ChriScorpiObi

ChriScorpiObi

Wednesday, August 13, 2014

「哭了不抱,不哭才抱」的心理危害

丁叮好細既時候就有唔同既人同我話bb係冇需要食夜奶,  但半夜驚醒只要一啜即訓, 幾唔舒服只要一啜就得到安慰, even依家雖然同佢戒緊夜奶, 但有時我自己半夜都會餓, 食完宵夜佢嗌食奶奶, 我都會俾佢, 我餓都訓唔好, 做乜要餓佢呢, 不過依家最多俾一次, 或者半夜發噩夢都會俾。你可以有你一套嚴守紀律令bb好好湊, 但我傾向以bb感覺行先。


間中就有人提出呢套教養法,大家有興趣可以睇睇。

http://momdata.blogspot.com/2014/08/blog-post_97.html

Friday, July 18, 2014

丁仔語綠



話說呢條柚仔成日唔俾我睇電視, 成日話:
"唔睇呢個呀!熄左佢"
早幾日O係婆婆房又話唔睇呢個, 婆婆問佢咁睇邊個呀?
佢話"睇新聞呀"
婆婆特登開門出黎同我話"你個仔真係巴閉"
XD

 27m19d


呢排丁叮間中會話"o no!"
我地覺得好好笑~ 今晚問佢邊度學返黎架?
"係咪睇碟學架"
佢定一定, 彈左2個字…
"亂 up"
XDDDDDDDDDD
呢個我知你邊度學…XDDDD
27m21d

書展2014

自從丁叮出世已經2年冇行書展, 今年都擔心佢嗌悶嗌走, 不過都帶左佢去~總算坐住車仔陪我行左8個鐘,超額完成喇~

今日居然冇買丁叮最愛既練習簿, 主要係我自己講到好悶…左右腦訓練…專注力訓練, 歲半o個時o係台灣買返黎日日玩幾次…佢左腦比較強, 3歲o個d都差唔多識晒, 右腦就大約係2歲既程度, 但佢明明係左手人…另外tvb檔有d書好抵, 4本兒童食譜加3本眨時感動兒童版都係$40(7本書), 不過都係冇買…買埋太多食譜我都唔會跟住整…眨時感動又好似未明, 所以冇買, 不過真係好抵, 平時又唔知邊度買喎。可惜"安安東東系列"同"有一天"都搵唔倒, 好在o係博客來搵倒"有一天"~


呢度係今日既收穫~平時主打既HALL1只係行左1個鐘倒, 而往年唔行既HALL3居然行左7個鐘…

左下O個5本係我既, 2本日本旅遊書準備出年丁叮生日之旅, 中間本香港當然係平日帶丁去玩啦~左下2本朋友推介~其他全部都係大少既~


呢套想買好耐,商務$250/10本好薄一本,青苗網上訂或書展價$200,鍾意呢套既內容講愛,但其實係k3 程度既句式,k1嗰2套又唔係太鍾意,不過句形係簡單好多,各有各好


我心儀既童書都係主打愛

"媽咪的寶貝"講每個媽媽眼中都係自己寶貝最靚

"媽媽最棒"其實係2本書, 正反2面, 另一半係爸爸最棒, 但其實每頁都一樣, 只係媽媽轉左爸爸…不過動物唔同~

"我喜歡我自己" 講我我好喜歡我自己, 因為識大笑, 我識自己食飯, 我識跳水tum等等...每一項小事都構成我喜歡自己既理由。

"我也會" 講猴子識笑, 斑馬識跑, 青蛙識跑~我也會~ 好喇~到你地黎跟我做咯喎~我會親親媽媽~~最後所有動物都跑去親親媽媽~~

現階段既丁叮, 我最想佢感受愛, 學會愛, 所以揀幼稚園我既1st choice都係以愛作主打, 而唔係最熱門升小最好o個間。




o係家計會書檔買左呢太性教育書, 除左我從哪裡來打算等佢問先拎出黎講, 其餘3本都放左o係佢個圖書角等佢自己拎黎睇。

見pn要學,而我地又冇報, 平平地買本,都唔係想像中咁悶 ($13.x)

