話說舊年種左幾棵風信子, 都有唸過留返個球根今年再種, 不過最後倒左落棵鐵樹度唸住做肥料, 點知尋日淋花時見倒佢有花蕾!! 圖中有泥部分原先係插住o係泥倒樹樁咁…我救返佢上黎…依家冇郁佢, 唔知會唔會開花呢~!?
另外o係鐵樹旁邊磚地上發現左佢, 冇根冇剩無啦啦發芽…究竟佢係咩黎呢?於是放左落盆試下種倒咩出黎。
最近天氣凍好少淋花…咁乾有d變左紅碟…呢棵士多啤梨竟然開花!!!希望今次唔好俾雀仔偷食我粒士多啤梨啦…
第一次o係citysuper見倒, 不過唔見o岩心水祝福語, 唸住冇咩用冇買到; 早幾日同老公行街見倒, 唸起可以派利是時派埋俾佢d堂表弟妹, 於是為佢地一人揀左一個~我地自己都每人揀左2個~~
我有: 一擊即中, 生個好仔XD 同埋皮光肉滑, 美艷動人
老公: 老公搵大錢, 老婆好有面XD同埋身壯力健, 撈乜都掂~
老公話最衰冇生個好女/靚女唔係可以買個俾阿shanXD
另外O個D因應各人唔同性格而買, 正正常常既買左D考試100分, 成績爆燈, 考試攞A咁(左面)BB女買左個快高長大~
其中一位肥仔, 次次出黎都俾人話愈來愈肥既十幾歲小朋友, 買左個玉樹林風, 溝女輕鬆XD係我揀既, 我話一見倒就唸起佢XD 老公問左幾次呢個俾邊個…佢硬係聯想唔倒佢XD
另外有阿媽唔囉嗦, 日日笑呵呵~俾佢一個讀名校, 好乖, 但係食飯會打機俾阿媽話既表弟XD
據探子回報, 相簿已經送到喇~ 不過仲未開封, 今晚就睇倒成品喇~
17號開始落單, 一路upload唔倒, 對方一直跟進, 到19號終於成功, 收倒確認, 21號收倒通知話10-14個工作天收到, 我問趕唔趕倒新年前, 對方話冇問題, 今日真係收倒喇~yeah~希望相質好過blurb啦~~
後記：
noise情況比blurb好很多! 紙質硬身d, 又冇婚紗店相簿咁硬, 都似2層硬卡咁, 每層大約1mm厚。
以下相片由相機直出不經修改, 節錄幾頁俾大家睇睇
(封面) 由於pre-wedding用左西式, 所以今次呢本就用中式相做封面, 不過內頁其實得2頁, 因為晚上老公狀態不佳影既snap唔多, 大合照稍後會再做一本。
由於只係32頁好快排好, 大約用左1, 2晚時間, 如果大家有興趣我遲下再post完整版既排版圖俾大家睇, 因為之前要重新排一次, 所以save晒咁多頁照住排…XD其實都冇咩美編可言, 豪無心思咁堆砌而成…:P
原本係打算帶返鄉下俾外婆睇既, 不過依家可能唔帶喇, 都幾重, 燒左2隻碟, 一隻係VIDEO HIGH LIGHT, 一隻SNAP SHOT SLIDE SHOW
今日(28/1)年廿五放5:30
1. 禁機拎100蚊紙入利是<<<(KO!)
2. 曬結婚相帶返鄉下(雖然o係卡片王印左本相簿, 都再曬d俾老人家啦~)<<<(曬緊)
3. 買送煮米粉(今晚要整曲奇俾同學做結婚賀禮, 煮d簡單野啦:p)<<<牙痛改左煲粥+老公愛心鹵水雞翼同罐頭魚魚
明日(29/1)年廿六放1:30
1. 放工出九龍城睇牙<<<(KO!)
2. 返大埔拎相<<<夜左返拎唔倒, 星期日唔記得拎=.=
3. 返屋企同肥豬洗白白過年<<<(星期日晚等老公返黎先)<<<最後都係冇時間改星期二
4. 大掃除(襯老公o係屋企一齊執屋)<<<(改左星期日…)
5. 行左旺角年宵
6. 行左十蚊店同家品店
7. 去左旺角cafe dinner
後日年廿七(30/1)
1. 觀禮(帶曲奇)<<<(KO!)
2. 換床單<<<(KO!)
3. 今日要執屋<<<(KO!洗左2機衫, 褶左積落既衫, 洗左碗, 執左整餅櫃, 執左手作箱, 清左D大紙箱雜物房闊落左, 執左書檯, 執左餐檯, 執左廁所D雜誌, 老公返黎幫手拖地掃地同晾衫~)
4. 敷mask(極乾…)
星期一(31/1)年廿八放5:00
1. paperart入貨<<<(入左2支補充裝墨水, 2盒方形深色墨, 一樽毛毛粉)
2. 行花市<<<(買左一對超長兔兔耳, 小巴巴士都會頂頭XD一隻兔兔豬)
星期二(1/2)年廿九放5:00
1. 肥豬洗白白<<<老公洗, 我地2個一齊同佢吹毛
2. 同老公剪頭髮<<<今晚先><
3. 洗廁所<<<洗左~
4. 褶衫<<<褶晒
5. 利息封封口同pack好晒
星期三(2/2)年三十 放4:00
1. 放工帶肥豬返老爺度(帶兜2個, 糧一罐, 狗帶一條)
2. 返老爺度團年(帶利是)
3. 行街買衫(究竟有冇時間呢?)
