之前同一位醫生朋友傾過，佢話唔剪個傷口會爆得好核突，剪好Ｄ。有Ｄ產婦剪完之後話唔聯針，呢個時間先嗌痛（因為生既時候太痛，剪o個下根本唔識得痛）話唔剪，佢話佢會俾塊鏡佢地睇下咩樣…仲聯唔聯…
頭先上BK見倒相關討論，原來依家QE可以俾你揀剪/唔剪，有份同意書俾你填，醫生話以前就多數剪既，依家可剪可唔剪。唔知其他政府醫院得唔得呢？
睇返一Ｄ媽媽既經驗之談，多數都話唔剪好。剪的話，好易生，但傷口聯針後會痛幾星期至一個月；唔剪的話好難生，生既時候好痛，不過生完好快唔痛。雖然都會爆少少／損少少，都要聯一兩針，不過多數都唔痛。
咁睇好似唔剪好Ｄ喎。
不過醫生／助產士俾得你唔剪應該都係夠大先得，所以亦可能因為咁，聯既針數唔多，所以亦唔係咁痛。
有一位唔好彩既媽媽遇著實習醫生（有一位高級醫生傍住）聯錯左，搞左成粒鐘…痛死…有一位姑娘聯錯針聯左Ｄ好肉，要拆左佢聯過…有Ｄ話會打麻醉針先聯。
政府醫生儀器先進，有咩早產急症都係送返你去政府，不過最大問題係遇著實習醫生，而呢個機會似乎幾大，我就寧願由助產士操刀…
有人講,如果你生吾到,而吾選擇剪,到時裂開好肉酸&痛,所以如果真係生吾到,吾好強迫,剪生個傷口靚,聯完針雖然痛一段時間,但個傷口靚d
ReplyDelete[版主回覆04/08/2011 11:09:00]但係點知生唔生倒?我見d媽媽爆好少生o個陣都好痛, 但之後聯2針就搞掂又唔痛
我當時剪唔切，真係爆到好肉酸，不過又真係唔痛WOR~!
ReplyDelete[版主回覆04/08/2011 11:08:00]咁你覺得剪定唔剪好呀?係咪有得揀?
依個問題真係好難決定, 又好驚喎
ReplyDelete[版主回覆04/08/2011 12:59:00]冇咩好驚啦~咁大舊都BIT得出~XD
睇完真係驚驚地... 如果可以叫老公生就好啦
ReplyDelete[版主回覆04/08/2011 15:29:00]哈哈哈~其實唔驚啦~D咁偉大既任務係我地女人既光榮
到時邊度仲有得咁清醒丫，佢話剪咪剪囉~哈哈~
ReplyDelete[版主回覆04/08/2011 16:09:00]我見好似話依家有份FORM俾你填左先~
我0個時聽0的人話剪唔剪都覺得好恐怖ar.. 0的人話剪會好0的... 因為剪齊左... 聯針咪會易0的... 0個時好似有份form比你填, 但我冇交返比佢ha... 淨係生0個陣... 姑娘0係到講再生唔倒就要剪.. 但佢話佢地主張第一次唔剪lor... 咁我都冇剪... 但又唔覺好痛, 都冇鏡睇返核唔核突ar... 但佢聯針0個陣有麻醉針架wor ~~ 不過我覺得都唔駛諗咁多, 都係睇到時情況架咋~~ 如果生唔倒都要剪... 如果生得快又剪唔切~~
ReplyDelete[版主回覆04/08/2011 16:38:00]好~!多謝你意見!希望我唔駛剪XD
i always think the scariest part is 剪..... which hospital r u planning to go to?!!? i am going to QE la!
ReplyDelete[版主回覆04/08/2011 19:53:00]廣華呀~~
睇到都覺得痛 …
ReplyDelete[版主回覆04/09/2011 11:37:00]原來係有麻醉的
都係痛麻...
ReplyDelete[版主回覆04/09/2011 12:23:00]生仔痛就預左架啦~
我就係最驚呢一part. 睇完都覺得痛
ReplyDelete[版主回覆04/09/2011 13:28:00]咁會唔會考慮開刀?
其實up to bb size,如果大隻b,真係爆硬!! 我有朋友就不用剪,已經好快出來,而我呢~ ...嘿嘿,避免要"剪"怕痛,我揀開刀,一早同老公講,我只去私院生b(最衰公立無得揀開刀)
ReplyDelete[版主回覆04/09/2011 15:08:00]我就想經歷「生」既過程, 所以冇唸過開刀, 公立要驗倒你不宜順產先有得開刀, 或者孖胎都可以揀開刀
我 d 朋友個個都有剪呀.... 諗起都覺得好痛
ReplyDelete[版主回覆04/10/2011 11:14:00]唔剪其實都係痛~
我都聽過人講有人要剪有人唔使剪... 我諗都係depends on bb size~~
ReplyDelete[版主回覆04/10/2011 11:13:00]好似話以前要剪依家有得揀~
唔揀開刀啦,順產個過程感覺深d, 痛都要忍
ReplyDelete[版主回覆04/10/2011 11:13:00]咁唔駛驚啦~
聯針前,廣華醫生會問你打吾打止痛針. OK接受到.
ReplyDelete[版主回覆04/11/2011 12:48:00]聽講打呢支針最痛?
咁剪之前止唔止痛?
越知得多越驚....未生都感覺到痛
ReplyDelete[版主回覆04/11/2011 17:45:00]唔駛驚啦~不過要唸定如果佢問你, 咁你剪定唔剪呢~?還是由醫護人員話事?
印象中醫生無問你剪吾剪. 係"知會"你要剪. 放心, 陣痛既痛已經蓋過晒所有觀感. 剪左都吾知.
ReplyDelete[版主回覆04/12/2011 12:19:00]好似話依家某D醫院會俾張紙你填剪唔剪, 同埋剪之前好似會麻醉
我之前睇過一個台灣節目,話剪咗會影響以後老公對老婆的性慾(心理及生理上),所以10個老公,9個都會寧願開刀生。
ReplyDelete所以還掂都係痛,比我會揀開刀。
[版主回覆04/12/2011 21:25:00]下?我唸唔關剪唔剪事, 唔剪都會爆, 應該話順產做成呢種影響, 但如果因為咁而揀開刀, 對媽媽同BB都唔係咁好, 順產係最自然最健康既選擇, 可以的話我都唔會揀開刀
噢!!!!!唔係你講我都唔知有呢啲嘢呀!!!!! 我即刻YAHOO SEARCH一下,噢!!!!諗起都驚呀!!!! 原來生BB真係好偉大o架~~小藍,你的分享真係好正呀!!!!
ReplyDelete[版主回覆04/14/2011 15:43:00]其實剪一剪既痛同生產既痛邊有得比~~唔駛驚唔駛驚^^
之前做野時聽婦女講佢地的生仔經，越聽越驚~ 我都知剪果下唔知痛，生仔已經夠痛了，但最怕之後陰陰痛~
ReplyDelete[版主回覆04/23/2011 16:50:00]有人話佢聯針聯得唔好生肉芽…仲要醫生用左要拆線既線同佢聯又冇叫佢返去拆線=口=