Monday, February 28, 2011

久違的日式芝士蛋糕

好耐冇整過既一款蛋糕

幾年前仲未興blog, 仲蒲緊newsgroup既年代搵黎既一個食譜~

上星期同人msn傾開整咩清芝, 醒起雪櫃都有舊要清~於是整左呢個俾老公食~作為8個月紀念蛋糕XD

2月的幸福

1月尾收爐後, 休息了大半個月~

11/2 到中大教興趣班, 沒有焗爐下, 做了木糠布甸+朱古力牌~ 大家都問可否存放3天~^^現在的大學生都好可愛~沒想到10名學生中有3名男生~*0*

13/2 心形馬卡龍送給同事們

17/2 miffy cookie for cherry's last day

26/2 mini cupcakes and macarons for Iris and Ken's Wedding

Friday, February 25, 2011

為速成平反

成日聽人話倉頡快過速成, 係…理論上可能係, 但係速成都可以好快, 打得熟根本就唔駛慢慢揀, 記得晒幾多個space第幾個位…倉頡只有打名字或者一d極少用到既字先有利。

頭先同同事講, 我自問打字都幾快, 佢叫我練返倉頡, 堅持點都會比速成快, 我唔服, 於是check下自己既速度, 1分鐘打倒90-130字~已經幾乎唔駛唸就打, 都仲有得快~?

大家又係用邊種輸入法既呢~?

Thursday, February 24, 2011

FW:想生BB有用資料

優生的下一代打基礎, 調理好體質，孕前飲食5須知
http://www.enfamama.com.tw/stage0/mamabox/s0mama02_37.asp

夫妻孕前準備全攻略
http://www.dadupo.com.tw/m-u/93-6/link-6.htm

打造胎兒的健康家.助孕飲食大公開！
http://www.dadupo.com.tw/m-u/2005-9/link-m.htm

這些是一d有關孕既info,台灣website，參考參考

引用自：http://forum.baby-kingdom.com//viewthread.php?tid=534877&extra=page%3D31&page=3

好blog推介

http://hk.myblog.yahoo.com/babyprince-world

雖然我既夢想係做家庭主婦為bb做小食返學校威威, 不過呢d咁精緻咁花心思既飯盒…我真係冇咩信心做, 仲要成日做…

呢個blog既主人整結婚蛋糕、糖皮蛋糕亦好出色~

本來唸住唔駛多介紹, 上yahoo一check居然唔係精選blog~即刻同大家推介下~^^

Wednesday, February 23, 2011

fw: 趨谷母乳食療

話說早排去小學同學屋企團拜, 佢剛生左個小王子, bb好大食, 佢一半人奶一半奶粉咁餵(個幾月大已經飲6oz!)佢話唔別奶, 咁o岩yahoo睇倒個食療同大家分享下。

黑芝麻粥

材料：黑芝麻25公克、米適量。

做法：將黑芝麻搗碎，米洗淨後，加適量水煮成粥。

註：每日食用2、3次，適用產後乳汁不足者。

黃酒鮮蝦湯:

材料：新鮮大蝦100公克、黃酒20公克。

做法：將大蝦剪去鬚足，煮湯加黃酒。

註：每日兩次。適用於產後體虛、乳汁不下者。

紅糖豆腐

材料：豆腐2～3塊、紅糖50公克。

做法：豆腐切塊，水煮，加紅糖。可再加入少量米酒，用沸水煮20分鐘即成。

註：每日一次，連服5天。具滋陰、養血、增乳功效。

雞蛋沾芝麻末

材料：雞蛋（隨個人的消化能力而決定數量）、芝麻粉。

做法：雞蛋煮熟後去殼，沾芝麻粉即可食用。

豌豆粥

材料；豌豆50公克、白米適量。

做法：先煮白米，待水煲至沸騰時，加入豌豆持續煮至熟。

註：可空腹食用，每日兩次。

通草鯽魚湯

材料：通草3公克、鯽魚適量。

做法：將通草、鯽魚洗淨，一同放入鍋內煮熟。

註：不加油、鹽，吃魚喝湯。

豆腐豬蹄燉冬菇

材料：豆腐5塊、豬蹄（前腿）一只、冬菇25公克、絲瓜250公克、生薑絲少許。

做法：豬蹄切塊先煮，再加入冬菇、生薑絲、鹽，後放絲瓜、豆腐。

註：此量需在1、2日內吃完。

現代人講求生活便利，因此以上食補的材料都較易取得；其中如花生豬腳、青木瓜湯等，效果不錯。另外，芝麻糊也很好，建議媽媽們不一定要按照以上食譜料理，可稍做變化，例如不易烹煮的黑芝麻粥，可購買現成的芝麻糊，回家沖泡即可。

