等~~~寂寞到夜深~~~

咁就等左一日…就快12個鐘…下晝幾乎唔痛…老公由好緊張等到訓左…我都等到吽晒…
入黑…仲掙扎緊出唔出九龍好, 一係直接入院, 聽日edd佢應該會收我, 但係依家唔紅又唔痛…都係得個等字…
一係去老爺度, 入院快過屋企好多
一係繼續o係屋企等…過埋今晚再算, 但怕佢半夜黎料就呢hea…

有人叫我睇定d, 又有人叫我入院先穩陣d…今朝已經唸住痛多d密d或者紅d就入…點知只有疏d…

奇妙

尋晚食飽飽坐o係度睇電視唸, 當丁叮唔郁既時候, 其實有時會唔記得自己有左, 坐o係度自我感覺同未有前冇咩分別, 唔為意自己個肚已經有40寸半…有時仲會俾張檯hi親…只係訓覺時要搵一輪先搵o岩個舒服既姿勢訓, 十個月過去, 轉眼間就話要出世喇~ 可能呢2日就會黎到我地懷抱~

今朝起身有見紅少痛出現, 開頭有d規律, 之後又冇乜, 仲未識緊張, 只係好期待! 依家等痛多d先入院, 丁叮好乖, 果然係陣痛見紅先, 而且o係爹爹o係屋企時發生, 又係日頭唔駛媽媽咁呢hea~ 希望快d痛多d密d, 今晚我地一齊睇《當旺爸爸》~^~^

真的假的?

今日還是聽日呢? 唔通唔駛催生?

倒數三日

同特首選舉一齊倒數~

放左2個幾星期假, 呢幾日開始訓得唔係咁好, 夜晚會醒幾次, 多數都唔係急醒, 不過醒左可能會去個廁所, 唔知點解又咁多貨個喎…

雖然唔係好耐先訓得返, 但係就好似好多野唸, 唸唸下又訓著, 8, 9點又醒…朋友叫我有得訓好訓, 預左之後冇覺好訓, 不過我本身都係可以訓好少既人, 應該頂得順既, 以前試過星期一至四加埋都唔夠星期五訓得多…:p 依家唔係唔想訓, 不過又訓得唔係好舒服咁, 訓左晏覺又驚夜晚訓唔著

肚DUM已經40寸半, 有時坐o係度見眼訓, 訓低又唔知咩姿勢先舒服, 又起返身坐…

幾日冇出街, 老公趁最後機會返工前去打波, 打完波買送返黎, 我就每日o係屋企掃下地, 洗衫晾衫褶衫, 同肥豬洗耳(日日洗2次隻左耳洗左成個禮拜都係咁污糟…右耳每日洗一次終於乾淨喇), 焗包, 睇書, 睇戲, 煮飯, 上網, 時間都好快過~ 我從來都係一個人o係屋企都唔會悶o個隻, 咁快就hea左2個幾星期~

今日拎左本改名書出黎又唸下丁叮個名, 原本都有一個心水, 不過又唔心水得晒, 但有一個字我自己好想用, 同老公既心水又好似唔係好夾, 於是又再唸…都仲係未有一個好滿意既…

仲有3日就入院催生, 我唸體重控制應該可以達標~ 今日無啦啦輕左2磅(+18.xlbs), 如果可以keep多3日就perfect喇~^^

FW: 肚餓方餵奶 嬰智商較高

【明報專訊】英國首個有關餵奶與智商的研究發現，肚餓時才被餵奶的嬰兒，長大後的智商及成績，高過定時餵奶嬰兒。本港衛生署指遺傳是智商高低的最重要因素，並指該研究未能證實餵奶方式與智商有因果關係，但仍建議家長按嬰兒需要餵奶，毋須硬性定餵奶時間。

