蠍+小藍+丁叮媽: September 2011

Saturday, September 24, 2011

第一次見面

自從cofirm左之後, 2, 3日後我就去普通門診拎懷孕證明, 今次冇上次咁急, 上次係4w就去拎, 其實2次都好淺色, 不過醫生都好好肯寫紙俾我, 等老公早d去醫院排期。
排好期後到8w先約第一次私家產檢。期間去左美食博覽同bb展, 未firm時仲自己一個去左迫書展…3個鐘已經頂唔順…真係攰到呢…
7w既時候帶丁叮去左轉台灣~食左好多野~仲食左永康15既芒果冰~~:p
去bb展時大約6w, 我同老公講, 其實我好怕去照…
去完旅行返黎之後一日就係8w, o個朝我仲掙扎緊去唔去好, 還是等12w廣華oscar呢?
對照超聲波有好大陰影…好怕見倒唔想見既野…阿媽又叫我唔好去, 咁鬼熱, 不過最後都係照去
好在去左, 今次開開心心聽倒心跳~dr tsang會開心跳聲俾我聽^^ 其實我冇戴眼鏡…係望唔倒閃閃架, 不過聽倒心跳聲, 好感動, 有d眼泛淚光! 臨照時我仲同醫生講好緊張…依家唸起都眼濕濕, 一個健康既小生命係幾咁珍貴T^T
離開診所後, 老公成日「卜卜、卜卜」咁扮丁叮既心跳聲^^
size比預期細左一日, 但已經比最後一次見米米大, 見倒手仔腳仔頭仔肚仔^^

丁叮同米米都幾唔同, 米米鍾意食魚生, 紫菜, 拉麵, 丁叮鍾意食餃子, 番茄, 完全唔恨食魚生~而且完全唔想食炸雞! 米米幾乎冇作嘔, 不過有d腰痛, 丁叮開頭都有腰痛, 作嘔比米米密好多, 米米總共都係3次倒, 丁叮由6w到依家差唔多13w, 幾乎日日2, 3次, 有時太熱, 太凍都會作嘔, 個胃cool住又會, 太臭又會, 見倒生肉又會, 見倒pizza hut個牌又會, 無啦啦都會, 不過咁樣反而令我安心^^ 仲有, 米米鍾意hello kitty同粉紅色…^^"

NIFTY唐氏綜合症無創產前檢查

最近蒲BK認識倒一項新技術同大家分享下
其實話新又唔係好新, 中大2年前已經發表過文章, 不過到目前為此仍未普及, 好多媽媽都未聽過, 所以O係度同大家介紹一下。

以我地所知, 一般黎講驗唐氏會O係11-13W幾左右去醫院照超聲波度頸皮+抽血, 如果遲左登記排唔倒早期就會俾中期測試你, 大約14-16周進行, 只會抽血, 如果排唔倒早期好多媽媽都會去私家照, 一般千幾蚊, 威院有個收費即日知結果既價錢由$1300加到處2550, 不過全港好似得佢一間係即日知, 一般醫院會2星期內通知, 政府醫院如果報告屬低風險就唔會打俾你, 高風險的話要做個抽羊水或者絨毛測試,流產風險有大約0.5-1%, 又以下呢種新技術, 準確度同上述2項差唔多, 都有99%, 不過就冇風險, 因為只係抽血, 所以好值得介紹俾大家~

以下資料來自BK(http://www.baby-kingdom.com/forum.php?mod=viewthread&tid=4085784&extra=&page=1)
只要過左12周就可以做NIFTY, 冇週數上限, 即係幾大都可以做, 抽血驗染色體, 2011年價錢為$6000, 唔多地方有得做
查詢電話:25269388
網址:www.hkparamount.com

補充資料 : 2年幾前的報章 :

中文大學研發出唐氏綜合症無創產前檢查，準確度達百分百，並將進行涉及數百人的研究測試，以進一步確定此無創產前診斷的安全及準確性，期望兩年後可將檢查普及化，令費用可減半至4,000元。屆時孕婦驗血便可得知胎兒是否患有唐氏綜合症，避免傳統檢查引致的流產風險。　記者：梁瑞
唐氏綜合症是一種因染色體異常引致的疾病，約700名嬰兒便會有一人患上，患者第21號染色體較常人多了一條，引致外貌及智力缺陷。中大醫學院研發出唐氏綜合症的無創產前診斷，並為28名孕婦進行臨床檢測，當中一半的胎兒患有唐氏綜合症，診斷結果準確度達百分百。該院李嘉誠醫學講座授盧煜明指出，新方法適用於懷孕11周或以上婦女，只需抽取五毫升血液，並分離出血漿，研究員再從血漿中分離出胎兒的染色體，透過儀器進行聚合連鎖反應、質譜分析基因技術及高流量基因排序等步驟，就能發現各染色體有否異樣，若分析到第21號染色體有異常訊號，即可確診。盧煜明指，初步證實新方法既準確且安全，將進行大型研究，為數百名孕婦進行無創產前診斷，進一步確定其安全及準確性，期望日後可廣泛應用。他表示，一部高流量基因排序儀器，每星期只可為16名市民進行分析，每人的檢查費用約需8,000元；若隨技術及電腦配套改善，有關檢查能夠普及化，費用可望可兩年後減半至4,000元。
避免流產風險減壓力
現時懷孕六周的婦女可進行羊膜穿刺術，到十周時則可接受超聲波量檢查頸皮厚度，費用介乎4,000至6,000元，但盧煜明表示，羊膜穿刺術是以針管刺入羊膜內，抽取包圍嬰兒的羊水作檢查，或會傷及胎兒，流產風險約為1%，較唐氏綜合症的發病率還高。他續稱，超聲波檢查則會因技術差異，而影響診斷結果，以驗血來檢查唐氏綜合症，不但沒有創傷，更可避免傳統檢查的1%流產風險，減低對孕婦造成的心理壓力。中大自97年起已開始研究唐氏綜合症的無創產前檢查，當時發現母體的血漿含有胎兒的基因，經過不斷的改良，終研發出以驗血檢測唐氏綜合症。盧煜明指，此方法又可應用於其他與基因有關的疾病，如地中海貧血症、鼻咽癌及肝癌，準確度高達九成六。
轉載請注明出自著數網