教緊去廁所, 不過冇特別同佢除片戒, 一來驚屙濕沙發, 二來覺得唔係一定要經歷拖地拖餐矇呢個階段先可以成功戒片, 同食飯一樣, 我都好遲俾佢自己筆, 因為接受唔倒食到一地都係(最怕浪費)。



以下呢幾本推介,但我冇買

之所以推介係我覺得好睇, 詳見每幅圖。之所以冇買係因為未o岩丁叮睇, 繪本都係o岩小朋友多d, 大人睇完未必成日翻睇, 小朋友簡簡單單睇完又睇, 抵~



呢本原來係講腦退化, 主角既奶奶從前唔鍾意佢既髮型, 後來"新"奶奶好鍾意佢既髮型, 做既野又同"舊"奶奶好唔同, 又會訓o係檯底, 原來有腦退化, 故事用有趣既角度令小朋友接受有病既奶奶, 好有意思




  主 角係小兔子, 小兔子媽媽病左, 要去小春家暫住, 佢好唔開心, 就算小春對佢好好都好唔開心, 唔知幾時先可以返屋企見倒媽媽, 佢帶住心愛既有熟悉氣味既小鱷魚去到陌生既地方, 直到有日小鱷魚受傷, 小春幫佢護理, 佢先開始趟開心扉同小春開開心心去玩, 到分別時, 更將小鱷魚送俾依依不捨既小春, 約定下次再一齊玩~代序講佢將呢篇故事同女兒講既時候, 原來從小朋友角度睇係覺得小兔好唔開心好不安, 選用兔子做主角係因為佢地係最膽小既生物。我自己細個都試過因為阿媽要去玩而去朋友家暫住, 玩既時候好好地, 熄燈訓覺自己偷偷流眼淚…小朋友真係好愛父母好愛家, 盡可能都唔好要佢地離開, 又有一次媽媽入院, 爸爸從大陸返黎照顧我, 我呢o係被入面望住媽媽幅相喊…其實每一個小朋友都好愛爸媽, 何以大左會愈來愈有隔膜?好值得第為父母又同時為人子女既我地反思。



 
呢 本講自閉症, 主角既弟弟到6歲都未識同佢一齊玩, 小小事就尖叫, 甚至打自己個頭, 又驅趕埋佢身既小動物, 但有一日, 佢救左一隻受傷既小鳥, 日日望住小鳥, 後來小鳥好返, 媽媽放生左佢, 佢又尖叫, 哥哥攬住佢拍翼好似小鳥一樣, 希望佢可以好似小鳥一樣沖出只有佢自己一人既世界, 最後佢主動靠近哥哥, 同佢一齊畫畫, 邁出第一步



 爸爸同小bb到小朋友既兒子之間點滴相處小故事
呢本好耐之前o係誠品見過都覺得幾得意



 呢2本幾得意, 不過丁叮太細, 大d可以玩下


Thursday, June 12, 2014

星期二檔案:母乳革命

http://mamamilkbaby.com/%E6%98%9F%E6%9C%9F%E4%BA%8C%E6%AA%94%E6%A1%88%EF%BC%9A%E6%AF%8D%E4%B9%B3%E9%9D%A9%E5%91%BD/

其實我既餵奶之路都算好順行, 唔知點解一路餵一路喊
推介俾各位奶媽或想成為奶媽既準媽媽收看~



話說今晚丁叮訓到半夜喊醒, 但出奇地合作俾我換衫換片,又對眼冇開,放低又訓,問佢食奶奶好冇都唔應我...尋晚唔俾你又強搶...點先...