衛署：毋須硬性定餵奶時間
英國埃塞克斯（Essex）及牛津（Oxford）大學研究人員研究逾1萬名1990年代出生的嬰兒，結果發現肚餓才被餵奶的嬰兒，不論餵人奶或奶粉，8歲時的智商會較定時餵奶者高4、5分，在5、7、11及14歲所考的全國課程測驗，他們的成績亦較佳。
研究顯示，定時餵奶的母親多是較年輕、單身及教育程度較低，但分析時已控制可引起混餚的因素。研究結論指出，定時餵奶對母親的身心健康較佳，可有較多時間睡覺，但其子女長大後的智能及學業成績則較差。
研究結果刊載於醫學期刊European Journal of Public Health，負責研究的埃塞克斯社會及經濟研究學院的研究人員Maria Iacovou表示，這是首個有關餵奶時間的研究，但警告推論餵奶與智商的因果關係時要小心，當中的原理尚待研究。
本港衛生署回覆，遺傳因素是決定智商的最重要因素，但亦須後天環境配合，而影響智商的因素非常多，上述研究未能證實餵奶與智商有因果關係。該署建議按嬰兒需要餵奶，硬性餵奶時間是不需要的。
中大兒科學系教授韓錦倫認為，家長教育及經濟背景會影響兒童智商，需去除這些因素的影響，才可作推論。他認為吃人奶的嬰兒可按需要餵奶，而吃奶粉的嬰兒則可定時餵奶，不應每當嬰兒哭時，即以為他肚餓及馬上餵奶，否則可能過量餵奶，導致過胖。

催生

話說上星期廣華覆診, 醫生話呢個星期未生就返黎約催生, 尋日再覆診, 約我22號!!? 心唸咁快??? 我廣華既EDD係24號喎~~於是問醫生:「唔係通常過左先催既咩?」醫生話:「好呀咁約遲幾日啦, 冇咩所謂, 我驚你放得耐悶咪早D生囉~」@@ 姑娘就話要睇返醫生D期, 呢個姑娘好好, 已經見左好多次, 結果約左25號入院, 26號催~~ 突然變得好快! 仲有唔夠一星期就入院!! 如果丁叮呢幾日仲未想出黎的話~

其實黎到38W幾都仲未有其他媽媽講既恥骨痛, 同之前感覺差唔多, 呼叫暢順左, 冇再透唔倒氣, 上樓梯都冇氣喘, 係早幾日無啦啦肚痛, 我又唔係好識分喎, 第一日屙左幾次, 之後幾日都有D似痛非痛, 又好似痛痛地, 但係又冇屙, 都係好正常既便便…都唔知係咩痛又唔知點解, 問過醫生就話唔係成個子宮痛, 又冇收縮就唔係陣痛, 呢2日又咩都冇lu~

有左入院期之後覺得佢可能都未想出黎住~ 原本約左佢星期一覆診時黎料, 睇完一件頭, 19號又係我地既紀念日, 不過原來呢日唔o岩丁叮心水~~ 究竟佢揀左幾時呢~? 25號入院, 應該等唔倒31lu~ 估計26, 27出世~丁叮你鍾意呢2日呀~?

早幾日覺得佢郁得細力左都有少少擔心, 問醫生醫生就話有郁就得, 大力細力好難講, 呢幾日又明顯返~ 我又放心返~^^

9個月開始肚臍凸了…呢幾日肚臍周圍仲掂倒都痛, 可能皮膚太繃緊了…

仲有5日就入院, 最好入院就黎料~~快快出黎同我地見面啦~^3^

雖然經過十個月, 但仲係覺得好神奇, 好奇妙, 就快做媽媽喇, 好不可思議, 好感動…T^T



仲有就係, 就黎可以食雞蛋仔同蛋撻喇~~~XD 叫左老公買黎醫院探我~~~丁叮飲雞蛋仔蛋撻奶奶好冇呀~^333^

我已剪短我的髮~~~

一路都有人問我會唔會剪頭髮? 幾時剪頭髮~? 我都話唔剪呀~ 扎起佢咪得囉~ 估唔到唔剪唔剪, 一剪剪到咁短~~~

話說之前一路唸住生完坐完月就電曲之前做左負離子O個D, 本身自然鬈, 已經有十個月冇負, 唔駛電髮根, 點知早排睇書話餵奶都唔好電…要電就生之前電…老公當然唔贊成啦~即係有排都冇得搞…我究竟仲要忍受上曲下直到幾時…

