今次又比之前好少少, 份量少既關係, 用返細個d既模, 高身d睇倒上面鬆下面實, 請問有冇高人可以解答下我既疑難呀?
第一次：牛油麵粉＋蛋ｏ個陣ｄ蛋一次過加…攪左好耐先冇粉粒…焗完出黎倒扣左都好快塌…死實實
第二次：牛油麵粉加蛋ｏ個陣逐隻蛋落，好快攪勻，不過同第一次一樣…蛋白打發過度，打到企晒身…好難攪得埋ｄ粉漿…焗出黎同第一次一樣…死實實
第三次：蛋白打得冇咁耐，冇咁硬，易攪勻左，不過用左一半份量但又用同樣大小既焗盤…所以焗出黎好矮。不過已經比第二次進步，用左一半份量材料，整出黎一樣高XD今次食落終於似返蛋糕。
第四次:蛋白打得再短時間d, 仲有d流動性就停手, 唔知會唔會打唔夠? 之後攪埋粉漿攪唔勻?
照相片看來似搅唔勻牛油沉底，下面先至咁，但爐火有無問題呢？有無預熱？因為我D蛋白都打得幾硬但係焗出來好發，好鬆軟架。
ReplyDelete個旦糕底系吾系攪吾云d粉?
ReplyDelete你記錄底好易知道邊一個步驟發生問題，呢個動作好好呀！ 蛋白打發程度對於呢個蛋糕黎講係好重要呢，要避免過度打發，可以打一段時間之後，停機睇下，唔夠就再打，咁你會易一點掌握，另外，蛋白打發唔夠，亦會影響蛋糕膨脹效果，如果流質會滴下來就未夠，一定要起角狀，不滴下為標準 其實尚欠打蛋白步驟需要改善，你再試多次，應該無問題架，加油！！！
ReplyDelete你打蛋白打得唔夠耐呀~~~ 要蛋白打到倒轉個碗d蛋白唔跌落嚟先得!~~ 所以蛋糕入爐焗唔起~~~ 你個蛋糕底未熟, 要焗耐多少少...最好用竹簽插落去試吓, 如果冇嘢"chi"住又易拮, 個蛋糕表示ok 嘞~~
ReplyDelete點解你講咁難0既 ??? 我仲想整離試試添!!! 我同事整過話好易喎!! 我試過都唔錯架!!! 真係咁難????
ReplyDelete已經整咗4次!? 我整咗1次唔多好, 都諗住會再試!
ReplyDelete唔該晒咁多位先~ 老肥貓, 有預熱, 打得好硬o個次就攪左好耐都唔勻…可能咁打散晒d蛋白 豬太, 攪太耐我都驚d蛋白散晒 蔡師奶, 我估第三次可能好d, 不過整得太薄睇唔倒個效果...嗚...我已經食到想死喇~T0T JUBIE, 我頭2次就係打得太勁攪左好耐都唔勻, 睇返蔡師奶教話打得太硬會難攪勻, 所以之後就打少D…今次可能真係太水喇, 第三次應該最好…原來係唔熟?我唸我都要買返包竹簽喇…搵唔倒代替品, 屋企又冇… 阿愛, 次次人人話易整既野我都整唔掂…MUFFIN就係其一… stweetcat, 係呀…已經係4次都整到咁…我通常整唔掂既野就會不斷整到掂為止
ReplyDelete就咁睇... 旦糕既密度好高呀!
ReplyDelete七七, 呢個蛋糕應該唔係好多氣孔O個D, 應該係綿密既, 不過我傾向死實實…= =
ReplyDelete你睇吓呢個 一分鍾錦囊 應該可以令你更明白點做,我都係第一次做呢個蛋糕我都做到只係有小許唔匀, 你慢慢來加油,你應該好過我呀!
ReplyDelete傻軒媽媽, 我平時整海綿蛋糕係冇問題架…
ReplyDelete我諗你打蛋白時出問題喇...學蔡師奶話齋, 打下停下...唔夠先再打, 咁樣可能會好啲. 個底攪唔勻呢, 蛋液浸晒係底, 唔驚架, 你輕力啲再攪耐啲啦...再試過, 我支持你
ReplyDelete我都係同你一樣, 好多時都係攪蛋白既問題唔係好識要攪幾耐, 我試過D蛋白明明打到企身, 但係隔左一陣就變返水水地, 甜品真係幾難整 =.=''
ReplyDelete嘉露, 我已經停下打下架喇, 試左幾個唔同既硬度都係唔得…攪粉漿o個點為之勻呢?蛋白打得硬o個陣攪完會見倒少少蛋白粒, 打得冇咁硬o個2次就已經覺得攪勻, 呢次就係打得最稀o個次, 都沉底…平時整蛋糕底都冇問題…唔知點解…
ReplyDelete丁屎, 蛋白唔可以隔一陣架, 打完就要撈粉漿跟住入爐架喇
ReplyDelete