做左一年媽媽

做左一年ftm,呢份工唔比返工輕鬆，24小時冇病假，我呢一年病左五六次，係平時既三倍...加上小天使未戒夜奶，好在佢埋身，我都餵得輕鬆，但就冇話一覺訓天光；有order要整餅既日子壓力特別大，佢怕悶又黏我，有時太忙都覺得對佢唔住...好在老公分擔家務，尤其小天使細時，頭兩個月真係冇啖好食又冇覺好訓，嗰時佢四點先訓...(唔通因為佢四點出世???)所以我開頭瘦得好快，本身大肚重左十八磅好快回復，依家產後一年比剛大肚時輕七磅，不過就多左對媽媽手，產後泵奶好快就出現，雖然冇泵五個月，但佢愈來愈重又大力，左手情況反而嚴重左...回想產後未夠一個月有幾次想過放棄人奶，不過本住有就餵既心態，輕輕鬆鬆餵左一年，估唔到今晚仲會谷到要放奶...小天使食固體差，好在都鍾意食奶，不過只限喺屋企，佢會食下又望住我笑，食完又伏喺我度，好sweet^^更好彩既係，奶量一直夠有凸而touchwood冇試過乳腺炎。其實由懷孕開始算幾好彩，冇嘔冇腰痛身手敏捷，冇高血壓蛋白尿，有糖尿反而令我注意飲食控制體重，生完唔駛為減肥煩惱，只係個一度比較磨人，總算一切順利；丁叮黃疸到五個月先叫做退晒，但慶幸肝腎都冇問題，只係膚色黃得耐啲，同埋住左幾晚醫院，而我就因為咁坐月冇進保。雖然ftm唔比返工輕鬆，但能夠同小天使朝夕相對陪伴佢成長，成為佢最愛，係何等幸福。^^

原諒我呢一年好少開電腦...