早排出過一篇名為「風涼話」既網誌，其實自己知道係好少事，不過就好受刺激，好炆，仲喊；剛過去既星期一又有類似既事件發生，同樣係好少事鬧到好大，我仲除左件羽絨掉左o係酒樓（當晚著住羽絨等車都覺凍，之後可能太激氣，唔著褸行返同一條路完全唔凍），一支箭標左返屋企，估唔到事隔幾日，又再為同一件事嘈，情緒又好波動，又喊…老公抱抱，原來已經唔喊，摸摸丁叮，眼淚又流落黎…o個刻只係想喊，已經唔關之前同阿媽嘈既內容。或者內容已經唔係重點，只怕坐月成個月對住阿媽，唔知又有ｄ咩刺激倒我，又會失控…引發產後抑鬱，情況可大可小…
原本想請陪月，阿媽話佢廿四小時唔好過陪月o個八個鐘？仲有唔夠一個月就生，相信到時已經冇事，不過唔知會唔會有咩新衝擊；尋晚唸，如果阿媽唔同我坐月，或者比到時o係度激我還好，最多冇人幫我補身，好過情緒再受刺激…我相信初為人母，心情愉快比坐月補身重要。
返埋今日就放假喇，但係成個星期心情都唔好，係天氣問題？阿媽問題？
好彩有老公o係身邊，同埋嘈吵既對象唔係佢…喊既時候有人抱抱安慰
老公話今晚出去食飯慶祝last day，開開心心迎接悠長假期～^^
大肚真係會情緒失控，不過你諗下BB 既野，就會開心返哂
ReplyDelete我知講就容易做就難，不過我地都要面對0黎d 情緒，放鬆d ..... 如果真係好炆，試試深呼吸、聽下音樂等等都會幫到你﹗
Cheers :)
[版主回覆03/06/2012 17:11:01]siuchan, 我唔食得甜呢…都有唸過整下蛋糕俾老公, 不過又提唔起勁…難得放假…^^"
nip ying~ 我覺得冇咁快呀~我唸最快都要19號~有4個心水日子XD 老公都覺得會係月尾~所以仲未緊張
[Nip Ying回覆03/02/2012 14:44:51]唔好唔開心呀...諗多d叮叮啦!我都唔敢去咁遠地方呀...廢事咁''呢hea''我成日都覺得bb隨時會出黎架啦
[SiuChan回覆03/02/2012 14:23:36]0黎d 非常時期，唔好離開香港啦
係喎, 你興趣係整餅，不如整下野食俾自己或送俾人呀，個人都會開心d
[版主回覆03/02/2012 12:37:28]我原本想去澳門架~~不過始終唔o係香港, 作動就麻煩…尋日o係fb見倒有媽媽個肚大我2星期都去左海洋公園呀>< 不過呢2日真係易攰左, 腳又攰左, 又眼訓左, 但尋晚碌左一輪都訓唔著, 唔知係咪就放假興奮得滯呢XD
[SiuChan回覆03/02/2012 12:31:54]我都唔建議你周圍去啦，行行下話累仲麻煩
行下公園都還可以
[版主回覆03/02/2012 12:15:45]同老公話想去海洋公園佢唔俾呀~~叫我乖乖o係屋企安胎
[SiuChan回覆03/02/2012 12:04:29]係呀,,, 仲要好好享受你同你老公既二人世界 :)
遲d 大家都會好忙架啦﹗
[版主回覆03/02/2012 11:45:32]多謝你~^^ 呢排真係燥底, 食返多d涼野先~^皿^ 聽日放假喇~~~我要relax~~~ 好好享受埋餘下既寧願日子^^ 同丁叮2個行下街食下野~遲下有排忙呀~^.^
我依家都諗緊到時坐月去我媽媽度or我老公家姐來我屋企幫我坐.
ReplyDelete好多野煩~
坐月煩......到時邊個湊bb又煩......