26m18d(戒夜奶行動進行左2個半月都未成功…)


Friday, March 21, 2014

曾祥風醫生


丁叮出世前係睇曾祥風醫生, 好過米米睇林翠苗~ 林醫生太cool, 曾醫生事隔兩年雖然已經冇咩印象, 不過一路睇開都冇乜野,價錢由$800加到$850(2011-2012年初), 大埔中心(sun)同佐敦都有診所, 我2間都有睇, 儀器就佐敦教靚, 亦等得教耐, 平均個幾鐘一次。每次都有開葉酸, 鈣片同維他命, 唔要冇得平~ 開幾多視乎佢叫你下次隔幾耐覆診。

 *   *   *   *   *   *   *   *   *
 2011/9/23
以下是fw from web
曾祥風醫生- 4D
26週之4D 超聲波

他於網上的口卑好像不錯,而且比起BABYICON又平一點,起碼BABYICON不是醫生做4D的

當然4D其實不是什麼有醫學價值的SCAN,只是把2D的US 加多一個切面再加上色彩,然後LIVE TIME咁睇到BB的MOVEMENT,就是4D了。

但對於好奇的父母來說,4D 可以早一點看到BB的樣子,真的十分有趣,不過這個趣口就值$1200大元了!!!! (我安慰自己當清楚一點看到BB有沒有兔唇)

曾醫生先睇我做了個2D US(早知今天不用看余醫生了),說得很祥細,而且還用4D ZOOM左了BB的小咕咕呢
曾醫生還提醒我小心飲食,小心身體,非常NICE呢~~~~~


奶粉資料

丁叮出世o係醫院因為唔夠重補過2支牛欄, 飲到嘴扁扁, 之後黃飲過個幾月半人奶半奶粉(能恩), 發覺奶粉對佢退黃同戒夜奶冇幫助於是停左, 一直全人奶到依家(2歲), 仍繼續中。試過想飲佢飲剩既能恩, 唔得…實在太難飲…

*   *   *   *   *   *   *   *   *   
2011/4/7
睇左一輪資料,總括以下幾個牌子,暫時能恩、美素加兒同牛欄都好似唔錯。(原來姪女依家食緊美素加兒)惠氏個個都話食肥B,有D仲話唔會有助智力發展一味肥…我唔係咁想揀;美贊臣要爭我又唔想;思敏兒同雅培都唔係搵倒好多資料。

1. 能恩(德國)
同學個B食緊,佢話貪佢夠難食…BB食完唔會唔肯食人奶,我又想餵人奶,所以好似幾o岩。


優點:適合腸胃敏感BB、唔太甜
缺點:便便偏臭


能恩BB1號--臭臭勁臭…能恩BB2號--95分。沒有任何皮膚問題,大便正常,連痰都沒有。不過難轉奶粉(2號)。能恩BB3號--促進蛋白質消化&吸收, 因為有D BB對牛奶敏感, 呢隻奶粉可減少BB出現過敏。B仔食左唔錯,係便便臭D。能恩BB4號--能恩岩d腸胃敏感既bb~不過營養會冇咁多~能恩BB5號--BB有結石不過奶粉驗過冇問題能恩BB6號--有分水解同唔係水解2種, 2解適合過敏體質, 營養同一復奶粉一樣。BB好大隻。能恩BB7號--都幾好, 個女食得ok, 而且食完醒醒目目, 不過一d都唔會肥(令我老婆好擔心). 能恩BB8號--朋友同我講話, 如果我唔轉正常既奶粉對bb日後食固體食物吸收得會慢!!BABY KINGDOM--有D便便好硬, 大部分話OK, 每日有一篤或以上既靚便; 有D話唔好飲, 有D貪佢唔太甜。評價九--我記得幾年前曾鬧出問題奶粉事件, 當時能恩是其中一隻出事的奶粉, 如果你想轉, 不妨考慮雪印思敏兒, 這隻奶粉味道很淡, 但從沒有在問題榜出現過, 是穩陣之選


