用返之前《烘出麵包香》既甜麵糰食譜, 加早幾日美式蘋果批既蘋果餡(份量隨意, 我用左代糖煮餡), 再用返《烘出麵包香》既apple bun造型, 整左呢2個包, 仲有一個放左入急凍遲下先焗
味道唔錯, 不過一如所見個皮硬/脆… 自從用左呢個爐之後都未知點可以令d包上色得黎又軟熟…次次都焗到個面乾…
係咪應該加溫唔好加時呢? 我今次2樣都有加, 平時170'C12-15分鐘就上成, 依家200'C都唔掂…吞拿魚仲要加時添
咩解究…?
後記：放左o係密實袋度一晚, 今朝叮左廿秒, 個皮又軟返喎
另外今朝試過將一個尋晚整好放入雪櫃既冇餡包加溫唔加時, 焗完出黎仲脆過尋晚, 下次試下加時唔加溫先
個包做形唔錯喎
ReplyDeletecatfood, 多謝^^ 唔知呢種造型係咪咩包都o岩呢? 本書仲有d造型我都未試過~不過最緊要搞掂上色呢個問題先, 今朝試過加溫唔加時, 好上色不過好脆, 尋日由170加到200都冇咩用, 今日加到230焗12-15分鐘, 下次試下加時唔加溫睇下
ReplyDelete好靚喎!
ReplyDeletelee個唔錯..幾特別.. 係包唔係批..我都想試XD
ReplyDelete好食~~~~外買一個~~唔該 個做形几好喔~~~是要卷的嗎~~ 內層唔會太厚喔~~~正~~~好有水準. 讚.
ReplyDelete蘋果批就食過，不過就未食過蘋果包，相信依款包一定會好香甜，唔該一個打包吖......
ReplyDelete史力奇, 多謝 tabby, 等我研究下點整返好個外皮先^^" 銳, 要卷架, 整成長方形擀平之後o係一邊界一行行, 另一邊鋪餡, 捲起
ReplyDeleteShirleyyau , 個餡係幾好味因為係我鍾意既蘋果批餡嘛~XD 不過個包仲係脆…用返之前個譜質感好唔同…換左新爐之後都未焗過一次滿意既麵包, 唔知駛唔駛開風扇, 又唔知要加溫定加時…依家仲試緊><
ReplyDelete整得好好呀!!!
ReplyDeleteMM&JJ, 過獎喇…整唔返之前咁軟熟>< 仲未識用個新爐…(定其實會唔會唔關事呢= =)
ReplyDelete唔上色?! 下次你焗到尾時, 只開上火加到230度焗1-2分鐘等佢上色。如果你開埋下火個包就會焗過龍好硬
ReplyDelete堯堯媽, 即係焗到尾轉上火焗230度?你係用幾多度焗幾耐架? 但我個底都係唔上色個喎係咪正常?
ReplyDelete堯堯媽, 其實我今日全個230度焗左1X分鐘先叫上倒...
ReplyDelete唉...我仲未學識整面包呀,次次都失敗><
ReplyDelete＋２簡單就是快樂 點失敗? 我報左工聯麵包初班喇~^0^ 問下阿sir我依家個爐出發既問題點解決先~
ReplyDelete