早幾日訓醒冇咩做, 悶悶地見D頭髮好厚下就去廁所剪剪佢啦, 一心唸住剪到膊頭, 洗濕都OK, 但係一開始乾就唔掂…乾晒簡直係完全唔掂…入面同上面曲出面同下面直…鬆到小丸子咁…喇喇臨扎住佢…第二日已經頂唔順要再剪…實在太核突…

今次一剪剪到短短…十年冇試過咁短…一向麻麻地短曲髮…不過為左剪晒D直既惟有咁…如果舊年5月唔負多次…起碼有多半年既長度…算啦有D新鮮感都好~ 不過睇左幾日都唔慣, 反而老公好似冇乜野, 話幾好睇, 同埋唔覺個頭大左…我就成日照親鏡都左搞右搞…硬係睇唔順眼, 終於頭先再揮刀, 今次剪多少少左邊等佢冇咁拱…終於敢出黎見人喇…

依家洗頭真係超快乾! 以前吹都要成個鐘…又長又厚…抹完又係咁滴水…依家完全冇呢D問題~唸起之後修身做運動都覺得爽~^^

38w

今次可能係最後一次去私家覆診喇~ 第一次完全唔駛等, 去到第一個就入得~正~! 仲照左好耐~~

醫生話應該冇咁快出世, 不過我聽日返廣華約催生喇~ 醫生話有糖尿一般會比較小心, 唔俾過期居留, 不過上次廣華就話size唔太大都唔駛提早生, 我估最遲應該係edd之後7日, 廣華計3月24日即係31日應該會催生喇~

今次比起2星期前丁叮大左3百幾克, 之前34-36w又係大左3百幾克, 細左2星期, 不過已經過6磅喇~ 我目標都係6磅半~ 如果度得準的話我收貨喇~^^

原本約左丁叮睇完一健頭之後返廣華覆診就出世~ 聽醫生咁講可能冇咁快呢:p 其實我唔係太心急, 雖然放左2星期假, 不過只要丁叮健康, 佢想幾時出世我都冇所謂~ 當然好期待快d見倒佢抱住佢, 睇下佢個豬樣, 聽下佢把聲~ 今日照佢比上次再豬左d…爹爹話愈來愈似我…好快就知佢咩咩樣喇~^^

FW: 通草奶

通草奶
------
食人奶長大的BB，身體健康，少染疾病。婦女產後，體虛兼缺乳汁，可飲用通草奶補血氣。增乳汁，做個快樂媽咪。

材料 ：
　通草　3錢 (我每次用手拿一撮, 我估我落得少過三錢)
　鮮奶　1杯
調味料 ：
　白糖　1茶匙(撥平匙面)

(1) 先將通草內的雜質揀去。
(2) 用水洗淨通草。
(3) 將鮮奶放入煲中，加入通草煮滾，再放入白糖即成。

通草奶
通草奶製作簡單方便，即可補氣血、增乳汁，又可當日常飲料飲用，一舉兩得。

通草在藥材舖有售，每兩3元。(不過農曆年前我家附近的藥材舖加價至8元一兩!!!)

足月了~^.^

廣華計的預產期上星期便足月了~ 但我一直以私家的預產期為準~今天都足37周了~^0^
由現在起丁叮便可能隨時出世~ 未知他選好日子了沒?

放了一星期假, 沒有想像中無所事事, 滿充實的~ 洗洗褶褶的, 間中跟朋友小聚, 煮煮飯,
掃掃地~ 又一天~ 每天睡上11, 12個小時~ 這兩天似乎還少了呼吸困難, 上樓梯氣喘等問題, 是丁叮又落了一點嗎?

