ChriScorpiObi

ChriScorpiObi

Friday, December 30, 2011

呼吸困難

近呢個禮拜開始間中有呢個情況, 要透大氣, 開頭懷疑係鼻塞, 不過又唔似, 好暢通個喎~
有媽媽話鼻塞可能係水腫, 問過其他3月媽媽唔少都有呢個情況, 食飽飯特別嚴重, 尤其行樓梯好易索氣, 以前做運動可以半個鐘行70層, 依家1, 2層已經攞我命…點解d人臨生仲可以行樓梯話易生d…氣都斷…
其實早排已經發覺上斜易氣喘, 就我屋企行出去搭小巴o個段路仔都氣喘…依家我地既心肺活動都比之前多左50%

頭先睇返呢個之前都睇過既網入面有提到呢點

好詳細嘅懷孕第1至第40週過程呀!

你身體上的變化:
進入懷孕後期了
你已順利進入了懷孕期最後的階段了。你的子宮頂部已貼近你的肚臍及胸骨的位置中間,令你有呼吸困難的感覺,尤其在上樓時會覺得特別辛苦。

不過佢係27-28週先出現, 我仲有2日先27週…早左少少

其實都想去游水, 對順產同血糖控制都有幫助, 不過老公反對, 話俾人踢一腳咩都o係返度… 不過冬天泳池都唔會多人呀…但就好遠水路…要搭成個鐘車先有暖水池, 或者問附近屋苑既朋友借證~ 以前我自命心肺唔錯架…游水游20-40個池都唔喘氣, 依家嘛…=.=

古惑丁


話說丁叮放假好靜, 一返工就郁多好多, 呢2日都郁得好勁, 放左工都郁黎郁去~尋晚大約十分鐘已經數倒十次~~
今日唸住拍低佢啦~點知次次勁震完我到我舉機或者望住佢就唔郁…放棄左繼續上網佢又郁…=3=

哼~ 遲下你再大隻d, 郁勁d, 一定會俾我捕倒既!

26W5D肚dum


突然見倒肚dum咁大, 影低佢先~:p
停左2個日冇進展, 最近大左少少, 是日37.1寸~



Wednesday, December 28, 2011

肚底痛


話說聖誕起身就覺得肚底痛…尤其轉姿態特別痛, 老公話會唔會係之前醫生提過既韌帶痛, 可能真係要買托腹帶, 不過我只知永安010有得賣…又遠…唔想出去…

整左成日餅, 間中痛下, 到夜晚老公返黎食飽飯, 我攤左o係sofa…都幾痛下, 不過搵倒個舒適既位置又冇野…但係有時冇轉姿態訓訓下或者坐坐下又會痛喎…

上網問過d媽媽都話用左托腹帶好d

boxing day訓醒都仲係間中痛下, 唸住整會利是封出去開party前去睇下買唔買倒(有媽媽介紹去沙田或者新世紀都有分店既mothercare買), 點知時間只係夠我買聖誕禮物交換…又冇睇到…不過呢日已經有好轉, 但搭車起身到坐低時都係需要d時間適應…

27號又好d, 冇出到街, o係屋企整肥豬相簿~洗衫晾衫同肥豬洗白白吹毛都冇問題

今日返工又冇野喎…結果都係唔知咩事…亦似乎唔駛買托腹帶住…

結婚週年紀念名稱


結婚週年 中文名稱 English Name 解釋及意義

1週年 紙婚 Paper Wedding 最初結合薄如紙。

2週年 布婚/棉布婚 Calico Wedding/Cotton Wedding 比較厚一些。

3週年 羊布婚/皮婚 Muslim Wedding/Leather Wedding 開始有點韌性。

4週年 絲婚 Silk Wedding 是緊緊地連接著。

5週年 木婚 Wood Wedding 已經硬化起來了。

6週年 鐵婚 Iron Wedding 夫婦牢實得像鐵。

7週年 銅婚 Copper Wedding 像銅一樣不會生鏽。

8週年 陶器婚 Pottery Wedding 陶器雖美,但仍可打破。

9週年 柳婚 Willow Wedding 像垂楊擺柳,風吹雨打不能折。

10週年 錫婚 Tin Wedding 錫器閃閃生光,不會打破。

11週年 鋼婚 Steel Wedding 不但不生鏽,比鐵還要堅。

12週年 鏈婚 Chain Wedding 像鐵鏈一樣,交織連銷,永不分離。

13週年 花邊婚 Lace Wedding 不但堅韌,並且很美。

14週年 象牙婚 Ivory Wedding 時間越久,越晶透越美。

15週年 水晶婚 Crystal Wedding 晶瑩而通透,純樸無瑕,不易破。

20週年 搪瓷婚 China Wedding 滑而無瑕,但跌在地上仍會破裂。

25週年 銀婚 Silver Wedding/Silver Jubilee 夫婦婚後的一個大慶典,因為能相對廿五年的夫婦,實非容易。

30週年 珍珠婚 Pearl Wedding 像珍珠般的圓渾,美麗和珍貴,使人豔羨。

35週年 珊瑚婚/碧玉婚 Coral Wedding/Jade Wedding 嫣紅而寶貴,更為生色。

40週年 紅寶石婚 Ruby Wedding 愛火依然熾熱,永不熄滅。

45週年 藍寶石婚 Sapphire Wedding 情深似海,恆久不變。

50週年 金婚 Golden Wedding 這是夫婦的第二個大慶典,可以兒孫滿堂,熱鬧非常。

55週年 翡翠婚 Emerald Wedding 像翡翠玉石一樣,是無價之寶,人生中非常難得的東西。

60週年 鑽石婚 Diamond Wedding/Diamond Jubilee 如鑽石般堅硬不屈,象徵天長地久的愛情,還可以說是夫婦一生中最大的慶典。

丁仔相簿~


話說舊年工展會訂左3大2小相簿, 今個月31日到期~尋日終於KO晒喇~XD
三本大既(唔同尺寸)做左BD大合照, BD snap同honey相簿~ 兩本mini, 第一本整左丁叮仔既4D相簿~依家日日掛住o係電話~ ^^ 間中拎黎睇~老公仲俾左佢d朋友睇~ 個個都話似我^皿^ 話仔多數似阿媽喎~^.^ 最後一本整左肥豬相簿~揀相都揀左幾個鐘, 只能入十幾張…

