老人家似乎唔多鍾意mousse cake同cheese cake, 反樸歸真整左個芒果忌廉蛋糕聽日帶去食飯 ^^
買左8個呂宋芒, 點知只係用左2個… 好甜!
之前幾日都見倒有十蚊幾個既紅紅地外皮既芒果, 唔知點解走去買左20蚊4個既呂宋芒…依家仲剩左6個o係度...
海綿蛋糕底今次整得麻麻…比較多氣孔, 打得唔夠有D鬆散
切左個面之後上下一開二, 厚少少, D漿入模已經同模邊差唔多高! 好在張不黏布夠高又夠挺。(3隻蛋+55G糖打起, 拌入事先篩勻的低粉50g+粟粉10g, 最後拌入橄欖油30g, 170-175'C焗25分鐘, 竹籤測試沒有粉漿黏著表示已熟透。放涼即可切開。
打起150g甜忌廉, 今次轉左牌子, 好似叫橙鑽? 姐姐仔話硬d, 唔知係咪我打得唔夠, 都唔硬既…仲好水下T^T 打既時候好香, 同愛護牌明顯唔同味, 姐姐仔就話愛護牌香D。
打起之後塗於底層蛋糕上, 加半個切粒芒果, 加CREAM, 加上層蛋糕片, 全個刎CREAM, 放上1.5個切粒芒果, o即cream, 今次打得唔好, o即得都好樣衰= = 聽日食時唔知好冇食呢…? 不過入面o個d應該冇咩事, 睇落好滑, 係到放左入o即袋先見水。
最後加手指餅, 差2條先排得密…想整過daddy仔叫我排疏d…結果佢幫我排疏左之後我覺得好似手指"la"咁= =XD
插上生日牌, 薄荷葉, 綁埋絲帶, 搞掂~ 唔駛等雪硬又分層又甩多次模咁, 算係幾快既蛋糕, 不過當然唔夠焗芝士餅快XD
始終唔識綁蝴蝶結…><
＊ ＊ ＊ ＊ ＊ ＊ ＊ ＊
好耐冇整蛋糕(其實都係十日倒XD), 今晚整左個
份量都算o岩o岩好冇咩材料剩(蛋糕底只係剩左少少皮) cream試左少少味, 今次轉左牌子, 真係唔同味個喎~同埋食左2個得好少肉既芒果芯~~~
聽晚要食生日飯~~頭2餐食少d~
F
ReplyDelete