飲食禁忌:

1. 韭菜 --- 涼性食物，具退奶效果。

2. 人蔘 --- 產婦最好不要吃，不但有退乳作用，還易造成子宮收縮和出血。

3. 麥芽飲品 --- 炒熟的麥芽可做退乳之用。

4. 酒精 --- 適量有助分泌乳汁，原則上每公斤體重不得超過一公克；過量地攝取酒精，會降低噴乳反射。

5. 牛奶 --- 有過敏家族史者可避免。

6. 刺激性食物 --- 咖啡、茶、巧克力、可樂等，會間接刺激到寶寶，造成半夜哭鬧。

Tuesday, February 22, 2011

c6

今日睇bbkingdom學倒新述語

除左62, 99, c9, jm之外, 原來仲有一個叫c6~~

初頭睇唔明, 睇睇下, 我估係咪......死佬?XD

茄紅素

原來BBKINGDOM好多人食補充劑催谷, 當中以善存(我依家先知咁用)、蠔皇素同茄紅素為主。

問老公食唔食茄紅素(佢唔食番茄…尋晚煮左個番茄湯底邊邊都係我食多XD)佢話食肉醬意粉~~跟住我上網SEARCH下茄汁得唔得, 原來仲好過鮮茄~~

蕃茄的食品加工，反而會提高番茄紅素的生物利用度。蕃茄醬中的番茄紅素的生物利用度比生鮮蕃茄高了四倍。這是因為番茄紅素不溶於水，但是溶於油，而且緊密地結合在植物纖維裡，所以烹煮、打碎蕃茄和加入油脂，可以大大提高消化系統吸收番茄紅素的能力。因此加工過的蕃茄製品像是蕃茄汁、湯、醬反而有比較高的生物利用度。http://zh.wikipedia.org/zh/%E7%95%AA%E8%8C%84%E7%B4%85%E7%B4%A0

原本佢話食漢堡或者沙律, 但都唔可以日日食架~~依家我知點做喇~~西式煮法就有好多選擇啦~~

邊個想生龍B?

做下調查先~

有冇JM想生龍B~?仲有3個月開工喇~~~

fw: babykingdom bingo分享

8938 :如果排卵個幾日要飲夠8 杯水(包括湯及果汁),係幫d蟲蟲游入去...之後我就20號同22號dodo左一次...因為太忙就無了...以為今個月一定唔得..點知就得左, 射精個時要貼住(醫生教)....dodo後用枕頭墊高patpat30分鐘...左右各15分鐘...

仲有...到我check到有...我就食紅豆沙同合桃糊...因為補血同補腎

http://forum.baby-kingdom.com/viewthread.php?tid=3320815&extra=page%3D1

fw:英文名(笑)

英文名

97年前香港是英國殖民地，
英語教育令香港人喜歡用英文名稱呼對方。
因為用中文名稱呼對方會產生以下的問題：

中文名三個字
中國人的姓名（除了2字和4字外）大部分是3個字，
如果朋友同事之間叫對方3個字全名，
彼此的關係就變得很疏遠、見外、陌生，
減弱團隊合作精神。
叫全名3個字的情況通常是老師叫學生回答問題、
抽獎時司儀讀出中獎者名字、
護士叫病人入醫生房、
情侶嗌交時女方力竭聲嘶大叫：「陳偉強！你仲想呃我？！」

中文名兩個字
如果叫對方名字的後2個字，
關係就顯得太過親暱（甚至肉麻），
朋友同事之間很少會叫「李國邦」做「國邦」，
「國邦，唔該你遞個釘書機俾我！」
民初時候或者返教會才能聽到。
只有親戚父母才會叫姓名2個字，
例如「婉君表妹」、「誠俊哥」，
但千祈唔好叫錯2個字的擺位，
例如「李偉業」不會叫做「李偉」或「李業」，
（除了劉德華的『劉華』和胡錦濤的『胡濤』之外），
朋友同事同學之間很少會叫姓名2個字（幾friend都咁話），
除非是專登玩文藝、玩camp。
但記者就喜歡叫藝人姓名的2個字，
例子：「學友」、「家燕」、「霆鋒」、「千嬅」、「黎明」、
加強讀者和藝人之間的親切感！（雖則讀者有心，藝人無夢）。