優惠價只係$1, 所以當時唔知有咩用都入左2本, 今年又搵朋友買左3本21cm x 21cm等丁仔出世後再整~^^

HUGGIES柔濕巾


聽媽媽會D媽媽話好用, 厚D,  萬寧做緊$109.9/144片X3包, 買滿$100仲有$15coupon送~ 老公又o係度喇喇聲買~ 重到呢~~~(好奇怪佢有隻111.9, 但明明係一樣既野, 我地都研究唔倒點解…)
老公話有張50蚊coupon, 拎埋先抵, 於是夜晚食完飯再買~ 又KO一樣:P 唔知3包用倒幾耐呢?

Monday, December 26, 2011

龍年利是封

仲有唔夠一個月就龍年喇~今年係我地第二年派利是~利是封剛剛已經印好喇~^0^

下面呢隻粉紅色先係原色~今年揀左粉紅色紙配金銀兩色既凸字粉~
圖案大家認得嗎?^^ 係丁叮扮龍龍呀~可以留返12年後俾丁叮睇下佢出世o個年媽媽親手製既利是封~^^

上年都印左兔兔利是封~都係企鵝仔扮既~^^
http://blog.yahoo.com/619littleblue/articles/80913/category/%E5%A9%9A%E5%BE%8C

終於有甜點過聖誕^0^

350G creamcheese+80g糖/
糖打滑, +80g sour cream(我轉左三花高鈣低脂奶粉開既奶)打滑, 分2次加入2隻蛋輕輕打勻就可以入模, 我o係落奶時加左檸檬汁,
大約160-190度隔水焗1個鐘(好隨意…見未上色就焗多陣, 反正呢d材料唔焗都食得, 不過我地就唔好食生既cream
cheese好d)出爐我搽左一層薄薄既士多啤梨醬, 切大半個青蘋果鋪面, 再焗多十分鐘倒就可以出爐,
放涼之後雪5個鐘食得~尋晚雪左一個鐘我已經忍唔住食左1/6個…不過都係雪耐d今朝食好味好多~而且未雪得夠蛋糕感覺唔係咁夠甜, 今日食好食好多~我加埋已經KO左半個6寸… ^^"

check過木糖醇孕婦同糖尿病人都食得~

剛剛lunch食完小半個, 2小時後CHECK過血糖5.8YEAH~


X'mas 2011


肥仔婆婆祝大家聖誕快樂~^^


話說今年聖誕好唔聖誕, 於是用之前整曲奇剩低既餅皮同icing, 糖皮花花整左間曲奇聖誕屋應下節~


平安日飲完茶o係附近行下~, 夜晚去老爺度補做冬


呢度已經係二圍, 剩返我地未食

返到屋企十點幾開著聖誕樹上既燈, 開住暖爐睇《踢躂小企鵝1》~


第二日老公要返工, 我要整餅(26/12有order)整左32個macupakes, 1個wedding chiffon俾客人, 少量macaron聽日開party食(試新餡), 另加一個代糖焗芝士蛋糕俾自己同老公過聖誕 ^0^ 仲準備左好耐冇整過既簡易聖誕美食香蒜洋蔥煙肉麥多士~~老公返黎煎埋牛扒就開餐~

下中幅圖係上下2個焗爐一齊發功~上面焗緊芝士蛋糕, 下面焗麥多士~同一時間老公o係廚房煎緊牛扒~菜就好中式, 因為唔食得沙律, 烚左d生菜… ^^"



Thursday, December 22, 2011

報告出左嚕


一如所料~中招了~ 一d都唔意外~~XD

抽血同篤手指既數字差0.2-0.3, 都算幾準丫~
抽血驗出黎既數字低少少
空腹3.9 (正常係3.9-5.5)
飲糖水後1小時9.7 (正常係3.9-10)
飲糖水後2小時9 (正常係3.9-8.6)超左少少

結果都係中左妊娠糖尿
問過老豆佢話絕對冇糖尿, 阿媽應該都係偏低, 都唔知點解我會中, 又唔係特別好甜~ 不過都冇咩所謂啦~戒左幾星期口都開始習慣, 唔食飯我又冇所謂, 一向都唔係飯桶, 好在有左口味都冇大轉變~ 食麥包仲開心~ 唔食甜都唔爭在o個3個月

一位好後生已經驗倒糖尿既同事教我袋定粒朱古力o係身, 可能戒得太清會易血糖低見暈(我空腹得3.9剛剛夠下限), 飯同白麵包都盡量少食, 生果可以食火龍果, 青蘋果, 士多啤梨, 其實佢仲叫我控制肉既份量, 不過我又覺得我只要唔食飯餐飯糖血ok, 唔打算減肉, 減埋餓死都似…菜就不嬲食唔少~

