Cere's Boulangerie et Patisserie

一間位於九龍城走高貴格調既麵包西餅店

糙米紅豆紅莓包 $12@

農夫包 $18@

其實唔記得係12+18定14+16...總之係=$30啦~:p

之前睇blog友阿愛既blog介紹左佢既馬卡龍，回應blog友話佢d包都好正~其實之前幾次去九龍城整牙都留意倒佢, 次次都有客, 又好靚咁~不過好似好貴, 又唔想食甜品所以冇入過去。經阿愛同一眾blog友介紹後, 尋日又再整牙就入左去睇下, 唸住只係睇下, 估唔到佢又有o岩我減肥月食既包喎~所以就買左2個試下。

一入去見倒佢有個玻璃櫃擺cake，一件件細細件2-3x蚊件唔算平亦唔係好貴。至於麵包比起好多麵包店貴, 不過仲係平過citysuper。

佢既人氣no.1麵包冇記錯既話係裸麥包。出面賣緊7蚊個既size, 佢賣$20。

由於我想試下整農夫包, 於是買左個黎試下~仲未食, 而今朝就食左個糙米紅豆紅莓包~好好味喎~原來d紅莓咁正!唔知佢係咪用紅莓乾呢? 我又試下用紅莓整野食先~^.^ 紅豆方面, 佢唔係紅豆茸而係粒粒紅豆, 咁我先敢買咋~:p 話晒都係積極修身月嘛~^^"

至於個馬卡龍, 原來實物係咁細件!@@ 睇阿愛個blog仲以為比掌心細少少, 原來只有乒乓球大少, 仲要扁d@@咁$10真係幾貴呢~由於怕甜, 我冇買到黎試!

唔好睇我個糙米包好似咁大個, 其實只係大過掌心少少架咋~所以都幾貴! 仲有一款冇餡糙米包, 大約2吋直徑大小, 都要$9, 一d都唔平。

呢間鋪頭大約一個月前既飲食男女都有介紹過, 係由一位2x歲既女仔開, 好厲害呢~!