中文名一個字
如果叫對方名字的最後1個字，
就顯得欠缺文雅和水平低，
朋友同事之間叫對方做「啊蘭」、「啊鳳」、「啊萍」，
就好像回到70工廠年代，
「啊英，科長叫妳今晚加班呀！」
今天直叫別人姓名單字就帶點不尊重。
（花名另計，如『阿嬌』、『阿葛』、『阿麟』）

英文名
叫對方的英文名就解決以上問題，
朋友同事同學之間叫得舒服之餘，
雙方關係又不溫不火，不寒不燥。
方便和外國人溝通之餘，
又唔使計算叫Benjamin時應該叫「Benjam」、
「Jamin」還是「Min」。
從改什麼英文名可以觀察到那人的心理狀態。
以下純粹是個人身邊觀察，
由個人主觀感覺出發！

英文名四個發音
我覺得改英文名有四個發音的人，
偏向自戀、覺得自己是靚的一類。
例如「Isabella」、「Leonardo」、
「Katherina」、「Patricia」、
起用4個發音的英文名，
才能配襯出自己高貴典雅的感覺。

英文名三個發音
改三個發音英文名的人，
較4個發音的人踏實一點，
但都滿意自己的外表，
例如「Margaret」、「Josephine」、
「Natalie」、「Amanda」、等等。

英文名兩個發音
改兩個發音英文名的人，
是為中庸之道，
不會過份關心自己容貌之餘亦會注重儀容，
腳踏實地之餘又會有點跳脫。
例如「Nicole」、「Ronald」、「Mable」、
「Samson」、「Vincent」、「Jenny」等等

英文名一個發音
改一個發音英文名的人，
是最為實際、爽朗和率直，
不愛姿整也不計較。
例如「Ann」、「May」、
「Tom」、「Jay」、等等
港人通常件以「啊」字一起叫：「啊Ray！咁快搞掂啦？」

名詞英文名
有些人改名詞英文名，
例如「Rainbow」、「Daisy」、
「April」、「Dick」、「Melody」、等等
當然該名詞對當時人有特定意義，
每個英文名都有一個故事，
從名詞中可猜測到他的性格取向。
叫「Stone」的人其性格可能強過叫「Candy」的人。

中文名改英文名
有些人把中文名字的元素改成英文名，
例如中文名有「玉」字會叫「Jade」、
中文名字有「珠」字會叫「Pearl」、
中文名有「文」字會叫「Man」、
中文名字有「美」字會叫「May」等等。
此外，還有將中文名直譯英文：
「Ekin」直譯自「伊健」、「Sammi」直譯自「秀文」、
「Vincy」直譯自「穎思」、「Ellen」直譯自「愛玲」。
推想他可能十分喜愛自己的中文名字，
或者重視父母給予的中文名字。

英文疊字名
例如「Gigi」、「Jojo」、「Coco」
「DoDo」、「Mimi」、「Yoyo」等，
推想他想給別人一個可愛、樂天貪玩、
嗲聲嗲氣、不會長大的感覺。
（『唐唐』、『珊珊』和『城城』除外，
因為是由傳媒改而不是自己改）。

Wet妹英文名
是否「物以類聚」？
愛蒲Wet妹的英文名都很相似：
「Suki」、「Yuki」、「Miki」、「Nuclear」、
「Meko」、「Yuko」、「Jusco」等等，
在的士高內大聲嗌一句：「Suki！」
10個女仔中有7個會即時彈起問：「乜事呀？」
場內各人的手提電話中的電話薄必能找到一個叫Suki。

從改英文名可以推敲該人的性格，
那麼，從批評別人改什麼英文名字
又可否推算出批評者的性格？

英文名

女
魔盜王-Keira Knightley

星戰-Natalie Portman

似是故人來-Jodie Foster

男

魔戒-Orlando Bloom

Sunday, February 20, 2011

清宮圖again

之前post過清宮圖, 同學仔話佢一定7兄弟姊妹加埋佢老公家幾個都中晒~話一定要用農曆, 於是我又check多次自己~

首先, 媽媽既歲數要用農曆同虛齡。出年一歲, 過年一歲, 生日唔駛再加, 媽媽生我時25虛齡。

跟住, 受孕月份農曆。我9月出世, 受孕月份係早一年既農曆12月。萬年曆

25歲, 12月。結果係---男!

