今日總算得閒d

雖然都係冇停過手，不過放工前5分鐘可以坐o係位已經好耐冇試過！雖然仲有4樣工作未完成不過主要都係差未俾委託人過目！今晚總算可以輕輕鬆鬆喇～～～

聽日係最後一日返晏喇～～星期四開始要返7:45喇~~~!!

敬師board

今日o岩o岩做起~好簡單不過都做得好開心~~~第一次自己一手一腳整board!! 之後會再o係上面貼上一d學生寫既心意卡~d卡仔都係我畫架~XD

鵪鶉蛋燒賣＠潮江春

今日放狗又俾人鬧!!!!!!

之前都俾個阿婆話過一次架喇
叫我唔好帶隻狗過去屙屎
D風吹入黎好臭
今次死肥豬係都要過去
仲掙脫左條狗帶
嗌佢又唔聽
冇耐個阿婆又O係九丈遠嗌過黎
我嗌返過去話我都唔想架佢自己走過去
跟住隻死野仲跑入人地間屋!!!
個阿婆死命咁嗌我唔好帶佢過黎
我又好唔好老皮咁嗌返過去
話我都唔想架!!!嗌極佢都唔聽!!!!!
跟住隻死野入左人地間屋個花園俾人鬧, 趕佢走
我都嗌入去話打佢O岩架喇!!
跟住當住佢地面FIT左佢一野隻死野先跑返出黎
之後同佢扣返條狗帶返到屋企俾我FIT多幾野
第一下佢仲FING晒尾...之後FIT多野鬧左輪先識驚呢埋一二角
我直情開晒門叫佢走話唔要佢喇
夠膽死整甩條狗帶仲嗌極都唔返
佢明明就識聽
鍾意O個陣就啋下你唔鍾意就啋你都傻
後尾俾我彈左一下頭頂之後就呢左入個架底
我直情搵野頂住唔俾佢出黎跟住自己走去晾衫
晾到一半走去睇佢見倒佢突左個頭出黎
於是同佢搬返開D野嗌佢出黎
點知佢又縮返入去恐嚇佢都唔出黎
要我MOUT低攤開雙手佢先乖乖出黎
今次冇打佢喇係咁話佢曳曳曳曳><"""
跟住叫佢過去飲水(入屋時佢本來都想飲不過俾我捉住FIT左一野)
飲完水叫佢返入去自己間屋佢就乖乖返入去之後我
繼續晾衫佢就出返黎趴返O係地好似本時咁
入屋前搵我輕輕踩佢個豬背佢又fing晒尾
佢最大優點就係唔記仇
哈哈

原來尋日校長請O個餐食左$24XX

今日到主任請去左潮江春~
原來都幾好食
係D西米露有怪味
換左2碗第D野退左3碗
最搞笑係副校走埋黎問D主任有冇錢佢冇帶銀包XD
好在最後都搞掂~~

今日第一日開會居然有人著吊帶....................

仲要係新老師......

佢個樣好細個又細粒

新黎O個5位老師其中四位睇落都好COOL咁

學校有個個樣好後生既主任

原來已經做左十幾年 @@
反而同我地差唔多大O個個又唔覺好後生XD
今日飲茶O個陣一坐落去已經有個阿SIR同我地介紹唯一未結婚O個個(XDDDDDDD)
原來係早我一屆入IEd既唔講都睇唔出:P

Strawberry Forever @ Mong Kong

春卷餃子+炸脾

睇緊本好好睇既漫畫

之前O係書局都見過有得賣叫「與光同行」係講自閉症既小朋友既個同事借俾我佢之前O係特殊學校做既我本來好驚呢D學校但佢話佢地好可愛雖然都會搞到佢周身傷不過佢成日都話好掛住佢地可惜人工太低結果都係要走

今日O係學校過得好充實

係10點幾O個陣有D時間搵下圖片叫做休閒D其餘時間都忙個不停接左2個BOARD黎做(未開工)另外張量溫卡改好第三個VERSION俾陳主任同埋幫副校整好教員室後面條BANNER~其他TA都話我今日好忙可能食晏前同放學前特別忙所以俾佢地咁既感覺不過我又忙得好開心喎陳主任仲好興奮咁讚我張量溫卡好得XD雖然俾校長睇完都係要加返少少野但佢問左我聽日唔返之後話星期一先同我講等我走得安心D XD

今日有同事辭職

係同我同期既同事黎就係住O係屯門, 返9點都要6點半起身O個個原來佢尋日冇返係去左簽約做老師間學校離佢屋企只有15分鐘路程而且得14-15堂, 人工都過萬做視藝科主任, 主教視藝另加中文但其實佢同我一樣ART只係讀到中三XD佢今次係自薦既間學校冇登廣告佢IN時亦冇見倒其他人奇就奇在咁遲先請差唔多2個星期前IN, 而且IN一次即請真係好好彩~原來自薦都幾有用依家我地學校好似唸住搵返之前IN落既後備黎代佢個位佢今日同校長講O個陣又話唔好意思又話遠, 結論都係搵倒教席唔做喇校長既回應係得喇得喇遲D先講其實我覺得都唔駛講太多校長聽倒既重點都係O個樣野我唸佢地都慣呢間學校既TA真係走得好快唔知黎緊既會係咩人呢仲要坐我隔離~~~~結果我地今日放學去左T其實一早已經約好左XD另外仲約左下星期四(即係佢LAST DAY)放工後去唱K添~~

之前本來咪CUT左家用電話既

後尾佢話上網費o個便每個月扣返30蚊俾我另加家用電話優惠我先續家嘛但到依家2個月netvigator張帳單仲係145既!!o岩o岩打去俾o個時聯絡我個人又冇人聽可能放左工

尋日同事生日嗌左PIZZA慶祝~~

仲有同事買埋蛋糕
其實本來係我整既
不過又病又冇蛋糕盒...
所以都係買啦... :P
可惜冇影到個蛋糕................= =

好耐冇病過

病左...
我記得舊年好似冇咩點病過
可能有年幾冇病過LU（更正：原來我舊年冬天都病過黎，記得病住都要帶肥豬去街…）
早2日喉嚨痛
依家就有D咳同乞嚏個鼻痕痕地咁

今日冇野做整左好多裝飾

(上、下)呢2幅貼左O係我張檯D櫃桶度~

(上、下)呢2幅係同3個同事一齊整既~估下邊隻係我整既~

好鍾意呢間屋同樹聖誕可以同佢地裝飾下~XD

新相機~ ^0^

開工喇~~

今日第一日開工~都好清閒下~lunch同左d同事去飲茶~~^^