ChriScorpiObi

ChriScorpiObi

Tuesday, February 27, 2007

食譜~泡芙

泡芙

食譜1: http://hk.myblog.yahoo.com/jw!doqHcq6RGBhKIizHUjBj_Gl2J54-/article?mid=931

食譜2: http://hk.myblog.yahoo.com/jw!49Hz7cGQERUbOgJRN37PQOfeScav1K4-/article?mid=941

食譜3: http://hk.myblog.yahoo.com/jw!ScG0bVSeHwEqkjIZVkjBsFjiWg--/article?mid=306

整 PUFF 泡芙 失敗原因及 SOLUTIONS: http://hk.myblog.yahoo.com/jw!ciZ8m5yXAh5kVczunFbSjwKp/article?mid=58


食譜~林明頓

林明頓

小白


回家路上的小白花,最喜歡這種小白花跟小黃花~長在路邊,格外吸引。^^

學人整豬肉乾(附食譜)


做法:
1. 約150g惠康特瘦免治豬肉以魚露、生抽、老抽、糖、蜜糖、紹酒調味,用筷子攪至起膠結成一團;
2. 牛油紙/不黏布鋪底,放上肉碎,再蓋上保鮮紙,擀成薄片;
3. 以125'C焗20分鐘,放上架待涼後,再連架入爐,以150'C焗10-20分鐘即可出爐待涼(留意有否焦黑,可於中途再塗上蜜糖)。

今次鹹左D, 第二塊焗o個陣加d蜜糖, 都幾好味。

好玩~又抵食~再調下味就good喇~可以多d糖, 唔落生抽老抽或者少d魚露, 轉返bbq蜜糖, 今次用左百花蜜。


豬仔包(附食譜)


材料: (2大個份量, 呢個應該係軟豬仔包食譜, 好軟下)
高粉 100g;  鹽 1/5 tsp;  糖 6g;  菜油 10g;  酵母 2g;  暖水 64g

做法: 
1) 先將所有材料搓勻, 搓至有筋性就ok;
2) 作第 1 次發酵 約 45 mins;
3) 取出面團分割排氣, 中間發酵 10 mins;
4) 做型, 作最後發酵 30 mins, 塗上蛋液, 曬上芝麻, 放入已預熱之焗爐 180度焗 12mins.

發到咁大...=.=

仲未試食, 聽朝做早餐~


Monday, February 26, 2007

蛋白蛋糕(附食譜)


做法:
1) 將蛋白2隻加入少許鹽用打蛋器打至起泡後,加入檸檬汁數滴, 分次加入糖共50g,繼續打至企身。
2) 拌入雲呢拿油數滴及已篩的麵粉25g。
3) 入模, 175度焗約20分鐘。
4) 把蛋糕取出,倒扣。


Sunday, February 25, 2007

要愛情還是友情?

今天唱了很多有關跟好朋友喜歡上同一個人的歌,假如要你選,你會怎麼選擇?

情況一:跟好朋友同時喜歡上同一個人,你會如何處理?

情況二:好朋友喜歡上你的男/女朋友,你會如何處理?

情況三:喜歡上好朋友的男/女朋友,你會如何面對?

情況四:假如發現了好朋友一直跟你談及的男/女朋友,原來跟你的男/女朋友是同一個人,你又會如何?

一:當然要看看誰比較重要,喜歡也有很多程度吧?不過一般情況下,我是一個重色輕友的人。


有過一次這樣的經歷。其實我一早知道他們喜歡對方,假如我可以掇合他們倒是好事,可是他們雙方都不讓我告訴對方,因此他們都不知道對方喜歡自己…;守著這個秘密其實很辛苦,最後我什麼都沒有,也漸漸疏遠了兩人。後來不久他們在一起了,直至現在也大概有七年了吧。

二:也許有點幼稚,不過我大概會避開她吧。我會盡量避免所有危機。即使是多好的朋友也不能共享一個男人。即使不讓他們見面,但我跟她見面的時候心裡還是會有根刺。我會不會把這件事告訴男友呢?這很難說…也許不能守秘密的我還是會忍不住告訴他,我有信心他會不以為然,所以其實說與不說都不是重點。以上都是假設我男友不喜歡我的好友。假如他也喜歡她的話,答案便會跟情況四一樣。

三:這是很無奈的事…可以的話最好不要發生吧。假如真的發生了,(假設我跟他們雙方都是朋友的話)我會看他們的感情如何,假如他們感情很好的話,我絕對不會做什麼,其實是要做也做不了什麼,只有讓自己變成衰人。我才沒那麼笨!假如他們感情不好,我也許會從中作梗。雖知道即使他們分開了也不一定會選我,就像《電燈膽》歌詞中的一句「妄想一天你們會散 會選我嗎」。(假設男方我是不認識的)這情況下,其實很難想像我會喜歡上一個不認識的人…但凡沒交談過的,或是只有交談但沒有見過面的(可能是網友),我都難以想像自己會喜歡上對方。

四:假如女方是知道的話,我一定會很生氣,兩個都不要!像《NANA》中的奈奈怒撇章司一樣,丟下一句:「我不要了!」也許是愛不夠,至少不夠愛自己的尊嚴多的關係吧。又假如,好友也是不知情的,這情況下,男人一定要不得了,好友大概也至少要過一段日子再看看雙方復原了沒有再說吧。


《電燈膽》vs《一場朋友》

很久沒有更新「千千闕歌」。最近很少聽歌,不過從電台節目聽到這首歌感覺很好。
還是最基本的旋律最好聽。
歌詞讓我想起「最佳位置」。
也許是我聽見的時候想起同一段往事的原故吧。
還有一首許美靜的「一場朋友」其實更相近。


電燈膽


歌手:鄧麗欣 | 作曲:李峻一
填詞:李峻一 | 編曲:Johnny Yim


假使不能公開妒忌 學習大方接受
同行時要殿後 誰冷落舊朋友
節日約我三位一體的慶祝 沿途明亮燈飾閃映著沉重
言談越熾熱 內在更冰凍

誰當初無心將兩方綴合 然後留低 只得這寂寞人
仍是你們密友 呆望你們熱吻 應該傷感還是快感

* 能迴避嘛 我怕了當那電燈膽
黏著你們 來來回 委曲中受難

一個我被撇低 卻又很不慣
要走的一剎又折返
能承認嘛 我故意當那電燈膽
他日你們完場時 入替也不難
善良人埋藏著最壞的心眼
妄想一天你們會散
會選我嗎 *

對換了你身份可應該滿足 情人還是知己都擁入懷抱
同情或眼淚 讓別個得到
留低的原因 一世的秘密 其實明知只得我是外人
仍是你們密友 呆望你們熱吻 應該開心還是痛心

Repeat *


一場朋友


曲:陳佳明
詞:林夕
唱︰許美靜

寂寞是我總比你愛得多
絕望是你總非愛她不可
深宵舞會 與她一同渡過
那裡會有人再肯這樣傻
浪漫是你的一句對不起
鬧劇是我跟她變作知己
擁緊我得 始終不能是你
卻要我與你一起
三人行 場面愉快的三人行
能容納我等於憐憫
你信我有多開心

三人行 誰人願每天三人行
藏頭露尾的小陪襯
我信你也會不忍
寧願沒朋友 不想再依靠你
難道沒朋友 欣賞我的韻味
就如舊愛 有天總忘記
當初竟以為愛到死
寧願沒朋友 不想看她吻你
從來沒朋友 彼此暗中妒忌
二人合照 我懂得迴避
她不必以為我等你


捨棄尊嚴地追逐一個人,你認為值得嗎?


我紅了…XD

From Apple daily!

