歲半健康院檢查

講野唔合格，兩歲要返健康院呀...原本都預左唔合格，但佢最近講多左好多多野，點知原來講多過十個字都唔得，幾多都冇關係，重點係佢唔會主動表達，問佢先講係咩黎，咁樣唔達標要再跟進...值得一讚既係打針叻叻冇喊！

1.5歲生日快樂

2013年9月25，我地歲半喇~又踏入另一個階段，媽媽希望你身體健康，食野叻啲，唔好咁痴身(我知你都係愛我je)，依家有時都食得幾好，間中都俾我做自己野，其實大部分時間對住你都幾安慰既，望住你又好心甜。牙牙學語既你好可愛，你講爸爸，A同5既發音特別好聽啊~^^ 仲有兩年先返學，繼續同媽媽開心周圍玩，等你同我一齊整餅呀^3^

丁叮蛋糕

做了一個丁叮企鵝樣子的立體忌廉蛋糕慶祝歲半生日~

第一次做，胖了...後來才想到，我怎麼將蛋糕體裁成跟實物一樣，那擠忌廉後當然會變胖......吸收教訓下次要記得裁瘦一點...還好拍照角度不太胖......

大家記得這小企鵝嗎?是跟丁叮同一天(2011.7.23)來到我們家，懷孕期間每天帶著他守護丁叮，連待產也帶著他，好有意思的另一隻丁叮！^^

蛋糕食譜份量計算器

http://www.cakebaker.co.uk/baking-tin-size-conversion-calculator.html

揹帶 - aprica(後記加入)

上次研究過Ergobaby, 隔左咁多日都未睇Baby Bjorn…不過我想打尖post呢款問下大家意見先~

行過荷花幾次, 見倒呢條都幾吸引, 4way, 好似好好咁, 橫又得直又得, 前又得後又得, 阿B向前又得向後又得…



但係唔係咁多人講唔知好唔好用, 所以上次去開特登影相返黎問下大家意見, 起碼有個牌子可以上網做下功課~^^ (o岩o岩上網search先知佢係aprica出!!淨係睇倒east-touch fitta=.=好似都信得過喎, 不過真係唔多評價, yblog有2位媽媽買左, 一個未用, 一個話一般, 之前o係媽媽會就有媽媽話佢試過幾舒服, 不過bb未出世)。

個價錢竟然影唔清楚…=.= 不過比上述2個牌子平, 應該>$1000, 愛嬰紡可能再平d

示範短片：http://www.youtube.com/watch?v=uCnc3ZZcBZ4


後記：借左朋友條揹帶黎用，bb1, 2個月用已經覺得好重好攰…

FW: 母女齊感冒 哺乳不應停（0-1歲）（後記加入）

【明報專訊】女兒2個月大，餵母乳，最近這個月，爸爸連續患上幾回感冒，經常鼻塞、打噴嚏、咳，我已不許他接近BB，但最近連我也染上了感冒，因為不想影響餵奶，沒吃藥，結果這兩天BB也打噴嚏、咳，醫生說寶寶要靠她自己好起來，如何是好呢？

醫生處方 母乳影響小

感冒或流感的主要傳播途徑是透過空氣和接觸患者的分泌物，而從母乳傳染給寶寶的風險很微。

如果餵哺母乳的媽媽患感冒，可在就診時和醫生說清楚，處方適合藥物，對哺乳沒太大影響，也不會對寶寶造成不良反應，媽媽毋須停止哺乳。

餵奶後才吃藥最穩陣

如果媽媽還有憂慮的話，可以在每次餵寶寶吃奶後才食藥，這樣寶寶吃奶時，媽媽體內的藥分已減至最低。

另一方面，香港人煙稠密，要更注意個人衛生﹕佩戴口罩、勤洗手、分開個人食具與公筷，都是有助減低互相傳染的有效預防方法。當媽媽患上感冒，也說明這時她的抵抗力不足、體力透支，口沫鼻涕分泌含有大量致病原，所以在照顧孩子時，需要作適當的防感染措施：

．必須佩戴口罩；

．減少與寶寶太親密的接觸，以防飛沫傳染；

．每次抱寶寶前宜用含酒精的啫喱消毒雙手。

在日常生活中，媽媽也要注意保持適當的運動及足夠的休息，多吃新鮮水果，攝取維他命Ｃ，都有助抵禦病菌侵襲。此外，家有幼兒的爸爸媽媽，也應考慮每年接種抗流感疫苗，增加自身防衛能力，也減低病發時的病情，便能更好照顧孩子。

資料提供﹕家庭醫生許鳳屏

後記：我生完病過好多次，只係頭３次戴口罩，之後每次都冇惹倒阿仔，但佢病就傳染我，我唸係食母乳有抗體！

被偷走的那五年(有內容)

估唔到我都有機會睇"被偷走的那五年"！
更加估唔到我會有睇恐怖片既感覺...好驚好驚醫院嗰段.........>_<

睇完既感想係：如果唔係撞車，佢地唔會重新開始，發現彼此原來咁愛對方，但亦唔會腦退化唔會失去對方... 隱瞞男主角決定做手術，估唔到反而害左大家，比死更差既手術失敗...