原來我已經一個月冇重過~~中左糖尿都衰唔晒呀XD  我戒飯都係呢2星期既事, 阿B又冇超重, o岩o岩中碼~ 我都唔太擔心~^^

依家最麻煩係廣華個電話打極都打唔倒…上星期打另一個no. 留左3次言都冇人覆我, 今次打返覆診紙上面個no. 都係等幾個鐘都冇人覆我…=.=

雖則我知道食d咩糖血會合格…唔急見營養師, 都唔係咁呀…

李斯特菌

話說早幾個月食左沙律腸胃炎入急症…尋晚又睇倒呢樁新聞, 今日學校大食會有沙律都唔敢食喇…





一名三十二歲孕婦,上星期六在那打素醫院誕下嬰兒,嬰兒在第二日去世,胎盤樣本經化驗後,證實含有李斯特菌,衞生防護中心正跟進調查。這名孕婦,有長期病患,住在東區,她本月十七日出現腹痛、下體出血、嘔吐和腹瀉,同日入院生產,目前情況穩定。

Wednesday, December 21, 2011

表揚一下(2)

睇blog有感, 唸起老公呢幾個月黎做既家務, 值得好好表揚一下

1. 洗碗俠
屋企既碗絕大部分都係老公洗, 自稱洗碗俠XD 以前多數我煮我洗, 依家多數我煮佢洗, 有時見攰就佢煮佢洗~連我整餅D用具都係佢洗, 當中以cupcake既用具最難洗:p 有時幫我整餅/包裝到半夜3, 4點都仲要洗碗

2. 洗衫晾衫
發覺自己好少洗衫, 晾衫都少, 多數老公返工前開機, 放工返黎晾, 試過佢夜晚放好晒, 等我返工開機, 佢起身晾; 褶衫就2個都有做~

3. 買送
呢樣係新增既~ 最近開始佢朝早返工前打完波會買埋送返黎~~真係好~ 唔駛唸又唔駛拎~

4. 拖地
呢樣就比較少, 我有左之後都冇拖過地, 多數係阿媽間中返黎會幫我地拖, 老公有次同肥豬洗完白白我訓緊晏覺時拖左一次~

有時去佢屋企食飯, 以前都會幫手執檯, 依家都少左, 老爺都叫我坐, 試過攤o係沙發望住老公執檯, 佢問我係咪好爽XDDDD 我話「女皇係咁架啦~~~」佢話第時丁叮出左世你就知~XD

尋日飲完糖水抽完血唔知點解特別攰, 老公叫我放工返屋企訓陣, 等佢返黎煮飯, 於是煮左以下呢餐~^^


肚大肚細?


今日好多野想講, 一連出左好多篇添~


攝於25w

話說我個肚好早已經好大, 幾W已經34寸, 跟住hold左一段日子, 去到36.5寸, 跟住又hold左差唔多2個月~

一向聽同事話我肚大, 老公間中就問我係咪又大左~ 我話朝早度都係差唔多~ 今日突然有同事知道我仲有3個月就生, 就話個肚好似好細, 之前覺得好大, 呢排好似冇乜大過~

媽媽會有媽媽成日因為肚大肚細俾人鵝而煩惱, 其實肚大肚細都冇所謂啦~ 大就多d機會有人讓座, 細就輕盈d唔駛減咁多~最緊要bb size ok咪得囉~

原本以為呢件衫係又見肚又唔肥, 點知影相先知原來咁有收縮效果, 我覺得顯得個肚好似唔係好大咁~:p

丁叮移動

更新下最近丁叮既移動狀況~
6個幾月依然未試過捉倒/摸倒佢既手腳~唔知係咪胎盤o係後面既關係? 但係就經常睇倒/摸倒佢郁~每一次都係好高速咁彈一下, 或者連續幾下, 從未試過hold住唔郁~

15w第一次feel倒佢郁, 到16w開始間feel中倒喇, 18w密左, 老公好多時都會問丁叮有冇郁呀~基本上o個陣已經每日feel倒丁叮郁~ 不過要訓o係度先摸倒, 大約上個月開始坐o係度都摸倒佢喇~~~ 依家直頭坐o係度都睇倒~! 有時放隻公仔o係肚, 會見倒佢俾丁叮踢走左, 訓平打出個肚dum放上公仔, 會見倒隻公仔郁下郁下XD 依家老公都睇倒喇~ 佢話好大力呀~*0*

不過呢~丁仔好似唔係好俾面老豆XD 次次老豆埋黎佢就唔郁XD 我話你要俾D耐性等多陣~ 通常之後丁叮都會踢俾爹爹睇~XD 不過呢排都夜左訓, 次次丁叮表演完, 老公錫佢一啖就會叫佢早D訓XD

聽D媽媽講, 大少少可以同佢玩, 篤佢D手手腳腳佢會縮XD 好期待~^^

飲糖水


話說廣華冇安排我飲糖水, 不過私家2次都驗倒有尿糖, 叫我下次覆診返去飲糖水~

飲糖水最好o係24-28w進行, 於是踏入24w就自己o係屋企飲葡萄適, 380ml, 飲完之後2小時度數去到成9.2, 空腹就ok, 即刻知死啦~不過又有人話篤手指好唔準, 最好都係抽血

知道有糖尿危機之後, 飲食都注意左, 早午晚餐後嘗試篤手指睇下o唔ok, 開頭都係5.x, 早餐一向食麥皮, 午餐帶飯ok, 晚餐一向都唔食飯, 都冇問題, 不過一食飯盒就出事喇! 去到成12.1!!!唔係馬!!??? 咁過份? 仲高過飲糖水?????? 不過我o個日食o個個係鮮茄炒蛋豬扒飯, 有人話街d鮮茄落好多糖, 不過過份成咁, 點都係我身體有問題啦…

好啦~又試一日學生飯, 學生飯應該健康d喇呱~ 份量又細, 點知都10.2…咁o岩又係豬扒飯…

試過帶屋企送加2塊麥方包都係5.x, 於是依家盡量都係呢種做法, 麥果然比米既GI低D, 血糖波動冇咁大~ 而我一向都唔湊米氣, 要我唔食飯冇難度~! 食麥包仲開心~

經過呢2次飯後實驗之後, 我覺得我好大機會中囉~即刻打返廣華, 不過星期五同星期一都冇人聽, 星期五打左3個鐘, 星期一打左幾次, 前後留左3次電話都冇人覆我, 谷鬼氣, 打去私家book, 反正都係300, 唔駛等第二日即驗!