2. friso美素加兒
都有幾位媽媽係美素加兒+人奶2溝


優點:大多數便便都唔錯
缺點:


美素加兒BB1號--BB出世就飲美素佳兒 , 便便一向ok , 假期前就比較難買美素加兒BB2號--我地一直都你食美素佳兒, 都ok 冇病冇痛, 我覺得幾好美素加兒BB3號--我B都係食美素佳兒, 十個月大 10.59KG, 算重磅了, 且日日有大便美素加兒BB4號--我BB出世時都係食美素佳兒, 但1星期後BB便便去唔到, 加上勁多痰.  要飲好多水先痾到

3. 香港雪印(思敏兒)(日本配方,澳洲生產)

優點:味淡,冇出過事,BB白D
缺點:


官方--雪印全線嬰幼兒奶粉營養均衡,奶源優質之餘,更添加了與日本配方相同的DHA、核
酸,並蘊含SA及Trp( 色氨酸 ) ,有助促進 BB 腦部功能成熟發展及提高學習能力,全面體貼小朋友身體的健康發育。思敏兒BB1號--朋友說雪印思敏兒食左白d, 因為想女女白d, 所以轉左. 而家食得不錯思敏兒BB2號--我記得幾年前曾鬧出問題奶粉事件, 當時能恩是其中一隻出事的奶粉, 如果你想轉, 不妨考慮雪印思敏兒, 這隻奶粉味道很淡, 但從沒有在問題榜出現過, 是穩陣之選

資料甚少…

4. 惠氏S26


優點:聰明D?
缺點:谷肥B(優點?)、高糖? 燥熱?


評價一--勁谷肥bb的奶粉,但好多bb唔受得,我朋友個仔食1號,食到腸胃頂唔住,結果要轉第二個牌子.但若受得,會食到好肥.評價二--我屋企個b食惠氏.....我覺得幾好呀....好聽明好叻仔呀而家,佢成日係度自己學講野潻,8個幾月仲識拍手。評價三--S26只係食肥人而不會令BB腦部發展得好好, 所以不建議食用.評價四--我本人就覺得惠氏金裝S-26 (1號 ) 幾好 , 但要記得呢隻係會食肥個bb , 但都唔錯評價五--S26 應該是最好吃的奶粉 (不知是否糖份較高), 如果你想 bb 變得大隻D, 皮光肉滑, 不妨試食S26.  如果bb 原本已夠件頭, 不想她加大, 就無謂轉評價六--雖然食 S26 是好長肉 , 大得快 , 又結實 , 但要注意 , 這隻奶粉特別燥熱 ,要給BB飲好多水 及 鮮菓汁 ,否則便便好實 或 有便秘的可能 ,

5. 雅培(心美力)


優點:營養成份高,適合早產BB
缺點:多泡易入風


評價一--雅培泡泡比較多,是工藝問題,沖泡的時候注意不要使勁搖晃,最好放置5分鐘,泡泡會少點,而且注意寶寶別把泡泡吃進去了,以免吐奶 
評價二--營養成份高0的, 所以, 好多早產bb 都係飲依隻...


