肥豬走佬!!!

嚇死我喇!!!一聽倒呢個消息之後DOWN左成日!今日仲要係學校開放日, 我要企O係門口笑口XX咁歡迎D家長!企左成日到放學O個陣已經手軟腳軟, 仲要行返黎搵佢! 仲叫埋個鄰居見倒佢同我捉住佢! 點知一返到黎就見倒佢喇!!!我即刻攬住佢!!!擔心死我!!!!又驚佢唔知會唔會傻下傻下落左山; 又或者碌左落山.....= =唸起附近D流浪狗就慘, 開頭見佢地身光頸靚...過左一排生晒野甩晒毛...又要驚俾車撞...我仲唸埋如果見倒佢俾車車死左咁點算...好在隻死野識返黎咋!!!平時見佢傻下傻下咁家嘛...又第一次走失!!唔係好似村長咁~我仲唸住叫男朋友PRINT定D街招返黎貼, 同埋上大埔谷問下有冇人見過~好在見倒佢~~~!!我仲猛祈禱求神保祐佢冇事! 就算要我擔心多幾日都唔緊要, 最緊要最終可以平安返黎。感謝神!!咁快就返黎~唔知佢出到去有冇食人地D野~又或者亂食野呢?我返到黎兜糧都仲O係度, 真係咁唔好食...?唔知佢係幾時返黎既呢?見倒佢識得呢埋, 見倒我喊又識LAM我同埋DUP低頭搵個頭頂住我膝頭, 好似知錯咁既樣~如果佢走左咁耐~錫晒咁之後先打佢...佢會唔會唔知咩事呢...阿媽話佢可能以為你打佢係因為佢返左黎添=口=不過講起都奇怪~今朝出門口O個陣度閘開左, 餵完佢同佢玩完之後閂返好, 幾個字之後就收倒佢走左佬既消息! 而我出門口既時候附近係有個男人既!!會唔會有人多手開左度閘呢???我仲驚有人捉走左佢添呀~~~~~>口< 個MISS仲嚇我話曲架都可能有人食!!!=口=依家終於安樂晒喇.............嚇死我喇!!!不過如果真係有人咁手多, 我卒埋度閘都冇咩用個喎...唔通要鎖佢入屋?