台灣之旅2011第一天-陽光味宿(上)

實在太多相~民宿都要分2篇黎介紹
呢間民宿可謂今次黎九份既重點~~之前上網睇資料已經覺得好正~而我當初落訂時亦已介紹過一次~今次親身黎到, 真係同網上睇既一樣~~十分滿意~~^0^

唔記得影個門口, 門口好鬼鼠好隱閉~好在之前上網睇過~唔係分分鐘行過左:p
我地o係門口裝入去, 有一兩對客人o係度, 老闆娘見倒我地~同我地打招呼~問我地係咪佢地既客人~^^
入到去就問我地係咪外國人~~(我唸係非台灣人既意思)
入左大門之後, 經過呢段路~

就到呢個用餐既地方~我地第二朝就係o係左邊近門口o個張檯用餐~^^

從另一邊看

呢隻貓貓慢慢行過黎, 原來想飲水, 你睇瓶底條金魚, 原本o係上面游緊, 呢刻呢落瓶底…^^"

飲過老闆娘既甜甜紅茶, 接過老闆娘為我地準備既簡單九份地圖, 我地就上房放低行李, 打算趁老街收鋪前上去行下搵下野食~
一入房門, 左手邊就係呢張起碼有六呎闊既床~上面仲有隻迎賓bearbear~

門口有呢張溫馨提示
重點係last一句：不可以吵架～一定要幸福快樂^^

床尾有電視sofa~不過好奇怪, 張床係睇唔倒電視既…不過間房有部hifi, 入面仲有一隻《第三十六個故事》既sound track~(我去台灣之前正正睇左呢套戲~)音樂好好聽~聽住訓好寫意~~^^

另一隻迎賓熊仔~熊熊仔~^^
當時房間落晒簾, 老公問: 冇廁所架~?
我話: 你唔記得左喇~?(我地一早上網睇過, 呢間房最正既地方係全落地玻璃直通廁所浴室同露台架~~~>0<
老公拉開窗簾不禁"哇~哇~~~哇~~~"聽見佢哇左三四次~^皿^ 真係好~證明佢真係好鍾意呢間房~~^^ 冇揀錯呢~~~

廁所有2缸魚~

露台影返入去

呢個係我地出老街前既日落~~太陽落山落得好快呢…拍左段片唔見左呀><

呢幅係行完老街返黎食完野出露台疏肝影既~

影張合照先啦~ 原來我地今次冇咩點上鏡呢~

一下篇將會介紹第二朝o係民宿既活動~
原先打算夜晚返黎先放天燈架嘛, 老公唔鍾意日光日白放呀, 氣氛的確差好遠…不過冇計, 臨出發前一星期先收倒老闆通知, 今次九份少雨, 唔俾放呀~~要返平溪十分o個邊放…最後都係日頭白白放…總算許左願~^.^