又係冇咩資料 


6. 美贊臣
唔想撲奶粉…不過唔知到時仲係咪撲呢隻…


優點:
缺點:難買要爭,不過依家有得入會訂


評價一--穩陣的牌子,但成日斷貨,穩陣的意思係我同我朋友的bb都對呢個牌子的奶粉無乜不良反應。美贊臣BB2號--依家仔仔食a+1唔係日日都有便便

7. 牛欄牌
聽講大埔墟好多藥房都有牛欄牌賣


優點:便便最軟
缺點:稀便


評價一--個時同呀仔轉奶粉, 其實e生推介牛欄牌, 話d便便係最軟, 但我又唔係咁鍾意個牌子, 我問e生係咪韓國出, 佢話係英國嫁, 仲係皇室會用嘅奶粉添, 真係唔講唔知牛欄BB1號--我bb係食緊佢ga!!因為當初係醫院係食呢隻,見佢又食得幾好。我地又唔想亂咁幫佢轉所以就食到依家(四個半月)~~~touchwood佢由出世到依家每一日都有靚便便牛欄BB2號--呢隻奶粉真係幾好~我個女由出世食到依家(13m)~牛欄BB3號--我bb都係食緊呢隻呀, 好好喎, 我b係早產b,醫院食開呢隻所以費事轉,有d葯房真係唔會入貨,唔怕成日冇貨添!牛欄BB4號--真係唔係個個 bb都 arm... 我大仔食呢隻會痾稀便, 所以轉左 A+...但我細仔食A+有d便秘, 所以會 try 下牛欄牌!!牛欄BB5號--我B都係食緊1號,不過佢三日先一次便,最快兩日,我想同佢轉奶粉,而家都諗緊~牛欄BB6號--我仔仔自從轉飲牛欄牌日日都有便便真係少咗熱氣!!

睇左幾個網都話兒科醫生話, 其實隻隻奶粉成分都極相似, 加 x 加 y .. 都唔會對 bb 有好大影響.



睇黎大部分媽媽都係關心奶粉對BB便便既影響

Thursday, March 20, 2014

你看我像誰III

 看看長大了的丁叮像爸還是媽?^^





母與子
 

其實我們也有一點相似吧~?^^

太婆與曾孫 VS 外婆與孫女

新生兒五寶(用後報告)

請教各位媽媽/準媽媽, 你地買左/準備買咩牌子型號既BB用品?咩原因令你選擇佢?

1. BB車 <<<我買左Chicco Simplicity Stroller同朋友俾既winnie the pool士的車! 由於屋企有一程小巴, 初生一直冇用車, 到4, 5個月坐時個樣悶悶不樂咁, 爸爸就抱…到6個月直頭喊唔肯坐…搬屋打算賣, 最後都留返, 好在16, 17個月忽然肯坐! 到依家都間中有用, 但就士的車用多好多, 雖然唔可以平訓, 但輕好多, 自己咩住上落巴士小巴都好輕鬆~ chicco就有6.x kg 一個人抱係仲要上小巴有難度, 多數同爸爸一齊出去, 或者去附近行倒既地方先用, 有時飲茶坐車仔唔坐bb凳都得~ 如果唔係出世前買左車, 我會買aprica架2.x kg! 當時愛嬰紡賣$2000~ 抵~同士的車差唔多重, 上落小巴冇難度, 初生又可以平訓~ good!


MaMa A. combi , 輕身, 自己同bb出街都得MaMa B. Chicco Travel system (include infant car seat). But i don't think this is suitable in HK. The stroller is pretty big.
MaMa C. Peg Perego p3 compact, 好用,  Combi 車身太少及軟, 坐唔夠4個月就要換車, 不要掛太多野, 容易反車, Chicco & Peg Perego結實好多
MaMa E. combi,車身係窄d的,如果你的係大b就唔適合 / 好快就要換車但好似子陽咁,坐到宜家都仲仲坐到,係對腳伸哂出來之嘛 XD combi 細架d,真係輕d,上落車收合都好方便我o個時真係可以單手抱住子陽單手收車 - 如果老公唔係可以成日陪你去街 - 呢個point真係好重要 :) 同埋我覺得未出世買定好D... 因為NB都成日用到車因為我唔識用揹帶 @@ 怕揹住個NB會跌,所以子陽 NB 除左抱就係訓車我揀左 combi 成個 seat 位可以訓哂o係度 - 話明適合 NB - 3歲 / 4歲的

2. highchair <<<我買左aprica 589, 朋友俾左張ikea, 最後aprica初生訓同3-6個月間中坐睇電話, 食飯只用ikea, 因為膠方便清潔, 丁叮會lam 椅背…朋友問親我都係推介ikea! 或者disney褶得o個種慳位都係好選擇!

