欲特別強,會到處去表達自己的想法,但有時會忽略到他人的意見,或忽略另一半的感受,製造出感情問題,自己應該特別小心。
      
      你比較不適合一般普通的思想或生活方式,往往會遇到一個很好環境,或是有某些特殊的行業,展現你脫穎而出的力量,和具個性化的構思,擁有這些得天獨厚的本領,如果能加以開發潛能,當然更容易朝幸福與成功之路邁進!
      許多巧合的事情會發生在你身上,喜悅之神有可能降臨在超出愛情與工作的範圍之外,連結著你不可思議的運勢,當然你必需好好發揮你天生的意志、才華,在巧合的好時機來臨時,才能出現超越一切、脫穎而出的可能性。
      你的生命目標是展現個人的才華,並且享受人生的各種變化,但是你最好的生活方式是跟別人一起合作,比如是事業需要伙伴,或是人生需要伴侶,最好是夫妻倆一起合作創業,合作經營。
      由於你的生命目標覺得人既然來到世間,就是要到處旅遊,不斷的變化成長,吸收知識,常常出差增廣見聞,你就是有這種想法的人。建議你有伴侶的支持,更能享受人生的快樂喔!
      你的個性特徵是有獨到的想法及意見,思考靈敏,立場堅定而不易被動搖,喜歡批判性及說理性的表達方式,常有驚人之語和特殊見解,但有時候不理會他人的想法,會顯得太獨斷了!
      你的優點是人緣好、口才佳,富快樂開朗的一面,因此很適合出來跟人交流,建議你選擇一個方向,努力去達成與人的良好互動吧!。
      你的缺點是太隨性,有時會無法控制自己,一下子忽然興高彩烈,想到什麼就衝動去做,到處發揮精力,缺乏明確的目標,可能浪費太多精力了。
      你的天賦潛能是在變動中求生存,如果歸納出一些趨勢,則偏向比較動態的,因此你可以選擇的行業很多,需要發揮口才的、隨性一點的自由業最適合,比如公關,外交,或業務,推銷這類的人,所有需要靠人脈或朋友的工作都很好,而如果是在固定的行業裡,則最好做些變動的職務,或必須常常出差往外跑的,都可以發揮你出你的潛力。






    靈  數:6





    這個數字顯示
        這個階段對於感情的穩定很有幫助,尤其新的戀愛會很好,是充滿浪漫的時段。另外,分享會使得你更成熟,更加富有,因為這會讓你四散的能量再度聚合起來,發揮出力量,讓你的內心告別貧乏,逐漸豐美,記得好好和身邊的朋友一起分享美好的希望與成果喔!
        這是一個精神享受的階段,因此在事業運上,並沒有實際的助益,而在財運上也不會有太大的變動;雖然沒有直接的財運,但你的日子還是會過的很不錯喔,建議你趁機好好感受一下與人相處的味道!
http://www.kindheart.com.tw/cgi-bin/element1.pl

Sunday, July 27, 2008

726-7月之星@蠍家


今次同樣好多野食~不過預算好過4月O個次~唔駛剩咁多喇~:P


上排左起有我既熱情果馬令批,切餅o個陣上中下三層分開左…XD 跟住係史力奇既蛋白餅~ 媽媽既狀元合桃酥(等緊米卡路O個陣我地又玩左陣猜猜畫畫, 今次得紙同筆, 要媽媽飛飛柏琪史力奇幫手出題目~其中一題就係狀元合桃酥喇~), 馬丁既蝦多士配自製牛油果蜜糖芥茉醬, 仲有冇影相既金奇異果蝦治。


第二排有新丁既雞翼+鴨腎, 飛飛既紅豆寒天, 媽媽既豬頸肉, 小仙媽媽既煎釀三寶(有一寶遮住左)


