香港先生．睇得好開心

向來鍾意睇比賽，尤其是新秀同選美。早幾日先睇返港姐，愈來愈唔好睇，優勝佳麗又唔得民心…反觀香港先生穩穩陣陣大熱當選雖然冇驚喜，但大家都睇得舒服～

少年組由２號當選，本來我估６號李豪會贏，直至問答環節，２號講左一句：「婚姻係一種承諾，承諾係指以後照顧對方！」引起全場不少歡呼～^^ 我都覺得好有型，唔造作～反觀１號同６號就冇咩驚喜。１號第一個講比較蝕底冇時間唸，好似考會考咁騰騰雞雞，６號得個樣…唱歌都OK，不過冇咩特殊技能…講既野同前面２個冇咩分別。加上２號笑容親切孩子氣，同佢外型高大健碩好大對比，另一驚喜。

盛年組方面，袁偉豪一直係大熱，不過單俊偉外型都唔錯，但個樣就愈睇愈怪…唔可以仔細睇…估唔到既係１１號o係必殺技環節咁有驚喜，表演情節舞蹈一鳴驚人！才華洋溢～～談吐大方，眼神有自信，成為袁的一大威脅！最終成為盛年組冠軍～

今年新增復活戰，袁偉豪勝出。之前佢都只係比１１號差３票，今次復活甚至打敗２位分組冠軍成為香港先生。大熱當選，又有少少失而復得既安排，都算係咁，睇得幾開心～＾＾

期間訪問袁彌明，果然口不擇言…話６號勝出必殺技一環有ｄ跌眼鏡，直指佢冇實力，呢個環指唔應該靚仔就贏。雖然我都同意其他幾位少年組表演連環空翻、大小提琴、breakdance都比佢齋唱有難度，不過佢咁講唔係幾得體…

我由好眼訓睇到依家好精神XD

唔錯唔錯~難怪其他blog友都話帶俾佢歡樂既2個鐘XD

第一屆，當時支持Rocky, 好唔鍾意高, 留意唔倒黃長興!! 後來見佢拍劇先發覺勁靚仔點解當時留意唔倒!! 依家睇返當時d相(下面呢張)就知點解喇XD

2006年…揀唔落手…冠軍好過高均賢, 不過又冇佢阿哥咁好~