[版主回覆03/09/2012 17:25:49]一個人養家壓力太大, 唔係有得整餅我都冇得揀自己湊呢條路^^"但係俾老人家湊可能不如擺育嬰園, 其實開頭老公係有呢個打算架, 不過依家呢d都好難報, 可能未出世排都要排到一歲…
[李太.大頭蝦回覆03/07/2012 10:56:08]我都知,其實我都驚其他人湊,姑奶一定同佢講鄉下話,方法又同我地有少少吾同,不過無辨法,老公人工吾多,一個人養家,好辛苦,2個人可以分擔下.
唉.....煩....再諗諗
[版主回覆03/02/2012 12:32:43]俾屋企人既錢唔會比請姐姐少, 開頭阿媽似想幫我湊, 但問我俾幾多錢佢, 佢本身又有返工, 又鍾意打麻雀, 我真係唔知可以俾幾多錢佢, 咁不如自己湊啦, 我份人工同佢差唔多, 我唔返仲可以多d時間整餅, 而且自己湊始終係最好, 老一輩既方法始終唔同, 玩下就好, 一齊教實多分歧, 而且睇住bb成長既每一個階段係難能可貴架, 錯過左就冇架喇
[李太.大頭蝦回覆03/02/2012 12:26:40]如果姑奶湊,我地會俾$佢,好過請賓賓/印印.安心d,不過仲未問姑奶^^'
依家2公婆仲商議緊,都係等生左先,睇我離吾離得開bb
[版主回覆03/02/2012 12:16:25]但係你搵人湊都要錢喎
[李太.大頭蝦回覆03/02/2012 11:59:18]唉~去我媽媽度我又驚到時bb半夜吵醒妹妹,媽媽又要讓張床俾我訓,好似好煩甘.
如果係我屋企坐月(姑奶照顧)方便d,起碼李生可以日日都見到bb.
不過仲未決定,諗緊......
++++++++++++++++++++++++++++++++++++++++++++++++++++
係呀,李生叫我辭職湊bb,
1)我又吾想離開呢份工,遲d出來再搵,好難搵甘岩自己工.
2)多左bb=多左支出,我出來做野,李生吾曬甘重負擔.
不過又係生左先算,可能我吾捨得bb,真係做左全職媽媽都吾定
[版主回覆03/02/2012 11:46:33]照計就點都係去阿媽度好d既, 男家家人你又唔話得佢, 除非同佢好投契, 又或者阿媽好難頂…仲未唸掂邊個湊bb?
唔好唔開心，諗多o的bb，甘會開心o的~
ReplyDelete到時，bb 出世，可能真係會有激氣事，
但相信望住bb，會好好多
[版主回覆03/07/2012 23:07:19]我幾歲就識打，不過好少打，新年返鄉下先會同阿婆打，老公就唔識
[李太.大頭蝦回覆03/07/2012 11:04:15]我至憎人地打麻雀,賭$之類.
慶幸我學極都吾識(打麻雀)老公成日都話我蠢,我願意蠢拉.
[manchi回覆03/03/2012 11:49:27]唉....你mama o的情緒真係起伏好大，輸左麻雀就要搵人出氣委屈你~><~ 但你mama 會陪你幾耐丫?
[版主回覆03/02/2012 12:30:09]可能佢唔覺得早出世有問題啦, 佢話「一陣凍到早左出世添呀!」老公話佢輸左麻雀返黎亂up野喎~ 佢咁早返都係輸麻雀架喇, 老公叫我當聽唔倒, 我地2個見親面都嘈, 不過轉頭冇事, 今次係最耐, 星期一嘈完, 2日冇見(佢返黎我已經訓左)尋晚一見本來都好好地, 講講下又講返星期一單野, 跟住又話大又係咁細又係咁, 佢o係鄉下應該俾阿婆發完脾氣黎, 我話大肚婆係少少野都好易情緒波動, 佢就話佢未大過肚! 總之就搞到好唔愉快! 我呢幾日每朝起身都望下佢走左未(佢o係大陸做野)走左就一天都光晒, 到下次再見時又冇野, 其實我地感情幾好, 係性格不合, 成日嗌交, 但係其實好多偈傾, 原本都有好多bb野想同佢講, 依家搞成咁, 咩mood都冇
[李太.大頭蝦回覆03/02/2012 12:24:29]你媽媽????