4. 返屋企同老公剪頭髮
5. 仲有時間就拖地
星期四(3/2)年初一
1. 飲早茶(帶利是)
2. 打電話返鄉下拜年
3. 執行李返鄉下
4. 有時間就整杯木糠布甸啦~
星期五至一(4/2-7/2)年初二至五
1. 返鄉下(派利是)
星期一至四(7/2-10/2)年初五至八
1. 返香港
2. 陪老公
星期五(11/2)年初九
1. 開工
2. 教班
待安排--約小學同學團拜
純橄欖油: 樓下藥房買 , $35/100ml, 我覺得效果係最好. 塗以上咁多種 , 肚子偶然仍會痕 , 呢個月個肚愈來愈大 , 肚皮很緊 , 但上個月開始轉用純橄欖油 , 就真係一d都無再痕 , 反樸歸真原來最有效. 已經用左半枝 , 用完再買. 又平又正, 大力推介.
http://hk.myblog.yahoo.com/yinghung1234/article?mid=135
早幾日老公send左一篇高登既生仔文章俾我, 佢話好好笑, 個媽媽講得好抵死~
原來依家政府醫院唔想聞笑氣係可能會冇貨, 想做無痛係要星期一至五朝九晚五既…最後o個位媽媽(側太)咩都冇做之下, 痛左十幾個鐘…因為bb太大而要開刀=0=好唔抵XD
側太自言係好怕痛好怕痛既人, 不過生完之後佢認為係痛, 不過係可以捱得過既痛, 而且一日既痛換黎一世既快樂佢覺得好值得。打算生第二胎, 可以選擇開刀或者順產, 佢都係會再試一試順產。
雖然依家唔知道呢種快樂係咪一世, 報紙太多倫常慘案, 生個仔出黎眠乾睡濕湊大佢, 而佢大個可能掉低你, 可能虐待你, 可能殺左你…(當然我相信都好視乎你點教)不過無論將來會係點, 至少你既快樂唔會係一日。
由依家咩都未有甚至未開工, 已經開始掛住佢。
剛剛睇倒另一個BLOG, 呢位準媽媽早前作小產, 睇見佢見醫生時不停喊, 話好唔捨得BB, 我都眼濕濕。日日24小時一齊, 更甚可能係期待已久, 雖然如呢位準媽媽所言, 就算要走都係BB既決定, 每4位媽媽就有一位可能會o係3個月內小產, (唔怪得話bb小器, 唔好咁早同人講, 可能只係廢事冇左要解釋一輪)一路唔覺身邊咁多呢d case, 直至睇blog先發現原來情況的確幾普遍, 只係你既朋友唔會周圍同人講自己小產左。
另一位朋友, 結婚多年, 一路都唔成功, 睇勻中西醫, 有過2次都跌左…男人成日睇得太輕鬆, 小生命真係得來不易呢, 我成日都話, 你唔想要既時候就最易有…十幾歲冇能力生冇能力養o個d就最易有…
所以點解我成日咁急, 雖然想生龍仔, 但係成日覺得一年得12個月, 係咪咁易成功呢…
睇見另一位朋友剛出世既bb未改名, 自己亦冇唸住改(交俾老公), 但我倆已經一早改好, 我唸男仔可能都係用呢個架喇(除非到時bb俾感召我話唔鍾意呢個要另一個XD)老公話, 名已經俾左第一個BB, 如果到時跌左, 都唔會再用, 要再改…你話咁有感情, 如果真係跌左就好似失去左一個仔女咁…
有D朋友或者blog友都有小產經驗, 佢地都會叫自己第一個出世既仔女做2仔/2B。
FACEBOOK近來好多小朋友出世, 睇見人地既小朋友, 雖然唔係個個都咁得意, 亦唔能夠預知我既仔女係咪趣緻一族。以前驚如果個B唔靚會唔錫佢, 依家我唸除非有產後抑鬱啦…
當BB仲o係另一個世界, 可能仲未死未準備投胎既呢一刻, 我就有d掛住佢喇…好似早幾年同同事去台灣三日兩夜, 決定行程之後, 仲有成個月先出發我就開始掛住老公…
幾時開始恨生仔呢? 我唸係大約4年前, 老豆一個sms話佢朋友個女同我一樣大已經生左個女, 可能就係o個時起突然好恨生BB, 究竟我地可唔可以順利得倒龍仔呢~~~
好耐之前睇開一個煮食blog, 冇睇一排, 原來最近生左小公主。睇返佢既懷孕日誌, 見倒佢強烈推介旺角中心的林翠苗醫生, 醒起之前都有人問我搵定產檢未, 我真係從來冇唸過, 駛唔駛咁早呀…成日都話有冇都未知, 幾時有又未知…
不過咁o岩睇倒又咁強烈推介就save落黎同大家分享下啦~
大家有咩超好醫生麻煩都話我知丫~^^
1. 旺角中心的林翠苗醫生
推介媽媽：笨Ｂ媽媽
評語：嘩佢好 nice 好好人好細心！！！！！！我俾十粒星，強烈推介 
一邊照超聲波佢會一邊慢慢解釋呢度係咩o個度係咩，好詳細又有耐性
