奶粉有毒?

好怕啲人奶媽太偏激，講到啲奶粉好似有毒咁！我最初都唔肯補奶粉，其他媽媽教我頭幾日補奶唔怕我又唔信，阿仔第二果日差啲24小時冇便便臨尾一大篤好開心唸住唔駛補，點知輕得多要補兩支奶先夠重出院，但之後返健康院都係跌磅太多加上黃疸去到三百幾即日入院照燈食奶粉，去到五個月先最後一次覆診，幾日後出院就由埋身轉全泵，為左退黃先補奶粉，到左將近兩個月發覺食奶粉對退黃冇乜幫助就全人奶，其實泵出黎既奶每日都比佢飲既多，打爆冰格之後阿仔每日都有人奶浴，直至五個月轉半埋身，七個月轉全埋身，奶量一直唔係問題，所以補奶會愈來愈少奶呢點唔成果立，想多奶泵多啲就ok,我反而要就住佢食量黎泵唔想倒咁多，泵三次已夠佢食一日六餐有多。食奶粉會撐大個胃同樣唔成立，至少我個仔唔會，無論奶粉定泵奶，飽就唔食塞唔倒佢食。我一直冇set目標餵到幾時，有咪餵囉，至今輕輕鬆鬆餵左十個月有多，冇需要當然唔會無啦啦餵奶粉，有需要既補又有咩問題呢?如 連母乳姑娘都叫補，點解唔聽呢?而選擇唔餵人奶既媽媽就被標籤為唔夠愛，母乳係好，但唔代表一切...我亦唔覺得餵人奶特別偉大，有咩咁自豪...ftm餵人奶對我而言冇咩難度，返工都努力泵嗰啲先勁！總結，人奶係好，但奶粉亦唔係有毒，唔餵人奶冇罪，我支持人奶，但唔需要咁偏激~

八個月的變化

FB GROUP

http://www.facebook.com/groups/259200354193990/

開左個YBLOG DRAGON MAMA FB GROUP~ 生完少左UPDATE同追POST~歡迎各BLOGGER加入交流近況^^

丁叮第7個月

只係過左半個月, 依家睇返上個月D相都好似過左好耐…^^

我半歲喇~
話咁快半歲喇~~呢個月學識扶住企，坐喺度玩，食mummum(試過米糊，燕麥，蘋果，大蕉，薯仔，甘筍，洋蔥，白菜，節瓜粥)，食牙仔餅，乜都放入口，真正落池游水水，唔駛再覆黃，雖然你仲未戒夜奶，食糊仔又食到要換衫，有時激到我唔想啋你，不過只要你健健康康開開心心就好^3^ 半歲快樂阿寶貝~

媽媽整左個奶豬蛋糕

暢遊ikea~

冇牙佬~依家晾衫就放佢出去坐, 最鍾意望肥豬~再好開心咁對住我笑~雖然肥豬唔理佢XD 影完呢幅冇牙佬後, 第二日就出牙喇~

中秋節爺爺燈籠俾丁叮~ 我自己揀架~

未開飯就訓左, 訓到返大埔…

去食飯之前去鑽石山行街街入米糊貨~坐車車~

出發同姑婆飲茶爺爺抱抱, 勁嗲, 呢期好多人話佢嗲…

最鍾意企, 一企o係度就鬼咁招積

扮坐車車~

呢個月開始出街食飯輕鬆好多喇~可以自己坐喇~~

增長不少

咬咬樂食蘋果~仲食過蕉蕉~雪梨~


食米餅

食豆腐

百厭星系列~出走

百厭星系列~拉斷床圍繩

百厭星系列~偷肩哥

百厭星系列~拉褲頭帶…

百厭星系列~咬凳…

百厭星困獸籠, 一個月唔夠就收埋左…隻猛獸一放入去就喊…

我大個仔喇~~條肩肩有我個名架~~我叫OBI呀~~

丁叮AND FRIENDS系列~

一班未出世已經識既blog友~終於有機會見面喇~^0^ 期待下次再見呀~
朗朗~丁叮~KAKARO~ 小馬B樂然

朗朗~

3月媽媽谷友~
KAKARO~JAYDON~丁叮~

325兄弟柏希

cover baby投票

http://popart.hk/faceapps/babyphoto2/albuminfo.php?id=599&fb_action_ids=10151236489137566&fb_action_types=og.likes&fb_source=other_multiline&action_object_map={%2210151236489137566%22%3A551309521552996}&action_type_map={%2210151236489137566%22%3A%22og.likes%22}&action_ref_map=[]