日 理 財   晚 補 習   深 宵 打 機
健 康 食 品 當 飯 財 經 顧 問 猝 死


【 本 報 訊 】 一 名 任 財 經 顧 問 及 經 營 補 習 社 男 子 , 昨 日 被 發 現 猝 死 於 女 友 油 麻 地 廟 街 寓 所 , 他 沉 迷 打 機 徹 夜 不 眠 , 並 經 常 以 「 代 餐 」 及 蜂 膠 囊 等 健 康 食 品 代 替 飯 餐 , 至 於 他 致 死 的 原 因 , 是 否 與 疲 勞 過 度 以 及 飲 食 習 慣 有 關 , 有 待 法 醫 官 剖 屍 確 定 。 記 者 : 梁 澤 岡

醫 學 會 副 會 長 朱 建 華 表 示 , 一 般 食 用 代 餐 是 需 要 經 過 適 當 計 算 , 讓 身 體 每 日 攝 取 足 夠 營 養 , 長 期 食 用 代 餐 等 如 偏 食 , 嚴 重 會 引 致 死 亡 。 他 呼 籲 市 民 不 要 胡 亂 以 代 餐 取 代 正 餐 : 「 你 唔 知 入 面 有 乜 成 份 , 你 又 唔 識 計 , 唔 知 道 自 己 少 咩 營 養 。 」
死 者 吳 偉 山 ( 30 歲 ) , 現 場 油 麻 地 廟 街 223 號 的 單 位 , 是 其 女 友 的 住 所 。 吳 的 女 友 與 父 母 及 一 弟 同 住 上 址 , 她 與 吳 拍 拖 約 五 年 , 兩 年 多 前 雙 方 感 情 趨 於 穩 定 , 吳 搬 入 上 址 與 女 友 及 家 人 同 住 。 據 稱 , 吳 女 友 的 父 母 在 東 莞 常 平 置 業 , 父 親 在 當 地 長 住 , 母 親 亦 經 常 往 常 平 , 女 友 胞 弟 也 常 不 在 家 , 該 單 位 變 相 成 為 兩 口 子 居 所 。
現 場 消 息 指 , 吳 日 間 從 事 財 經 顧 問 工 作 , 並 經 營 補 習 社 , 晚 上 打 理 補 習 社 業 務 , 工 作 量 非 常 繁 重 , 但 卻 不 喜 歡 食 正 常 飯 餐 , 反 而 愛 食 多 種 健 康 食 物 , 例 如 蜂 膠 囊 等 代 替 米 飯 ; 他 亦 愛 好 深 夜 上 網 玩 電 腦 遊 戲 , 有 時 打 機 打 到 通 宵 達 旦 , 甚 至 不 眠 不 休 。 女 友 家 人 指 他 身 體 狀 況 良 好 , 未 聽 他 提 及 有 任 何 病 痛 。

半 夜 傳 呻 吟   死 前 抽 筋

在 農 曆 新 年 期 間 , 女 友 約 同 友 人 外 遊 , 其 父 母 亦 於 常 平 度 歲 , 其 間 , 廟 街 住 所 剩 下 吳 及 女 友 的 胞 弟 。 昨 凌 晨 2 時 , 女 友 的 姓 張 ( 51 歲 ) 母 親 返 港 處 理 事 務 及 餵 狗 , 她 進 入 單 位 時 發 現 其 兒 子 並 不 在 家 , 而 吳 的 房 間 則 亮 燈 , 相 信 他 正 在 上 網 打 機 , 張 婦 未 加 理 會 , 梳 洗 後 返 房 間 就 寢 。
至 凌 晨 4 時 , 張 婦 聽 到 吳 的 房 間 傳 來 異 聲 , 像 有 人 痛 苦 呻 吟 , 但 她 不 以 為 意 。 張 婦 事 後 向 警 方 供 稱 , 平 日 吳 睡 至 下 午 3 時 才 起 床 , 但 昨 午 1 時 許 , 她 心 血 來 潮 拍 門 叫 吳 出 來 , 由 於 良 久 沒 有 反 應 於 是 開 門 入 內 , 赫 然 發 現 吳 昏 迷 倒 床 上 , 嘴 角 滲 血 及 身 體 冰 冷 , 完 全 沒 有 反 應 。
張 婦 見 狀 立 即 報 警 , 救 護 員 接 報 到 場 證 實 吳 死 去 多 時 , 屍 體 已 出 現 屍 斑 , 同 時 他 身 體 有 抽 搐 象 , 相 信 死 前 曾 經 抽 筋 , 警 方 調 查 死 因 無 可 疑 , 屍 體 稍 後 由 仵 工 移 送 殮 房 。
有 吃 代 餐 經 驗 的 網 友 舞 漾 在 優 仕 網 討 論 區 表 示 : 「 肚 子 餓 得 半 死 , 卻 又 只 能 喝 奶 昔 ( 代 餐 ) , 這 有 多 痛 苦 你 知 道 嗎 , 我 就 喝 過 , 餓 到 全 身 無 力 , 整 天 想 睡 覺 。 」 網 友 蠍 在 其 雅 虎 網 誌 內 說 : 「O個 時 飲 過 17 日 , 不 過 好 癲 咁 一 餐 份 量 分 兩 餐 飲 , 17 日 輕 14 磅 。 不 過 太 辛 苦 喇 。 」

實在太搞笑~XDDDDD好樣衰!!!好似一本便利o個d無知少女…==人地o個時細個嘛~~~1x歲…/3\

不過記者搵倒唔出奇, 求其上yahoo blog都search倒, 最勁係有blog友發現話返我知XDDDDD

我紅了XDDDDDDDDDDDDDDDD


大利是


係咪好厚呢~A0A

人仔最大一百蚊, 所以封利是特別厚~哇卡卡卡~

我都忍唔住, 等唔切十五拆利是, 偷偷拆左~A0A

不過睇完已經入返入去喇~


Saturday, February 24, 2007

深圳一日遊



今日上左深圳

同老豆拜年, 爹地仔第一次見老豆, 老豆話: 「睇落都唔錯丫~」=^^=

仲見倒幾年冇見既堂哥, 上次同阿媽去珠海浸溫泉見過, 當時已經娶左老婆生左個女, 依家已經8歲大~~

堂哥真係好似大伯!!!愈大愈似!!!佢話我大個左好多。

食左餐好貴既LUNCH, 都冇食咩貴野, 4個人埋單6百幾…酒店即係酒店…

收左2封大利是~人仔最大都係一百蚊紙, 所以封利是好厚~哇卡卡卡~返到黎忍唔住拆左黎睇~本來唸住十五先拆都忍唔住拆左呢2封~~我唸堂哥O個封都應該係今年第三大利是~~老豆O個封當然係最大啦~~

之後車左我地去書城, 問佢地係咪有個購書中心, 點知佢地都唔識…去左個O係少年宮站附近話係最新既書城, 不過得一層, 只係睇左食譜同琴譜, 但都已經消磨左一個下晝~返到黎搭火車見倒購書中心既廣告, 原來O係科學館站, 有六層咁高, 下次去搵下先~

好想試下搭深圳既地鐵, 不過佢地唔識…亦唔知書城附近有冇地鐵站…老豆只係貪得意搭過一次…

買左300蚊書同DVD, TOTAL12本書+2隻DVD~跟住去PIZZA HUT食左D野就返歸~好好彩咁俾醒目既爹地仔搵倒地鐵站~咁都幾方便~搭左幾個字就到羅湖~得閒可以去行下~^^

好開心~好似去左旅行咁~^0^

其實我覺得深圳同台灣都好似, D地鐵都有相似既感覺~


Friday, February 23, 2007

高跟鞋

成日都想試下買高跟鞋,聽講著左成個感覺唔同晒,小腿又會拉長d靚d。

不過好驚腳痛,買左返黎因為怕痛又等o係度唔著side晒…


「猜猜畫畫」


尋日全部7位TA上晒去Yoko屋企, 同佢個FD同埋佢細佬一齊打打邊爐, 冇帶手信上去拜年XD

主打丸丸同腸腸, 買左少量菜菜同肥牛牛。最好味係

方形芝士丸! 中間D芝士拉得出絲架~~>0< Rachel話勁難食, 我地就個個食到lamlam利~:D~~~~~~~~

食完一輪主角終於上場, 就係Wendy 媽既「猜猜畫畫」喇~

之前都聽pinky谷版友講過, 佢地去cafe好鍾意玩, 我就冇跟過佢地去。但就見過佢地玩完之後畫晒公仔既紙。最近先知道原來好似大富翁咁係一副棋, 有得擲骰同行。