另外有條link http://tw.5d8z.com/PredictSex.htm
輸入媽媽既出生日期同成孕月份就可以得出結果

答案一樣係小孩是男的。 (女性虛歲是 25歲，懷孕陰曆月是12月)
即係我唔需要理會呢個表啦…

雞蛋仔夾餅

整過幾次雞蛋仔都唔成功, 最靚仔今次。今次用左台灣雞蛋糕食譜, 其實好似海綿蛋糕, 唔駛落發粉, 而食落亦都好似蛋糕仔:p 不過比起之前, 起碼甩倒模又唔火農…XD

格仔餅同返同一兜漿, 不過就薄左D, 冇之前咁好食, 下次都係用返發粉食譜:P

Saturday, February 19, 2011

紅D綠D

早幾日同小學同學拜年, 當中有一位新手媽媽, 一位準兔媽媽, 一位想生兔B既太太, 一位醫生~佢地講起我先知有紅D綠D呢樣野, YAHOO有得賣, 好平~

其實一直有疑問, 排卵試紙CHECK倒排卵之後先開工咪MISS左之前2日受孕期囉, 於是上網搵資料先知, 原來佢O係排卵前2日就有野睇~當天起之打後4日隔日開工成孕機會最大~

有人話CHECK住CHECK住有壓力, 有人話唔好信順其自然~

一位同學話唸住要就有, 試左4, 5個月都未中…我就不嬲都話唔係要就有既, 所以先想早D準備~雖然未到龍B準備期, 不過平平地, 買盒

玩下先~

正常的女性每月均會排卵，一個卵子在卵巢內成熟後，從卵巢排出，經由輸卵管輸送到子宮中，懷孕過程是通過一個成熟的卵子在輸卵管中與精子結合所形成的。精子在女性生殖道內約可存活24-72小時，而一個卵適宜受精的時間只大約在排卵後24-36小時。
在女性每個月經週期，尿液中的黃體生成激素（LH）會在排卵前24-48小時內出現高峰值，排卵試條能準確地檢測出LH的峰值水準，使女性能預知最佳的受孕時間。

女性在檢測前應首先確定自己的月經週期，演算法是從這次月經第一天到下次來月經的前一天為一個週期（初血當天為第一天），多數婦女的排卵是在下次月經前14天左右，因此在排卵前2-3天及排卵後1-2天為易受孕期，亦即推算排卵日前後共4-5天為易受孕期，故開始檢測後應每天定時檢測，當將要出現接近高峰值的顏色時，應每隔12小時測試一次直至檢測出LH峰值。由於每一位女性的月經週期天數不同，在檢測時可參考週期檢測表。

【週期檢測表】
月經週期開始檢測日月經週期開始檢測日
21天      第6天      31天      第14天
22天      第6天      32天      第15天
23天      第7天      33天      第16天
24天      第7天      34天      第17天
25天      第8天      35天      第18天
26天      第9天      36天      第19天
27天      第10天     37天      第20天
28天      第11天     38天      第21天
29天      第12天     39天      第22天
30天      第13天     40天      第23天
（若月經週期天數少於21天或多於40天

請詢問專科醫生意見）

三色雪球II

上星期日去小學同學屋企團拜, 整左D手信~

今次同上次既三色雪球有D唔同, 味粉加左入麵糰入面, 我鍾意咁樣多D~

原味故然好味, 朱古力16個既份量加左20g可可粉, 好朱古力, 又唔苦；綠茶加左1X-20g綠茶粉, 我開頭覺得苦, 後尾又ok, 有2位男同學話唔苦呀, 好味~(我成日以為上左年紀先會鍾意食苦:p)

我地由1點坐到6點幾, 坐左好多個鐘, 只係一直傾傾傾。原來依家出黎唔單只講細個既野, 仲會講下做野, 講下生仔。今次有一個bb+爸爸媽媽同一個大肚婆+2個準備要bb既太太, 同一個醫生參與, 淨係講生仔都講左幾次。仲有想介紹女仔俾2位未有女朋友既男同學~~

