FW: 好詳細既廣華生產分享

christytsui  http://www.baby-kingdom.com/home.php?mod=space&uid=22951


我的生產日誌 (廣華醫院)
http://www.baby-kingdom.com/forum.php?mod=viewthread&tid=4542070&fromuid=779443
EDD 5/JAN, 原本4/JAN 我仲愁緊 6/JAN 要返去廣華CHECK, 再無動靜要BOOK 催生, 點知 4/JAN 晚上九點幾我突然M 痛同胃超痛, 好似平時阿B 踢到上邊痛既感覺, 不過係再強烈D, 仲有急大大, 又去唔到…我仲諗住上BK 問下大家咁係唔係叫陣痛, 不過最後都係無問, 諗住唔係, 就走去瞓…10:45 個人好清醒,FEEL 到有野流, 即刻九秒九沖去TOILET,仲大叫MUMMY 話佢知穿水…跟住D 羊水不停流, 我一路換衫一路全身打冷震…我都唔知係因流羊水定係我驚既原故…因為我係娘家待產, 我就即刻打比老公,叫佢CALL TAXI 過黎接我去醫院, 去到醫院
都成 11:45….去急症3號窗比左錢就好快有人帶上北九…..(勸大家如果好似我咁既時間…可以等到 12:00過先登記, 我老公話我地超唔抵, 出院先知原來比多$100…)

好啦, 上到去, 姑娘會問你咩事, 我就答佢穿水, 佢就帶我入左一間房, 換裙 (除BRA ONLY, 要著UNDER) 要我去VV, 比張試紙我, 要V 落去比佢CHECK, 跟住問下你一D 野…做D LABEL 出黎, 而老公就要等一等, 攪掂就要比個袋姑娘LOCK住, 自己攞D M 巾出黎, 佢地比你入房上床,放低你既野 (隨身物品同M 巾, 唔係走佬袋個D 野), 而我整個銀包都比左老公, 留低MOBILE, M 巾等, 入左房要熄MOBILE, 聽BB 心跳半個鐘, 比個製你按, 如阿B郁按一下, 如BB 郁得少要聽耐D…如你無咩野可以落地, 或出去門外同老公傾計, 開頭我都係痛好少, 我就出去同老公傾左陣, 我叫佢返屋企先,唔想佢等咁耐, 因為我問過姑娘, 我係唔係就生得, 佢話無咁快, 我話唔係穿左水要 24HRS 內要生咩, 佢話唔係, 你聽晚唔生, 要後朝先落藥, 因為晚上佢地唔落藥, 見佢咁講, 我又唔係大痛, 我就話同老公講如果阿B 咁錫我比我咁快生, 你趕唔切唔緊要, 你返去瞓, 就係咁老公走左返去瞓, 我就入返去…個時先係 5/JAN 2:00 AM…


點知我入左去就越痛越密, 同痛…我係最入個位, 望唔到鐘, 但我覺得係有8-10MINS 咁痛, 同姑娘講, 佢又話無咁快,個D 痛係M 痛咁, 只係下腹痛..

跟住 3:00 幾, 我FEEL 到 5MINS痛一次, 其間我去左2次TOILET, 好多VV…又口乾, 仲行到落床去飲2次水…跟住又同姑娘講, 佢叫我上床比佢CHECK, 佢只係用手按肚, 好NICE 咁話阿B 面向天, 所以你恥骨係痛D, 我話我急大大啦, 去唔去得TOILET, 佢話唔好真係大就比去, 之後有姑娘得閒都會同你CHECK下BB 心跳 同按肚…平時我好忍得痛, 我都痛到開始要問姑娘比唔比得止痛藥或打針, 佢地話唔得, 仲有你未有耐啦, 要 2-3分鐘痛先得, 話如果真係陣痛, 係上面胃到痛埋,我只係下面痛, 無咁快….4:30 我就開始痛到扯頭髮, 問姑娘有咩可以幫到我, 佢話叫我行 OR 去玩FITBALL, 我行到FITBALL房又無人, 叫個姑娘教, 佢又話轉頭, 後來有個好心姑娘係我坐左15MIN 門外既CHAIR 後, 走黎教我, D 個姑娘好好, 之前我同過佢講我家姐 6個鐘就生左, 佢地都話我人高, 會好快生到..因BB都唔大 (佢地摸肚覺得細, 但我39WK 照U/S BB有 7.2LBS架), 跟住我一路玩一痛就扒左係BALL 前將床, 10MINS後我痛到大叫, 姑娘我好想痾呀…跟住叫我上返床CHECKING…佢地一伸手CHECK,即講開晒啦, 成幾個姑娘埋黎, 又即打比我老公, 同一時間推我出房, 去隔幾間既產房啦…..


