沙田買聖誕禮物

行左幾個鐘就係為左學校老師聖誕聯歡既交換禮物, 結果o係無印買左pack 茶~唔知好冇飲呢?唔知抽倒既老師鍾唔鍾意呢? 不過我冇影到份禮物呀...
反而係臨走o係商場影左幅相
估唔到今年幾多報導講呢個商場既佈置, 但係佢就話好核酸...
我個人就冇咩意見, 係d棉花污糟d囉...睇呢幅相都ok丫~

咬咬咬咬咬

支力死人陸運會...

今日4點幾已經返到屋企, 可以話係有史以黎最早放工既一日, 不過就異常地支力...=口=
支力到我今日要搭車返黎....不過都好好, 影左好多相, 同埋同我好鍾意既學生傾左好耐偈XD
又見倒Thomas(即係我好鍾意o個個一年班) 扭計, 因為親子接力實輸左, 跟住有個auntie同佢講話唔緊要啦~考試考第一咪得囉~~(佢咩都要贏, 為左贏賴皮都在所不惜)

今日係舞蹈校隊比賽前最後一次練習

首歌真係好好聽, 第一次聽已經好感動, 套衫又好靚~佢地雖然跳得唔係好齊, 不過都好好睇!!星期六就要去比賽喇~~加油呀各位~~~

呢排睇love谷好多人問男仔織頸巾俾女仔既問題

其實我一直都唔係咁支持, 我本身絕對唔渴望收倒先啦...
記得當年都識人織頸巾俾心儀既女仔(我同學), 仲要人8月天(生日)纜住影相...
可能我思想守舊啦, 男仔織野...總係有點兒那個...唔係太識欣賞...
好在我男朋友都唔係呢種人...我收倒都唔知識唔識開心...= = 佢都好慶幸我唔想收倒XD
你唸下當你戴住佢俾人問自己織架?跟住要答佢: 唔係呀~男朋友織架~~咁係幾怪既事呢...
不過睇返谷人既應反, 都係好壞參半啦, 都有唔少人覺得女朋友收倒一定會開心既~
大家點睇呢?

愛心慈善步行

Thomas 去軒軒都有去呀~d家長嗌佢地拖住手仔行，Thomas 一手就拖埋去, 點知軒軒就「咦~~~」一聲縮開左, 跟住冇幾耐見倒Thomas 再接再厲~終於俾佢拖倒喇~~~\^0^/
我睇得不知幾開心XDDDDDDDDDDDDDDD

今日o係學校整既board

度過左充實既一個星期六

評nana電影版

電影版將漫畫版既誇張位同笑位刪左, 不過有好多係電影先可以有既笑位....其中三個如下:1. 真一出場.....= = 好好地一個美少年搞成咁....之前已經知道佢搵邊個演架喇, 不過見倒佢出場o個幕真係忍唔住笑...唸起佢續集可能會攬住蓮就想死XDDDDDDD2. 肥蓮... 其實一早已經唔鍾意佢演蓮, 我好鍾意蓮架嘛....肥晒..../.\ 不過睇落又幾順眼, 亦唔係想像中咁肥, 唯獨是佢坐O係床邊O個幕頂左個胃腩出黎...我身邊O個個又O係度細細聲嗌: 好肥呀~~XDDDD 我都引唔住笑...其實佢除左個胃腩同塊面都唔係肥既3. 你條仔... 最離譜都算呢度, 章司同奈奈分手O個幕人人都話好感人, 不過睇見佢O個句字幕「是你爭仔呀~他是你條仔呀!!」就算之後鏡頭影住奈奈喊得好慘個樣...我都係引唔住笑.... /.\演員方面, 我覺得奈奈係做得最好既, 美嘉其實都似既, 係個樣衰左D囉...又多特寫...娜娜話晒都係靚女黎嘛, 奈奈成日都話佢靚, 點知個演員咁既樣....反而奈奈應該只係一個普遍女仔, 但仲靚過佢又高過佢....除左真一同蓮都偏肥之外, 女角方面幸子同淳子都逃唔出呢個厄運...幸子明明係驕滴滴家嘛...依家又大份又唔靚...仲做得好乞人憎添, 漫畫中既幸子本來並唔令人討厭呢, 佢D衫都跟得幾足, 弊在身型唔足呢...著返呢D份...都幾難頂...==kocat仲話佢似o個d女著女郎...不過把聲我覺得好似, 我心目中既幸子係咁上下蕾拉方面我就覺得大件頭左d...有對強壯既臂彎...不過把聲都幾好聽~反而娜娜把聲約左d, 但都唔算唔似, 係有少少俾d音樂蓋過章司其實我覺得唔錯, 外型都幾似反而泰我覺得唔多似, 咁易扮都唔多似...伸夫都唔係o個種感覺, 雖然佢已經做得幾傻最後講返劇情我覺得交代「幸子」呢個名其實都幾重要, 但佢cut左亦冇提過大魔王美里都冇左...我覺得成齣場最感動既2個位係蓮去東京時o係車站送行o個幕同埋o係酒店攬娜娜o個幕但我其實覺得冇必要走到lift口, 照返漫畫都ok, 咁改法有d似香港d電視劇呢2幕我睇漫畫時都已經覺得好正反而奈奈o個d, 可能我本身唔係咁鍾意呢個角色, 所以冇咩感覺, 加上佢最感人個位又咁爆笑....=__=整體黎講我覺得劇情對白方面已經跟得好足, 感覺唔錯, 睇倒娜娜同蓮o個鄉下一齊圍住條頸巾行o個幕都好正~佢地o係間屋仔一齊沖涼傾偈刷背都好好氣氛~間屋都好靚~>3<都算係將呢套漫畫活現眼前, 而我亦慢慢接受倒蓮由呢個演員演唔知電影版又會係點呢~?希望真一可以搵個似d既人演啦~日本咁多o靚仔~~應該唔係難事至係格~!?再有續集既話, 相信我都會去睇~ ^^-- --