抽卡, 睇下上面要你估一樣乜野, 2個人一組, 一個畫一個估。唔準出聲同做手勢。有動作, 難字, 物件, 人物地名幾個項目。

佢地之前都玩過幾次, 我就第一次玩。我同Karen一組, 主力負責畫, 我地o個組最後贏左~~行到好遠, 差唔多行左4/5就黎到終點~有2組就玩極都係起步階段XDDDD因為企正o個格次次都係全部一齊玩XDDDD

Anna好搞笑, 一路畫一路"mm mm mm" 好似啞左咁XDDDD有口難言

Wendy就好淡定, 好悠遊咁慢慢畫一d都唔緊張, 最記得佢畫左一面鏡, 佢partner估倒第一個字係鏡, 點知硬係估唔到第二個字, 佢開頭都冇畫野, 之後畫多一個大人一個細路, 又畫多一個B, 阿Yan就係咁估係鏡x呢, 又估鏡BXDDDDD(咩係鏡BXDDDD) 點知開估, 原來係「鏡子」XDDDDDDDDDDD

我記得最難表達既係動作, 「反對」呀, 「檢查」呀, 都唔知點畫XD 都未唸倒個「反」字點畫已經俾人估倒, 檢查我就直情畫左個關員同遊客同埋行李, 不過Karen睇唔出XDDDDD 反而有D難字都仲好D, 最難係Wendy o個組自己畫既「指引」, 其餘「速度限制」呢d都仲ok~

我都想買返副招呼朋友XD

當初Wendy媽帶返黎o個陣反應冷淡, Karen話佢帶左小丸子, 個個都話想睇小丸子先XDDDD 點知個個玩到癲晒上晒癮XDDDD

不過呢個遊戲要2個人一組, 3組以上先好玩~


好客的豬


佢見倒任何人都好熱情好客,有人入親黎都會好熱情咁撲埋去!驚狗既朋友俾佢嚇親,九唔搭八既又走埋去扭人摸…完全看唔倒門口。=0=

完完全全係一隻玩具狗~用黎招呼朋友就好O岩~如果佢唔係咁為食既話XDDDD


芝士波波!!?


食譜引用自:
http://www.leisure-cat.com/frm_1244.htm (我加左芝士碎)

食譜話多d奶會煙韌d, 不過會搓唔倒, 可以用o即袋。我就用湯匙筆, 但咁稀根本發唔起…完全唔係"波"…=.=

新鮮出爐味好質感都幾似, 不過唔成形…下次試下少d水

其實呢度已經係第二爐, 第一次睇錯譜XD, 以為要焗一焗再搓, 點知原來只係預熱XD D野唔駛放入去XDDDD, 整左一餅出黎XDDDDDDD


朱古力曲奇(附食譜)


唔知點解整出黎咁平滑既…


朱古力豆 100克(我落左75g), 麵粉 100克, 牛油 100克, 鹽 少許, 沙糖 30克, 紅糖 30克, 蛋 1隻.

準備 :
1. 牛油及蛋恢復室溫 2. 麵粉篩過 3. 烤盤舖上烤箱用紙或抺牛油 4. 焗爐預熱180度

做法 :
1. 牛油恢復室溫放入容器中, 用打蛋器打軟, 打入鹽,糖, 紅糖分兩次加入, 直至糖及牛油混合;
2. 加蛋, 用打蛋器攪拌到混勻為止. 也可先把蛋打散再慢慢倒入;
3. 加入篩過的麵粉1/3量, 用打蛋器攪拌到毫無乾粉的程度. 開始先加少量的混勻後, 再把餘下的粉倒入便容易混勻;
4. 用橡皮刮刀代替打蛋器, 加入剩餘的麵粉. 容器一邊朝自己方向轉動, 一邊上下翻攪麵糊. 攪拌到麵粉不再有粘液;
5. 加入朱古力粒, 用橡皮刀攪拌到朱古力粒均勻混在麵糊中;
6. 用湯匙舀滿一匙麵糊, 再使用另一隻湯匙整理成圓球狀並推落於準備好的烤盤中. 焗約15分鐘. 取出放涼。



賀年食品~椰汁年糕(附食譜)



今個新年整左蘿蔔糕、芋頭糕、年糕, 今次到椰汁年糕, 係年初一整既。

第一次唔駛我去拜年, 好意外阿媽話「你鍾意」。咁我就成日留左O係屋企整餅喇~

今次同上次既年糕比, 有D椰香, 都幾好味, 不過中間好似蒸得唔夠熟XD, 今次蒸得冇上次咁耐^^" 不過唔怕啦~仲會煎家嘛XDDDDD (非常唔可靠XDDDD)

做法:
1.
將冰糖300g加水290g煮溶待凍,待凍後加入椰槳200g用格篩過去質;
2.
篩入糯米粉200g和澄麵75g中,用筷子攪勻隔 2 次,粉會滑一點。直至挑起粉槳即瀉下為合。
3. 倒入易潔糕盆內,隔水蒸約 1小時。

食譜來源:http://www.leisure-cat.com/frm_1407.htm


假如我有一個哥哥

假如我有一個哥哥, 會是一個很疼錫我的哥哥嗎?

小時候曾經希望有哥哥或者弟弟,當然哥哥一定要是非常痛錫我的哥哥,弟弟嘛,因為喜歡看著小朋友成長,看著他們的轉變,覺得很有趣。

總是對哥哥跟妹妹這個組合很有幻想,又好像有一點點曖昧(*0* 危險啊~)XDDD

有妹妹的男孩子大概會比較懂照顧別人,而有哥哥的女孩子也會比較嬌柔。想反假如是姊弟,即使是雙胞胎還是會覺得姊姊太「男仔頭」,弟弟太「裙腳」…

但其實,我也有2個像哥哥一樣疼惜我的堂哥。小時候到他們家總會把我放在第一位,其他女孩靠邊站~呵呵呵~總愛說「妹妹最漂亮」^0^ 不過小學以後幾乎沒有見面。(幾年前見過一次說我胖了…=.=||)

我也有3個像弟弟一樣,滿足我「看著他們成長」這個興趣的表弟,分別在我七至八歲時來到世上,出自我的三個舅父。現在已經成年了,有的更在網誌上放上跟女友的親蜜合照XD。其中一個移居美國,兩個到廣州讀大學。都長大了。^^也長得跟我差不多高了。

昨天到同事家打邊爐,他的弟弟也在一起,看見姊姊很照顧弟弟,特別替他夾食物。手足之情表露無遺。這種親密關係永遠不會出現在我身上。

將來有孩子,我也希望是一男一女,先來的要是男孩子。龍鳳胎也不錯啊!

好喜歡「哥哥與妹妹」這個「危險」組合!

後記:有兄弟姊妹仲有一個好處,就係屋企如果有d咩事起碼都有人同你一齊分擔。如果得你一個,好多野都要自己面對。淨係阿爸阿媽吵大穫,多個人照應都好好多!


