之前見咁樣衰唸住唔POST, 不過還掂都POST左5次, 都唔差在:P
第一次睇唔倒入面, 第二次仲衰! 唯一一次整全份, 完完全全地死實實!!唸住掉架喇, 估唔到我都係食晒XD真係頂自己唔順XDDD
第一次：牛油麵粉＋蛋ｏ個陣ｄ蛋一次過加…攪左好耐先冇粉粒…焗完出黎倒扣左都好快塌…死實實
第二次：牛油麵粉加蛋ｏ個陣逐隻蛋落，好快攪勻，不過同第一次一樣…蛋白打發過度，打到企晒身…好難攪得埋ｄ粉漿…焗出黎同第一次一樣…死實實(唯一一次整全份, 用大焗盤)
第三次：蛋白打得冇咁耐，冇咁硬，易攪勻左，不過用左一半份量但又用同樣大小既焗盤…所以焗出黎好矮。不過已經比第二次進步，用左一半份量材料，整出黎一樣高XD今次食落終於似返蛋糕(一半份量, 同樣用大焗盤)
第四次:蛋白打得再短時間d, 仲有d流動性就停手, 唔知會唔會打唔夠? 之後攪埋粉漿攪唔勻?(用第一次O個個蛋糕模, 加牛油紙)
第五次, 同之前差唔多, 第一次俾同事食, 反應出奇地好, 仲encore~@@(自製左個蛋糕紙盤, 半個焗盤大小)
第六次, 俾我切左個底XD變得好薄, 今次同事既反應係冇上次咁香蛋味同埋太薄, 可能因為我切左D既原固(紙盤)
第七次, 下次要晨早整蛋糕都係早返半個鐘起身好, 今次夠時間焗不過冇時間攤凍…今次打蛋打得好左, 打到幾硬下不過溝蛋漿o個時又好順利, 唔知係咪同我落多左鹽有關?焗出黎好靚仔~不過倒扣完都係縮左一半有多…同埋個面好濕…點搞呢…?口感軟棉, 不過偏濕。o岩o岩試多啖~真係有棉花糖feel喎~*0* (紙盤)
好有耐性咁試整丫... 蠍蠍,你晚晚放工都整野食同寫blog,好勤力。 我就懶多了^.^ 飯都唔學識煮
ReplyDelete好有毅力~比10個叻你地~嘻~ 呢個蛋糕..好似好好味咁..有冇食譜呀? 分享下呃~ 個蛋糕偏濕會唔會係因為降溫時有水氣? ^^
ReplyDelete咁搞法, 好易減肥變增磅!!小心!
ReplyDelete懶貓, 我都好懶~不過有興趣, 可以話上晒癮XD
ReplyDelete紫羽嫣, 倒扣O個陣個底(即係蛋糕面)已經好濕, 有咩解救呢? 食譜o係呢度~ http://hk.myblog.yahoo.com/jw!doqHcq6RGBhKIizHUjBj_Gl2J54-/article?mid=1650
ReplyDeletestweetcat, 所以我話我唔識keep囉~~XD肥左又再減～
ReplyDelete真係好有恆心,我諗係讀書一定好叻啦 不過做得咁密小心會肥,你知啦牛油好鬼肥呀!加油
ReplyDelete傻軒媽媽, 我讀書冇呢種恆心架XD真係好肥~~仲要大半都係我食~~~
ReplyDelete努力加油呀，不過隔耐少少時間整嘛，唔係會好肥呢。 p.s. 雪凍左都好好味架
ReplyDelete藍藍細雨, 我唔整呢d都會整第d, 一樣肥XD
ReplyDelete第7次做得進步呀！ 可參考以下意見： 1) 在入爐前有無敲敲讓空氣排出呀？見到蛋糕組織有好多小孔呢 2) 正常倒扣完蛋糕應該唔會縮得咁厲害，其實有可能爐火唔夠足以令蛋糕鬆發 3) 在倒扣時候有沒有墊高個鐵架疏氣？唔係既話好易令倒汗蒸氣使蛋糕面變濕 4) 蛋白打發時加入鹽會令蛋白容易打發，等同落塔塔粉一樣，但在於整任何類型既軟熟蛋糕，蛋白都不能打得太硬，否則蛋糕組織就只會變得粗糙喇
ReplyDelete蔡師奶~好多謝你詳細既解答呀~麻煩左你咁多次唔好意思^^" 1. 我都唔記得邊次有敲邊次冇敲喇^^" 又驚會敲晒佢D氣出黎, 所以都係係咁2敲下就算 2. 即係爐火唔夠就算升到好高都會縮? 3. 倒扣時連埋張不黏布放上鐵架倒, 另外仲要再墊高個鐵架架? 4. 即係加鹽又同加檸檬汁一樣架? 之前聽講話冇他他粉可以加幾滴檸檬汁。今次其實唔算好硬, 不過溝粉漿前覺得硬左D, 但溝埋又冇一舊舊蛋白好易溝。
ReplyDelete你真係好有恆心呀~~你好叻呀
ReplyDelete嘉露, 通常我成功左就唔整架喇XDDDD有時試食專員叫我下次再整我都冇整到XDDD成日要佢地食我D試驗品=口=XDDDD
ReplyDelete