心情還沒有開始緊張,
只是充滿期待!^^

每天望著大肚子會心微笑, 早兩天還說想你早一點出世, 媽媽不用戒口不用腰痛, 老公說: 「得返2, 3星期陀咋~」^^ 真的很快啊~ 不用多久你便從我的肚子走到我的懷抱。

昨晚第一次給你踢醒! 皺皺眉ss聲, 爹爹很緊張的慰問, 朦朧間我還捉爸爸的手摸摸你踢我的小腳~ 爹爹叫你要乖乖早點睡不要弄醒媽媽, 然後給你唱主題曲丁叮歌~我又沉沉睡去… ^^

恭 喜！妳的懷孕現在可算得上是足周了！這表示妳的寶寶已經發育到可以離開子宮生活了。此時寶寶的重量可能比六磅多一些些，身高大約 19 到 20 吋左右。如果妳有先兆子癇（preeclampsia），本周妳的醫生可能會建議催產。大部分的寶寶在出生時已經有頭髮了，長度大約在 1/2” 到 1 1/2”之間。但如果寶寶頭髮的顏色和妳不一樣也別太驚訝。當然，也有些寶寶看起來幾乎像個禿頭或是只有稀疏的幾根毛。 本周妳的身體 夜裡睡個好覺 為什麼我的醫生想要每個星期和我會面？ 剖腹產 請人安裝寶寶的汽車座椅 妳會給所有孕婦的一個生產準備訣竅是什麼？ 如何幫寶寶換尿片? 該怎麼樣新生寶寶洗澡呢? 如何預防紅屁股？

想要舒適到可以在夜裡睡得好可能比任何時候都要難。研究顯示懷孕後期的睡眠品質比以前任何時候都來得糟。（不過一旦寶寶出生後，妳或許會深情地回顧這段時期。） 妳現在可能有更多的假子宮收縮現象，它們可能持續更長，讓妳更不舒服。有時 – 當收縮的頻率增加時 – 妳可能以為妳要生了。妳或許也會注意到陰部的黏液分泌物增加了。如果妳看到「見紅」（黏液栓子混雜微量血液），或許分娩就在眼前了！（如果妳有其他污漬或 流血的現象，請立刻打電話給妳的醫生。）

夜裡無法感到舒適嗎？試試這些方法： 把枕頭塞到兩腿之間和背後。 試著以半坐的姿勢睡覺，用幾個枕頭墊在頭後面或睡在調整式躺椅上。 如果夜裡得去好幾趟洗手間剝奪了妳的睡眠時間，下午或傍晚減少液體攝取量。 穿著胸罩或孕婦帶給胸部、肚子及背部額外的支撐。

第二階段清胎毒

踏入九個月, 終於實行第二階段清胎毒~

36w當日早上就煲左白蓮鬚+葡萄乾, 聽講後者飲左阿B唔會黃~各買左一兩, 分4次煲, 可能加左葡萄乾既關係, 唔駛落糖都甜甜地, 完全唔難飲~



尋晚煲埋綠豆沙~ 一大煲落左1/3片片糖, 都幾淡:P

九月

轉眼黎到九個月(仲過左幾日),好快就足月喇~

產假放左幾日, 臨放假前幾日開始食飽就眼訓, 都訓左2日晏覺, 不過呢幾日又好似冇特別眼訓, 可能訓晏左, 夜晚有時玩draw something玩到12點幾1點~

尋晚12點訓到今朝11點, 估唔到下晏又眼訓…訓左3個幾鐘晏覺…臨訓前搵野食, 食完包包就狂烚菜菜子~~ 食飽就訓…訓飽起身又夠鐘煮飯…真正食飽就訓, 訓飽就食既日子…^^"

