丁叮第二次去台灣

第一次係喺肚入面7w既時候，當時仲率先睇左<那些年>，今次係出生後既第一次！原本係拍拖十周年之旅，差啲因搬屋而泡湯，好在最後只係延期。
2013.8.28夜機，阿仔17個月大。
喺前往機場既巴士上訓左，冇放電，上到機我又揀左窗口位放棄左第一行...全程驚佢搞倒前面嗰行，要係咁揾野俾佢玩，佢支水仲疑因氣壓問題，一開成條橙汁柱噴向前面嗰行=口=|||
過得關黎都12點，我同阿仔28號過關，爸爸29...
今次因為想訂既民宿十點後冇得check in,於是喺機場附近book左一晚酒店—城市商旅航空館，離機場只係五分鐘車程，今次同上次凱撒upgrade一樣尾房有客廳，兩張king size床，有脚浴缸，包埋早餐都係nt20xx一晚。
阿仔入到房超high走黎走去，於是舉家到附近7仔買野食野飲上房，今次佢終於冇電喇~