我仲將咁多個星期來，積壓左唔少o既問題(而係其他醫生懶得解答我的)都問左佢
佢冇嫌我煩仲好細心解答左，唔止用口答，仲會主動做多左工夫照埋o個o的部位俾我睇，用證據令我疑慮盡消
資料來源：http://hk.myblog.yahoo.com/bb-mama/article?mid=54437
其他：http://forum.baby-kingdom.com/viewthread.php?tid=1381395&page=1
http://hk.myblog.yahoo.com/jw!GbDeXFCZFBJ_hZQPlPXB/article?mid=4643
2. 旺角中心20樓既劉玉鳳醫生
推介媽媽： 火輪船
評語：真係好好多 , 唔似上次個位 , 無咩講解趕收錢 , 似做生意多過似係醫生. 劉醫生好斯文 , 氣質好好 , 講解又清楚 , 值得推介。我覺得劉醫生不錯啊 , 她以前是伊利沙伯醫院高級醫生 , 後來自己開診所 , 我姊姊是伊院護士 , 她的同事都是睇劉醫生的. 我覺得劉醫生比起其他醫生細心及無咁商業化. 可能我上似見佢前寫定問題紙 , 一條條問 , 而佢講解都好詳細 , 所以我都會繼續睇佢.唯一唔好既係佢 d 護士唔係好醒目 , 走既時候約下次檢查應該主動預番日期 , 但個護士好似如夢初醒 , 要我提先幫我做
資料來源：http://hk.myblog.yahoo.com/jw!5d5q.FCLGRl1H36Zlj1NDKLKEAM-/article?mid=59
3. 靳嘉仁醫生
地址：尖沙咀彌敦道72號昌興大廈4樓 (星期一、三、五) Tel: 27231239 / 27231199
及：荃灣綠楊新邨綠楊坊平台10號B (星期二、四、六) Tel: 24987288 / 24987633
另：星期日荃灣港安醫院門診
推介媽媽：Rachel Kwan
收費：開頭要打針食藥就要千幾蚊一次，之後連埋葉酸、維他命、鈣片、鐵丸 (佢會按唔到時間俾唔同既Supplement)，照埋2D就$590，照4D就$690。靳醫生註院既荃灣港安醫院平日順產就$16000醫生費。加埋醫院 Package 同兒科檢查等等，三萬蚊出院。
評語：呢個醫生好出名，在報章電視成日都見到佢。初頭作小產，佢都會幫我打安胎針，俾安胎藥，俾我放假卧床。我知好多醫生都會叫大肚媽媽照返工，亦唔會俾藥。（小藍按：從blog中所見靳醫生開左十日假直至下次覆診並叮囑媽媽冇咩事都唔好落床)佢好細心，到每一個時期要做乜野檢查都會提我，而且佢會俾唔同渠道我自己揀，例如照OSCAR，佢都俾左三個Source 我。
佢好明白大肚媽媽既心理，所以每次都會幫我地照超聲波，除左2D，仲會照埋4D，照到靚樣先收錢。另外呢，差唔多十週已經估到BB性別，唔夠二十週已經見到BB磁帶纏頸 (我去照結構個咁有經驗既醫生都睇唔到)。又會幫我慳錢，初頭我冇諗住排政府，但係佢提我去政府可以做好多免費檢查，又話俾我聽如果BB早過三十七週去政府生好D，唔洗俾咁多兒科既費用。
到生BB時，當日入院佢已經幫我檢查，下午親自幫我落催生藥，晚上返來幫我接生，第二朝一早又來睇我，自己診所咁多生意，都可以咁貼身服務。而且手勢一流！BB出世見到真係磁帶纏頸，幫我處理好。會陰傷口完全唔痛！唔痛到根本唔覺得自己有傷口。
資料來源：http://hk.myblog.yahoo.com/rachel_chu/article?mid=7735&suc=1
4. 巫少慈醫生
HILDY介紹, 上網搵左幾個網都係去照結構, 價錢約$800
http://hk.myblog.yahoo.com/jw!Hxv.gq2THhlTfmCafpRuRH8-/article?mid=595
http://kekon07324.mysinablog.com/index.php?op=ViewArticle&articleId=1606694
http://www.baby-kingdom.com/?uid-135975-action-viewspace-itemid-20296
5. 霍詠儀醫生http://seedoctor.com.hk/dr_detail-1.asp?dr_doctor=2710
babykingdom媽媽介紹~