麻甩&B仔

今日帶隊去大埔梅榭坑遊樂場

連司機先生都唔知道o係邊度...要打返屋企問阿媽先知...原來係一個俾人跑步既公園...
又同好得意既Thomas影左相~仲同佢傾左偈~ ^^
佢話「我今朝見倒你呀~」指既係佢今朝入教只室時我同佢byebye, 佢同我揮返手 ^^

頭好暈...好辛苦....

好想早退...今晚仲要返學...
我唸我可能係病左都仲唔夠訓既關係, 頭暈左3日, 最怕暈陀陀既感覺...好辛苦...
一陣仲要功輔班, 希望班仔生生性性唔好要我勞氣啦... :(

生日

前一日下晝開始已經頭暈作嘔, 只係買左個細細個蛋糕仔, (本來仲唸住去italian tomato買...幾年前話想試...到依家都未試過...) 可惜自己唔爭氣病左...不過幾日後好返d食個蛋糕仔原來又幾好味喎~~:D~~~~~~~~



呢次係我第一次o係工作中渡過, 不過感覺好開心~有一班同事同我慶祝, 又請左我d學生同埋幾個好得意既一年級小朋友食古古力~放工之後同karen去明將食t, 之後約左男朋友去阿媽度食飯^0^, 可惜唔記得同阿媽影相~/3同上次wendy生日時一樣, 依然係o係病中渡過…返左呢度之後已經病左幾暈...次次都2, 3個星期...今次仲最嚴重...頭暈左成個星期.....:<
好在依家已經好返喇~(ps, 依家已經係11月10喇~:p)

無聊畫的

浸會園旅行

D細路大大個燒烤包只係食左腸仔同丸就走其餘既金沙骨, 朱扒牛扒, 雞翼都益晒我地不過好幾個老師一齊燒都仲剩好多...SIDE晒D野





小學時黎過幾次, 中學都黎過, 之後一路都冇再黎lu~呢個球場有一個小小既回憶, 一直以為係發生o係烏溪沙, 原來係呢度~~小學旅行幾乎次次都係呢2個地方~

葵芳大排檔

Wendy生日食元綠

Happy Birthday to Wendy!!!

今日Wendy生日, 雖然病倒了, 仍然食左7件sushi同一件cheese cake~~:p
不愧係壽星女, 今日覺得Wendy特別風騷呢~~
功輔班放學時個學生問走得未, 我話得埋我得唔得呀?佢話唔係好得喎...阻住我打機...
我話你究阻住我打機咯~>3<
其實我地都係笑笑口咁講既, 之後仲一齊研究d game, 佢話佢打cs, 我唔知咩黎問佢dl定買碟, 佢話買碟要成3xx緊係dl啦, 佢話官網有, 不過再問詳細d佢就好似唔知頭唔知路咁...= =我話睇怕都唔係你裝架啦~~佢又話佢入唔倒亂, 一入就hang
不過話時話我都想轉玩第二隻, 好多外掛, 好冇癮, 一個個館好似死城咁...d怪俾d外掛搶晒, 唔好玩.../.\

雜菜炒豬肉

用屋企D剩餘物資炒出黎, 估唔到又幾好味喎~~
依家鍾意用魚露醃豬肉同埋放湯調味~意想不到的好效果呢~~

肥豬玩到痴左線一樣XD

炒米粉

天邊一道白煙

再續. 嶺南之風

續. 嶺南之風