點可以甘講野架.太過份拉
[版主回覆03/02/2012 12:18:56]佢尋晚咒我凍到早產, 仲話阿b早d出黎俾人打patpat! 我話好彩冇俾你湊! 佢話係俾我發脾氣時打! 如果我會發脾氣都係因為俾佢刺激!! 好在我房有廁所, 到時有咩事最多唔出房門!
都係荷爾蒙衰.
ReplyDelete我前排都係. 但調番轉. 我係覺得生完冇人理我. 跟住夜晚係度大喊.
但其實明明之前都諗. 冇咪冇LAW. 最多老公辛苦D. 但夜晚諗諗下都係大喊. HAHA
[版主回覆03/02/2012 12:35:34]冇人理又覺得自己好可憐, 有人理又煩, 阿婆想o係鄉下落黎, 第一次做太婆, 但老公擔心佢黎要照顧多個仲煩, 始終相見好同住難, 上次黎已經搞到我爆左一次, 今次坐月更加唔想多個人黎煩我, 但係知道佢有心黎其實好開心, 好過老豆不聞不問, 淨係識叫我幫佢買野! 不過我希望佢至少o係我坐完月之後先黎, 俾d時間我地適應下先, 大肚婆喊真係唔需要理由, 喊完的確舒服d, 不過依家講返心情又好差
小藍，別想太多，準備心情迎接小生命的來臨！^^
ReplyDelete[版主回覆03/02/2012 15:20:46]多謝你^^ 準備緊喇~真係幾多新挑戰~ 今日過後將會全職整餅+湊b喇~(見新blog ^^)
放心吧. 我都成日同阿媽嘈架, 坐月時我成日發脾4,阿媽都忍我~
ReplyDelete[版主回覆03/05/2012 18:58:20]真係唔敢期望咁多, 冇事就當bonus啦^^
凡事向好方面想，以開心的心情迎接小生命呀~
ReplyDelete[版主回覆03/06/2012 17:08:16]阿媽尋晚突然又返左黎, 已經冇野lu~
到時見到bb就開心晒，唔好擔心
ReplyDelete[版主回覆03/09/2012 17:05:33]依家放假又冇野lu~^^
生產完一定要補補呀^V^
ReplyDelete到時BB出O左世...你就忙到唔得閒諗其他野呀啦...淨係團佢BB團團轉^V^
加油呀^V^ 記得KEEP住好心情呀^O^
[版主回覆03/09/2012 18:02:51]我見個個都係蒸乜蒸物呀…希望到時丁叮乖D訓多D食快D啦XD
[Kin Yan Doris回覆03/09/2012 17:54:44]同埋家陣坐月都有好多好味的食譜, 不會得一味咁悶呀...放心啦...HAHA^V^
[Kin Yan Doris回覆03/09/2012 17:54:17]HAHA...到時丁叮出左世, 你只會快快食完就去照顧佢, 邊有咁多時間比自己呀^V^ HAHA
[版主回覆03/09/2012 17:24:09]中藥補又要睇中醫, 自己亂黎一陣可能弄巧反拙…我都ok薑醋架, 有時去飲茶都會食, 不過到時日日撈飯唔知會唔會好快厭…
[Kin Yan Doris回覆03/09/2012 17:12:35]HEHE...UM...可能我未到你個階段, 未必體會到, 之但係老人家的小智慧, 有時都好實用呀^V^ 總之萬事小心, 樣樣開心^V^ 你要KEEP住好心情, BB會感應到呀^V^
補...女人點都要補呀^V^ 薑醋都唔錯呀^O^ 到我時唔知我會唔會食呢...事關我家陣唔食薑醋呀...HAHA^V^
[版主回覆03/09/2012 17:05:08]我都未唸點補或者補唔補, 可能食薑醋就算, 唔駛煩:p