於是尋日10點半診所開門就上左去, 先留小便, 其實都冇乜貨…早一晚7點幾食完飯就冇食過野冇飲過水, 已經15個鐘頭冇食野不過一d都唔餓, 跟住抽第一次血, 我自己又篤一次手指, 原來剛剛抽完血篤手指d血好難出…又要篤另一邊手…跟住飲糖水, 成日睇人話好難飲, 會嘔, 會暈, 幾咁得人驚, 不過我一d都唔驚, 都有唔少人話冇乜野, 你愈驚咪愈難搞…一飲落口, 好ok喎~飲多幾啖先覺甜, 停一停又可以繼續飲, 一分鐘都唔駛就飲完~ 可能比醫院細杯, 不過都起碼有375咁大杯~ 但係真係好ok~ 完全唔可以話難飲。

飲完之後一個鐘留多次小便, 抽多次血, 我自己又篤多次手指, 跟住又等一個鐘又留小便又抽多次血, 我又篤手指~

睇返我自己篤手指既數字分別係: 4.1, 10.2, 9.3
同24w飲葡萄適差唔多, 睇怕都係中招多喇…

等候期間第一個鐘我填左d媽媽會既表, 上一陣網, 第二個鐘去左附近行護協~^皿^ 行完剛好返去抽最後一次血~~

不過抽完血下晝勁攰…姑娘係好靚女好nice, 不過手勢麻麻…未試過抽血吉入去已經覺得痛…=.= 右手一針冇事, 左手兩針都痛架…跟住仲要返工…點知夜晚又訓唔著…唸唸下好似同自己飲葡萄適o個次一樣, 又係下晝好攰放晚訓唔著…我仲以為係因為有咖啡因…但係未聽過人話飲完糖水會有咁既反應喎…

依家等多2日就有報告知道係咪中招, 等次後返廣華再跟進。

飲食方面維持大約飯後血糖值5-6既餐單, 打邊爐食埋烏冬都係6.x, (under7都合格), 偏偏食飯就over10, 太過份喇! =.=

又到聖誕~又到聖誕~




又有一段時間冇update~:p

最近呢2個月除左返工同餅店既工作之外, 因著各大百貨公司大減價, 開始四出搜羅嬰兒用品 ^.^ 搞到遲遲都未砌聖誕樹, 亦冇時間出去影燈飾… :P
上星期日送貨之前終於同老公夾手夾腳砌好左喇~^^

今年聖誕終會係最肥既聖誕 ^^ 亦唔再係兩個人既聖誕喇~ 到左出年, 將會係真正既三人行~
今年人多未必出去同人迫喇~出年先帶仔仔去各大商場影靚相啦~^^


今年以銀色為主, 買左IKEA既雪花燈飾, 銀色彩帶同波波, 仲有小小透明吊飾同一隻早年自製既雪人仔~^^ 終於o係聖誕前一星期砌好喇~^^


爹爹叫佢地做聖誕五傻~
祝各位聖誕快樂呀~^^

雅培BB會禮物



之前網上入會, 一直收倒唔少禮物, 打算一次過POST~不過尋日第一次o係自己睇開間私家診所填表, 即場送左呢袋禮品, 不得不率先介紹一下~^^

其實除左網上入會, 之前照結構亦試過o係另一診所填表, 不過個姑娘俾我感覺未必會幫我遞表…所以都冇咩寄望, 聽講私家診所填表既禮物多d, 有d又會即場有禮物收~尋日趁等侯時間問下姑娘, 佢俾左一疊表我, 之後仲特登拎多張雅培form問我有冇見過, 話有袋野送~ 原來就係呢袋~相當唔錯喎!

個袋比美贊臣既靚好多, 入面有2罐bb奶粉, 2包媽媽奶粉, 一對襪仔(正打算買), 一對手套仔(本身得2, 3對唔多夠), 2條紗巾(唔會嫌多~)(紗巾係雀巢送既) 實在太好喇~^^

丁叮終於有佢第一罐奶粉~希望會陸逐收倒其他媽媽會既bb奶粉啦~^^ 由於打算餵人奶, 所以冇同佢揀奶粉~ 唸住有呢d贈品作後備就夠~^^

11月的幸福(2011)

12月都過左大半先出11月的幸福… ^^" 呢2個月都比較忙, 終於有時間過機~:p


今次先介紹呢個造型蛋糕~ 原本10月尾11月頭忙完之後有2星期休息, 點知老爺落order整生日蛋糕俾老公姪女一歲生日^^ 正好有機會俾我試下新野~ 一直都想整bb生日蛋糕, 又想整糖皮造型蛋糕, 不過返工加返接order都冇咩時間, 暑假又正值丁叮剛剛黎到, 成日都好眼訓, 好懶過咩新野都冇試, 今次終於有機會開發新方向喇~^^

公仔比想像中易整, 反而糖皮鋪面比較有難度, 唔想太厚就好難鋪, 下次鋪厚d都唔怕, 因為反正層皮都唔會食:p  切完蛋糕之後隻公仔留返起, 用個透明盒入住~^^ 掉左佢太可惜喇~>3<

自有左丁叮後, 將訂單大約限制o係平均一星期一單, 呢個月入面, 五單訂單中, 著左四單係macaron~可說是馬卡龍月~



20111102 5色macaron for fanny (250個)