假如婚後三年佢地感情冇受工作影響，一切都會唔一樣；都係嗰句老生常談，珍惜眼前人，當一切平淡時其實只要一家人健康已是無比幸福，相比健康，其實一切都係小問題。

再一次估唔到既係，一向睇戲眼淺既我只係流左兩滴眼淚，就喺女主角答應求婚嗰幕。

台灣之旅2013最後一天

最後一日, 雨繼續下…老公話想食蔥抓餅, 於是又返左去西門町~

本本旅遊書都有介紹, 黎左6次終於一試, 幾特別, 但我又唔係特別鍾意。

台北之旅2013第三天

原定呢日去淡水或者十分, 奈何落大雨…只好留o係西門町。

首先去食熊一。朋友介紹既燒肉放題，可加火鍋我地冇加。

有salad bar, 3大名牌雪糕,肉食都幾多選擇, 我地加左nt100多d貴野揀, 晚市或星期六日午市nt499, 平日午市nt399。任食2小時。肉係點既, 每次點八碟。

可惜要服侍皇上, 2小時過後我仲未飽…=0=

奶媽之抉擇：泵/埋身

剛睇倒一位blog友提到有關做泵媽定埋身既選擇，分享下我自己既經驗。


由埋身>全泵>半埋身>全埋身

一開始喺醫院故然係埋身，但未上奶，每晚都食唔停，四五個鐘一甩嘴就喊，但交俾姑娘又冇事，出院前要飲兩支奶先俾出院...返到屋企食成個鐘，訓一個鐘又 喊...第三日俾左餐奶粉，第四日跌磅多加黃疸入院食奶粉我就喺屋企泵keep奶量，隨即開始泵媽生涯，出院後姑娘叫先埋身五至十分鐘再補泵奶，但次次埋完身都唔食樽，於是好快就冇埋身。期間好間中等奶暖既時候有俾佢頂下癮，到三個月開始跟我地訓方便執奶嘴，但要起身座奶，有時座完佢又訓左…支奶就浪費左…於是五個月開始半夜轉埋身，朝早仲冇咁谷，可以泵少六點o個次，然後到七個月ｏ個時食奶食得太少，一日三支五安都食唔倒…片又輕飄飄，索性轉全埋身唔掛泵，點知ｄ片反而重返。於是七個月開始全埋身到依家。泵壞既壞，賣既賣，俾人既俾人（我有三個），蒸煲俾左人，奶樽搬屋掉晒。

各位中秋節快樂~

今日爸爸收早, 一家出左尖咀食野睇燈行反斗城就返屋企,上火車即訓…
仔你仲未食燈籠玩月餅呀…

搬blog有疑問(update)

1. 有冇得set 只限自己或blog友睇倒內文?

2. 有冇私人回應?

3. 個訂閱掣…o係我改左網址又改返之後short左…可以點…

4. 文章分類有冇得分大類再分細類?例如旅行入面再分台北咁?

母乳寶寶2014慈善月曆相片徵集投票

多謝您神聖一票^^

 

餵左快18個月~~得意就入去俾個like啦~^^

搬blog教學link分享(update)

終於成功搬晒所有blog~!!! 繼幸福王國成功之後, 依家呢個blog結合幸福蠍, 小藍, 同3個yblog年代前既3個blogspot 5合為一, 依家只係得一個主blog同一個幸福王國~v^^v
 

o係呢個搬blog過程遇倒幾個難題。首先係備份唔齊既問題, moveable type唔齊就一定搬唔齊…呢樣野一定要搵客服, 自己解決唔倒。之後再遇上搬相問題, 搵左好耐先搵o岩link, 你將o個條link加上幅相既file name如果開倒張相就即係o岩link~咁匯入blog之後先可以開得返晒d相。再之後就到notepad取代時, 取代好耐都唔成功, 最後要用word開先搞掂, 仲係極速搞掂!

