商戶評分-迎囍大酒樓(佐敦店)

我們不擺酒, 只是四圍家人食飯。
沒有派帖沒有敬酒沒有回禮沒有表演沒有即場註冊
一心想找好味的酒樓, 佈置不重要~
選佐敦因為地點較方便又沒有旺角那麼多人打邊爐。
有我最喜歡的龍蝦伊麵, 老公至愛乳豬。可是他那天病了, 什麼也不能吃, 只要了一碗白粥也吃不了…
我們7點到場, 長輩後輩都在打麻將~ 我一到步先去換褂化妝, 朋友們幫忙佈置(就是將cafe的佈置搬過來:p)

轉妝後我們便拍大合照, 跟長輩敬茶, 看過跟cafe一樣的成長片段後便開席~
我可是由頭吃到尾:p 可憐老公白粥也吃不了躲在化妝間休息…><
我說我大概是最大食的新娘:p 老公說他是最「冇啖好食」的新郎…

我地用四圍包了全場~哈哈~ 猜想是因為世界盃而冇生意…
所以給我們用大化妝間, 又讓我們到隔壁大廳拍照。
原本我們訂了四圍, 後來加半圍便可用更衣室, 於是加了半圍, 可是當天女家幾乎所有親友無法到場…(原本也只有不足一圍女家親友), 於是再聯絡酒樓減了那半圍, 他們依舊給我們用有更衣室那邊廳!
雖說沒其他人用, 不過那些地方即使空著也不一定要給我們用, 這讓我大大加分~!

接著又協助我們倒茶, 幫我們方排位置。老公說, 雖然不是話頭醒尾, 不過總算要咩有咩~

以下係其中幾味
有我指定要既乳豬, 龍蝦伊麵, 原隻鮑魚~
乳豬我食左4片~~

龍蝦好味

鮑魚麻麻, 有d un…同埋我食倒有d火農味…

個翅冇咩期望, 都ok, 最驚喜係條魚好滑~~不過蝦多士好油…

以下2樣甜品都好味~~我地仲打包左返屋企~

香芋西米露

散席後我地call van搬野返屋企~

最後我地俾左500蚊tips俾幾個伙計分, 佢地其中一位仲幫我地搬野去到後面街架van度~ 真係好~

$4380/圍, 全包宴
我地唔係用婚宴酒席, 又改左菜單
如果用婚宴菜單可能要6, 7k
評分+半粒

優點:
1. 服務周到, 要大廳影相又俾, 要大新娘房又俾, 即日減半圍又俾(我地只係4圍), 仲幫我地搬野去街尾架車度~
2. 野食好味, 我地都係因為呢點先揀迎囍
3. 地點ok啦, 都算近地鐵站
4. 環境方面, 其實由名字到佈置都一路覺得迎囍好適合結婚
5. 冇chur 利是, 去到老爺話俾左, 咁我地都冇再俾

缺點:
1. 蝦多士同原隻鮑魚麻麻地
2. 未ready就播片, 嚇到我大叫「停」=.=, 不過佢都停得好快^^"

整體黎講我都俾好高分, 好滿意

ps 感謝同事v一直幫忙聯絡, 我最怕打電話…^^" 冇左你真係唔識講數呢~ 可以用倒咁優惠既價錢亦多得你^3^

Apricot macaron

蛋白+糖(1:1)打至起倒鉤狀, 杏仁粉、糖霜、粟粉過篩, 加入蛋白中拌勻。

我用左50g蛋白份量, 整左以下3份, 首先係反面教材中白色部分, 焗焗下發現焗爐風扇唔著=0= 已經裂左…於是第二爐用另一個爐, 不過呢個爐火氣好猛, 加左藍色色素之後變得好稀…焗完又失敗(反面教材藍綠色部分)

跟住唔理佢地去左食飯, 食完飯再整埋其餘部份, 呢d加左少量紅色色素, 有極淡粉色,  出奇地杰左, 狀態比藍色杰又比白色稀少少, 總算成功喇。用返猛火個爐, 開頭低溫左, 跟住較返高, 極速起裙仔之後較返低, 仲要開一開門先降返溫。

餡料係黃梅醬加牛油同糖霜造成。

布達佩斯的魔法

照片來自老公…
這個時刻, 我居然在酒店睡覺>0<
他說怎也叫不醒我
我只記得佢叫我無論如何不要開門…然後就走了:P

我以為日子多的是, 這才第二天晚上, 沒想到之後一直沒有再出現, 直至最後一天打算回瑪格麗特島時再次遇上紅紅的天。

我們下塌的酒店

流浪到海邊

在家個多星期, 很想出外走走, 不想白白浪費假期。
今天的起心肝起程, 沒有目的地, 有車上車~

從73X出發, 遇上59A、輕鐵, 最後是64K~~
最難忘是無意中來到海灘~~很久沒踏足過, 很久沒碰過海水, 沒嗅過海的氣味~^^

今天沒有你同行, 可是我有想你啊老公~^3^

詳見主blog及fb ^^

流浪到海邊

回港個多星期, 放了個多星期假~ 連星期幾都忘記了~~

很想到郊外走走, 卻遲遲不起床, 白白浪費了一天又一天

今天決定出走~ 去向未定, 有什麼車上什麼車~!

 

(後記)

先遇上73X, 再遇上59A, 接著是十年不見的輕鐵, 最後是64K~~

出發~~

一出到去就遇倒73x, 上車~

去到荃灣落車~ 見倒麥當當~借左個廁所跟手買左個綠豆批試試~

認真嗒都食倒綠豆味~甜甜地咁, 不過唔會好恨再食:p

周圍行下~行下商場, 同大埔差唔多…於是行左去個公園, 見倒有個媽媽救左隻龜龜, 幫佢反返轉身~碌返落水~ 仔女們見倒好開心~^^我都好開心~

離開公園繼續未知既旅程

今日天色很好~荃灣的天空~^^

見倒好多去屯門天水圍既巴士~咁o岩有架去屯門碼頭既巴士黎到, 去睇下海都好喎~於是就上車喇~

好多人~坐唔倒靚位影相!>< 沿途風景真係靚到哇哇聲!

坐左上車頭影~

後尾d人落左車我就坐左埋窗邊

入到屯門喇~~

冇去到碼頭, 見倒好近就係海旁, 行到過去~「哇~~~~~」*O*

靚到暈呀~~~一陣海水味~~好寫意呀~~~

屯門都幾好丫~又有海~

好勇呀佢~不過好危險呢…

有d餓又有d渴, 買左盒檸檬茶就行左過沙灘

好耐冇踏足過沙灘喇~~(原來今日係10號唔係9號呀><)

真係好想游埋一份

情侶沙灘漫步係其中一幅最美既圖畫呢

而呢一幅小女童遠望爸爸的背影係另一個最美既畫面^^

話咁快就天黑, 我只係逗留左大半個鐘, 沖沖腳就離開, 時間雖短, 但係好開心好難忘^^

第一次蝴蝶灣留影^^

最後一站搭左輕鐵去元朗買老婆餅俾老公食^.^

食左d野行左陣就返歸lu~~^0^

滿足~^0^