第三排有新丁既有可樂味可樂雞翼, 非常有心唔食都特登拎入黎, 查實係想O係WII保齡球場上擊倒壽星小刁既愛米姐整既蟹籽沙律~大仙既糖醋骨, 小刁既紅豆南瓜餅。


下排左起係史力奇既涼拌粉皮~柏琪既串燒三味, 食物大合照同人物大合照~ ^0^


哎呀唔記得影小刁既美味美式曲奇~ 我同DADDY都話好好味呢~係我既至愛曲奇啊~~


*   *   *   *   *   *   *   *   *


冇帶胡椒餅俾我同丁屎既米卡路今次帶左副冇人聽過既蘇格蘭場唔知咩棋黎做手信XD


睇下我地幾聚精會神, 唸計捉拿犯人!



大家估下背向鏡頭呢位人兄綁住O個條白色野係咩黎?



佢話五個警察一個賊, 做賊O個個最好玩~於是佢揀左做賊…= =


不過呢個賊一D都唔易做, 係咁俾JASON仔搖頭叉頸XDDDDDD仲要戴住個好搞笑既野, 以防俾人睇倒佢望向邊喎~~



最終俾我捉倒呢個大賊XD卡卡卡~~~其實我係用得最少腦O個個, 成日唔知行去邊度好, 又估唔中個賊呢左去邊, 全靠其他拍檔指點~勇擒真兇XD


*   *   *   *   *   *   *   *   *


其間有人嗌錯左JASON仔做MARTIN仔XD又有人嗌錯丁屎做早已離我地而去既AMY姐XDDDDDDD


米卡路知道AMY姐走左就問係咪因為上次AMY個小型生日會佢冇黎到,我話係呀佢嬲左你呀,知道你黎即刻走呀XD


*   *   *   *   *   *   *   *   *


終於輪到今晚簡單而隆重既影餅同切餅儀式!


小刁捧住個蛋糕做左明星一輪之後, 飛飛終於忍唔住問佢可以放得低未, 想影個蛋糕XDDDDDDDDDD



臨時搵黎蠟燭, 唔知小刁許左個咩願呢? 都話要講出黎先靈個咯~~








切蛋糕喇~



*   *   *   *   *   *   *   *   *


原來舊年第一次生日之星係8月舉行, 話咁快黎到最後一個月7月之星喇~


過去11個月舊聚重溫: 8, 9, 10(food), 11, 12, 1, 2, 3, 4, 5, 6


日期: 2008年7月26日(星期六)


時間: 3時恭候, 7時入席


地點: 大埔蠍家


請自備食物, 整好先黎, 唔好意思 ^^


報名:


1. 蠍+1(生日蛋糕)
3. 丁屎+1(可樂雞翼...或者會加埋芒果布甸)
5. 小刁(南瓜餅或腐皮卷)
6. babyfai+jason仔(3色奶凍+紅豆寒天)
8. Cindy (U.U)...zzz (煎釀三寶~紅腸、茄子、青椒)
9.Cindy (糖醋骨)
10.catfood (紅燒豬頸肉)
11.米卡路
12.柏琪(串燒肉)
13. 史力奇(涼拌粉皮)
14. uncle martin


AMY姐會大約3點幾入黎放低沙律玩一陣就走


7月: 樹懶卡里(9)、♡yoyo♡(15)、婆仔(17)、♡♡Katherine♡♡ (26)、小刁愛煮 (26)、燕窩(26)、堯堯(from傻媽) (26)、蔡師奶(27)、Chiski~我寫我的~~ life~ (27)、錫錫 Erica(29)