食譜~蜜味豬肉乾

http://irenechanwai.mysinablog.com/index.php?op=ViewArticle&articleId=141653

肚滿腸肥...賤肉橫生 =0=

總結呢個新年既減肥感受:

肚滿腸肥...賤肉橫生  =0=

食完屋企D野先再努力過, 我睇一周年紀念都係慘不忍睹架喇...>0<


Thursday, February 22, 2007

雪糕


其實我本身唔係一個鍾意甜食既人, 同好多人講過, 大部分都好驚訝, 覺得我係因為怕肥。

單係阿媽, 每次同佢講佢都係同一反應…

不過唔好之中都有幾款係特別鍾意既

細個減肥期間都受唔住誘惑既有

薄荷碎朱古力! 當時好似係一杯飲品, 上面有薄荷雪糕? 記得唔係好清楚 :P

但其實我又唔好薄荷喎, 一定要有奶既成份先鍾意, 例如薄荷瑞士糖, 薄荷雪香~

大個左發現哈根大師出左隻吉士布甸味雪糕, 一見傾心~>~~< 男友極力推介既朱古力我都冇咩感覺:P 我唔好雪糕, 又唔好朱古力… :P 朱古力野食多少少都會厭…^^" 係吉士布甸討得我歡心~ ^~^

不過出左一排就再冇見過…好傷心 T^T

後來7仔出左紅豆軟雪糕同樣TUM倒我開心  我鍾意食軟雪糕多過硬雪糕~~lamlam下好似好可愛咁

以前減肥成日唸:食雪糕係好可愛…不過食完我唔可愛呢~


最後一夜

今晚是外婆一家在我家留宿的最後一夜。

昨晚心情起了一百八十度轉變,突然由虛脫乏力變得依依不捨。他們為我帶來許多美食,我卻沒有好好招呼他們。

今晚同事們到其中一位同事家中打邊爐,我也很想參與,可是明天他們便要回去了,很想為他們做一頓飯。

外婆知道我會做年糕跟芋頭糕很詫異。

昨晚聽說她想吃菜,今晚買點菜回去吧。

一般家常菜我怎也不會比他們做得好,做點特色點的他們會喜歡嗎?


《一碌木》


買左飛喇~唔該晒mauph, 仲有mecca我地30號晚見啦~^.<

仲有冇其他blog友想一齊呀~^0^

http://www.trinitytheatre.org/


外婆




繽紛嘉年華

好鍾意呢幅相~XD特別再放一張XDDD


虛脫

今日臨放工開始有種虛脫既感覺…唸起要返屋企有D怕…

返到黎一個人都冇, 執左野掃左地, 傾左陣電話。

成個人撻左O係床度, 冇最力。

好大壓力…唸起佢地一陣返黎唔知點面對, 又唔知安排咩節目俾佢地好…

終於返黎, 話海洋公園好多人, 排左好耐隊玩左一陣。最抵係火車全日通行證。

幫佢地執左D相聽日去曬, 同阿婆睇左呢幾日影既相, 又同細舅父睇左佢個仔O係美國放上blog既相。總算有講有笑。

聽見阿婆同姨婆講返尋晚既事, 話我係因為唔見左隻狗云云, 聽得唔清楚。

今晚阿婆依然冇入黎同我訓, 佢地鋪左張床墊o係地下訓左幾個人, 有d訓隔離房有d訓沙發, 唔知阿婆訓邊, 亦唔知佢點解唔入房訓。

佢地後日就走, 阿婆問我晏晝可唔可以同佢地一個親戚一齊飲茶, 我話唔得喇, 我返朝9晚5。我地同佢地o個邊放飯時間唔同, 得一個鐘…去唔倒幾遠…

聽佢講電話, 知道佢想食菜, 不過附近冇街市, 我話聽日放工買, 問佢想食咩菜, 佢話咩都冇所謂, 買d可以放湯既菜, 唔食都可以擺。

想煮餐飯佢地食, 不過又驚冇佢地煮得咁好。海鮮驚煮得唔夠佢地好, 其他野又唔知佢地鍾意食d乜…

聽晚可能係最後一餐, 後日唔知幾點走。本來約左去同事屋企打邊爐, 不過我唸我應該留o係屋企陪下佢地。放工問下佢地會唔會返屋企食先。

佢地未返就好緊張好支力好眼訓, 返左黎咩事都冇就精神晒~:p


Wednesday, February 21, 2007

赤口 (一大堆嘮蘇)

本來今日可以偷閒同男朋友出去玩都好開心, 9點幾返到屋企已經好支力好眼訓, 十點幾沖完涼訓左落床架喇, 點知咁就出事!

首先舅父佢地試電話打左黎我手提2次!!接左又收線...開門問佢地係咪有事搵我, 唔會再響喇馬?2舅父話: 唔會呱~哈哈~除非阿婆一陣返黎叫你起身打牌!= = 我話佢地知我聽朝要返工...

好啦跟住阿婆返黎, 一入門口就話有狗屎...姨婆同表姨送佢返黎o係門口唔知搞咩搞左好耐...原來肥豬o係佢地入門口之際走左...表姨睇住佢走..所以o係門口冇入到黎, 唔知想去搵佢定點, 阿婆又係咁叫佢地唔駛理, 入黎坐!! 我一知道咪死出去搵囉!! 都唔知去邊度搵, 一出門口就踢左幅矮牆發洩!!呢幾日都諸事不順心情煩躁!!!

行左陣大嗌左3聲都唔見! (從未試過咁大聲嗌! 都唔理嘈唔嘈倒人!擺明就係要俾佢地聽倒我搵緊狗!!!) 行返返屋企見佢地o係晒入面, 表姨出左門口, 我問佢見唔見佢走左去邊個方向, 佢指左我睇佢去左邊, 我都唔知點搵, 於是o係佢個狗兜度倒左d佢最鍾意既狗糧引佢返黎。

呢個時候姨婆同表姨都唔好意思o係度坐, 上車走人。阿婆同舅父舅母出黎送客, 本來都好地地, mun係mund, 不過你又唔係有心既我都冇鬧人, 唔幫手搵入晒去坐仲話唔駛理我已經好興, 點知呢個時候舅母又口不擇言, 開頭話一陣幫我搵, 我話去邊度搵je, 要等佢自己返黎, 唔返就冇架喇! 點知佢講左句: 「唔返黎你咪仲安樂~」火都黎: 「你講咩呀!!(潮語)」「二舅母!你講咩仲安樂呀!!!」(繼續潮語大大聲)唔理有客人唔理幾失禮, 你講d咁野就唔得!

狗已經走失左, 又唔係有心我就算喇! 之後處理既態度先係重點! 一個話唔駛理,  一個話唔返黎仲安樂!!

結果我嬲爆爆bang門入房!嬲到我丫! 即刻打俾佢喊晒咁訴苦!!「痴線架!!!>口<」

冇耐聽倒肥豬"汪" 出去打左佢2下佢仲搖尾!!又掛住食!!唔俾呀!!咁曳仲想加餸!!?

雖然肥豬好快返返黎, 不過我都係嬲爆爆咁訓!

肥豬返黎o個陣, 我一開房門就見倒舅母走黎同我話佢返左黎, 我冇望過人就走去肥豬度。好耐冇試過發咁大脾氣!

