蠍+小藍+丁叮媽: March 2007

Saturday, March 31, 2007

《再見不再見》@彭秀慧

之前的《29+1》是我最喜歡的一齣舞台劇, 喜歡她 ^^ 誰有興趣一起看嗎?

再見不再見

每一個告別都是故事的終結
每一個再見就是故事的開始

生命中有多少次我們沒有好好的說一個再見，
又有多少次我們說了再見後卻沒有真的再見……
《再見不再見》是彭秀慧繼《29+1》三度公演後第二個個人劇場作品。
再一次，一個人，在台上，和你說故事。

創作│導演│演出彭秀慧

平面│動畫 kikiwong

佈景徐碩朋

音樂黃艾倫@ROM

燈光李智偉

服裝莊惠玲

錄像楊振業

攝影 Keith Sin

監製 goodgirl501 │ kearenpang

2007年5月18日 – 20日　8pm

2007年5月20日 3pm

香港藝術中心壽臣劇院

票價：成人　$ 180 (堂座)　　$ 120 (樓座)

　　優惠票$ 150 (堂座)　　$ 100 (樓座)

(優惠票只供全日制學生、高齡及傷殘人士，學生及高齡人士優惠票先到先得，額滿即止)

門票4/4起於城市電腦售票網公開發售

票務查詢及留座　2734 9009

雪芳蛋糕焗完後不會下榻,有以下幾個重點:
1)材料份量&步驟要准確,

2)旦白要打至企身,倒轉也不會塌下,因為這樣做可使大量空氣打入旦糕漿中,旦糕漿一定要有大量空氣,先會另旦糕在焗時膨脹向上升,

3)攪旦糕漿時記緊動作要快,并盡快放入已遇熱180度之焗爐,因為若動作慢遲入爐的話,會使旦糕漿中之空氣流失,這樣旦糕便會不上升,

4)一旦,蛋糕入爐便不要攪佢,or開焗爐門,因為這樣會影響溫度另旦糕下榻 OR不上升

5)用180度焗30-35分鐘後這時旦糕已焗熟,但千萬不要心急立即取出旦糕 (**這點是秘訣**),立即將溫度下降至130-150度再焗約10分鐘,這樣可使旦糕降溫,若不降溫旦糕會因焗爐的高溫和室溫的溫度溫差太大,而冷縮熱漲,做成蛋糕焗完後下榻!

6)取出旦糕後要倒轉旦糕灘凍
所有蛋糕焗完後都要倒扣,因為旦糕一定會因冷縮熱漲這個物理定律,而比剛剛出爐時收縮,如不倒轉旦糕灘凍,這樣旦糕收縮時會因它本身重量而另旦糕下榻!

1-10戰muffin

第一、二之效果完全一樣, 香蕉口味, 平頂, 發唔起。分別係用2個唔同食譜做。

第三次用左自發粉食譜, 發得起, 不過都係唔似, 似蛋糕。原味+朱古力粒。

第四次已經冇之前打得咁勁, 不過都係用電動打蛋器, 可能都係過龍左, 仲懷疑會唔會係同個杯有關=0=(分別係檸檬, 藍莓同朱古力口味。

第五次, lunch hour返屋企整~趕頭趕命得幾杯, 不過好似樣喇~^^(藍莓)

lunch用剩既漿雪左入雪櫃, 夜晚食完飯拎出黎焗一樣咁鬆軟~放左3日都仲咁掂~

第六次, 又黎最難既香蕉口味…驚中間又唔熟, 焗耐左…好火農…掉左好多…=0= 仲未再戰香蕉muffin, 不過整左香蕉合桃蛋糕都熟成功^^

第七次, 第朝又起身整, 快靚正, 唔駛特別早起身都整得切, 熱辣辣拎返工, 仲有同事試食完問我要食譜~(紅豆)

大杯都一樣得~證實左d杯冇問題XP

第八次, 試下加芒果肉, 點解又係咁濕架!!??? 原來…我落多左一倍奶=口=成個星期冇整多左奶都唔為意…結果冇影到相就掉左, 即時再整過, 圖中所見係第九次, 冇芒果味既…唔怪得唔見街有得賣…