踏入9個月個人好似易攰左, 不過少出街, 反而冇帶托腹帶

早幾日肚臍下面隱約見倒幾條唔想見倒既野…同埋中線終於出現了~ 32w影相時明明都只係毛毛~ 好在冇痕, 只要唔好惡化, 其實都冇咩所謂~

依家訓覺腰有點唔舒服, 要搵一輪姿勢先訓倒, 好在都好快訓著, 半夜間中要起1, 2次身去廁所, 好在去完就訓得返~

呼吸困難好似改善左, 其餘不適依然未有出現, 便祕, 水腫, 抽筋, 已經冇搵我, 唔知同我食得多菜飲得多水有冇關, 之前日食2斤菜, 依家我懷疑唔只:p 水就盡量keep住每日3次600-700ml

放左幾日假, 得閒就落街行下, 前日拖住車仔行落街市買送, 買完搭返車上黎, 咁就2個鐘~

上次私家覆診丁叮變左細BB, 不過醫生話唔係鬥大, 依家咁o岩咯喎, 大先唔好, 廣華醫生度完就話唔太大唔太細, 順產應該好易生~ 可能因為咁, 尋晚發夢好快就生左, 生完又冇咩惡露, 第二日仲問老公係咪真係生左…XD

開頭見倒佢咁細粒都有d唔開心, 唸緊駛唔駛谷下佢~ 不過老公話我醫生都話冇問題唔好俾壓力丁叮~ 唔知呢排訓多左係咪真係有幫助呢? 不過我唔開心左大半日之後都冇放o係心lu~ 總之夠5磅唔駛留院就ok啦~ 基因除左影響bb身高體重之外(我地2個都唔係細粒), 亦影響佢發育既年齡(老公中三先開始高, 之前一路都排頭3位), 我相信丁叮都唔會太細粒既~我屋企都冇咩邊個細粒, 男仔都係高大d好~~

拎左2個奶泵出黎烚, 依家同奶樽一樣入左密實袋, 跟住再入膠箱, 再入雪櫃~~ 同埋試用左2個泵, 唔知係咪呢個原因, 尋晚夢見完生仔之後, 去完廁所再訓, 夢見泵奶~ 仲要泵倒好多XD已經第二次夢見泵倒好多奶喇XDDDD

早2日出太陽, 喇喇臨洗左2SET 床圍~ 依家已經入返袋~ 衫仔都洗得7788, 剩返大個Do個d未洗~

再過3日就足月喇~(廣華計其實已經足月)希望丁仔聽聽話話見紅先唔好等我地咁呢hea知道嘛~ 有一位324媽媽既囡囡已經出世喇~不過佢捱左廿幾個鐘, 丁仔你要乖乖地唔好要媽媽痛咁耐呀~ 其實依家仲未識緊張~ 預感大約38-39周倒出世, 仲有2星期~~ 發夢夢見過幾個日子, 自己又有幾個心水日子, 唔知中唔中呢XD



繼續39'@36W, 體重增加18-19lbs

夢見．307

又夢見丁叮出左世~~XD仲要極易生~ 生完第二日唔肯定自己係咪生左, 仲問返老公~~ 老公話37W3出世喎~6磅~~跟住轉頭又夢見泵奶好成功XD

最後一日

今日係最後一日返工, 聽日就開始放產假喇~ 早2星期甚至一個月已經有d唔捨得, 但係黎到最後一個星期反而期待居多~

記得上次離開舊公司係出發去honeymoon同一日, 周圍同同事影相, 影下個環境咁, 不過之後一次都冇返過去, 可能因為上次唔係自願走既, 返去都冇意思, 只有同幾個較熟既舊同學聯絡, 主要都係o係fb, 見面次數唔多。

到左今次, 係我自己決定要離開, 呢度都好多好好人既同事, 同我交流懷孕同育兒既心得, 2位副校都好好, 尤其有一位剛剛生完小朋友, 好照顧我, 成日叫我唔好舉手, 慢慢行, 頭先仲同我分享見紅穿水等經驗, 亦送左份禮物俾丁叮, 仲叫我生左記得sms佢同大家報喜, 真係好感謝佢。

