七月

轉眼又一個月~~
話說12月好似過得好慢, 自從驗倒糖尿之後, 等極都仲有3個幾月…但係最近感覺快左好多呀, 可能見完營養師之後, 飲食方面冇之前自己亂戒口咁齋, 選擇多左好多~~又飽又唔會話見倒冰糖都流口水咁陰公…

早幾日踏入28周, 依家先得閒記錄返

星期一二都去左覆診, 尋日仲去左廣華one day camp食餐篤手指, 估唔到食完醫院個飯血糖去到7.2 @@ 好在之後抽血再check去返6.2, 今日到依家4點幾都收唔倒電話~應該過關唔駛入院過夜喇~^0^

營養餐實行到第六日, 感覺非常好~ 每日都密密食, 又飽肚, 又有水果, 乳酪呢d甜野食~ 一日六餐都要食澱粉質, 可能仲多過未中招之前~~尋晚晚餐後2小時再check都只係4.4~ very good呀~^^ 最滿足係食自家製芝麻麥方包~自己一個分3日ko左成條~今晚返去又整~^.^

可能我本身鍾意食菜, 糖尿餐對我冇咩難度~係出街麻煩d, 所以盡量都唔約人食飯喇, 約人都還好, 可以分d俾人, 最緊要有油菜~ 自己一個就麻煩喇…澱粉4/5碗, 肉一個掌心大小…都唔知點嗌…


講返丁叮~踏有28周之後佢又郁得勁左~~繼續好多時望住佢郁, 但係feel唔倒~奇怪呀~
呢2日開始覺得有時有舊野硬左, 唔痛既, 聽聞係假宮縮, 即係佢練習緊出世既動作~只要唔痛, 又唔規律就冇野~

不過佢依然好有性格, 爹爹摸佢好多時都即刻扮訓XD



依家間中望下掛o係手機既丁叮相簿, 望下佢個豬樣, 好期待佢o係我懷中望住我個樣^^
早幾日夢見自己泵奶好成功XD泵倒一支幾XDDDDDDDDDDD好有滿足感XDDDDDD


爹爹最近成日買衫仔俾丁叮~又成日kiss kiss 丁叮~ so sweet ~~~~ ^.^

老公姑姐話幫我煲醋, 阿媽問駛唔駛o係大陸托d薑返黎~^^ 仲買左套底衫仔俾丁叮, 佢話唔知我地有咩未買~買左一套先~ 老公阿哥又俾左d衫仔同新既紗巾我地, 姑姐俾左d花膠我, 不過我未煲過… :p

28w已經進入孕期既最後階段喇~丁叮愈來愈強壯喇~再過2星期又踏入30週~^^ 又係一個值得紀念既日子呢~^.^ 再過八周半就足月喇~好期待呀~^0^