 
第一步(for備份唔齊既blogger)

首先係備份唔完整, 3個blog既moveable type都唔齊, 2千幾篇同千幾篇既blog都係得幾十篇, 而202篇就得2篇…於是問客服要返完整既備份, 小藍blog更要第三次先ok, 而留言似乎仲未齊, 不過都算喇, 點搵客服可以參考小草blog教學

http://littlegrassblog.blogspot.hk/2013/09/yahoo-blog.html?showComment=1379437471885#c988772603003452868


第二步(upload image folder)

得倒完整既備份folder之後, 想連相搬的話要將備份既image整個folder upload上google+既drive, 可參照林澄blog教學

http://tastejplife.blogspot.hk/2013/09/blogspot_8.html

之前跟通少blog但我條link同佢既格式唔同, 搵左好耐都搵唔倒, 再睇睇林澄blog發覺係按入去detail頁面右下o個條, 開新一頁o個條link先o岩, 唔知點解同右下角o個條link唔一樣

呢條link搵o岩之後就可以用word開之前備份入面既txt file, ../image/取代成呢條link, 記得將https轉成http, 同埋唔好漏左最尾既"/"!其他教學教用notepad開, 但我千幾篇load成幾個鐘都未掂…老公話試下用word,開既時候比較耐要幾分鐘, 但取代只要幾十秒! 超快! 完成之後再copy返去notepad save, 由於我用word開既時候揀左unicode(UFT-8), 所以o係notepad save既時候要另存揀返呢個格式。

第三步(轉格式)

可以跟通少blog教學, d/l軟件blogtrans 轉格式

http://tonynkaren.blogspot.ca/2013/09/yahoo-blogger.html

匯入剛剛第二步save既呢個MT檔 (txt)跟住工具>清除所有文章類別, 跟住就可以匯出, 自己改個名, o係尾加返.xml

又或者跟林澄blog教學開個Wordpress帳戶咁就唔駛d/l軟件o係公司做都得, 我由於先睇通粉blog d/l左blogtrans所以就用返軟件做, 如果用Wordpress轉就要100篇100篇咁轉

第四步(匯入)

有新既xml file就可以匯入blogspot
呢樣我開頭都搵左一輪, 係o係設計>設定>其他(最底)>網誌工具>匯入網誌

多謝以上幾位既幫忙先可以成功搬blog, 希望有疑難既blogger可以從中搵倒解決方法啦~

FW: 19週的生命

戴住戒指, 抱O係媽媽懷抱同捉住小手O個3幅好感動…能夠健康出世已經好難得, 失去米米之後, 我再懷丁叮時只想佢快D平安黎到我懷抱, 依家訓覺捉住佢小手, 摸倒佢個頭咁硬咁實在都覺得好感動…


http://www.niusnews.com/index.php/main/view/11753

火

母親Lexi

台北之旅2013第二日

再唔打又爛尾…:P

一早起身黎個TUMMY TIME先~

 

今日第一站約左香港既朋友去上引水產, 佢地已經去過兩次, 我地上次黎仲未開, 今次第一次去, 11:40到門口58號籌等左一個鐘倒, 入面都有少少野行下, 有魚池同超市, 可惜超市太多人冇得俾佢行。

 

立食區壽司好味, 有D好抵, 有D比較貴, 特選盛合NT600有16件~  要企O係度食都有D攰

 

食飽飽天陰冇去喇喇臨去動物園, 呢日全程冇雨, 果然唔去就唔駛去, 之後2日都落雨呢

乖寶寶最近開始肯坐車~~亦只有呢日冇雨先有用武之地…

 唔坐既時候推下都好, 我地又可以擺袋~

丁叮出世之前黎過, 今次第二次黎, 緊係要睇企鵝啦~呢幾隻野可以度高XD仲同草泥馬影左相~

 2點幾玩到5點閂門就走, 門票十分抵, NT60買一送一~~~一家三日都係十幾蚊港紙, 入面買野飲又公價, 同便利店一樣~去邊度搵~~~

 去完動物園又返酒店抖抖~ 佢最生猛就係O係酒店房…古靈精怪~

6點幾又出發搵食~ 呢晚去左舊年新開既輔大花園夜市~ o係輔大站轉的士~入到去好壯觀好多野食, 但行黎行去又覺得冇咩特別… 行下食下睇下人玩攤位遊戲~

小寶貝頂唔住排隊時訓左~

 之前上網做功課見倒呢間人氣麥格問格之Q 真係一試難忘! 係我今次台灣之旅最回味既野食~ 果然如店鋪自我介紹般不是鬆餅~好Q~好好味呀~~ 話說之前要排2粒鐘, 我去O個日平日唔多人不排左半粒鐘排到小可愛訓左…買左個焦糖味, 見開始落雨又冇帶遮又熱都冇再排, 不過真係十個推介! 又平~ (唔記得幾錢)