其實我一向脾氣大, 不過又好忍得, 唔係谷埋谷埋都唔會發出黎! 呢幾日諸事不順。同佢地安排節目又唔o岩心水, 阿媽同阿仔意見分歧, 阿爸又冇意見, 好喇, 預備好行程較定晒鬧鐘起身又唔見晒人…用野唔知o係邊又唔問我亂咁用!用左我個o即袋黎裝野, 仲要話「我知呀~順手嘛」咁我要用o個陣咪冇囉!!!搭車唔駛排隊!上小巴又可以話迫多個就迫多個…不過我知呢d係2地文化差異所以我都只有叫佢地排隊排隊排隊, 小巴o岩o岩爭我上唔倒我喇喇聲走, 俾司機不禮貌對待我都費事side時間gut佢喇喇臨自己行返屋企算數。朝頭早煲粥, 第一日食剩o個d我講左放左o係雪櫃個圓盒度...舅父仲應左我, 點知第朝起身見倒又有一煲新既=0= 不過可能舅父冇同返舅母講…好在夜晚返黎見倒2煲二合為一做左佢地既晚餐。

幾日都冇覺好訓…又係2地文化差異…佢地慣左早睡早起…年三十晚黎到9點幾已經開始訓, 最夜訓既表弟十一點倒都訓左, 結果間屋仲靜過平時…電視都唔敢開…第朝一早就起身…又有電話打黎…又入黎問我呢樣o個樣, 問得2問醒晒…佢地走晒我都訓唔返啦…=0=

初二係訓得最好既一日, 初一晚阿婆去左阿媽度訓, 我同男友訓到11點鬧鐘響先起身, 點知出到廳佢地已經走晒…咁我做咩較鬧鐘呀=0=

初三安排左佢地去海洋公園, 點知結果原來去左馬場。十點幾出門口, 九點幾就o係廳打牌=0= 我最後一日假期呀…十點幾佢地走左我又起身…難得一日想出下街, 同左男友去繽紛嘉年華, 終於開心左半日!帶住幾隻公仔返屋企。由於呢幾日屋企太多人冇位俾佢訓, 所以唸住送我搭車之後返屋企, 不過結果送到我返屋企~^0^~ 返到去已經支力到死…佢坐左陣就走, 跟住我就沖涼訓覺…點知就出事喇=0=

今朝返工先醒起…原來尋日赤口=口=

其實我都明白有時唔係話邊個o岩邊個唔o岩, 只係2地文化實在差異太大…而我亦唔係一個十分好客既人…要我難得長假日日冇覺好訓實在太過份喇…就算我返鄉下一樣唔會早起, 年年如是佢地都好清楚…

一踏入豬年就咁多事…7仔買野冇晒kitty, 叫我下次拎飛黎換…我話唔駛喇…
搭火車成袋手信漏左o係車…要男友去尖東羅返…好彩都羅得返
搭小巴得我一個上唔倒…好啦行返去已經好急行到腸痛, 舅父仲打黎催話搵唔倒鎖匙叫我行快d!!我特登慢慢行~
阿媽叫我幫佢地報一日團, 都唔知佢地想去邊, 講親都話冇用。阿媽話佢地俾錢就唔o岩, 你請就o岩架啦~係鬼! 跟住去到旅行社唔知收左工定冇開。

其實每次返去佢地都好好招呼, 臨走o個日又會一早買定好多野食俾我帶返香港, 今次落黎亦買左好多野食俾我, 不過始終都係o個句, 2地文化差異太大, 我去旅行都尚且唔會早起…點可能叫我一早起身帶你地去玩去搭車…

男友聽見佢阿爸話放假o岩晒可以帶我阿婆去玩即刻話「我寧願返工」我依家完全身同感受!本來今日想請病假, 咳到死…不過唸唸下都冇咩so…

新年流流吐左咁多苦水…不過實在不吐不快!


Sunday, February 18, 2007

三戰muffin(附食譜)


今次用自發粉既食譜, 冇落蕉, 落左少少朱古力粒粒o係面。整俾黎打機既同事醫肚。

試食團話:
1. 冇上次有香蕉咁香
2. 係咪好少牛油, 唔夠香( 冇錯! 呢個譜比起之前2個muffin譜真係好少牛油)
3. d朱古力粒可以唔加…都食唔倒…
異口同聲:唔似muffin似蛋糕

我:我都覺得似蛋糕,唔似之前特登買黎試下既鬆餅,比之前整既香蕉muffin乾身好多, 之前中間好濕, 不過可能都係未夠乾, 又可能係少牛油既關係! 今次完全冇用打蛋器, 而且用自發粉, 所以發得好好好大, 但就有d大到漏蛋糕漿出黎, 下次可以落半杯都得。

總括黎講好過之前2次, 至少似蛋糕。

繼續努力!

食譜改自"蛋糕話咁易" 合桃鬆餅 (6個muffin)

材料:

自發粉 150g
糖 45g
溶牛油 30g
蛋 1 隻
牛奶 90ml
合桃 80g<<改為朱古力粒

做法 :

1. 牛油+糖+蛋+牛奶搞勻
2. 自發粉過篩
3. 把2加入1, 輕輕拌至滑身, 再加入合桃(朱古力)
4. 180度焗20分鐘


靚仔B率領眾豬豬同大家拜年~


今年係我地豬既天下喇~口可口可口可~~^0^

薑薯糖水@外婆甜湯


每逢年初一,外婆都會準備薑薯糖水。這是不愛糖水的我,少數喜愛的糖水。
小學的某一年,說好要回鄉過年,可是貪玩我,為了留在堂兄家玩任天堂而失約,外婆說她特意為我準備了甜湯…那一刻我衝到廁所哭,覺得自己很不孝,白費了外婆的心意。

年三十VS情人節

原來年三十同情人節既人流都係特別少既XD

分別係75同78人次, 平時係9X-11X, 而前日更突破13X


賀年食品~第一次整芋頭糕



一整就整左2底, 原本係唸住整一底既…冇太注重份量, 只係芋頭同粉2:1, 一路攪發覺好杰, 加左好多水都仲係好杰, 不過已經整左2底

食起黎, 每次都係一次過食晒成底, 不過食食下發覺有d芋頭爽既XD 大家都好奇怪XDDDD

我D芋頭只係切粒炒香, 冇壓茸。有同事話佢阿媽壓茸佢唔鍾意, 佢食過好味既都係一粒粒既。我唸可能係D芋頭唔夠粉先會有呢個情況XD 我已經揀輕身既, 不過都係唔夠粉~:P 第一次買係咁上下XD

食既時候分別點甜豉油、桔油同泰式酸辣醬~三種各有風味, 都幾夾~^^


恭喜發財~~~


利是逗來~~~^0^/

祝各位新年進步, 日日都咁開心, 最緊要身體健康, 心想事成~萬事如意~

恭喜恭喜~~~

Saturday, February 17, 2007

愈來愈似阿媽

舊年新年返鄉下見過佢地之後2個月開始減肥, 之後一直都未見過佢地, 今次一天面大家都覺得我瘦左。

首先係阿婆話我瘦左D, 我話瘦左好多XD

跟住舅母轉頭望我話好似我阿媽, 之後阿婆話我瘦左愈來愈似阿媽。

跟住又話側面好似。

之後細舅父想炸野, 話冇油, 我話煎咪得囉, 我一支油用幾個月架, 阿婆話: 唔食油唔怪得咁瘦。其實煎已經好油架喇…

後尾阿媽返黎, 阿婆話我同阿媽鬥窈窕。

跟住細舅父又講返我十年前大隻到得人驚, 我話冇十年…不過十年前O個時又好似係第一個高峰XD

記得以前返鄉下, 次次都D人都話我阿媽瘦話我肥或者大隻, 最多都係話我瘦左好多, 今次終於有人話我瘦喇~哇卡卡卡~~~


最熱既年三十晚

今日阿婆同舅父一家共五人由鄉下黎左, 部分O係我度住。熱鬧左一個黃昏, 依家靜晒。

十點幾阿媽帶左細舅父走, 阿婆、二舅父舅母訓左, 剩返我表弟O係廳睇電視睇得好開心XD

11:20分既呢一刻, 表弟都熄埋燈, 得返我一個...仲靜過平時....因為唔開得聲...=0=

原本每年如果O係香港過年都會去一個長輩度團拜, 不過頭先打去話整親腳開唔倒門…話約埋初八先出黎飲茶團拜…但係…初八阿婆已經返左去…=0=

聽日約左叔公飲茶, 不過阿媽又話我去唔去都冇所謂, 唸唸下有D唔想去…可能初八都會見…

阿婆佢地O係鄉下帶左好多好多野食落黎, 簡直係不可思議…@@鹵水鵝一隻、雞一隻、鼠殼粿一袋, 墨魚2包, 牛丸4斤, 魚片一袋, 粿肉一袋, 涼果一大袋, 齋菜一大包…整糖水既材料(紅棗、薏米、薑薯等等)一袋, 醃野一樽, 瓜子一袋, 楊桃、柑…糭一大袋…蝦米一大包…椰汁幾罐…=0=最勁係連粉絲都帶左幾包落黎!!!點食呀…唔肥死真係偷笑…唔怪得D行李重成咁………

唔知佢地今次黎幾多日, 佢地想去迪迪尼, 我又冇咩興趣, 佢地想報D1DAY團, 上網睇過有好多線, 唔知去邊好, 有D去迪迪尼, 有D去海洋公園, 但係唔跟團自己去好呢?不過我都未去過…我都唔識帶…

星光大道, 山頂都可以一去, 唔知佢地想去D咩地方, 想去出名既又好似真係唔去迪迪尼唔得…但係黎緊幾日天氣都好似麻麻…行街又唔知阿婆有冇興趣, 留O係屋企又好無謂…點好呢?