丁叮第6個月

終於第一次同P仔哥見面!! 幸會幸會~~希望有多D機會一齊玩呀~
原本P媽想生兔女, 我想生龍仔, 仲話指腹為婚, 點知P媽生左P仔哥, 為有嘆句有緣無份啦~~握個手做個好朋友好嘛~

同熹熹哥哥游水水, 熹熹媽媽係丁媽小學時既好朋友, 我地細個一齊游水, 一齊去荔園, 一齊打麻將~依家2個仔仔差一年, 又可以一齊玩~真開心~^^


呢日第二次同325 BROTHERS見面~ 一齊預祝半歲生日~去左其中一位媽媽既CLUB HOUSE游水水~
今次遠行冇整蛋糕, 只係整左325呢個牌~ 希望每一位小朋友都健康快樂成長~ 我地要KEEP住做好朋友呀~
呢日之後再同3位BB相遇~依家我地有9兄妹喇~當中以丁叮最早出世係老大~


呢日出席大埔BB半歲PARTY~又同唔同既小朋友玩~




呢個月同恩恩姐姐見得好密~仲拖埋手手~

5個月零一日已經可以自己扶住企, 不過都未係好穩, 過幾日已經可以放心拎相機影相喇

佢呢個向下望好驚訝既樣好搞笑XD 仲要係望住同一個位不斷做呢個表情笑死左我地XDDDD

第一次自己坐~ 媽媽同舊同學食BUFFET, 酒店有呢種BB椅都唔錯, 媽媽抹抹抹之後由佢摸, 不過佢坐左陣就扭眼訓, 訓醒坐左陣姨姨又要抱, 其實冇乜坐過:P

第二次自己坐, 今次係ikea, 我地屋企都有呢張椅~

ikea好受媽媽歡迎既車車~ 好多媽媽都放bb落去影相XD

媽媽最期待你學坐! 成日要企, 但又要人扶…識坐就可以自己坐o係度玩呢~

買左幾個月既蕉蕉終於肯食又識食喇~鍾意食D條狀野或者環狀野~

鍾意捉腳仔玩丁叮球~ 搵唔返食腳趾o個幅相, 食得唔多


講開食, 呢個月開始俾佢食固體, 第一次食亨氏純米糊, 好鍾意~~跟住俾佢食其他野


食過薯仔, 洋蔥, 甘筍, 蘋果, 大蕉, 白菜, 節瓜粥, 魚粥, 肉碎粥, 有d鍾意有d唔鍾意, 大蕉同魚粥食到喊…有時食食下又扭眼訓喊…


我之前成日問佢幾大識得自己執奶嘴, 有日見佢識得o係堆公仔入面搵返個奶嘴出黎放入口, 不過調轉左…成日拎住個嘴…放個柄入口…

呢個月真係變化好大~學食野, 學坐, 學企, 仲有出走…

未識gut籮柚單靠手力都可以爬得好快…轉下眼就出左墊…又要捉返佢入墊中間, 仲食過幾次碌…=.=

以下附上幾張得意相~^^

村姑叮

依家可以坐o係度沖涼喇, 不過成日想擒出黎…仲走去拉隔壁個架…

呢張係初生出院頂帽, 當時太大唔o岩戴, 依家又太細了…

熊熊仔好得意呀~~唔知凍d仲o岩唔o岩著呢~?

第一次著牛仔褲~即刻大個仔晒~