怕悶?

你會唔會成日覺得悶? 唔知做咩好?

由細到大, 我都係一個唔怕悶既人, 最怕係d人打電話或者msn黎嗌悶…

細個成日一個人o係屋企, 最鍾意o係茶几前擺陣, 一邊畫畫, 一邊睇電視~

阿媽問我悶唔悶, 我答佢: 「上帝做我出黎係唔怕悶既~」XD

到依家年隔廿年, 依然係一個唔怕悶既人, 總係有太多野想做, 只怕唔夠時間, 點會悶?

不過偶然都會有悶既時候, 大約係幾年一次, 每次幾日。唔知點解, 咩都冇mood做。

十幾歲時試過一次, 隔幾次又一次, 目前為止好似試過三次。

第一次對住男友嗌悶, 佢都好奇怪:「你好少嗌悶個喎~」我話「係呀…幾年一次囉…唔知點解…」