今日全日著短T, 但見倒街上D人都著得幾多@@仲可以戴冷帽!!阿婆仲話我著得少…@@


Friday, February 16, 2007

食譜~muffin(自發粉)

食譜改自"蛋糕話咁易" 合桃鬆餅 (6個muffin)

材料:

自發粉 150g
糖 45g
溶牛油 30g
蛋 1 隻
牛奶 90ml

合桃 80g


做法 :

1. 牛油+糖+蛋+牛奶搞勻
2. 自發粉過篩
3. 把2加入1, 輕輕拌至滑身, 再加入合桃
4. 180度焗20分鐘


拜個早年

恭喜發財~~大吉大利~~萬事如意~~


食譜~朱古力曲奇

朱古力豆 100克, 麵粉 100克, 牛油 100克, 鹽 少許, 沙糖 30克, 紅糖 30克, 蛋 1隻.

準備 :

1. 牛油及蛋恢復室溫 2. 麵粉篩過 3. 烤盤舖上烤箱用紙或抺牛油 4. 焗爐預熱180度

做法 :

1. 牛油恢復室溫放入容器中, 用打蛋器打軟, 打入鹽,糖, 紅糖分兩次加入, 直至糖及牛油混合

2. 加蛋, 用打蛋器攪拌到混勻為止. 也可先把蛋打散再慢慢倒入.

3. 加入篩過的麵粉1/3量, 用打蛋器攪拌到毫無乾粉的程度. 開始先加少量的混勻後, 再把餘下的粉倒入便容易混勻.

4. 用橡皮刮刀代替打蛋器, 加入剩餘的麵粉. 容器一邊朝自己方向轉動, 一邊上下翻攪麵糊. 攪拌到麵粉不再有粘液.

5. 加入朱古力粒, 用橡皮刀攪拌到朱古力粒均勻混在麵糊中.

6. 用湯匙舀滿一匙麵糊, 再使用另一隻湯匙整理成圓球狀並推落於準備好的烤盤中. 焗約15分鐘. 取出放涼.


我要什麼


你終於明白我要什麼,這是一份比花束好上千萬倍的禮物!

 

上班途中突然接到你的電話說給我買了東西,連忙走到學校大門,匆匆接過禮物。

一路走上樓梯仍難掩笑容,感動得差D哭出來。

你終於明白我要什麼!!

我是一個實際的人,要的不是花巧虛榮的貴重禮物,適時出現的體貼才是最教人感動的東西,才是最值得炫耀的幸福!

 

告訴一位同事,她說:「咁溫馨!」



要問我喜歡什麼花我會答向日葵,至少比玫瑰鬱金香來得特別,但實在,我又不是一個特別愛花的人。

不過來到這個時節總會記得一種花,每每嗅到它香甜的氣味都會豁然開朗;看見它,總會會心微笑。才記起,原來我從小至大都很喜歡它。


病了…T^T

流鼻鼻、鼻塞、咳、喉嚨有少少痛…

尋日下晝已經面慶慶咁, 夜晚出去食飯有d吊滯

尋晚一路訓一路想今日請假去睇醫生…結果今日起身又唔特別病所以都係返左工

新年好易病…同事又個個都作病…

有年年三十晚食完飯返到去9點幾就訓左, 不過年初一半夜1點幾就起身嘔…呢件就係我當年做既第一件事...=0=

尋日落雨學校開左冷氣, 記得舊年初初開返冷氣我地又係病晒.....

Thursday, February 15, 2007

《一碌木》有飛賣喇


有冇版友有興趣一齊睇呀~

3月30-4月唔記得幾多號


超音鼠肥o都o都轉轉轉(短片)


養過咁多隻豬仔,只有佢一個鍾意咁轉轉轉。有位佢就會tumtum圈咁跑左一個圈既路出黎, 冇位就原地轉轉轉。有碌又唔見佢跑, 唔知點解鍾意咁轉。

佢係我最後一胎寶寶入面唯一一隻仔仔, 眨下眼都有2歲喇~食得訓得又肥跑得又快~相信佢係最健康既寶寶呢~^^


&quot;Why are u so thin?&quot;

尋日個外藉老師問我呢條問題, 呢排係咁食又肥左少少, 我都唔知點答佢, 另一位代答話我餐餐只係飲水XD當然唔係啦~呢位同事就係之前話唔覺得我瘦左o個位。(見有同事話覺我+休息一下)

今日又有同事睇完我個blog問我點解食咁多野都咁瘦。

上次一齊睇話劇o個位nf問我係咪又瘦左, 瘦過上次見我。(23/12xmas party)

其實我重左o個8磅仲未減返晒, 仲差2-4磅。

早幾日上磅一日比一日重, 星期六磅倒117, 同男友話「咁重既…」跟住佢問我幾多磅, 我話117, 佢聽倒之後話「117仲話重??」我話「前日115架…尋日116…」跟住13號已經去到119!!!有乜理由4日重左4磅…不過呢幾日都勁唔夠訓, 所以我都唔太擔心, 應該水腫多。到左尋晚食飽飽就訓左, 訓左9個鐘,今朝反而去返117.x, 腰亦比尋日幼半吋。

最近都係徘徊o係24-25吋腰, 29.5-30吋腩腩, 同34.5-35吋hips之間

最瘦o個陣112.x, 23.75腰, 29腩腩, 都係34.5hips

依家既體重同舊年6, 7月差唔多, 變左keep...

就黎1年喇~其實最初目標針磅110已經到過, 依家大約112倒, 最輕49kg(都係指針磅), 不過買左個電子磅之後目標都遠左5磅…最盡都係差2磅幾…

早排o係bossini買左2條褲, 一條25一條26, 阿媽話哇好fit喎~~我話之前買24架…佢話哇…24太誇喇…你咁高…

依家有條牛仔褲都係24, 不過一般cutting都係25o岩身d, 26有少少鬆有d款鬆身唔好睇。

當初見標除左110磅之外, 仲有要買24腰牛仔褲, 依家都有條既, 唔知係咪真係冬天難減d, 定係耐左冇恆心, 話晒今年冬天都唔係真係好凍…可能只係自己俾自己既藉口…

可能呢排迷上整野食先係主因,做運動需要時間,我一有時間就想整野食…整左又唔可以唔食,已經俾左好多人食,有d個樣唔係咁見得人o個d迫住要自己食,加上天生為食…近來已經消耗左差唔多2包糖同4-5排牛油…!!!

真係「流離於減肥與美食之間」!


我們的情人節


第一次預備情人節大餐~沒有浪漫牛扒沒有洋燭,可是有你。

我已經收到最好的情人節禮物,最討厭早起的你特意為我一早起床挑選禮物,知道這一點已很足夠。那一刻我沒說什麼,其實你的心意我已接收了。

女兒家的心事真的很難捉摸,我要的就是這些,不要什麼節日禮物,你明白嗎?

我一直也沒有為你特別準備禮物,你卻經常問我想要什麼。看見朋友收到情人節禮物又會問我沒有禮物會不會不開心。我每次都告訴你沒關係,我是真的覺得不需要。特意為一個日子急忙挑選的怎麼會合心意呢?