20111104 lemon and greentea macaron for elis
elis唔係婚禮既主角, 今次既訂單係客人為祝賀好友結婚而訂製




20111120 飛機曲奇for michelle
一個以飛機為主題既婚禮, 訂製以下呢款寫上MJ2011既飛機曲奇放於candy corner





20111125 5色macaron for janis  (250個)
抱歉一直安排唔倒試食…希望客人滿意^^"



20111128 5色macaron for nevis  (150個)
地產開公開業油會的回禮小禮物, 第一次為商業機構製作, 印上公司資料

happinesskingdom@gmail.com


Monday, December 19, 2011

全家福


尋日送完貨, 食完野就同左老公去見丁叮~ 今次完全係為左見佢一面, 全無醫學用途~~~
爹爹話點睇都係覺得似我多D, 有個豬鼻仔, 不過個豬鼻仔好高(老公同幾位朋友話), 即係有個好高既豬鼻仔~ 好在高呢樣唔似我~~老公又話個鼻好似好大, 亦有一位媽媽會既媽媽咁樣講, 不過姑娘話一般, 唔係好大~ 老公識我冇耐已經話我個鼻點解中間分開, 我癮約好似都見倒丁叮仔個豬鼻分開XD

仲有一幅睇倒腳趾仔好長~~~對比其他BB既4D, 佢D腳趾真係好似特別長, 又係似我~^^" 老公成日話我D係手指…我有廿隻手指…=.=

丁叮全程o係度交豬…仲有一邊面貼左埋胎盤, 好在都叫睇得倒~開頭整個沉思樣, 我開始照時又係手指放嘴角, 同丁叮一樣pose…XD 跟住整整下見佢皺眉, 一副唔好搞既樣…XD 整整下仲由單手變雙手遮面…我轉側身, 姑娘又郁下個肚, 最多都係見倒37面, 老公話同我一樣影相鍾意側面…XDDDD 睇下幅全家福就知…真係同我一樣角度架…XD

原來到6個妁月照4D都見唔倒頭髮, 之前見人地D BB話睇倒頭髮飛下飛下架嘛~~

其中一幅見倒丁叮淺笑^^ 係我最鍾意既~

Sunday, December 18, 2011

終於砌好聖誕樹喇~


今年以銀色為主, 買左IKEA既雪花燈飾, 銀色彩帶同波波, 仲有小小透明吊飾同一隻早年自製既雪人仔~^^ 終於o係聖誕前一星期砌好喇~^^

爹爹叫佢地做聖誕五傻~
祝各位聖誕快樂呀~^^

Wednesday, December 14, 2011

耐糖測試資料


話說早幾日自己o係屋企飲左糖水之後down晒…因為飲糖水後2小時血糖值去到9.2…正常餐後血糖應該o係7(有d資料話8)以下, 戒左3日口, 剛剛上網睇過原來飲糖水後既血糖值同餐後唔同??? over11先係超標????不過又有媽媽話香港政府醫院既標準係7.8…空腹係6

三日前空腹4.6, 飲糖水後2小時9.2; 今朝再check空腹4.3, 帶左部機返黎篤手指, 準備今日早午晚餐後2小時篤, 不過晚餐食得晏…唔知等唔等倒2小時先訓呢…?

2011/12/14
空腹4.3
早餐後2小時 5.7 (早餐:麥皮一大碗+高鈣脫脂奶粉。基本上我返工就係食呢d早餐)

午餐後2小時 5.9   (午餐:牛丸2粒, 鯇魚, 叉燒厚切4件, 西蘭花, 麥方包2大片)
晚餐後2小時

*        *         *        *        *              




幾多度是表示患了糖尿病? 若然空肚血糖度數兩次超過78度,或耐糖測試二小時後血糖度數超過11度,都顯示已患上了糖尿病。


糖尿病糖尿病的特點就是在血液及尿液中的葡萄糖濃度過高。
正常的情況下,身體燃燒葡萄糖提供我們日常所需的能量;為了要燃燒葡萄糖,身體需要一種由胰臟產生的荷爾蒙 - 胰島素。


胰島素的工作就是調節體內血糖。當缺乏胰島素時,身體就無法燃燒葡萄糖製造能量,以致在血液中堆積並由尿中排出,造成「在尿中有糖」的現象。

糖尿病是一種會跟隨人一生的疾病。糖尿病雖然無法治癒,但卻可加以控制。

糖尿病治療的主要目標就是血糖的控制,並使它維持在正常的標準值內。

糖尿病形成:

由於血糖需要由胰島素帶入細胞,才能化作精力和熱能。如果胰臟不能正常產生胰島素荷爾蒙,做成葡萄糖積聚在血液中,引致血糖過高而滿溢到尿液中,如果沒有適當 治療,日後便很容易引起併發症。

key.jpg (25677 bytes)


糖尿病主人翁:
遺傳

肥胖

曾經生產過重嬰兒的母親

年齡超過四十歲以上

糖尿病病徵:

多尿或小便頻密
‧容易疲倦
‧經常口渴
‧食量大增和容易飢餓
‧體重減輕
‧皮膚或陰部痕癢
‧傷口較難癒合
‧視力模糊
小心注意:部份患者並沒有明顯病徵。

糖尿病治療法:

‧飲食調節
‧飲食調節加口服降糖藥
‧飲食調節加注射胰島素
無論採用那一類療法,都是為了把血糖濃度保持在正常的水平內。(4-8mmol/L

血糖度數認識:

血糖度數雖然高過正常水平,但沒有任何徵狀,都是患了糖尿病。

糖尿病的醫學定義是身體不能分泌足夠胰島素或體內對胰島素產生抗拒,引致血液糖份過高,與此同時亦做成脂肪及蛋白質的新陳代謝紊亂。

很多早期糖尿病人完全沒有徵狀,但過高的血糖已經開始在體內逐漸造成破壞,要確定你是否患上糖尿病,你應以血液化驗結果作準則。

非糖尿病患者,空肚血糖度數應低於6度 (mmol/L﹚,餐後二小時血糖度數應低於8度。

即使沒有任何徵狀,根據世界衛生組織及美國糖尿協會的定義,若然空肚血糖度數兩次超過7至8度,或耐糖測試二小時後血糖度數超過11度,都顯示已患上了糖尿病。

血糖過低現象: 

手震、飢餓、頭暈、出汗、顫抖、軟弱無力、面色蒼白、舌或唇麻木、遲鈍、脾氣改變。後果做成精神錯亂,動作和言語不清及昏迷等。

血糖過低處理法:

患者必須立刻服食一些容易吸收的糖類食物:
‧4粒方糖
‧2茶匙蜜糖、砂糖或葡萄糖
‧1/3罐汽水
待血糖回升後,繼而進食適量的三文治或餅乾等。注意當病人昏迷時,不要餵病人進食任何食物或飲品,以免發生窒息情況,並應立即送往醫院救治。

血糖過高現象:

‧小便頻密或多尿
‧劇渴
‧容易疲倦
‧視力模糊
‧神智不清
‧嘔吐、食慾不振
後果會引致昏迷情況出現。

血糖過高處理法:

保持精神放鬆,避免進食過量食物,注意依時依量注射胰島素或口服降糖藥,應及早醫治。

糖尿病的併發症:

若沒有接受適當的治理,長期血糖過高,可引致下列器官出現嚴重問題:

(一)心 臟:冠狀動脈栓塞,心絞痛,甚或死亡

(二)腦 部:腦血管栓塞,中風。

(三)腳 部:下肢血管栓塞,神經線衰褪,皮膚潰瘍,嚴重者需   要接受截肢手術,切除患病的肢體。

(四)眼 睛:白內障,青光眼,視網膜脫落,眼底出血引致失明。

(五)腎 臟:蛋白尿,水腫,腎衰竭,最終可能需要洗腎治療。

(六)性無能:(男性)。

血糖過高、低預防:

‧保持血糖水平在4-8mmol/L
‧禁止吸煙,避免血管收窄

‧保持標準體重,過重更難控制糖尿病
‧血壓保持正常
‧保持適量運動
‧定期由眼科醫生檢杳眼睛
‧保持足部護理

http://www.autopenho sting.org/hk-diabete s/knowall.htm

糖尿病(Diabetes mellitus),中醫稱消渴症,意為「消瘦、煩渴」,是一種因體內胰島素分泌失衡的病症而非一種疾病。糖尿病主要表現為血糖高、尿液中含有葡萄糖(正常的尿液中不應含有葡萄糖)等。世界衛生組織將糖尿病分為三種類型:1型糖尿病(type 1)、2型糖尿病(type 2)和妊娠期糖尿病(gestational diabetes),雖然每種類型的糖尿病的癥狀都是相似甚至相同的,但是導致疾病的原因和它們在不同人群中的分佈卻是不同的。不同類型的糖尿病都會導致[胰腺]]中的β細胞不能產生足量的胰島素以降低血糖的濃度,防止高血糖症的發生。

1型糖尿病一般是由於自體免疫系統破壞產生胰島素的β細胞導致的;

2型糖尿病是由於組織細胞的胰島素抵抗(通俗地說,就是細胞不再同胰島素結合,使得進入細胞內部參與生成熱量的葡萄糖減少,留在血液中的葡萄糖增多)、β細胞功能衰退或其他多種原因引起的;

妊娠期糖尿病則與2型糖尿病相似,也是源於細胞的胰島素抵抗,不過其胰島素抵抗是由於妊娠期婦女分泌的激素(荷爾蒙)所導致的。


目前,1、2型糖尿病還是不能被治愈的慢性疾病,但是自從1921年醫用胰島素出現後,糖尿病可以得到很好的治療和控制。如今,通常使用飲食控制、降糖藥物(對於2型糖尿病)和胰島素補充相結合治療糖尿病。妊娠期糖尿病通常在分娩後自愈。

糖尿病可以引起多種併發症。如果糖尿病沒有得到足夠的控制,可以引起一些急性併發症,如低血糖症(hypoglycemia)、酮症酸中毒(ketoacidosis, DKA)、非酮高滲性昏迷(nonketotic hyperosmolar coma)。

嚴重的長期併發症包括:心血管疾病、慢性腎衰竭(又稱糖尿病腎病,是發展中國家成年人中血液透析的主要原因)、視網膜病變(又稱糖尿病眼病,可致盲,是發展中國家非老齡成年人致盲的主要疾病)、神經病變及微血管(microvascular)病變。其中,微血管病變可能導致勃起功能障礙(陽痿)以及傷口難以愈合。而足部難以愈合的傷口則可能導致壞疽(gangrene),進而導致患者截肢。如果糖尿病得到了足夠的控制,並且對血壓充分控制並結合良好的生活習慣(如不吸煙,保持健康的體重等),則可以在有效的降低罹患上述併發症的危險。 (wiki)

http://hk.knowledge.yahoo.com/question/question?qid=7007081200002

Tuesday, December 13, 2011

蜜月相簿收貨




咭片皇第三本相簿~仲差2本mini book未做…:p 只係2x3cm…月尾到期~~

等左2個幾星期終於收貨~~好靚呀~~~個封面真係好似page one o個d英文書XD
原來呢個size幾好喎~~第三大既size, 唔記得幾cm x  幾cm喇~ 我係舊年工展會買coupon整架, 今年都有優惠~買返本整丁叮既相都好喎~~睇返之前本blurb, noise真係勁好多~咭片皇又抵又ok, 真係唔錯~ 又用熟左~係upload麻煩d, 不過用photoshop排版就冇問題喇~