大家都長大喇, 結婚既結婚, 大肚既大肚, 生仔既生仔~

對上一次見佢地係我既婚禮, 依家一年大約見2, 3次, 每次出黎都係咁開心咁多野講~^^ 真係好難能可貴^^

婚後八個月

一年前既今日, 身處台中。呢一刻應該o係黎客準備同mr & mrs PP打的去masalili化妝, 而mm已經早我地一個鐘去到化緊妝~

我地到齊之後, 我坐中間, mm坐我左面, 阿shan右面~ 當日仲見倒2, 3pair香港人~

當日又係落住雨, 好似8-12度, 比今日仲凍~>~~<

工作人員都話我地今日影相既每一pair都好犀利~凍到個人同d牙都係咁震, 返到去masa時工作人員送上暖暖薑茶, 路上轉妝時, 小毛細心搓暖頸鍊先同我戴上, 都令我呢個夢幻之旅生色不少!

咁快就一年, 呢個旅程依然係我心中最夢幻最難忘既旅程!

當時話過好想再去紅豆搵rex大師拍照, 上年拍照時已復胖5磅…比bd仲要肥2磅, 但依家, 比去年今日重左十磅…=0= 豬咁肥邊有心機影…

近幾個月同rex, mars佢地都好少聯絡, 好想去台灣, 但係約佢地食飯又驚唔知好唔好, 唔知仲有冇野講, 或者遲多幾個月先去, 等我減下肥影個人照?^^"

講返我地既八個月紀念, 今朝要返工, 不過放工返到屋企我唸老公都唔係起左身好耐, 晏d去補牙, 順利是寨城行下~

放左大半個月假(happinesskingdom), 下星期開始忙呢~好好享受兩口子無無聊聊既悠閒時間^^

FW:自然分娩冇有怕

自然分娩無有怕

10月1日星期五 04:00

產前講座有幫助？

從知道懷孕的一刻開始，準媽媽便要為生產作好準備。出席產前講座對準媽媽、特別是那些第一次懷孕的婦女來說，似乎是最普遍的活動。可是大部份研究卻指出參與產前講座與否對產婦在生產時的表現及生產結果並沒有直接的關係。其中一項研究的解釋是：產婦沒有將產前講座所教授的知識運用在生產上。孕婦在產前講座所學到的助產技術，若沒有重覆地練習，到了真正生產時，孕婦往往不能用上它們。

準媽媽的最佳選擇

今天醫學的進步可提高孕婦的生育保障。可是孕婦過於依賴醫護人員和藥物而輕看自身在生產上的責任，也是愈覺普遍的現象。因此愈來愈多婦女為了避免生產之苦，會選擇剖腹生產。然而這「不自然」的生產方法可引致的併發症機會往往會比陰道分娩高。

在一般情況下，產婦都應視陰道生產為最佳的生育選擇。據世界衛生組織指出︰剖腹生產的比率應不超過百分之十五。這正顯示大部份婦女都可以克服分娩時的不適及痛楚。事實上，上古時代的孕婦大都不倚靠醫療或藥物來完成生育過程，她們對生產的信心應是值得我們参考的。

信心＝減痛良方

香港孕婦可以透過多個渠道獲得豐富的生育知識以迎接自然生產。調查顯示本地孕婦出席產前講座的比率高達七成，只是孕婦自覺應付分娩能力的信心並不一定跟出席率相關。筆者的一項本地研究數據顯示︰第一次懷孕的婦女面對生產的自覺處理能力愈高，她在生產時運用到的舒緩不適或減少痛楚的方法會愈多。

要提升孕婦面對生產的信心，就是幫助她們認識生產時痛楚與子宮收縮的自然關係，使她們對生產過程中的自然現象而作出正面的配合。例如孕婦要多做產前功夫，包括勤練生產時可用的呼吸法、分散注意力及正面思想法，這均可舒緩生產時子宮收縮所帶來的痛楚。當然，醫護人員及配偶的鼓勵和稱讚，更是孕婦提升自覺處理生產能力不可缺少的因素。

祝願每一位產婦能生產順利，母子平安。

最後以一首自創的口訣結束這遍分享:

