廣華妊娠糖尿營養師講座

趁新鮮仲記得, 記返低d重點先~
前日返廣華覆診, 原本打算同我做中期抽血驗血色素同血糖, 不過我已經帶埋份血糖報告返去, 中左招, 即刻安排第二日見營養師…

尋日同場有幾位媽媽, 多數都係白紙, 即係同我一樣下星期入院one day camp食餐+篤手指, 少數藍紙既要留院一晚。

姑娘話8-8.9除非有因素唔係既只要自己注意飲食就ok, 9-11就要見營養師oin one day camp, >11要留院一晚

我剛剛9, 剛剛要見營養師。尋日聽左個幾鐘, 覺得好有用, 而且一d都唔悶~

1. 蛋黃
原來食蛋黃係唔會增加膽固醇, 之前都有聽過, 不過又唔肯定, 依家可以用老公講喇~XD 營養師話淨係食蛋白冇咩營養, 多數都係水份, 要食埋蛋黃, 問佢可以食幾多, 佢話, 你唔會食好多呀馬, 一日一隻囉~

2. 木糖醇
唔知有冇害, 保守起見唔建議食代糖, 我唸佢對代糖都冇特別研究, 咁我就少食D啦~

3. 加飯
有左以黎晚餐多數都唔食澱粉質, 原來食唔好既, 每一餐都要有醣質, 小食都係~所以依家開始夜晚食4/5碗飯, 本身屋企包米買返黎已經溝左紅米, 尋日放工再買多包糙米返黎溝, 唔知點解煲出黎好似仲多左

4. 糙米
其實同白米醣質係一樣既, 不過血糖波幅冇咁大, 麥包都係

5. 減肉
午餐同晚餐只可以食一個掌心咁多既肉, 食左豆腐或魚就冇左食肉既qouta, 早餐一份, 可以係一隻蛋

6. 小食多餐
除左早午晚三餐, 仲要食多3餐小食, 分別係三餐正餐之後2小時或者2餐次間, 正餐與正餐之間每少隔4個鐘, 如果未夠2個鐘就見餓都唔好食野, 如果不斷食, 血糖就會keep住高, 小食多餐可以令血糖穩定。

7. 瓜菜任食
好在我一向最愛食瓜菜, 食少左肉加多d菜都唔怕唔夠飽, 而且好耐冇食過飯, 食左又真係飽d, 可以食少d肥肉都唔錯, 反正我食肉食到好厭…

8. 戒肥
呢個營養師好睇重睇d野肥唔肥, 佢話重得太快血糖又係好難控制, 聽倒我問整芝士蛋糕冇落粉可唔可以落木糖醇, 佢造「咪好肥?」

9. 雞翼走皮
我唸我黎緊幾個月都唔會食雞翼喇…好在食厭左最愛既雞脾, 一隻大雞脾亦超出左一餐肉類既份量

10. 每日2杯奶
無糖/低糖加鈣豆漿都可以, 一定要加鈣喎, 佢介紹左一隻無糖加鈣豆漿, 尋日見倒百佳有

11. 媽媽奶
唔建議飲, 奶要飲高鈣脫脂, 如果媽媽冇咩重, bb又偏細可以飲高鈣低脂, 三花安怡o個d高鈣脫脂奶都一樣~

12. 有糖尿既孕婦會跟緊d
醫院會檢查得密d, 資源都多d, 我見有d媽媽有超聲波照, 上次覆診都聽醫生話可能34周照一照, 唔知關唔關糖尿事

13. 減麥皮
原來我平時食既麥皮份量太多, 食2大殼, 原來一餐4份醣質只可以食8平湯匙乾麥皮, 加奶就只有6平匙, 而餐單既早餐係冇奶既, 上午茶餐同睡前小食先有, 所以要轉唔落奶粉, 可能加d蛋/肉同菜/番茄, 咁就可能要o係屋企煮喇

14. 巨嬰
糖尿媽媽易產巨嬰, 巨嬰唔單只難生, 原來過左7歲好易有高血壓, 糖尿病之類! 所以丁叮keep住依家咁中碼咁就o岩喇~^^

15. 少過10粒既車厘茄可以乜都唔計