Saturday, July 26, 2008

熱情果馬令批 for 小刁


《批&撻》既杏仁甜酥皮(之前整蘋果批個皮), 《批&撻》青檸忌廉撻既餡, 轉左熱情果茸+檸檬汁, 檸檬皮茸, 再鋪上蛋白檸汁糖打成既馬令, 燒一燒~搞掂~


d蛋白本來打得好好地, pat上去時都好靚, 不過撩幾撩就開始硬…= = 下次pat上去就燒喇~



未上蛋白前, 好似一個大蛋撻XD


Friday, July 25, 2008

回鄉卡+睇牙

今日又係忙碌既一日


尋晚3點幾先訓, 今日7點幾醒左都唔起身, 訓到十點幾, 之後11點幾先出去整回鄉卡, 點知去到要羅籌, 叫我點幾再返黎…只好返去跑左步先


尋晚唱K食左buffet(雖然已經揀過, 不過都係食多左), 今日要做返2set運動, 唸住跑步+游水, 12點幾烈日當空就買左第一場, 之後又趕返黎換衫出去做證, 2點去到仲驚過左, 點知我206號只係嗌到189, 等左一個鐘先到, 好在帶左尋日買既書去, KO左daddy本《愛情補藥黨》~ 好睇喎~可能講愛情, 我覺得好睇過上一本《麻不甩》~


等就耐, 整就快, 我唸不出2分鐘就搞掂, 11號返黎羅, 14號就可以返鄉下喇~ ^^問左取證唔駛嗌籌就決定自取~



尋日o係旺角影既, 總算見得人喇~XD 回鄉證o個張呢十年都盡量收埋XD


*   *   *   *   *   *   *   *   *


之後帶埋游水袋出九龍城整牙,之前已經整左隻牙套,因為出左智慧齒又要整過…^^" 下星期返去裝~


*   *   *   *   *   *   *   *   *


睇完牙唸住去九龍仔游水啦, 唸住大埔收6:30, 你最多都係收6點或者5:30je, 點知4:35去到同我講收5點= = 革命唔成功…返大埔又太趕…只好打道回府…



游唔成水影左幾張相




行左返中學睇下裝修裝成點, 預定09年1月啟用。


*   *   *   *   *   *   *   *   *


返黎之後已經好支力, 休息左陣7點開始整個杏仁甜酥皮, 雪3個鐘之後入模焗, 期間食左雜菜湯同麥方包, 8:30出去跑第二轉~ 今次天太黑, 唔敢跑返平時條路, 跑左外圈, 唔知同好多上斜有冇關係, 但係臨尾o個時突然手軟腳軟, 臨尾要laan返屋企…上上下斜仲要mout o係度, 冇晒力…之前連跑4圈都唔會, 今次分開2圈2圈反而咁, 可能呢2日太忙太支力喇…


*   *   *   *   *   *   *   *   *


返到黎休息陣又拎個批出黎焗~


就咁完成我忙碌既第二天假期…:p


今日食得少, 聽日終於唔駛做2組運動喇~ ^0^ 不過睇怕後日都難逃一劫XD


WALL-E+回鄉卡+書展+唱K

今日過左勁充實既一日XD


6點幾起身, 7點晨運, 跑左4個圈(因為尋日食多左…今日要做DOUBLE…計過原來一圈11分鐘, 4圈44分鐘+來回O個段路約6分鐘, 上落山行8分鐘=差唔多一個鐘


*   *   *   *   *   *   *   *   *


沖完涼出去又一城睇早場(WALL E) 好睇喎~ 好可愛 ^^


DADDY呢排成日去睇阿伯早場~ 今日難得放平日陪左佢去睇~^0^ 我真係冇幾可睇早場呢XD 感覺好新鮮XD




*   *   *   *   *   *   *   *   *


9:40睇到11點幾, 之後出左旺角陪DADDY拎野之後再去中旅整回鄉卡, 影好印影好相, 點知張籌去到下晝三點…都係聽日O係大埔整…好耐未見過咁既場面…鉤起左細個時既回憶…