左頁係o係聖坦德影, 右頁係返酒店休息過後去附近既new york cafe high tea影既~~

呢本同之前2本CS619 snap同大合照最大分別, 亦係最花時間既地方, 除左太多相要揀之外, 就係呢本加左好多文字記載, 亦要覆好多次務求唔好打錯字…^^" 不過加左字真係有意思好多呀~ 起碼第時睇返或者同丁叮睇都知當時發生緊咩事~ 雖然事隔年幾先做呢本相簿…有好多野例如地方命都唔記得, 或者要上網查返…^^"



2011年咭卡皇工展會優惠

Monday, December 12, 2011

無緣

早在米米時代已經心儀這張床, 我們還用它引誘米米。沒想到還蠻貴的, 接近3千元一張台灣BB床, 比較大張, 而且有大大個企鵝頭, 怎能不買?

等到朋友的荷花會員卡, 星期六打算去買, 居然缺貨…而且先前在吉之島打聽過, 原來台灣也停產了………先前在旺角及megabox見過的,店員說也是破爛的…T^T

聽說網上有代訂,不過要2-3個月才到貨,太遲少,至少要早一點買回來散散味…只能嘆句無緣了…

雖然03baby很受歡迎,不過沒有特別感覺,倒是早前在IEKA遇上一張我跟爹爹都一致有好感的粉藍BB床, 大概跟這張差不多大吧,比這張便宜很多…粉藍色的床,襯我們的粉藍寶寶~現在丁叮的衣櫃裡,除了一套粉黃色和尚袍,整個都是白跟粉藍的。^^

六月

自從照結構後, 公開了你的存在, 得到許多祝福~轉眼又一個月了, 4-6月過得很快
這個月以來, 對你的信心愈來愈大~ 星期六第一次帶你去觀禮, 看見一對新人走過, 你興奮得踢了幾下, 新娘致詞時, 你又大力一踢~^^

每天感受著你, 還有3個多月便見面了~^^
前晚還夢見你3月10日誕生, 而且媽媽成功餵母乳呢~:P

這個月正式為你入貨, 你有好多好多聖誕禮物呢~ 初生的衣服已準備好, 許多大大小小的用具都準備好, 只差睡床和一些小物而已~^.^

上星期跟你見面, 終於看見你的正面! o都著小嘴, 噢~ 很像媽媽小時候, 老被舅舅說我嘴o都o都的! 還有鼻子準頭有肉, 也是跟媽媽一樣啊~!! 爸爸說要是跟媽媽長得一模一樣, 媽媽一定疼惜得不得了! 其實不管丁叮長什麼模樣, 媽媽也是那麼愛你的! 已把你的超聲波照片放進手機裡隨時翻看呢~^-^ 很快又可以見面了~這次是更立體的呢~你會乖乖讓我們看清楚嗎?

雖然有這麼令人愉快的事, 然而那天晚上開始便接連有不如意事發生…這幾個月來都很易哭, 情緒很波動, 會有抑鬱嗎? 眼淚不聽使喚, 無原無故的流下來…想到丁叮, 想到我們血脈相連, 有時是感動, 有時是激動, 情緒失控, 眼眶又濕潤了…希望媽媽的心情不會影響你吧?

除了情緒, 胰島素也受到影響, 血糖也失控…連續2次私家覆診驗出尿糖, 政府卻沒有安排飲糖水, 自家測試結果得出9.2血糖值, 不能再吃雪糕了…飯也要再少吃點…也好, 順道減肥, 不用長胖太多~最緊要你健康。要加點運動了, 這幾天腰也開始有點痛了, 不想用托腹帶可以嗎?

婆婆說, 太婆問你何時出世, 新年要不要回鄉, 到時已接近8個月了, 不回去了。丁叮我們後年再一起跟太婆拜年去吧! ^^

沒有甜點的聖誕


血糖測試最好24-28W做, 尋日剛滿24W, 買左2支葡萄適自己o係屋企飲糖水~

早一晚12點開始唔飲唔食(可以飲水), 訓醒空腹篤一次手指, 4.6, 合格!

滿有信心咁唸住冇事啦~飲完380ml葡萄適之後再篤, 9.2!!????超晒標喎! *口*

正常空腹祇有4-6, 餐後2小時4-7, 點計都超晒標…

我前日仲食左雪糕麵包, 大前日食左2件西餅飲左檸蜜…黎緊都係要飲返檸水喇…
不過飲完呢支野唔知係咪咖啡因影響, 尋晚訓唔著…慘…不過應該唔會隔左成14個鐘先發呱…

仲有3個禮拜先返廣華, 到時同醫生講睇下佢有冇安排我飲糖水…想戒一星期口再驗, 不過又唔想再飲葡萄適…驚訓唔著…食罐葡萄糖又用唔晒…點好呢?

仲有2星期聖誕喇, 屋企棵聖誕樹仲未砌…睇黎今年要過一個沒有甜點的聖誕呢…

不過都好, 當減下肥~ 唔係糖尿我都唔會的起心肝戒甜同戒澱粉, 其實戒甜唔難, 我本身唔好甜, 係依家唔食得先恨食, 但係減澱粉有難度…中午如果唔帶飯都唔知食咩…

今日早餐轉左食烚蛋加奶, 麥皮留返下午茶食, 不過中午都係叫左飯盒…夜晚已經好少食澱粉, 唔通真係呢2日食得多甜野所至? 希望下星期有改善啦…

Friday, December 09, 2011

食甜野

食甜野真係會郁多d?