MaMa A. combi , 普通版, 因為豪華版個箱冇咩用MaMa C. aprica 589, 真的不錯, NB 都用到, 囝囝坐得好開心
MaMa E.
其實真係張張都差唔多 @@ 如果你諗住畀他 NB 訓下晏覺的咪買可以 "平訓" 嫁囉否則唔買,訓BB床都得,等遲D大D可以坐到先買張唔使平訓的,平D ~

3. 奶樽<<<出世前買左chuchu普通同人奶嘴, 初生住院我又買左pigeonnuk, 姑娘話佢跌磅多唔好用難啜既嘴, 屋企又食得差過醫院, 於是跟醫院買pigeon同nuk, 好煩~有時呢種食得好, 有時o個種食得好, 又試過剪大個嘴, 仲買過一款樽身有弧度既…o個隻食得最差…佢可以因為帶錯奶嘴出街, 餓到2, 3個鐘後返屋企換左嘴, 座返暖支奶先食…最終o係7個月轉返全埋身, d樽搬屋時係掉得掉, 送得送。



 MaMa A. pigeon, 老牌子, 其實想買chuchu, 不過諗落pigeon都唔差, 又平d, 其實到時阿b岩唔岩用都唔知, 所以買pigeon. and 我買玻璃的&ppsu... chuchu貴好多~ MaMa B. Dr. Brown - This is recommended by my friends. No leak and BB doesn't have much gas.
MaMa C. 我本來都打算用Chu Chu 玻璃 + 人奶咀, 但因為決定買avent 奶泵, 所以全部轉曬用avent 奶樽MaMa D. pigeon奶嘴係好易比BB啜到. 基本上吾啜D奶都會BID出黎. 所以好易食風&嘔奶. CHUCHU要啜先食到奶.食奶時間上會耐左. 但小D風&少嘔奶.我印象中我個仔好似未試過噴射式嘔法.
MaMa E. chuchu... 但其實咩牌子都唔大問題,o係市面賣得的都ok :) 但你要留意,如果你餵人奶,一時埋身一時用奶樽? bb 有機會會唔識分 "乳頭 / 奶咀" 因為奶咀係易啜好多嫁,到時他就唔肯埋身你要買d 有 "專for人奶奶咀" 的奶樽,好似 chuchu / avent 都有 ~
4. 奶泵<<<買左swing, ameda雙泵avent手泵~ 人人話avent好用, 我覺得麻麻…swing唔夠力要邊泵邊手擠, 好快已經左手媽媽手, 有朝訓醒門都開唔倒…買左個三手ameda, 自己改裝bra做hand free, 之後對手輕鬆左一排, 點知ameda壞左, 用返swing, 今次到另一隻手中招…而我亦o係阿仔愈食愈差既情況下轉返全埋身, 但對手由於抱仔同玩電話到依家(2歲)都仲未好…

MaMa A. 想買medela freestyle... 猶豫中...MaMa B. medela - the link I show you before. Nice pump, easy to use, convenient, and can pump 2 breast at the same time, but you may mind the motor noise when you are pumping.
MaMa C. medela freestyle 係個好的選擇, 我個個fd都話得medela 同 avent 有用, 不過貴d, 如果你未知自己是否堅持到餵人奶(我都想過放棄), 我想你都係等生左先 or 選擇 medela swing, 口碑都不錯. MaMa D. 有朋友比左個2手CHUCHU奶泵, 用左幾次無用, 轉用埋身&用手. 因為無咁麻煩~  
MaMa E.
我覺得最好係 avent 手pump,好好用但後來因為我要返工 pump奶... 時間得好少 @@ 於是買左個 medela 電雙pump,都好快好方便但最好pump完,再用手"支",會清d ~
5. 消毒奶煲(係咪其實咩牌子都冇咩所謂?<<<買左tt, ok la~ 其實真係冇所謂