吃過晚飯後我跟你說:「今晚唔整野食喇~」我是真的覺得最近只顧弄小吃,沒陪你打機也沒陪你看戲,情人節無論如何要好好陪你;可是吃飽後還是馬上睡著了…=0= 對不起………^^"(前2晚合起來只睡了7小時…昨晚一口氣睡了9小時!!!)

昨晚在你懷中睡得很甜,這就是我最好的情人節!

 

PS. 李主任看見這張照片說我們長相很相似!^^ 她不是第一個這樣說的人了。


情人節獻禮~草莓黑森林


第一次整有生果餡既蛋糕 (因為佢唔鍾意食有生果既蛋糕, 一來唔鍾意面頭D果膠, 二來覺得味道怪怪, 不過我覺得有生果先靚~同埋冇生果太甜太膩…所以特登申請加生果:P)

第一次整朱古力牌 (好好玩~最有滿足感就係個牌~D字寫得咁順利冇出界XDDDD)

第一次整三層唔同大細既蛋糕底(底O個2層係6吋, 最高一層5吋, 所以個蛋糕都幾高, 同事以為好大, 但其實只係6吋XD睇D士多啤梨都知XDDD)

第一次整忌廉蛋糕,就算之前整過一次裝飾蛋糕都係朱古力慕絲~~

第二次整裝飾蛋糕(整左好耐…由頭到尾整左7個鐘!!由6點幾整到半夜點幾~!!!企到腳仔軟)

由頭到尾自己一手一腳整左個蛋糕出黎, 雖然仲有進善空間, 但係已經好開心~~^^

參考食譜:

http://www.rthk.org.hk/elearning/dessert/cake_blackforest.htm

原食譜外層朱古力裝飾覺得好似膠袋所以冇跟佢整,第一次用佢呢個方法整全蛋糕海綿蛋糕,D麵粉撈落蛋度撈左好耐都唔勻有粉粒=0=,下次用返自己用開既方法,一係用分蛋法,一係全部材料一齊打勻。


情人節獻禮~再戰白之戀人


上次將蛋白變左全蛋,整出黎變左蛋卷味XD 今次再挑戰!其實都係用返上次既份量,不過跟茵可煮既方法,牛油+小部分糖打至奶白色(今次好快奶白, 因為好少牛油好多糖XD)然後加麵粉, 再將蛋白同小部分糖打起,三樣撈埋就入模~真係杰好多~易搽好多又唔會整污糟個模底…不過都係焗火農左2盤…得3盤見得下人…

今次整埋朱古力餡, 不過唔係好夠, 有黑朱餡O係度唸住整埋又唔記得=0=不過我覺得原裝餡太多,可以放少D,下次再整我想試下黑朱,但又唔好太黑:P

呢個都算簡單, 不過要睇實個爐~!


情人節獻禮~香芒三文魚蘋果卷(附食譜)


做法:
1. 煙三文魚一包、菲律賓芒果一個切片、青蘋果適量切條;
2. 三文魚鋪底、鋪上芒果片,末端放上蘋果條2條,捲起即成。
3. 士多啤梨切成心形作伴碟用。

簡單好味頭盆之選~^~^

煙三文魚就咁食都幾漏,配埋芒果就o岩o岩好喇~^0^ 本來唸住加沙律醬不過唔記得左, 發覺咁都已經夠。


情人節獻禮~芝士白汁焗西蘭花(附食譜)


做法:
1. 西蘭花洗淨切小件飛水備用。(可以灼耐D淋D, 今次太生太硬)
2. 牛油小火煮溶+麵粉水(麵粉+水+雞粉)煮勻+芝士碎(我用整PIZZA O個隻);
3. 最後加火腿粒+洋蔥粒煮勻備用。
4. 鋪好西蘭花在焗碟內,淋上白汁,灑上芝士碎即可入爐,250焗10-15分鐘即成。

可能今次D菜灼得唔夠時間,一來唔淋,二來出水,下次試下白汁同菜撈埋煮一陣先內一齊入爐焗~


情人節獻禮~煎鵝肝(附食譜)


第一次買鵝肝!好興奮!! 我本身好鍾意食架~~佢都係~^^不過又冇我咁鍾意~:p

第一次同佢食係o係扒王之扒食已經覺得好好味~跟住o係大家樂食過一次, 一淋個汁落去就唔見左~>口< 早排又o係一間居酒屋食過~~每次都好滋味, 於是佢提議買返黎自己整~

星期二去開又一城就去左taste買~見倒358蚊100g, 又見佢包好一舊舊, 以為一舊仔要3xx咁貴, 其實舊舊差唔多大細, 磅左一舊, 原來只係103~咁就呢舊啦~~^0^鵝肝呢d野, 就算唔係貴都唔適宜食咁多, 好膩~~

搵左好多個譜都要用意大行黑醋汁, 但係特登買一支又好似平時用唔著好浪費, 雖然一支只係3x蚊~結果搵左個唔駛用黑醋既譜~就係o係笨b媽媽個blog(

http://hk.myblog.yahoo.com/jw!e0jZeDOfHxs_quoBjPAp4g--/article?mid=1746)搵返黎既~配蘋果食都唔錯,不過又唔好一啖食2樣,最好就係一啖鵝肝一啖蘋果~^0^

唔知係咪切得太薄, 好易散。切o個陣已經覺好油, 佢直頭話好似切緊舊牛油咁, 到煎o個陣冇落油, 不過煎完出黎d油多到浸住舊鵝肝!!!嚇死人!!!

由於第一次整, 又係我好唔擅長既煎炸技術, 所以特別等埋爹地返黎發板~XD我整好蘋果同拌碟之後, 就等佢返黎煎鵝肝喇~~^0^ 所以呢味係我地2個合力泡製~特別有意思架~ ^-----^

食譜:http://hk.myblog.yahoo.com/scorpio_3210/article?mid=4255&prev=4283&next=4252


情人節獻禮~超好味pizza雙併(附食譜)


呢個超好味!!通常自己整都唔好意思讚!!不過今次真係正!!!專員食先,一食已經話好好味~好多汁!我都好滿意^^ 第一次整薄批(因為佢鍾意食), 同埋第一次批底同面餡一齊焗!!

今次整左2款餡, 分四份對角鋪好, 上圖中左下同右上既係洋蔥肉碎, 左上同右下既係夏威夷~^.^

餅底食譜:http://hk.myblog.yahoo.com/scorpio_3210/article?mid=4252&prev=4255&next=4240 (我整左薄批)

面餡食譜:
洋蔥肉碎餡--肉碎以生抽老抽砂糖約醃30分鐘後炒香, 炒時不用放油, 加少許水炒鬆, 隔水備用。洋蔥切碎備用。
夏威夷餡--罐頭菠蘿切小塊, 火腿切絲/切粒備用。

做法:批底擀薄後於中間鋪上餡料,芝士碎,最後隨個人喜好o即上千島醬即可入爐。以250度焗約15分鐘/至批底邊緣見少許金黃及芝士焗至合意色水即可出爐。

熱辣辣美味pizza出爐喇~~^0^

芝士推介!!!