第十次, 原本係整俾BLOG友食既~不過改左時間拎唔切所以依家仲o係屋企…(藍莓)

1-7戰日本棉花蛋糕報告

之前見咁樣衰唸住唔POST, 不過還掂都POST左5次, 都唔差在:P

第一次睇唔倒入面, 第二次仲衰! 唯一一次整全份, 完完全全地死實實!!唸住掉架喇, 估唔到我都係食晒XD真係頂自己唔順XDDD

第一次：牛油麵粉＋蛋ｏ個陣ｄ蛋一次過加…攪左好耐先冇粉粒…焗完出黎倒扣左都好快塌…死實實

第二次：牛油麵粉加蛋ｏ個陣逐隻蛋落，好快攪勻，不過同第一次一樣…蛋白打發過度，打到企晒身…好難攪得埋ｄ粉漿…焗出黎同第一次一樣…死實實(唯一一次整全份, 用大焗盤)

第三次：蛋白打得冇咁耐，冇咁硬，易攪勻左，不過用左一半份量但又用同樣大小既焗盤…所以焗出黎好矮。不過已經比第二次進步，用左一半份量材料，整出黎一樣高XD今次食落終於似返蛋糕(一半份量, 同樣用大焗盤)

第四次:蛋白打得再短時間d, 仲有d流動性就停手, 唔知會唔會打唔夠? 之後攪埋粉漿攪唔勻?(用第一次O個個蛋糕模, 加牛油紙)

第五次, 同之前差唔多, 第一次俾同事食, 反應出奇地好, 仲encore~@@(自製左個蛋糕紙盤, 半個焗盤大小)

第六次, 俾我切左個底XD變得好薄, 今次同事既反應係冇上次咁香蛋味同埋太薄, 可能因為我切左D既原固(紙盤)

第七次, 下次要晨早整蛋糕都係早返半個鐘起身好, 今次夠時間焗不過冇時間攤凍…今次打蛋打得好左, 打到幾硬下不過溝蛋漿o個時又好順利, 唔知係咪同我落多左鹽有關?焗出黎好靚仔~不過倒扣完都係縮左一半有多…同埋個面好濕…點搞呢…?口感軟棉, 不過偏濕。o岩o岩試多啖~真係有棉花糖feel喎~*0* (紙盤)

七戰日本棉花蛋糕

打蛋打得好左, 打到幾硬下不過溝蛋漿o個時又好順利, 唔知係咪同我落多左鹽有關?焗出黎好靚仔~不過倒扣完都係縮左一半有多…同埋個面好濕…點搞呢…?

今次冇分層喇~XD我唸住因為溝埋O個時做得好左, 口感軟棉, 不過偏濕。依家要解決既係出爐後縮水既問題…

o岩o岩試多啖~真係有棉花糖feel喎~*0*

Friday, March 30, 2007

原來不是兩情相悅

很喜歡小孩子的愛情故事。很純真、很可愛。

話說我班有一對歡喜冤家，一直以為他們是一對，大家都說男孩是女孩的男朋友。我只是覺得很有趣。

沒想到，昨天發現了一大祕密！原來男孩喜歡的是另有其人！只是女孩一廂情願。男孩還親口告訴我，他要等另一位女同學放學，然後送她去補習。

同學們都起哄取笑他，說他去畢業營時要那位女同學餵他吃東西，又說他面紅。他沒有生氣，也沒有太大反應。默不作聲。流露著點點甜蜜之情。^^

在我看來，昨天的他特別可愛！^0^

聽說他從前是一個有點暴力傾向的人，這兩年已有改善，我只領教過他的頑固偏執。

我最欣賞能夠勇於面對及大方承認自己感情的人，他沒有像其他同學般怕被取笑。

昨天他做完功課後問我可否到禮堂一會，就為了看她一眼，然後很快回來；我們看班合照，又主動要求看她所屬的班別。^^

其實喜歡一個人根本不用害羞靦腆。

當我還是小學生的時候，班上也有很多誰喜歡誰的流言，那時候認為能保守秘密才叫成功，被揭穿是失敗。也許就是因為這種傻想法，有些重要的東西錯失了。今天看見勇敢的孩子，叫人格外興奮！

換個角度看，這可會是另一個貪新忘舊的故事？我想還是不要深究比較好。

二記入貨-為十日大假做足準備

平日都幾多人!!