*   *   *   *   *   *   *   *   *



整唔成回鄉卡去左行書展, 1點倒去到, 都幾多人…迫迫迫…唸住今年唔行咁耐,都行左5個鐘…(舊年係6個鐘…)今年醒左著波鞋去, 不過可能晨運完都係好支力…


買左一本減肥《控制體重十堂健康課》其實D野有D都知, 不過當補充下知道:P 反正我成日減肥, 一減就會拎出黎睇XD; 一本種菜《在家種菜》有瓜菜同香草既栽種技功;一本藍色大門小說,當年好鍾意呢齣戲, 仲買左DVD, 見佢小說幾平就買左佢~ 一本《街頭小吃》食譜,又係見佢平, 69減到49, 我都幾鍾意SHADOW, 之前睇過佢有線既煮食節目, 吳君如O個個~ 唔想整蛋糕麵包甜品所以冇買, 呢本有雞蛋仔呀, 粉果呢D可以試下~ 一本香草食譜《名草有煮》仲羅埋簽名~其實舊年都見倒, 作者都有O係度介紹過我, 不過我買左《莓莓我愛你》, 今年自己種左D香草都想買返呢本,見倒呢度又平(六折)就買埋~仲有簽名~XD ,一本《愛情補藥黨》幫男友買既~舊年都幫佢買左一本又係鄒凱光既書, 返黎o個陣睇左小半本, 今年好似好睇過上一本喎~ 一本朋友KOCAT既貓書~介紹佢既糖+鐵~ 我都唔知佢出書, 一定要支持啦~ ^0^最後係去台灣前已經想買既《姊姊的守護者》, 七折, 133折到79, 應該係全場最平架喇~


今年又見倒幾檔有《五星級蛋糕甜品》1, 2賣~ 有一檔特別平架, 好似賣6X同80咋~ 唔好O係八折O個D買呀~


多謝晒小刁特登寄飛俾我呀 ^0^



8本書TOTAL$4XX ^^


其實仲見倒D好靚既韓國貓貓精品架, 不過太貴(3XX蚊本行事曆, 7X蚊個匙扣又冇咩用, 拎左張單張就算:P



如果想買《24個比利》既, 有一檔65折呀~即係65蚊咋~



13點既展覽


*   *   *   *   *   *   *   *   *



搭船過海唱k~


跟住6點幾7點我仲有命去唱KXD多得河童陪我唔駛自己一個~不過次次2個人唱都變左傾偈…



今次好好冇趕我地走,傾左5個鐘!$115位, +28蚊buffet(我已經揀左d非煎炸, 走肥既黎食, 不過都唔好得好多, 食左勁多炒青瓜~好好味, 仲有d冷盤咁, 肉都有, 仲有薯仔沙律, 飲左2杯熱檸茶走甜, 聽日又要做多set運動…又要過好忙碌的一天:p total 大約每位$150, 但係走o個時見門口好多人, 但係又冇趕我地喎


唱左米卡路推介《我懷念的》, 上次唱唔倒既《鍾無艷》可惜係視聽版= =仲有好多舊歌


greenbox D歌好似少過NEWAY, 又冇得RANDOM出歌, 又冇無線MIC, 不過佢有欄好得意, 可以因應你既心情分類XD有恨綿綿@女聲XD聲嘶力歇@男聲, 仲有冇關第三者既分類咁, 可惜我地掛住傾, 臨走先發現XDDDD


*   *   *   *   *   *   *   *   *


唱完已經差唔多12點, 仲睇左一陣衫XD 今年想買連身裙~又想買連埋長裙, 不過o岩款既又唔別長, 長裙要長過腳眼呢~~~結果睇左陣就去左趕車, 最後搭倒尾班火車返黎XD 超忙碌的一天呀XDDDD


Thursday, July 24, 2008

煙雞胸沙律


專員一聲令下, 今晚食沙律~^0^


o係超市買左隻煙雞, 起左雞胸肉, 加一個生菜(碟中係半個), 一個蘋果, 一個淋淋甜啤梨, 3塊生命麥包烘脆~


個汁係用左低熱量卡夫奇妙醬+熱狗用青瓜芥辣+黑椒+雜香草+蜜糖調製而成~ 我地都覺得好好味:p 仲要encore, 用左成小半樽奇妙醬 :p


好滿意呢個沙律~ 好飽~ ^0^