天呀….好痛呀, 入到去幾個人SETUP D野, 跟全我問姑娘可唔可以比氣我, 佢就開始比我聞啦, 因為我都唔係不停吸, 係痛先吸, 無話好想嘔, 不過就有手痺既感覺, 姑娘話有D人係咁架, 係我一路等, 一路望鐘時, 有另一產婦入左隔離個位, 我仲聽到姑娘好惡對佢, 我就估到個位唔係HKG人。。。內容我就唔講啦，後來CONFIRM 到佢唔係HKG人,不過老公係HKG人..


好啦, 等到老公黎啦, 即係準備生啦, 姑娘有教點用手去拉, 腳去撐..頭向下, 唔準有聲, 但我真係做唔到, 生左一個鐘啦, 旁邊產房聽到有BB喊聲啦, 我都仲未得, 2個產婦生左都未到我呢….姑娘開始多….圍住我啦, 有人幫手我推, 大家幫手叫我用力, 叫我顛左咁痾就可以, 而好多時我用左2次力差不多生到時, 第3下唔夠氣再去, BB 出唔到黎, 如果再唔得好似好大問題 (事後我同老公傾返, 姑娘講既術語 同有醫生STAND BY 令我地覺得), 我真係顛左迫到自己用盡力, 而如娘幫手下, 生左…………… 其間姑娘成日話你BB個頭都見到架啦, 你唔比力佢出唔到架, 仲話叫我老公望下, 我事後問我老公, 佢話其實咩都無, 佢話大家係想幫你先咁講…..


之後影左一張相, 就要老公出去啦, 我就係房, 姑娘好快攞左胎盤, 聯埋針, 但都要係房等...叫老公出去等一個鐘, 咁佢就去買野比我食, 一個鐘後推我出產房, 經過走佬袋個櫃就一齊攞埋推入東九既產後房啦...


我的產後房日誌 (廣華醫院)http://www.baby-kingdom.com/forum.php?mod=viewthread&tid=4553818&extra=page%3D2

前篇講起生左就推去產後房, 因為個到唔比男人入架, 係生左老公先可以陪入去, ASSISTANT 會幫你過床, 即係你自己要用D力過床架 (係產房生左都係要過一過床先推出去既), 老公要幫你攞D M巾網褲出黎放係床邊既頂, 等D ASSISTANT 可以幫你著M巾...又係時侯要自己用力, 佢地幫你套網褲上大脾先, 會叫你 “吉高PATPAT” 之後, 自己穿褲, 同時佢好快手將2條M巾攝左入褲…真係快手到無朋友….


之後老公放好你D野就要走架啦, 等到1-2:00 同 6:00-8:00先可以再見佢…咁你就要係D個時間食野, 飲水啦, 生完係超口乾, 同埋好似係 6個鐘內要VV..唔係就要插喉放尿, 所以飲幾杯水幫下自己, 同食D野補充體力… 仲有真係要帶真空杯去, OR 有蓋杯去最好啦, 人人都有個熱水壺,但好重….要自己倒水, 講真一生左你都唔想郁, 會陰傷口痛又驚爆,就叫ASSISTANT (姐姐) 幫你倒定一杯水, 之後要自己SERVE 自己架啦…..但又唔落得床…咁點好呢…就要叫人放近D羅.

而BB 係要去打針先既, 好似係VITAMIN 同唔知咩, 真係姑娘講左你都唔會聽, 因為一邊講一邊推緊你入房, 你都唔想聽.. 記住產後第一次VV 好緊要,唔係D 姐姐煩死你…要第一次一定係比個盆你去VV.(不過都係想你好), 如你急可以按床上個製, 佢地就有人黎, 唔好怕唔好意思, 因為唔痾, 你唔使旨意落床..仲有其實痾係唔痛, 唔會 “那”傷口, 大家放心痾, 唔好怕”那” OR “爆傷口” 就住, 痾左姐姐會用鹽水幫你沖傷口, 又係唔痛, 只要係對人好, 有禮貌, D 姐姐同姑娘都會好好對你, 同對你有禮架.


好啦, 我就好返有得V, 生左4個鐘到V 得, 比你落床既, 但唔可以一個人去TOILET, 要等你家人陪你去, 你先可以真正一個人落床展開慢長既 “機械人” 生涯… 我就早上6: 45生啦, 佢地要我係 1:00 有家人 (一定要女性, 因為係陪你入TOILET, 唔可以係老公) 陪同下換乾淨既衫同去TOILET..之後你可以自己去架啦.

