今日佢早起(我局住起身)又好天，唔駛整餅就同佢去遠啲~~
食完麥當當早餐就出發~依家大個仔，大部份時間都可以乖乖拖住行，除訓覺外只係間中要抱。
12點倒去到，喺門口影左陣相就先上山，今日好好天又唔算熱，仲要冇乜人！very good!可惜䌫車2/9-19/9維修，要搭海洋列車。
山上其實只係行南北極館，今次見少人終於第一次同丁叮坐摩天輪~原本眼訓伏喺我度，叫佢頂住玩埋先訓，果真玩完即訓！玩嗰陣仲笑得好開心！
落山去左小熊貓館訓，有位坐又有冷氣溫度適中，期間有位外藉老太太笑笑口埋黎問我可唔可以影我地相@@
訓左一粒鐘起身見倒熊貓擺鋪同食竹葉，但佢之前最有反應既小熊貓雙雙訓左...
今次好天又可以去兒童王國，玩左轉小木馬，小摩天輪，火車同玩左好耐遊樂設施，當然唔少得佢至愛"行樓梯"！唔肯走要byebye mama加掉頭走佢先跟埋黎，呢個時候我已經冇晒水...最後睇埋魚魚就走，睇魚前食左轉奶，爽晒~
原本俾我拉走唔高興唔同河馬影相，食完奶心情靚晒即刻挨住影...不過睇完魚魚未行到門口已經要把，上巴士冇耐即訓~
No comments:
Post a Comment