圓悅@深圳

行左2個書城之後, 搭地鐵去到老街站, 行左大約半個鐘黎到稻香集團旗下既圓悅食中菜。

前菜：本來係馬蹄，想換拍青瓜點知冇，要左我近來愛上既合桃，成碟俾我清晒～^0^

最早黎到既係同事極力推介既燒鴨仔($38隻), 好細隻, 比春雞還細。幾好味, 皮脆香口。份量之細實在係一個人可以KO~

菠蘿咕嚕肉：同事話「好味！咕嚕肉有咕嚕肉味！」＝＝”不過佢又講得冇錯喎ＸＤ冇咩特別ＯＫ咁啦
不過食左幾件菠蘿都食唔出係新鮮定罐頭貨。

脆皮炸牛腩：幾得意～咖哩汁好辣～不過辣利唔辣喉，好似食緊咖哩牛腩

乾扁四季豆：我同個同事一見倒佢唸倒既都係「真係好乾喎～」原來係唔辣既，冇特別感想。

意大利芝士餅($8)：呢個真係差Ｄ，我同一位同事都食唔出芝士味，另一位話食倒，好似牛油咁，「o個d係咪cream黎架…= =」底層海綿蛋糕冇酒味, 中層有~不過冇芝士味真係完全唔掂…

同事話: 你整o個d好食d

我都覺得係…芝士蛋糕點可以冇芝士味架…我知提拉米蘇既芝士係冇咁芝士, 不過都起碼要食倒丫…

total$221, 但好奇怪, 佢張單寫$211, 佢話茶芥冇打落去= =咁都得既咩…? 不過服務好唔錯, 係有少少煩係咁問你要唔要燒鵝…

本來想嗌叉燒餐包居然冇…好失望/3\

整體黎講小菜唔錯, 不過真係唔應該o係呢d地方食芝士餅…= =