提下大家, 因為我地有個B 係肚重量有返咁上下, 我起身行出5步, 我FEEL 到暈暈地, 同唔太舒服, 叫MUMMY 陪我入返去坐, 你地都要起身企一企習憤”新”既體重, 同步伐.. 好啦, 再試, 去到走廊, 你地會見到 一批 “喪屍機械人” 同自己一樣用龜速向TOILET進發. 除左第一次外,其實我好快脫離左佢地, 我第2次已經無咁痛, 行得好好啦 (係同房既MUMMY 話我知,我第一胎黎講, RECOVERY 算快, 佢地第一胎時真係行唔到). 我諗係我肯成日上落下床去較床既角度, 肯郁, 唔係死屍咁癱係到 (因為我真係見有人完全唔郁…)

同埋唔好暈暈地都去TOILET,有一晚有人係TOILET 暈左攪到姑娘跑入TOILET 救人, 而個TOILET 成地M巾同血….第2日先有人清潔….你話幾危險同恐怖,寧可叫姐姐比你係床上VV.


而大家最關心有無熱水洗手, 我想講係洗手盤就無, 大家可以係TOILET 既沖涼房開熱水用既…我頭一日用凍水洗手同入沖洗器, 後來諗起仲咩唔用熱水, 咁第2日就用熱水洗啦…..


好啦, 係 11:00 定12:00 時, BB 返黎我身邊啦, 佢地會幫佢沖埋先比我 (我記得好似係, 平時係 下午有人黎收左阿B走, 沖左涼,推返比你既), 跟住大家既玩B 旅程正式開始, 你地要TAKE CAREBB, 唔好EXPECT 人地會黎幫你餵奶, 換片 (真係有人話唔識, 要ASSISTANT 幫手) 好啦, 12:30 到有飯食啦, 我既第一餐醫院返咩呢? 大家未必會諗到佢地比葡國雞粒孕婦食呢? 就係一碗飯, 一盤菜心 (大部分時間係比菜心, 有比過小棠菜), 之後既午晚飯好似有 木耳豬肉, 蕃茄魚 (醒到死,不過我都食左, 因為 1:00 先比家人探, 餓都要食啦), 晚餐有個橙比你, 早餐例牌係 “肉碎/絲粥”, 大家大食既真係叫家人買定野比你地啦.大人既食就講左, 到BB啦.
姑娘會一早MARK 左你餵人奶定奶粉, 掛個牌係阿B 架車仔, 姐姐過2-3個鐘排奶時就會問係要唔要奶粉( 但餵人奶既唔好諗住可以自己話補奶粉就補, 姑娘會定時問你BB 有幾多VV, 幾時VV, 幾多便, 幾點? 去評定你補唔補得, 佢地係薄MARK 左, 姐姐見MARK 左先比奶粉你架), 開頭第一日姑娘一般唔比你補架..

而我阿B少VV , 所以我都補過幾次架..唔好怕補, 唔係好似我阿B 咁出院後 2日又入返廣華照燈, 因為VV便便少去唔到黃, 黃疸高呀) . 如你一早係講左奶粉, 姐姐就派比你, 而家係派緊牛欄牌既.
如果大家餵人奶, D 姐姐同姑娘會教你點餵既. 因為我高, D位唔啱, 姑娘好好人借個餵奶枕比我, 佢會比張紙你, 叫你出院時還返比佢地既)


衣方面, 大家唔使帶BRA 去啦 (如餵人奶), 因為唔會有CHANCE 著,你要密密餵, 內褲就可以係網褲OR 自己UNDER 都OK, 無人理你既. 而我係住東翼9樓 (東9), 大人同BB 既醫院衫會係 16號房門外擺左係到, 你或阿B D 衫DIRTY 左, 請你自己攞新既換左去, DIRTY 既要攞去TOILET 既特定指定箱到放.

住, 因為床係手動既, 大家要自己去ADJUST , 對大家黎講都幾辛苦…我就高大既, 所以我彎少少腰, 伸直手就較到, 千祈唔好諗住
“MOU” 低去較, 唔知會唔會爆傷口……….. 而廣華係會借個坐墊比大家, 我覺得個墊真係GOOD…係床上餵人奶既位唔好, 我後來放個墊係椅上, 用BB架車底LONG 腳餵奶個位好好多.


