中二開始睇漫畫睇到近視, 之後隔左幾年又睇返, 發現左幾套唔錯既漫畫, 其中呢套好深刻好想再睇~上次書展見倒二手10蚊本, 即買! 拎住行左成日, 絕無後悔!!
男主角國見真係一位超能力者, 佢識讀心, 不過亦因為呢種技能感到痛苦萬分, 為左保護自己唔想聽倒世界上各種醜惡聲音。直至遇上女主角南井心--一個從小失盲, 剛復明2年既善良女生。佢地2個冇經過漫長既暗戀, 好快就一齊, 不過凡係同真親密相處一段時間既人都會傳染倒佢既能力, 為左唔想毀左心既一生決意離開佢。兩年後因為心既呼喚再次出現, 身邊有另一個女仔, 心為左令自己死心, 喊住咁話要摸下佢(佢既能力要摸過對方先讀倒佢個心, 而真其實一直封閉自己個心令其他人讀唔倒), 身體觸碰o個一刻真既神情尷尬, 心讀倒既係一句句「好想見妳」, 出乎意料之外。
故事後段仲有好多關於超能力同佢地如何面對既故事, 目前睇到第三集。
尋日睇不能說的秘密其中一個原因係佢俾我既感覺好似o岩o岩睇緊既呢套漫畫, 可能都係學生既愛情故事, (不過《不》俾我既感覺係大學生而唔係中學生既故事…除左2位主角之外其他同學都似大學生多d…)
特別鍾意學生既愛情故事, 好遺憾我係未試過著校服拍拖架~嗚嗚~~
哈~我都未試過著住校服拍拖! 我都鐘意睇漫畫, 少女漫畫就麻麻地, 反而我鐘意睇中性 d 既!
ReplyDelete著校服拍拖既感覺會好d咩 e~~有2個雪雪啵
ReplyDelete中學時成日睇漫畫....依家好耐冇lu!
ReplyDelete雪雪yuki, 例如死亡筆記呢D? 雪雪snowy, 唔知呀我鍾意呢個階段既愛情故事, 甚至睇過一本小學生純純的愛情故事又係勁感人!!! 係呀~所以我唸住叫你地雪雪yuki同雪雪snowy~^.^ 史力奇, 我都係呀, 依家睇都係睇返我o個個年代o個dXD
ReplyDelete你都睇左不能說的秘密 真好 我都好喜愛有學生feel 既愛情故事 好浪漫
ReplyDelete漫畫我早幾年都有睇 仲入埋會成日會去租黎睇 不過而家鍾意睇字既書多過睇漫畫了...
ReplyDeletemeko, 我都覺得好好睇呀~最怕有人話佢抄邊套邊套…係同某幾套戲好似, 不過好睇咪得囉~大橋來來去去都係o個d, 我睇得好開心呀~有人話開頭太長, 就算成齣戲係咁我都覺得好滿足呀~唔係一定要奇情曲折先係好睇, 輕輕鬆鬆既愛情小品唔好咩~? 我最初都係租架~之後買, 後來又租返, 不過火車站改建漫畫鋪搬左之後就冇幫襯過喇
ReplyDelete上網睇到好多人既評論 真係好壞各一半 又話有好多位都唔明白 .. 我覺得唔洗想太多 最緊要係好睇 ...同埋覺得黃秋生真係好好戲 哈哈 令到人睇得好開心 我而家見到鍾意既書都唔敢買 要諗下先 因為屋企有太多小說啦 冇地方安置 ,但又唔捨得唔要..
ReplyDeletemeko, 都有少少唔明, 不過唔多 睇見好多唔明既人都係因為未睇清楚... 我就唔明點解小雨阿媽要話佢早就退學, 除非佢認得湘倫
ReplyDeletere 蠍：wow 你又估到我鐘意睇 "Death Note"？！嘿嘿～ 暫時咁多套漫畫，應該最鐘意 "Slam Dunk" (港譯：男兒當入樽) 其實少女漫畫都睇既．．．小甜甜囉！(又係年齡大公開) re 雪雪：hi hi ~~~ 雪雪小妹妹～ 你好呀！！！
ReplyDelete雪雪yuki, 大路嘛~咁hit~~我都有睇不過睇到後段有d悶等埋左一邊:p 咁nana呢d有冇睇?龍珠又有冇睇?
ReplyDelete