MaMa A. tt, 見佢夠大又平, 雖然中國製, 但好多野都係中國製, 唔驚得咁多~ 都有睇過nuk同avent... 始終tt好似好d~ MaMa B. Avent - easy to use, and easy to clean
MaMa C. 其實, 真係冇所謂, TT 的確不錯, 但我還是買了AVENT, 因為AVENT 係大奶樽
MaMa E. TT,一來會展做緊特價,二來貪它夠大 :)

跟進:Aprica highchair

2014.3.20
當初朋友話highchair必買, 好好用, 話坐人又可以訓晏覺, 大左又可以食飯, 又可以較高低…老公反對我都照買…結果舊年15個月大時搬屋送左俾人…好在冇買貴o個款…

的確細時訓過一排, 陪住我整餅時坐o係度望我, 爺爺黎探佢時o係上面訓, 但甚少愛黎食飯…因為朋友俾左張ikea highchair我地, 佢食飯鍾意lam椅背…aprica布墊難清潔, ikea膠既一抹就得…所以一路都係用ikea到依家(2歲)

加上aprica太阻訂…700尺實用屋唔算太細, 但有圍欄有墊之下, 放埋2張highchair都冇乜位行…所以個人黎講, 唔會建議買…大d要食飯時買ikea或者disney褶得o個種還椅仲好~


*   *   *   *   *   *   *   *   *   *
2011.11.22
正話打去愛嬰紡問,原來610已經冇出好耐…>< 原本揀定呢款啦嘛…又要再揀…
正如之前印言, 625同589只係差左個大餐盤, 但就差$800, 我唸我買粉藍波點598機會大好多呢~

格價@愛嬰紡
598 $1800
625 $2500
680 $3600

格價@護協
598 $1992

早排永安7折
625 $232x

*   *   *   *   *   *   *   *   *   *   
2011.11.2

最多人講既係aprica同combi, 不過聽媽媽group d有經驗媽媽話aprica比較穩, 而我都屬意aprica
625, 610同589呢3個型號聽到我一舊雲, 上網睇下資料先

其實589既藍白波點我幾鍾意, (上一篇先話我唔鍾意波點…佢d波點仲要唔細…不過藍白幾吸引, 一來對比唔係咁大, 二來呢2隻色好o岩我地^^)但個外型睇落又唔係好大吸引力…好似好普通一張椅, 仲要o係荷花擺到殘殘舊舊…

老公唔係咁贊成買higj chair所以我都心大心細…佢話我地細個冇呢d咪又係咁大…
買過既朋友都大力推介, 話一出世就用得, 擺o係廳訓, 方便朋友黎探, 但我到時係咪有咁多朋友黎探呢? 又唸緊買網床, 睇中張BB床已經大(放房)網床都唔細, 加上high chair會唔會佔太多地方? d細件少少但都好佔地方既bb用品都未計…所以都係再睇定d先~ 我有朋友冇買呢種變形金剛型, 買左正正經經既high chair俾bb食糊仔, 幾百蚊就有, 但係好似佔地唔差得遠…買d多功能d好冇呢? 還是買返膠既影清洗好d呢?

其實睇返勁能表http://www.aprica.com.tw/seihinn2/high_low_chair/flash/c-05.html, 呢3個型號既功能其實大同小異。


610(NEMYU DX)
寬廣型座椅
七階段高度調整
安心寬廣型餐桌盤
完全360度旋轉
除軟型足部保護套


625(BABY SWING)
五階段高度調整
安心寬廣型餐桌盤
前輪360度旋轉


589(NEMYU DX)
五階段高度調整
前輪360度旋轉


625同589真係好似, 只係差左個大餐盤…, 不過625 2隻色都好唔吸引, 我唸我唔會揀呢款;610睇落又好似好好多, 座位又闊, 餐盤又闊, 又可以360轉, 仲可以較7個高度, 唔知要幾錢呢?會唔會貴好多? 之前見過589好似>2K