入左d模呀~紙杯呀~慢慢用~~最主要係去入平牛油(入左4包)、朱古力(2包)同整提拉米蘇既芝士~~不過250g42蚊, 500g都只係52蚊咋!!但老細話開左只可以擺2-3日, 所以我買左盒細既…

古惑的六戰日本棉花蛋糕

同事落ORDER整呢個, 佢早2日已經食過我整既失敗作, 居然大讚…仲指定叫我聽日整…@@
仲要唔只一個話好食…(汗)
今晚又整…第六次喇…都係唔得…
次次都有D唔同, 今次好明顯分左2層…
大家係咪睇唔出呢~~
因為………

我好古惑咁切左XDDDD
前面就係切左
後面就係未切

睇清楚D , 原本係咁架
究竟點先可以解決倒呢個問題呀???

十戰muffin~又黎藍莓鬆餅

今次用牛油整, 想香口d, 不過粉漿杰身d, 唔知係咪呢個原因發得冇之前咁靚, 同埋冇即時出爐, 由佢o係個爐入面焗左陣。3個裡面有一個唔係好發@@奇怪!同一兜漿黎喎…

呢d係整俾聽日同我睇話劇既blog友食既~^^

Thursday, March 29, 2007

有冇人陪我睇話劇呀聽晚T^T

有fd臨時黎唔倒, 張飛送出黎

有冇人有興趣?

8PM tst

我唔想一個人睇呀…>0<

http://www.trinitytheatre.org/wood/wood_info.htm

九戰muffin~懞盛盛芒果鬆餅

又黎鬆餅~今次加左芒果肉半個

成個禮拜冇整過muffin...已經忘記左d份量…落多左一倍奶都唔知…唔怪得咁稀=0=
攪到第一爐失敗左…side左1個芒果同4隻杯…(當然仲有其他材料, 不過呢d所餘無幾)依家得返3隻= =""
再焗多爐, 今次只係落左半個芒果

椰菜豬肉卷(附食譜)

椰菜灼軟備用, 火鍋豬肉片以生抽老抽糖略醃, 把豬肉片鋪在椰菜上, 卷起, 蒸十分鐘即成。

其實我覺得幾好味, 不過專員話怪怪地, 介乎好食同唔好食之間, 好曖昧喎~:p

蕃茄薯仔湯（附食譜）

唔鍾意飲湯既專員, 最愛飲呢個湯, 不過我煲出黎冇uncle咁甜, 可能同我冇落冰糖有關, uncle話煲咩湯都落細細粒冰糖會好飲好多~同埋佢煲魚, 我煲豬肉, 舊豬肉撕左絲, 準備繼「學人整豬肉乾」之後學人整豬肉鬆~^.^~

我買左1x蚊水展(@惠康)、3個蕃茄、2個薯仔

做法：豬肉洗淨飛水, 換水煲左舊肉先, 然後淨切埋蕃茄薯仔(薯仔要去皮)。專員話鍾意溶d, 所以要早d落, 煲返幾個鐘, 跟住熄火落鹽(我鍾意落魚露)調味就飲得~

美研究：薄餅焗久些可變「抗癌」食物

【明報專訊】很多人視薄餅為垃圾食物，但美國一名華裔科學家發現，只要將焗薄餅的時間加長和將溫度調高，就可以大大增加薄餅內的抗氧化物含量，令薄餅變成抗癌和抗心臟病的食物。

Wednesday, March 28, 2007

雞翼食譜．個人網頁．出書

唔知大家有冇收過呢條link?http://ourrice.com/~Scorpio3210/recipe01.htm

話說我幾年前開始學煮野食o個陣, 收收埋埋好多食譜, 為左方便自己睇, 擺左上網, 跟住有次cooking谷有人問起有冇雞翼食譜我就post左一次, 跟住就陸陸逐逐有人話我知收倒呢條link, 又唔知邊個同佢改左個咁堅既名XD我都冇數過有幾多款!亦因為咁, 我個網人數激增! 開左幾年都只係幾萬人次, 一下子去到幾十萬, 然後係幾百萬@0@!果然厲害! 不過厲害既唔係我~食譜唔係我所創, 我亦冇試勻晒所有煮法。^^"