我o係taste買左隻light既三合一pizza芝士碑,勁正!!!十個推介!!!開頭見佢light都驚唔好味, 不過side同價錢都適中($30包)所以買左,估唔到咁正!之前已經買過幾隻芝士絲或者成舊買,聽講要用m字頭o個隻芝士先拉倒絲, 不過買完返黎都係唔得, 唔知係咪焗得唔夠時間既關係呢~原來要焗咁耐, 仲驚佢d芝士會火農。


情人節獻禮~chocolate truffle(附食譜)


3年前情人節整過,之後好似都整過一次,今次男友點名要求再整~佢好鍾意食

呢晚2個人一齊整~(其實之前都係一齊整~^^)佢幫手碌粉同放入蛋糕紙~^--^

今次用左72%黑朱,我覺得好苦…本來買左奶朱同白朱可以溝, 不過我見之前都係用黑朱所以冇特別溝, 之前用第二隻牌子既70%。

試食報告:

我: 好苦...
佢: 苦呀…間中食一粒就得唔可以連pak

試食團意見:

1, 2: ok喎我食開黑
3: 開頭話想試晒2隻, 不過食完話: 真係好苦…
4. 食之前: 苦咪好囉~ 聽倒3號話好苦: 都係遲d先食, 食完之後: ok喎唔係好苦
5. 冇講苦唔苦, 不過2隻味試晒

做法:
1. 牛油35g與朱古力200g一同以微波爐加熱1-2分鐘至溶化;
2. 淡忌廉50ml以微波爐加熱約30秒後加入(1)中攪勻;
3. 加入橙酒 or rum酒1湯匙;
4. 方形盒鋪保鮮紙, (3)倒入盒內, 雪硬後脫模, 灑上可可粉、椰絲或綠茶粉即成。

http://ourrice.com/~Scorpio3210/recipe06.htm#蠍蠍軟心朱古力

我覺得黑朱襯可可粉或者綠茶粉多d(我未試過綠茶粉), 奶朱或者白朱可能會襯椰絲多d。


Tuesday, February 13, 2007

食譜~鵝肝

[鵝肝]近年法國鵝肝菜式在港十分流行,特別是香煎鵝肝,除了美味,烹調過程其實可以很簡單。要將鵝肝煎得好,先決條件是鵝肝本身不能太厚身,也不用下太多油,而由於鵝肝本身油份充足,其實可以不用下油。Kenneth建議先用中至猛火煎,然後以細火慢煎,若想鵝肝外層更加香脆,可在煎鵝肝前撲上少許粟粉,在煎時可用指尖或叉子輕按,若已呈半軟硬度,就可上碟食用。與煎牛扒一樣,切勿將鵝肝翻來覆去,必要先待一面完成封身程序,才再轉另一面繼續煎煮而達致外脆內軟,否則鵝肝容易變得太熟,失去了吃煎鵝肝的香滑口感。

http://hk.myblog.yahoo.com/jw!95Dl59eZEQMOL3x11FFCFgr93Qo-/article?mid=1549

煎鵝肝配蘋果片 Pan-fried Gooseliver with Sliced Apple

材料:

新鮮鵝肝 ... 一副 ( Oliver's/ CitySuper/ Great 有售)

大富士蘋果 ... 一個

椒鹽 ... 少許

五色胡椒 ... 少許

生粉 ... 少許

芽菜/ 車厘茄/ 檸檬... 伴碟用

 

做法:

(1) 新鮮鵝肝切成適當大小,灑上椒鹽、即磨五色胡椒醃五分鐘

(2) 將富士蘋果削皮,橫切成二大片,去芯。用淡鹽水浸著 (防止變黑)

(3) 在平底鍋裏薄薄抹上橄欖油,放上蘋果片用小火慢煎一會 (30),翻另外一邊再煎一會,上碟。

(4) 在鵝肝的兩邊薄薄地拍上生粉

(5) 平底鍋不用再加油 (因為鵝肝油分很高),放上鵝肝煎約 2~3 分鐘至表面略焦,翻另一邊再煎一會

(6) 將煎好的鵝肝放上蘋果片即成

http://hk.myblog.yahoo.com/jw!e0jZeDOfHxs_quoBjPAp4g--/article?mid=1746


食譜~pizza厚薄批底

pizza食譜
(薄批餅底)
(可做出2個8吋批盤餅底)

材料:

a)高筋麵粉 250克
b)橄欖油 5cc
c)鹽 5克
d)水 150cc
e)(yeast powder)酵母粉 5克
f)糖 5克

做法:

1)水加溫至約30度,加入e,f拌勻,靜置10分鐘

2)a篩過放在工作台上,中間開洞,依序加入c,1,b,混合揉成麵團,約20-30分鐘至麵團表面呈光滑狀

3)張麵團放置乾淨盤內發酵,面上蓋上濕布

4)待麵團漲至2倍大取出,用手將麵團氣體擠出,約5分鐘後即變回原來大少,分成2份(每個約重150克)

5)蓋上濕布進行第二次發酵

6)待其再漲至2倍大取出,撒少許麵粉,擀成圓薄片狀便成(厚度約0.3公分,邊緣厚度約0.6公分)

(厚批餅底)
(可做2個8吋批盤餅底)

材料:

a)高筋麵粉 200克
b)低筋麵粉 100克
c)酵母粉 8克
d)糖 5克
e)鹽 5克
f)水 100cc
g)橄欖油 10cc

做法:

1)a,b過篩2次,並加鹽充分混合

2)水加溫至30度(不可超過45度),加入c,d拌勻,靜置10-15分鐘

3)張1放在工作台上,中間開洞,加入2,g混合揉成至麵團表面呈光滑

4)麵團放在乾淨盤內發酵,蓋上濕布

5)待其膨漲至2倍大,用手將麵團氣體擠出,變回原狀,分為2份(每個約重210克)

6)再用濕布蓋住,進行第二次發酵,待再膨漲至2倍大

7)撒少許麵粉,用手將麵團擠壓成四周略有厚度的圓形餅狀便成(邊緣約厚1公分,內圍約厚0.6公分,也可依自己喜好決定厚度或大少)

注意:
1)餡料可選自己喜好的材料!

2)先在餅底,塗上番茄醬汁,邊緣留位約一指寬,之後在有番茄醬汁的地方,放上餡料!

3)用250度預熱焗爐,用250度焗15分鐘至外圈留白部分已呈金黃色便可取出!

情人節獻禮

第一次整情人節蛋糕...其實本來都好少整裝飾蛋糕...一整整左7個鐘...企到腳仔軟.....=口="

第一次真正整加生果既既夾層蛋糕...已經索左水...希望唔好難食啦.....^^"

食完POST相~~

 

聽晚會繼續整專員點名要求既朱古力, 第一年整過之後都冇整過LU :P 另外可以既話想整埋心型朱古力~到正日就整情人節大餐~^0^

大家有咩情人節獻禮呢~^.<


Monday, February 12, 2007

提早大掃除

時間緊迫,要準備情人節食品,又要準備賀年糕點,尋晚講左句冇時間打掃(間屋亂過鬼),今日就放我一日假o係屋企執屋喇~^3^

今日好乖~一起身整完左曲奇,點幾鐘就開始大掃除~

首先同肥豬洗白白,吹毛,(已經用左2個鐘=0=)跟住幫豬仔們換木糠同洗野,褶衫~打掃~掃地~洗碗~換床單~洗左2機衫又晾左2機衫~最最難搞既係抹地…由於太耐冇抹既原故…抹兩抹就要過水…勁多塵-0-!終於拆左棵聖誕樹~收埋晒d聖誕裝飾!!又執過下個廚房,咁搞一搞,已經過左7-8個鐘!*0*

不過依家間屋乾淨晒~好~開~心~^0^

今晚食左爹地仔速遞既大家樂芝士火鍋^0^食完野佢一路打機我一路整麥方包~依家等緊發酵入爐~

黎緊新年前再掃一掃拖一拖就掂~^.<


Sunday, February 11, 2007

全麥方包(附食譜)


中間發酵中~

做法:

1. 全麥粉90g+高筋粉120g+糖10g+酵母4g+鹽4g+菜油20g+暖水130g 混合搓成有筋性的粉團; 

2. 搓好的粉團放於盆內及放於温暖處作第一次發酵45 mins; 

3. 取出面團平均分剖一半, 排氣作中間發酵約15 mins; 

4. 然後做出所需形狀, 放於吐司模內作最後一次發酵約30 mins; 

5. 放入已預熱180度焗爐中, 焗約25 mins.