五香蜜汁豬柳(附乳酪食譜)

男友最愛之一：五香蜜汁豬柳

雖然係佢既最愛，不過由於要買一大盒乳酪，次次都用唔晒既關係…所以極少煮：Ｐ今次特登整多幾味乳酪菜，都係用唔晒…剩返１／３盒。

原食譜係用排骨煮，為左迎合佢鍾意大啖肉冇骨既口味～改左豬柳～～

做法：（改自海濱圖書公司出版既《乳酪食譜》本書食我o岩o岩學煮野食時o係教協買既~^^裡面既菜色一般都簡單好味~

1. 豬柳洗淨瀝乾，以鹽半茶匙、五香粉半茶匙及蛋黃１隻調味，醃二十五分鐘以上；

2. 沾生粉慢火炸熟後，轉大火炸至金黃撈起；

3. 蜜糖四湯匙、純味乳酪兩湯匙、五香粉四分一湯匙、鹽四分一湯匙煮滾，豬柳回鑊，兜勻上碟即成。