呢個網紅左之後, 有個出版社聯絡過我, 見過面, 傾過偈, 不過我都唔知自己想出咩書。之後冇耐就返左依家份工, 於是亦不了了次。到依家, 當時聯絡我o個位朋友亦都轉左去第二間出版社lu~

日期: 2005-04-21 01:58:06
Rxx xxxx ( r@gmail.com / no homepage) 留言:

Hello scorpio網主妳好:

今日真的很高興!因為一返到公司查看e-mail時,看到網友傳給我的e-mail中,有一個是介紹我蹓覽妳的網站.

參觀妳的網站後,感覺很溫馨'溫暖及舒暢的......

忘記了!還未自我介紹,我是"世界出版社"發行部的 Ray Chow,妳網站中有幾個分頁實在很吸引,促使我發出這e-mail給妳.

妳可能好奇地問是哪些分頁,容我暫時賣個關子.先講妳的網站給我認識到妳是一位多才多藝`聰慧及富有愛心的美人兒.

其實我是被妳所飼養的兔子`妳的畫作及妳的編織作品所吸引住的.
*原因之一,是因為我公司近期的出版計劃中,部份是有關手工勞作及飼養寵物方面的.
*原因之二,是我很欣賞妳的設計意念`色彩運用及細緻的圖像.

冒昧一問,妳可有興趣編寫一本有關自己的創作意念書藉呢?(注意我並非在此找生意)敝出版社過往曾出版過不少類型的書籍,在尋找作者方面我們是採取開放態度的.我覺得憑妳的創意`概念及學歷是可以勝任的,所以才冒昧要請妳,不知妳有沒有興趣嘗試參與寫作及或了解我們呢?

其實我並非編輯部的工作人員,但對Marking 我卻是了解的,我相信如果妳的創意能夠在作品中盡情發揮,定必會暢銷.

如閣下有興趣了解一下我們公司的架構`出版流程及或過去的出版物.可致電聯絡本人上我們公司參觀了解.

當時都有唸過會唔會係厄人, 所以搵左男友同我一齊去^^"

雖然書就出唔成，不過都不失為一個有趣經歷~^^

大家有興趣歡迎參觀^^" 不過好耐冇更新…http://ourrice.com/~Scorpio3210

宇宙最強雞翼食譜一百式：烤蜜糖雞翼(附食譜)

早幾日上BLOG見倒人地整蜜糖雞翼好靚仔~今日唸住整啦~跟住上網search返~個個都係用呢個譜, 見其中一個寫住來源係

www.ourice.com, 於是醒起我個「宇宙最強雞翼食譜一百式」入面可能有~於是入返去睇~http://ourrice.com/~Scorpio3210/recipe01.htm#烤蜜糖雞翼果然係有喎XDDDD 不枉為「宇宙最強」XD強到自己都唔記得左XDDDD

材料：(2 人份)
雞翼10隻
豆粉適量
糖適量
豉油適量
蜜糖3湯匙

做法：
1. 把雞翼解凍，用豉油、糖和豆粉醃 15 分鐘。<<<醃30分鐘都唔夠…最好醃一晚
2. 焗爐預熱 230度。
3. 將已醃好的雞翼放入己預熱的焗爐內焗 15-20分鐘至金黃色。
4. 雞翼兩面塗上蜜糖再焗 2-3 分鐘，即可上桌。<<<我2面都搽左2次蜜糖, 焗一陣搽一搽, 焗完o岩o岩熟, 好滑, 冇特別留意時間, 見佢未得就焗多陣, 都唔知焗左幾耐:p

小貼士：
1. 焗盆鋪上錫紙可大大減少善後清潔工作；
2. 要時不時反轉雞翼好使兩面焗得均勻。

睇清d呢個譜都有d把鬼…乜都適量…識整就唔駛譜啦…跟得譜又寫得咁唔清楚, 會唔會有人整唔倒呢?

