七戰muffin~早晨紅豆小鬆餅

今朝起身焗既~見尋晚d大蕉muffin失敗左, 今朝起身焗多爐紅豆小鬆餅~

難得有同事早餐都唔買食我整既早餐~唔想太難為佢地…好多太黑既掉左, 加埋尋晚既藍莓有一大盒~~

同樣係美味diy既食譜改成, 同樣係將牛油改左做植物油, 不過d乳酪已經用晒, 用返脫脂奶~

糖同油既份量由50g改為45g+82g自發粉+1隻蛋+33g奶

今次只係加晒以上材料先用打蛋器打勻, 之前係用匙拌勻就算

最後撈埋紅豆茸就入爐

同場加映大杯山形紅豆鬆餅~原來個muffin杯係冇問題架~XD今次唔係平頂喇~~咁應該係我開頭打牛油打得太勁既關係…唔該晒所有解答過我疑難既BLOG友呀~~^3^

鬆餅下場：最大o個個我食左~好在都熟XD小鬆餅食左幾個, 留左3個俾試食專員。返到黎見倒原來有幾位同事都冇買早餐~等緊我.....D鬆餅^0^ 一大盒好快就清晒喇

紅豆同藍莓都算合格, 不過蕉就始終未克服倒! 其實可能唔駛焗咁耐, 又驚佢唔熟…結果搞到又硬又苦…燶味蓋過蕉味…紅豆味反應係唔夠濃, 藍莓都冇尋日咁濃, 下次可以重手返D~減返D糖。

 

後記：返到學校o個陣咁o岩有位老師見倒問我係咪自己整~試左一個~話好好食~^^ 轉頭仲問我點整, 叫我俾個食譜佢~