行, 大家千祈唔好抱BB 走出房, 會比人話架….我就試過呢….HAHA, 不過唔只我一個人係咁呢..如大家好攰想抖下, 可以連B 帶車, 車去 “育嬰室”, 個到叫做有人望下阿B咁…


探病時間: 1-2:00 講就話只可以一個人黎, 其實同 6:00-8:00 一樣可以2個人架…不過真係幾STRICT架, 一定要夠鐘先比人入, 一定要夠鐘走人, 一定比人趕架…仲有家人一定要有口罩先入得, 佢地話怕交叉感染, 咁又真係太多BB, 安全為上. 我就叫老公帶一盒, 當有人黎佢就攞出去比人, 老公話有人係產後房門外問我老公賣唔賣, 我老公等係唔賣啦, HKG人，FREE 比你又點話, 唔係人地又要走去買$2/1 (地下有一間SHOP, 好似係7:30AM-8:30PM)


醫生時間: 一般日日早上 8:00 開始巡房, 佢會CHECK 你傷口 OK 唔OK, 其他時間都係姑娘問你野, ASSESS 你狀況多D, 姐姐量下體溫. 而醫生定姑娘會問下你有無便便OR 放屁, 睇下你條腸識唔識郁….好彩我第2日就有便,仲要唔難痾, 因為我真係好驚爆傷口, 同我MUM 講過最辛苦係去大大….不過我一唔開大, 有屁時係谷到傷口都會痛, EVEN 我而家返左家都係谷到痛, 一定要便左先舒服架…唔好怕爆傷口, 只要比多D時間自己慢慢試, 同食多D野,飲多D水就去到架啦.


好啦, 講左咁多要注意既野, 講返我既經歷先, 因為我白痴唔知要自己換片, 到4:00PM 都未幫阿B 換, 姐姐黎到我問佢係唔係要自己換比佢話我“等係啦, 個B係你架嗎” 當然唔係態度差, 同埋你會成日聽到有人問佢地野時, 佢地第一句都係咁答你, 佢地想比你知你而家係MUMMY架啦, 你有責任TAKE CARE BB…

好啦,跟住姑娘黎問下BB 同自己既狀況, 因阿B 不停玩泡,同嘔奶, 我就問姑娘BB 係唔係有咩事, 比佢發現BB 嘔左一D 啡色既野, 而我D個MUMMY 竟然唔知….佢話佢估係血, 或者BB 係吸左胎水/血, 所以唔D D 野, 佢估要洗胃, 叫我推BB出去育嬰室,佢轉頭搵醫生睇, 再話我知點, 佢估好大CHANCE 要洗胃..

好啦, 4:30 到佢返黎比紙我簽話真係要洗胃, 個刻個心千萬個唔願意都要簽, 因為姑娘話洗左佢會舒服好多, 咁佢就走左, 好快 5:XX 佢就推返BB 比我啦, 係等既其間, 我拉左個簾, 一個人係忍住眼流, 點知都係喊左, 個時先知自己細個到大個都成日唔舒服, 我MUM有幾難受..而我知要洗胃就打左比老公, 老公WHAT APPS 我都話好唔知點咁…好彩洗左胃BB 個樣又唔係好辛苦, 咁隔一陣我就又餵過佢啦, 佢又肯食…而姑娘之前話佢可能都仲會嘔D 血絲, 所以我第一日同第一晚每次餵左阿B 都唔敢瞓, 又將佢面向側防止佢嘔奶頂住呼吸唔到,
同推佢埋床邊, 等我一醒就望到佢.

跟住既第2日個人好累, 但都要自己照顧BB, 而間中姑娘開咪話比人知有沖涼示範叫大家想睇就放低阿B 睇..不過個人咁累邊有心機睇, 要企幾個字架, 所以大家都係出院個日先去聽啦.



而我係第1日早上就全日FEEL 到好熱 (個房幾焗架), 點知第2日瞓醒FEEL 到唔多舒服咁, 好似係晚上冷冷地咁, 所以大家要小心一熱一冷, 到2ND 日下午姑娘過黎問下野時,我同姑娘講我開始發冷添, 佢話有D人谷奶係會咁, 原來我開始谷奶啦, 個胸真係開始有少少硬硬地咁…不過佢話如果係唔舒服有機會住多日再睇下點…好彩第3日無咩, 而出院個日既早上有姑娘黎抽血, 個REPORT 如果OK, 大家就可以出院. 而我就無野出得院, BB 既G6PD REPORT 就唔會咁快有,佢地話2個WK 內如有事會通知….無講就無事.
而我出院就比左 $350 攪掂啦….


原來諗住打埋D 篇收工, 不過因為阿B 黃疸高左, 9/1 又返左廣華….北8….想再同大家分享下經歷, 比D時間我..再打過同大家分享…

唔記得同大家講 M 巾, 我只用左貼既, 無開過扣裝, 我去TOILET 唔太密, 因為唔敢離B 太耐, 所以2包加自己夜用一包剛好捱到出院... 萬用紙2卷都夠用, 之前有JM 話要買 11吋, 2包裝OR 4包裝未開既先收, 我估係因為佢地係你地攞出黎既濕紙巾, 尿片, 萬用紙既PACKING上MARK 左你房同床NUMBER, 所以要全新未開