依家整先~我都唔記得之前有冇跟呢個譜整過:P

下一篇講下呢個「宇宙最強雞翼食譜一百式」既故事啦~

望女仔

講開睇, 又講下呢個同樣O係LOVE只既熱門話題。

間中就有人不滿男友O係街望女仔。我又係覺得冇問題喎。不過佢唔會, 通常只會望d奇裝異服, 跟住話人核酸。XD

反而我試過望完話俾佢聽個男仔幾靚仔XD俾佢話XDDDD

有D女仔話覺得不被尊重, 拖住佢但望第二個, 令佢冇面。有D就話望下唔緊要, 不過唔好望得太過份轉晒頭咁。有D就趁佢縛鞋帶即刻四圍望XDDDD(個舉止太肉酸又唔好XDD)

其實係靚既咪望下囉~有靚野最好嗌埋我一齊睇, 不過真係靚至好喎~XD

AV

LOVE 谷間中就有女仔話發現男友睇AV, 好意外, 有D直頭接受唔倒。

如果係你, 你會點呢?

其實我覺得好平常, 好閒…點解會意外?更加唔明有咩接受唔倒??接受唔倒既女仔係點唸既呢? 佢地係點睇男人既呢? 我一向覺得男人鹹濕係應該個喎, 只要唔係猥瑣就得~睇AV有咩問題?

笑淫淫望住人, 唔係男女朋友又毛手毛腳O個D就討厭, 但睇碟究竟有咩問題呢?

LOVE谷有人RE: 到有一日你發現佢睇同志AV先接受唔倒都未遲。

我都同意男人對同性戀呢樣野, 通常反應都好極端, 一係自己係, 唔係既好多都好抗拒, 唔同女仔, 女仔對呢D野冇咁畫清界線, 又或者男人對女同志都覺得冇咁抗拒。

又有人RE: 遲下你發覺佢唔睇, 你又會覺得意外。

接受唔倒既女仔, 又有分2種。一係覺得佢鹹濕, 甚至佢地2個本身都冇親密關係, 覺得男人唔應該咁。呢種比較少見…@@依家居然仲有呢種人? 另一種就係本身有親密關係, 唔明點解個男人有左佢仲要睇其他女人。

我又覺得睇下冇咩問題喎, 即係點解有拖拍, 都仲會睇愛情片？兩者冇衝突喎。

你覺得呢?

男仔又點睇女仔睇AV呢?

瘋狂追星家族送命收場為完獨女劉德華夢賣屋賣腎蹈海

【明報專訊】前日清晨6時許在尖沙嘴天星碼頭蹈海溺斃的68歲內地男子楊勤冀，原來死於「追星夢」。

畸形追星累己累人

【明報專訊】13年來，現年30歲的內地女子楊麗娟，苦苦執著要近距離見一眼心中的偶像劉德華，其父母為了幫助女兒實現心願，不惜傾家蕩產，賣房賣腎籌錢，陪女兒四處尋找與偶像見面的機會。

合桃香蕉蛋糕(附食譜)

終於整倒唔濕既香蕉蛋糕喇~^.^不過個外表硬左d, 俾我切左喇XD

食譜來源--《烘出麵包香》

做法：2個(20x10x8.5)cm長方形模份, 預熱焗爐180度(我做一半份量)

1. 將250g糖(我落左一半份減20g), 130g margarine(搽麵包o個d植物牛油), 1茶匙梳打粉, 1/2茶匙鹽(我用左有鹽牛油所以冇另外落鹽)拌至鬆發(我又用左打蛋器…係咪唔駛既呢:p好在都冇出事^^")。

2. 加入2個雞蛋, 再攪拌至光滑。(今次用返刮刀喇XD)