Wednesday, March 19, 2014

尿片資料

尿片資料更進@2014/3/19
丁叮出世用過h同p既nb, 當是由於換得密, 著重睇size而買, h0係最細, 跟住好似係p nb, 再到h1, 之後大左用h好易漏, 可能唔fit, 一直用白p, 到舊年夏天有次買唔倒白p, 老公聽人話夏天用綠p爽d, 又平d, 就買左綠p, 一路用到依家。依家2歲用緊既係加大綠p。

期間有試過其他牌子, 如花王, goon, 妮飄, 除左goon用nb漏尿之外, 其餘2種同白p差唔多, 所以都係用返白p最易買~
 *   *   *   *   *   *   *   *   *   * 

尿片資料更新@2011/11/13

最近bk媽媽分享似乎大家都推薦merries NB呢~


花王 MERRIES新生兒紙尿片88片(NB-88) #230782
NB 新生兒紙尿片 88片 (0-5kg)
HK$158.00


*   *   *   *   *   *   *   *   *   *   

咁O岩睇倒van講起尿片, 我又未做呢方面既資料搜集, o岩晒~

一眾jm都話pampers好過huggies~

而且係特級棉柔先好用~~

huggies細條得黎脾位好鬆, pampers就貼身d冇咁易漏尿。

早排買左本孕婦雜誌送左包pampers喎~keep好佢先~^皿^

有冇媽媽分享下你地用緊/打算用咩牌子既尿片呀?

2011/4/21

迪士尼第N回

23m21d


朋友問起我同個仔究竟去左幾多次迪士尼…又有人話我張年票真係好抵…

我真係唔知呢一年去左幾多次…老公話有30次, 我估冇…佢話20次肯定有…

一個月肯定去唔倒4次…3次都應該冇…好少連續個個禮拜去…暑假同旺日又少去, 12月有半個月唔入得…不過我估20次應該有…

今日訓醒問丁想去邊度玩, 呢排多左o係屋企成日要勞氣, 黎緊又要整餅, 所以趁呢2日得閒就同佢去玩, 佢一般都會答"呢度"…今次話去遊樂場, 跟住又話迪士尼, 問佢遊樂場定迪士尼, 佢話迪士尼, 問佢去海洋公園好唔好(8號先去完迪士尼)佢話好, 但海洋公園同迪士尼, 佢都係想去迪士尼, 好啦~ 咁就去啦~

10點起身, 都係點幾先出倒門口…去到剛剛睇巡遊…fb見倒有幾個3月媽媽分別都去緊,  於是約埋一位325媽媽一齊, 又撞倒2位3月媽媽


今日算好少人, 差不多樣樣唔駛排, 同上次(8號)紅銀卡得選日加落雨天真係天淵之別!

睇完巡遊, 玩左2轉小小世界, 木馬, 咖啡杯, 睇米奇3D, 金像獎, winnie the pool, 迷離莊園~
算係咁~

第一次自己坐木馬(op兒童皇國o個隻唔計), 我坐隔離o個隻! 中途有話唔要馬馬, 不過都算順行完成~!


印象中第3次玩迷離大宅, 之前pool pool都驚, 今次玩完大宅同我講"呢個好玩呀" *0* 大個仔喇~

反而咖啡杯有d驚, 一轉就好緊張捉住我手話"唔駛驚"@~@ 即係話佢好驚XD


今次仲係第一次O係巡遊中出去跳舞~ 其實佢一向不是太熱衷, 亦唔會跟住un, 最多揮下手, 今次剛訓醒都唔係好想出去, 見朋友仔出佢先肯出去玩彈

親子廚房1-20擊

舊年夏天開始, 不經不覺玩左20次親子廚房~ pizza都整左3次~好鍾意整野餅~最叻係攪~~