愈來愈似阿媽

舊年新年返鄉下見過佢地之後2個月開始減肥, 之後一直都未見過佢地, 今次一天面大家都覺得我瘦左。

首先係阿婆話我瘦左D, 我話瘦左好多XD

跟住舅母轉頭望我話好似我阿媽, 之後阿婆話我瘦左愈來愈似阿媽。

跟住又話側面好似。

之後細舅父想炸野, 話冇油, 我話煎咪得囉, 我一支油用幾個月架, 阿婆話: 唔食油唔怪得咁瘦。其實煎已經好油架喇…

後尾阿媽返黎, 阿婆話我同阿媽鬥窈窕。

跟住細舅父又講返我十年前大隻到得人驚, 我話冇十年…不過十年前O個時又好似係第一個高峰XD

記得以前返鄉下, 次次都D人都話我阿媽瘦話我肥或者大隻, 最多都係話我瘦左好多, 今次終於有人話我瘦喇~哇卡卡卡~~~