3. 倒入300g香蕉糊(我落左一隻大蕉, 128g, 用打蛋器打勻)。

4. 加入300f麵粉, 半茶匙發粉, 80ml牛奶繼續拌勻後, 加入100g合桃碎。

5. 入模, 可在表面灑上合桃碎使其更為美觀。以180度焗45分鐘即成。

試食報告：

試食團反應唔錯～試過既都話好味～咁o岩有2個冇買早餐~見倒我有整野食返黎好開心~^^我都好開心~^^

一個人的簡單晚餐

好似好耐冇正正經經咁食過餐飯, 其實只係呢幾日整太多野食, 搞到早午都係食呢D野。

食到個口甜晒, 今晚想食返E鹹野, 本來想整左屋企包魚麵, 加屋企有既蕃茄椰菜, 點知包魚麵變左質...=0=

結果落左D星期六BBQ食淨既芝士腸同丸丸。

其實呢D曾經係我主要既晚餐, 話說幾年前既我唔識煮飯, 食既大致就係呢D野, 我覺得好好味架~:P

Tuesday, March 27, 2007

食譜~傻軒媽媽香蕉小蛋糕

香蕉小蛋糕

自發粉             2 杯/ 200 克/ 8 安士
有鹽牛油          5 安士/ 125克
黃糖 /砂糖         3/4 杯/ 125 克
牛奶                    1/4 杯
蛋 2 隻
熟香蕉（去皮壓爛） 2 隻

1. 預熱焗爐180°C，在蛋糕模內掃牛油。
2. 把牛油及糖攪勻，篩入自發粉混合，加入香蕉及蛋拌勻。
3. 把麵粉漿倒入焗盆，焗25-30 分鐘，即成。

食譜~阿愛香蕉蛋糕

材料 : ( 八人份量)

自發粉 200 g or 2 杯

蘇打粉 1/4 茶匙

鹽 1/4 茶匙

牛油 125 g

黃糖 125 g or 3/4 杯

蛋兩隻

熟香蕉香隻

製作 :

1. 預熱焗爐170°C，在蛋糕模內掃牛油。

2. 把牛油及糖攪勻，篩入自發粉，蘇打粉及鹽混合，加入香蕉及蛋拌勻。

3. 把麵粉漿倒入焗盆，入焗爐焗1小時，即成。稍為待後撒上糖霜，切片即可享用。

芒果、紅豆、香蕉糯米糍(附食譜)

陳小三個譜勁正!!簡單又好味~~好軟好軟~>0< 3隻都咁好味!!!

經過棉花蛋糕同泡芙既失敗, 呢個糯米糍俾左唔少鼓勵我~^0^

食譜
材料
糯米粉　　　　　８０克
英粟粉　　　　　３０克
糖　　　　　　　３０克
水＋椰漿　　　１５０克（如果想擺耐少少可以加多５－１０ｇ水／椰汁）
椰絲　　　　　　　適量
芒果　　　　　１－２個

做法
１）把糯米粉、英栗粉、糖、水和椰汁混合起來，攪拌至無粉粒，混合均勻。
２）水滾後，用中火蒸１５分鐘，取出待涼。
３）芒果切粒（記得切大粒，半個芒果起８－１０粒果肉）
３）戴上膠手套，拿起約３０ｇ麵糰，包入兩粒芒果肉，收口，滾上椰絲，即成。

吞拿魚撻

用埋之前整包既吞拿魚餡

失敗的泡芙

中空, 不過唔挺身…照食譜份量整出黎太稀, 整過D粉糰再撈…結果都係唔實淨

幾年前整過2次, 記得好似成功過一次, 不過唔記得跟邊個譜=0=

芒果撻(附食譜)

第一次整果撻, 用另一本食譜既蛋撻皮, 同埋今次整得比上次蛋撐皮厚, 鬆脆左好食左, 我只係試食左D碎:P

整左4個果撻同2個吞拿魚撻, 用埋之前整包既吞拿魚餡

焗撻皮, 搽朱古力醬, 吉士醬, 捲芒果, 得左~

食朝試食左, 第一件出奇地好味喎~可能D芒果酸酸地, 撻皮、朱古力同吉士醬都甜所以幾好味, 撻皮都幾脆~好滿意

不過唯一一個食過既同事話太甜, 到左晏D我再試多個, 今次D芒果甜甜地, 所以整體黎講甜左D。

個芒果好奇怪，一半甜一半酸 *.*

撻皮食譜

軟牛油50g及糖粉30g拌勻至牛油呈現白色, 分兩次加入雞蛋(邊加入邊拌打), 打勻, 加入低粉拌勻；跟住就可以入模。

不過我覺得太軟太黏, 所以我會先放冰格雪一雪先拎出黎用。

五戰日本棉花蛋糕(暫停喇…)