回程上到捷運小可愛醒左!*口*想飲奶…最後總算拖到返酒店…點知又唔訓…=..=又搞左一輪先訓…

久違了op

成個暑假冇去過，終於再出發~~
今日佢早起(我局住起身)又好天，唔駛整餅就同佢去遠啲~~
食完麥當當早餐就出發~依家大個仔，大部份時間都可以乖乖拖住行，除訓覺外只係間中要抱。
12點倒去到，喺門口影左陣相就先上山，今日好好天又唔算熱，仲要冇乜人！very good!可惜䌫車2/9-19/9維修，要搭海洋列車。

沮喪

我唔知點教...叫你食又唔食，叫你唔好搞又要搞，數一二三既氣力都冇...好攰好氣餒...今日晏晝餐飯我話唔食就冇得落highchair,真係坐左兩粒鐘...終於出手，做危險野即打，冇氣再講了...夜晚攬住你喊...你傻傻咁望住我啲眼淚，問你錫唔錫媽媽你就即錫我，叫你呵我你就摸摸我個頭，我話我好唔開心，叫你攬我你就攬實我挨埋黎，但轉個頭又搗亂飯都係唔食......
咁快開始trouble2...?我唔想再鬧，命都短幾年...

台北之旅2013 第一天

正式活動既第一日 食過酒店早餐就打的去高鐵桃園站，nt250,往台北站自由座nt310/2(回程劃位都係nt320)不過南部打風關係delay左半個鐘... 去到忠孝復興站好快揾倒安的部屋，不過冇事先打電話去，管家走左...好在店主俾密碼我地入去廳坐住等...

好耐冇2個人合照~~~回到未生時?

擺好行理後終於可以去行下，首先去出返張五日上網卡先，nt350/6day冇得打電話(台灣大哥大nt300/5day仲有得打電話，不過附近冇)，點知一出門口就唔記得帶房卡.......又要麻煩主人，好在都係電話俾密碼我地就得...^^"老公話再唔記得帶人地唔做我地生意就要訓街...

尋日到埗都冇雨，今日係咁落，只好喺附近行下。第一次住東區。民宿附近有阿宗麵線，高記生煎包，amo蛋糕，我地行地下街行左去敦化站食東區粉圓，附近買生煎包同頂好哨子麵食綜合魚丸湯麵，返民宿歇歇，再去夜市。

捷運行去飩河夜市經過松山車站見倒今次唯一一間mister donut…依家咁難搵…西門町o個間褶左, 台北車站又唔見…買左條麻麻地既蕉…食唔倒波堤…

先去老公未去過既饒河，原本去輔大花園夜市，搭車途中醒起星期四唔開！立即轉軚去饒河，不過落雨加上平日，好多檔都冇開，買左兩檔杏仁豬肉片。入去冇耐第一檔豬十二，推銷手法好勁，有得國外宅配，又有平裝易運送，試食仲大大條~買左三包試下；行行下見倒幫襯開既二師兄，當然要幫襯啦~佢連fb都冇，亦只有國內宅配，行既係實力派。我地買晒兩款，發覺二師兄香啲鬆脆啲，豬十二厚啲甜啲硬啲，一致投二師兄兩票~(豬12 nt400/3,2師兄nt300/2大1小)

除左豬肉片，仲有雞捲都好好食，雞皮包住雞扒捲起燒，第一次見，店家係阿剛,nt35@

 之後轉戰臨江街，encore大花香腸~2010年幫襯過，今次encore三條，沙茶，墨西哥，蒜苗，墨西哥最好味，蒜苗都好好食，兩種好唔同！nt100/3


見阿仔眼訓就打的返歸，點知沖涼玩得太high唔願訓，搞左好耐先訓，我地可以慢慢開餐

安的部屋啲床之前已聽聞好高，未出發已擔心，最後決定搬張床褥落地先放心啲。

丁叮第二次去台灣

第一次係喺肚入面7w既時候，當時仲率先睇左<那些年>，今次係出生後既第一次！原本係拍拖十周年之旅，差啲因搬屋而泡湯，好在最後只係延期。
2013.8.28夜機，阿仔17個月大。
喺前往機場既巴士上訓左，冇放電，上到機我又揀左窗口位放棄左第一行...全程驚佢搞倒前面嗰行，要係咁揾野俾佢玩，佢支水仲疑因氣壓問題，一開成條橙汁柱噴向前面嗰行=口=|||
過得關黎都12點，我同阿仔28號過關，爸爸29...
今次因為想訂既民宿十點後冇得check in,於是喺機場附近book左一晚酒店—城市商旅航空館，離機場只係五分鐘車程，今次同上次凱撒upgrade一樣尾房有客廳，兩張king size床，有脚浴缸，包埋早餐都係nt20xx一晚。
阿仔入到房超high走黎走去，於是舉家到附近7仔買野食野飲上房，今次佢終於冇電喇~