原本有一位同事同我差唔多日子預產, 奈何因為一件小事嬲左我2個月, 我最近先知咩事, 同佢道左歉, 叫做講和, 不過已經冇兩句…

呢2個星期慢慢執野返屋企, 再過唔夠3個鐘就要離開喇, 打算12朝過後叫老公送d薑醋黎, 有時間既話希望可以整d cupcake返黎向大家道謝。

o係呢度年半既時間, 多謝大家照顧。



離開左呢度, 除左準備展開我既湊仔生涯, 亦係另一項事業既新開始~ 當年婚後失業, 未搵呢份工之前開左happinesskingdom網上店, 黎緊因著湊仔呢個契機，終於有機會實行全職整餅(+湊B) 希望能夠有時間設計更多種類既產品，開托暑假同小朋友既市場，呢幾日都有若干查詢，希望一切順利。^^

唔知丁叮選擇幾多號出世，o係佢正式黎到我地屋企之前，好好享受餘下既閒暇，享受下最後既二人世界，享受下老公返工後一個人既平靜。相信唔駛一個月，丁叮就會降臨，四月忙碌既坐月生涯過後，迎接五月既新挑戰～

情緒失控

早排出過一篇名為「風涼話」既網誌，其實自己知道係好少事，不過就好受刺激，好炆，仲喊；剛過去既星期一又有類似既事件發生，同樣係好少事鬧到好大，我仲除左件羽絨掉左o係酒樓（當晚著住羽絨等車都覺凍，之後可能太激氣，唔著褸行返同一條路完全唔凍），一支箭標左返屋企，估唔到事隔幾日，又再為同一件事嘈，情緒又好波動，又喊…老公抱抱，原來已經唔喊，摸摸丁叮，眼淚又流落黎…o個刻只係想喊，已經唔關之前同阿媽嘈既內容。或者內容已經唔係重點，只怕坐月成個月對住阿媽，唔知又有ｄ咩刺激倒我，又會失控…引發產後抑鬱，情況可大可小…

原本想請陪月，阿媽話佢廿四小時唔好過陪月o個八個鐘？仲有唔夠一個月就生，相信到時已經冇事，不過唔知會唔會有咩新衝擊；尋晚唸，如果阿媽唔同我坐月，或者比到時o係度激我還好，最多冇人幫我補身，好過情緒再受刺激…我相信初為人母，心情愉快比坐月補身重要。

返埋今日就放假喇，但係成個星期心情都唔好，係天氣問題？阿媽問題？

好彩有老公o係身邊，同埋嘈吵既對象唔係佢…喊既時候有人抱抱安慰

老公話今晚出去食飯慶祝last day，開開心心迎接悠長假期～^^

丁叮大少 index

終於踏入3月了! 3月媽媽會已經有很多BB陸逐出世~當中以228特別多~ 4年一度的229只有2, 3位BB誕生, 然後來到3月了~~再過一天便開始我的大假~~約一星期後丁叮便足月了~ 現在已經大致發育完成, 只在長肉長脂肪~^^ 你會選擇哪一天跟我們見面呢~? 讓媽媽猜猜看, 會是38-39W嗎? 可能是19-31/3之間呢~ 我有猜錯嗎? 很快便能聽見你的哭笑聲，期待你望著我的眼神，感受你的體溫，我的寶貝孩兒。^3^

還未開始緊張, 不過最近偶然會想, 丁叮真的即將來到我的懷抱了, 有點不實在, 不可思議的感覺, 想著想著眼眶濕潤了, 是感動? 是驚歎? 是感恩?