唔好得幾多...我唸隔一排先再試喇…食到怕…="=

其實男友覺得幾好味, 不過佢都食到怕喇…

今日D蛋白又打返硬, 難MIX左…我唸我最需要睇最後一步既片…

用紙整左個大約係半個焗盤大小既模, 好好用~~正想要方型~不過只可以焗不能做慕絲芝士凍糕:p

呢個算係我第五戰既最大得著:p

試食團食評：估唔到呢個咁受歡迎*0*，清得最快～其實如果唔知佢既名堂…都幾好味既…XD

A小姐話似蛋糕, 食唔出有咩特別。我已經咁滿足喇XDDDD似蛋糕XDDDDD

Monday, March 26, 2007

四戰日本棉花蛋糕(苦惱中)

今次又比之前好少少, 份量少既關係, 用返細個d既模, 高身d睇倒上面鬆下面實, 請問有冇高人可以解答下我既疑難呀?

第一次、三、四次都係整一半份量。

第一次：牛油麵粉＋蛋ｏ個陣ｄ蛋一次過加…攪左好耐先冇粉粒…焗完出黎倒扣左都好快塌…死實實

第二次：牛油麵粉加蛋ｏ個陣逐隻蛋落，好快攪勻，不過同第一次一樣…蛋白打發過度，打到企晒身…好難攪得埋ｄ粉漿…焗出黎同第一次一樣…死實實

第三次：蛋白打得冇咁耐，冇咁硬，易攪勻左，不過用左一半份量但又用同樣大小既焗盤…所以焗出黎好矮。不過已經比第二次進步，用左一半份量材料，整出黎一樣高XD今次食落終於似返蛋糕。

第四次:蛋白打得再短時間d, 仲有d流動性就停手, 唔知會唔會打唔夠? 之後攪埋粉漿攪唔勻?

Sunday, March 25, 2007

食譜~ふわふわリッチなテーブルロール（水種法）/鬆軟的餐包

ふわふわリッチなテーブルロール（水種法）/鬆軟的餐包

材料：( 16個 )
高筋麵粉A(Bread Flour) 150g
溫水A 150cc
速發酵母A 小2（6g）

高筋麵粉(Bread Flour)) 100g
中筋麵粉B(All-Purpose) 50g
砂糖 30g
鹽 2g
蛋黃(大) 1個
奶油 50g
脫脂奶粉 25g
溫水B 與蛋黃混合成75cc

1準備大一點的鋼盆或任何有蓋子的容器, 將溫水A、酵母A均勻攪散。再加入高筋麵粉A拌勻。蓋上保鮮膜或蓋子放在約20度室溫下2小時。
2 鹽先過炒一下。混合蛋黄與水、砂糖、鹽、奶粉拌到沒粉粒為止。
3 等1漲大到有好多氣泡時用木匙攪動一下、加入2攪拌。再將剩下的高筋麵粉B與中筋麵粉B加入拌勻。
4 將 3（有點黏黏的）移到作業台、大約揉個5分鐘左右就比較不會那麼黏手了。（跟一般做麵包一樣）*但絕對不要加手粉。
5等麵糰能成糰後加奶油再揉約10到20分鐘左右。（跟一般做麵包一樣甩打）揉到出現薄膜為止。
6將5滾圓放進抹有油的鋼盆裡蓋上塑膠袋做第一次發酵約40到60分鐘。（這是在室溫28度左右的地方）用手指測試發酵完成與否。
7將6的麵糰取出、分割滾圓、鬆弛15分鐘。
8將7再輕壓並整型、用保鮮膜或塑膠袋蓋著做最後發酵約40到60分鐘。（大約室溫38度的地方）*因為麵糰較濕軟的關係烤盤上撒些麵粉會比較好。
9烤箱預熱。將8塗上蛋液、用200度左右烤10分鐘上色。*烤過頭就會乾乾的所以要注意。

另見--http://www.wretch.cc/blog/marscook&article_id=2584652