台灣之旅2013最後一天

最後一日, 雨繼續下…老公話想食蔥抓餅, 於是又返左去西門町~

本本旅遊書都有介紹, 黎左6次終於一試, 幾特別, 但我又唔係特別鍾意。

行左好耐, 兜黎兜去, 終於見佢出現~! O係老天祿附近~~好似除左西門町冇O係第二度食過

我地每次都叫原味加蛋~

繼光香香雞, 哥仔好風脆好多野講~不過我同皇上O係側邊等爸爸買聽唔倒佢講乜

冇上次咁好食

舊同事話好食過香港好多一定要試, 我地買左2件就覺得差唔多, 可能堂食好D?

冰館新店ICE MONSTER~

主打變左棉花冰, 可能天氣凍…唔係好O岩時候…可以唔駛再去…或者可以試下冰館原址既思慕昔? 記得上次去永康15余安安同佢個女坐正我地對面。

 

食完就返民宿附近既AMO買手信~ 結果自己食晒…

隔離係呢間近期因添加劑問題大熱既麵包店~買左2個包都幾好味~

 

復興站好好笑容既伯伯，好大朵既白蘭，第一日都見過佢，last又見倒佢走埋黎喺我後面ee哦哦唔知講乜冇擰轉頭，阿仔望住佢，到轉燈先望下原來賣花，我已經過左馬路，佢望住我笑，好深刻，於是拎完行李特登走去揾佢買，原來仲有其他野賣。

返到民宿終於收倒之前o係香港訂既微熱山丘~原定早一日送, 點知速遞話冇人…好在最後都趕得切收貨。nt350/10, 送貨+nt100, 個人認為不外如是…可能食過日出鳳梨, 印象太深…朋友同時食2個牌子下都話日出又平又好食, 有香港宅配, 得閒訂返盒先~

臨上高鐵買左老公好想食既車站便當~佢此行要食既野總算全部食晒~

 byebye taipei~~~

 welcome hk~~

由於搭6點幾機, 返到屋企都係十點幾~小朋友一返黎第一次時間搵佢既寶貝車車~

正式完成出生後第一次旅行喇~難得冇爛尾:P

 究竟小朋友知唔知道自己去左旅行呢XD

PS 飛機升降時BB唔識吞口水, 要埋身食奶先平安渡過~ 聽講可以帶定BB糖俾佢地食有幫忙