21/9/2011	丁叮~
21/9/2011	《黑癲鵝先生》
24/9/2011	第一次見面
24/10/2011	sweet ^^
1/11/2011	心想事成
1/11/2011	控制飲食
3/11/2011	大少
5/11/2011	抽筋
6/11/2011	第一次大肚照
7/11/2011	人間溫暖
7/11/2011	妊娠糖尿
9/11/2011	終於感覺倒
10/11/2011	產假
14/11/2011	五月
19/11/2011	陪審員
19/11/2011	大日子
19/11/2011	溫暖牌
21/11/2011	腸抽筋?
22/11/2011	「我估你呢個女黎既」
23/11/2011	有前途
24/11/2011	淘衫仔
25/11/2011	戰車準備好
1/12/2011	nissen新生兒貼身衣物8件套
1/12/2011	二月廣華產前班
5/12/2011	casablanca bed set@一田
5/12/2011	三戰吉之島吉日
6/12/2011	產假最後決定
7/12/2011	PUKU PUKU ^^
9/12/2011	決戰永安
9/12/2011	食甜野
12/12/2011	沒有甜點的聖誕
12/12/2011	六月
12/2/2011	無緣
14/12/2011	耐糖測試資料
19/12/2011	全家福
21/12/2011	飲糖水
21/12/2011	雅培BB會禮物
21/12/2011	飲糖水
21/12/2011	丁叮移動
21/12/2011	肚大肚細?
21/12/2011	表揚一下(2)
22/12/2011	報告出左嚕
26/12/2011	終於有甜點過聖誕^0^
28/12/2011	丁仔相簿
28/12/2011	肚底痛
30/12/2011	26W5D肚dum
30/12/2011	古惑丁
30/12/2011	呼吸困難
3/1/2012	讀物
3/1/2012	QV
3/1/2012	失眠+(近況)
6/1/2012	廣華妊娠糖尿營養師講座
6/1/2012	風涼話
7/1/2012	妊娠糖尿1800餐單
9/1/2012	妊娠糖尿食物換算表
11/1/2012	七月
15/1/2012	Picsmile Studio
26/1/2012	龍龍帽完成喇~
26/1/2012	迎龍年回顧1~買床記
30/1/2012	雪地靴都完成喇~
31/1/2012	購物清單
1/2/2012	正面側面
3/2/2012	小鞋子~~
6/2/2012	八月
8/2/2012	丁叮第一年利是
15/2/2012	大肚子~
16/2/2012	DIY搖鈴
16/2/2012	床仔到~
16/2/2012	highchair x2
17/2/2012	代茶
17/2/2012	第一階段清胎毒
17/2/2012	廣華走佬袋及入院備忘
20/2/2012	picsmile收相~
21/2/2012	maternity photo(part1)
21/2/2012	3月媽媽聚
22/2/2012	maternity photo(part2)
23/2/2012	maternity photo(part3)
27/2/2012	廣華超聲波+驗B鍊
1/3/2012	夢見。301

夢見。301

尋晚夢見丁叮已經出世，而我亦返左屋企，夢裡面已經唔記得痛唔痛，印象中好似唔係好痛，準備同丁叮洗白白，見佢咁細粒，搵個細Ｄ既盆都可以，唔駛用之前買o個個白色企鵝仔盆住, 用左個細d既藍色盆, o係廳張餐檯擺好陣，準備抱丁叮出黎時發覺點解大左咁多，同爹爹一樣＠＠樣又同爹爹一樣，仲要係依家既爹爹而唔係BB版…@@ 咁大隻，放唔落喎…同時唔知點解我又洗緊魚…放左兩條魚落盆度洗，仲要係醃好左既魚…跟住問老公，丁叮仲放唔放落去好…另一方面又唸起丁叮返黎之後訓左好多個鐘都未食奶…係咪應該抱佢食奶先？還是洗完白白先唔係驚嘔奶…老公話佢訓左就唔駛嗌醒佢啦…結果未餵奶又未洗白白下鬧鐘響…起身返工…

由於我整餅都成日烏龍百出…老公話好擔心我照顧丁叮會唔會咁…XD用丁叮盆沖涼水去洗魚…

其實早幾個月都有夢見丁叮，都係夢見佢出

可能近排三月媽媽會有好多BB陸逐出世~228成版都係BB相~ 反而尋日229呢個咁特別既日子又得小貓三幾隻~ 今日正式踏入三月, 相信會有更多BB出世~ 愈來愈熱鬧喇~ 唔知丁叮揀左邊日出世呢~?^^