迎龍年回顧1~買床記

上星期五就開始放假(一日產檢假), 可以話放左6日, 不過頭4日都比較勞碌, 初二初三真正可以o係屋企休息, 今日已經開工lu

星期五朝早返廣華產檢, 今次都好彩, 唔駛入超hea女醫生房, 今次係一個後生男醫生, 果真每次都唔同, 未試過重覆, 入到房我仲好自然當左個年紀比較大既姑娘係醫生…坐低發覺個方向點解怪怪地先留意倒邊個係醫生…^^" 今次同醫生講返edd既問題, 下次可能可以改返跟私家個日子, 另外佢都識得幫我照結構既龔醫生, 知道佢係呢方面既專業, 話如果會搵佢再照就唔幫我照=.= (之前個醫生話34w照架嘛…)下晝返私家覆診, 曾醫生就話應該返廣華照, 因為我廣華生, 佢地唔可以偷懶, 叫我叫返廣華照! 又有道理喎~ 下次覆診問下, 希望遇返上次個輕佻但細心既高級醫生~

o係政府同私家覆診既2段時間之間, 同老公去左megabox搵床仔~ 貪呢度有荷花, 吉之島, ikea, 玩具反斗城~ 呢度都係冇粉藍色ikea粗框床, 不過居然俾我搵倒之前話台灣停左產, 而香港各荷花分店都冇貨, 得返一張爛display既企鵝仔床!!! 原本ikea都睇o岩另一張白色都幾靚, 不過冇咩特別, 網床都係考慮之列, 但又係唔太心動, 難得遇返呢張~~~老公話有新就要, 咁貴買張display又好唔抵, check左幾個鐘話有一張新~ 就你啦~^0^ 好開心~~~ 不過返屋企睇過發覺間房好似唔係好多位…唔知會唔會放唔落呢~XDDDD