大日子

前日係丁叮照結構既大日子，滿三個月冇公佈，因為同學叫我夠三個月都唔好特登同人講，一句「信我啦」，我信左佢…跟住發覺佢咩都叫我信佢，但係問過其他人意見之後原來都唔係咁可信…　懷孕係開心既事，好多野想同大家分享，於是決定知道性別，又或者照埋結構先正式同大家介紹丁叮～^^

18W生日當日收倒最好既禮物，知道左你係仔仔^^ 不過都仲未公開，橫掂都係，不如等多兩個星期等埋結構啦～^^

終於黎到呢個大日子，有少少緊張，知道有D BB會照倒冇腦或者腦漬水都咪話唔驚，不過絕大部分都係合格冇問題既~於是將焦點放o係confirm性別同公告天下上~

曾醫生幫我book左龔羽一，有人話價錢差唔多點解唔book權威林勇行，我都有唸過轉，不過一來醫生同我book左自己走去轉好似唔係咁好，二來上網睇過ｄ評價都係有好有壞，有人話龔醫生好cool，林醫生就好趕，想問野時醫生已經唔見左…同埋最大問題係佢成日改時間…有位媽媽俾佢改後左３個星期，仲照乜鬼…橫掂都唔知邊個好，不如照舊啦，好唔好自己試過至知。

今次總共照左２次先照得晒，即係中途要出去行下，好在乖乖轉左少少身，總算照得晒。２次加埋照左40分鐘都有，有媽媽話林醫生只係照８分鐘…唔係話照得耐就好，不過相差五倍時間…感覺又真係仔細好多…我最關心既腦同心都順利過關，又有數手指腳指，好得意～醫生照手仔時丁叮係咁縮XD 心臟照左好耐，老公話嚇死ＸＤ我見醫生皺一皺眉…＠＠好在照完一輪之後講左一句「正常」（呼～）

整體黎講都冇問題，不過有少少野要觀察，可能依家仲細未發育得好，兩個月後再睇～

我地一致認為呢個醫生唔係cool，不過就唔識講野，老公話佢口窒窒，講野要寫字輔助，照o個時都係姑娘講解，有時姑娘唔出聲或者講錯先會更正，同佢講唔該都好有禮貌回應，感覺良好！^^

今次份報告會send去我主診醫生度，有一本相簿，好多張相同埋一隻DVD拎走，一陣放工睇～^^ 不過就冇4D, 至今一次4D都未睇過…下次去返曾醫生度試下叫佢開4D我地睇，唔知得唔得呢～？不過都book左下個月去baby icon同丁叮影沙龍~^.^