今日同事結婚請食餅, 我食左2件… ^^"

第一件唔為意食錯左提拉米蘇=0=  一入口有酒味…先知出事…哎呀…掉左佢又唔好意思…食埋佢啦…有生蛋…軟芝士…都係唔應該食架>< 同事仲話有咖啡浸蛋糕, 好在佢冇咖啡味, 我估冇落, 因為佢唔係用手指餅, 通常手指餅先會浸咖啡, 冇理由浸蛋糕架嘛…咪爛晒囉…

跟手仲食多件芒果mousse cake…^^"

食完丁叮就郁個不停…真係郁左好耐…究竟係甜野關係還是酒精影響?

第一次破戒呀…丁叮仔唔好飲呀知道嘛~?

決戰永安


繼一田同吉之島之後到永安, 尋日開始一連四日(8/12-11/12)大減價
aprica7折, medela 8折同上次10月份時一樣, 當時太早亦太忙冇時間去入貨, medela已經加左價, 上次聽聞只係1400仲平過護協1456, 依家護協都做緊1592同永安折實一樣。為免1月再麻煩舊同學同我上護協買(因為medela要有護協證先買得), 又驚遲下再加(我31/10上去先見倒1456…)所以都係買左先, 見佢有24個月保養(護協聽講得12個月)蝕3個月都冇所謂啦~
原本講好生左真係有需要先叫老公去買, 因為我已經有個avent手泵, 不過原價成1990, 差成4舊, 而且又好有信心有奶餵, 始終相信有志者事竟成, 所以都係買埋啦~

至於aprica, 好似得永安咁抵, 雖然同愛嬰紡唔差得遠(589折實1743, 愛嬰紡1800), 不過都係平左~ 原先想要610, 原來停產左好耐…=.= 625兩隻色又唔靚, 而且尋日冇實物睇, 尖東店只係show左680同589出黎, 680太女仔好公主feel原價要成4千幾其實一直都冇唸過, 尋日見倒又好似幾好, 都有唸過, 同625功能上其實差唔多, 589我前後搖, 佢地就可以搖籃式擺動, 好似好好玩(for mummy^^) 腳尾個兜詰訓得安全d, 不過訓得呢d都唔會郁得去邊, 冇理由會從腳尾跌出黎, 油壓升降有人話好有用, 我試唔倒唔係油壓, 不過都唔會成日升升降降, 360度4碌佢包實左d碌又係試唔倒…老公一直後對買highchair, 所以只能買最平o個種。 最後o係combi同aprica既最基本型號選擇, 原來combi得2款, 平既係有隻帆船或者幸運草o個款, 1683, 上次一田都見倒, 今次拍埋架啡金色589度好似順眼d有好感d, 佢又冇show藍色波點aprica出黎…好難抉擇…aprica比combi出塊墊, 貴80蚊, 2者原價差500, 好似apirca抵d咁XD 而且aprica腳踏位好似多一層, 記起最初搵資料時有人話過aprica比較穩陣, 所以都冇特別搵combi既資料, 問sales就話2隻都穩陣…佢綁實個碌我又冇得比較, 最後決定唔好煩, 反正一早唸住買aprica, 而愛嬰紡買combi仲平過呢度, 所以都係買返aprica啦~

為左呢張highchair搞到好唔開心, 一定要用返夠本=.=

總算完成2個大項, 叫左2月送貨~ 送左70蚊現金券, 買多1包chuchu洗奶樽液同思詩樂洗衣液, 二月一次過送

Wednesday, December 07, 2011

PUKU PUKU ^^

有興趣又o岩用而香港又有得賣既都買晒喇~(差床仔未買
阿姐居然介紹我買棉花棒…濕紙巾…我又未die hard到咁…
探熱針同奶樽我都會買返出名既牌子, 揹帶都會買D穩陣D多人推介既


呢D係照完結構o個晚既收穫, 只有九五折, 都入左7百幾蚊…
左邊第一條口水肩係dad dad o係大埔中心買既~當日仲買埋狗狗包被~係溫暖牌以外, 丁叮第一份禮物, 當時係18w6 ^^
跟住鞋仔同另一條口水肩都係照結構o個日買既~

左邊係隔尿墊, 可能放o係床單下或者出街用, 右邊係薄包被, 厚o個張靚d…不過阿姐話3月出世唔o岩用…大左又唔夠長…唔o岩我><

下面係安全浴網, 洗白白用, 自己都冇咁驚…
右邊應該係睡袋

左上係阿姐送既月曆仔^^
左起: 手套仔~和尚袍3件

下面係吉之島吉日八折收穫, 尋日收倒送貨~
最上係肚圍, 我細個都有條用到成7歲~我好反訓~ 大個都成日"fu"被~~~如果丁叮似我都一定好o岩用XD
右邊係大紗巾洗白白用
下面係被仔, 可能出街放o係車仔用~
仲有右邊粉藍色o個對襪仔~

浴盆買左中sides, 細o個款有個斜台, 不過我有安全網都唔駛啦, 之前個阿姐話係大陸人落黎生用幾日就走先買o個種細盆…, 大o個個又好似大得滯…我都坐得落…大o個個side有2款, 一款同呢個差唔多價錢, 不過真係好大…又冇白色…白色就貴幾十, 睇落都係呢個sides fit d, 呢個阿姐話bb大左唔鍾意用盆仔沖, 買左呢個先啦~太大又好似有d怪, 水都用多d啦~:p

最後仲有個枕頭仔, 其實好大個下, 呢個係買俾爹爹既XD 佢最鍾意呢D薄枕頭~~哈哈~ 佢話訓完俾丁叮訓有爹爹味喎…XD