子宮陣痛確難擋，痛甚表明快近榜；保持自我控制力，頭腦冷靜好處多。

積極思想奏奇功，呼吸有序助放鬆；分散專注減痛楚，自然分娩享平安。

詳情請瀏覽中文大學那打素護理學院網頁

中文大學那打素護理學院葉雲艶副教授

Thursday, February 17, 2011

chocolate truffle for husband

好多年冇整過既chocolate truffle

今次試下用左模, 居然甩倒…仲光面, 等我仲上左粉:p

痛到不行…

指既係M痛…>_<

十幾年黎一直都冇M痛, 就算痛坐低都冇事, 未試過好似依家咁…攬住樽熱水O係肚腩都咁痛…>_<發生咩事呀…

Wednesday, February 16, 2011

fw:大肚媽咪爭位攻防戰

到底是港鐵宣傳不足，還是港青「個個眼大睇過龍」，對於港鐵劃為給予有需要人士的優先座位，很多人視若無睹，仍然「大無斯樣」坐係到，特別是不少年輕力壯「候生仔」，寧願臉上一雙熊貓眼，不停打機玩手機、打呵欠，也不理四周是否有需要人士而起身讓座，有時明知看到也會裝睡。不過，我作為大肚婆時，眼見他們個樣仲殘過自己，都難怪他們無意識要起身讓座，可能佢地先至是「最有需要人士」啦！。現在時下港青只懂上網打機，不懂體諒及禮讓別人，可能要出個「孔融讓梨」遊戲GAME，才識得什麼是「讓人」精神。

阿媽叫女扮瞓覺
仍記得我懷胎9個月，眼見由蛇腰變水桶肚已經好心傷，加上每日「陀」住幾十磅B腳又腫，上班迫巴士、趕地鐵，腰骨痛、腳仔軟，真係有苦自己知。有次，我如常放工坐地鐵，車廂依舊擠迫，我站在一對母女面前，這位年約五十歲的媽媽先冷眼瞄一下，木無表情，身旁十多歲女兒即馬上轉過頭，扮睇我唔到，後來那位媽媽細細聲叫女兒扮瞓覺，免得要讓座給我。

雖然我明白港人工作忙碌，坐車眠一眠很正常，我也不期望每個人都要讓座俾大肚婆。但這對母女的核突行徑，真叫人大開眼界。我心想港孩不識相，原來背後還先有個怪獸家長來培植。面對爭位母女理應動怒，不過為免因「街外人」而動胎氣，故我索性只有不停笑騎騎，令到她們尷尬周身唔自在。

以身作則做個有品人
幸好，身旁有位老伯伯，睇唔過眼忍不住發砲：「有無搞錯，見到大肚婆唔讓座仲扮瞓覺，離晒譜！」母女聽後即露出尷尬樣，但聽到這番仗義說話，我還是向伯伯微笑道謝，香港始終還有少數好心人。

自此事發生，作為準媽媽的我，會將爭位母女成為教仔案例及警惕。我決心要以身作則，希望自己的言行為孩子樹立好榜樣，俗語謂「講多無謂，行動最實際」，所以以後見到老弱傷殘幼小大肚婆我都會讓座，而且搭地鐵要先讓人下車，不要只顧胡亂衝入車廂搶座位。因為我深信父母是孩子第一個老師，猶如一面鏡，子女言行是反映父母日常的行徑及性格，說得難聽一點：「仔女好醜都是家長一手做成」。身教會令他更易明辨是非，知道禮讓的重要，並藉此增強德育觀念。

曾有專家曾指出，港人不讓座，全因很多人生活上競爭大，事事講求功利結果，形成很多人自我中心，而且教育上缺乏社會道德教育，導致很多人變成如獨家村，而這種情況在年青人身上尤為明顯。由於新一代生活物質富裕，太習慣別人給予，不會主動施予他人，加上多以網上跟別人溝通，欠缺面對面互動交流的機會，對人與人的相處也少，欠缺同理心，不會敬老扶弱。加上部分怪獸家長助長及羊群心理，如你唔做我又唔會做，或者怕起身讓座好樣衰的心態，難怪形成港人不讓座的通病，就算見到優先讓座提示，也會無反應。我相信要徹底改變，社會要加強德育宣傳外，家長的身教，才會是最終解決良方。

撰文：Regina
http://www.trendymom.com.hk/lifestyle/lifestyle15.php?cmp=sr&src=frontpage

Tuesday, February 15, 2011

棋棋曲奇食譜

食譜 (改編自<作餅乾真簡單>一書)

材料﹕

細砂糖........95g
牛油...........90g
蛋..............1隻(50g)
低筋麵粉.....160g
高筋麵粉.....40g
可可粉........1大匙
巧克力(裝飾擠字用)......約50g/適量

做法﹕

1. 牛油軟化後，加入細砂糖打至鬆發變白。

2. 蛋打散成蛋液，分2-3次加入1.中拌勻，再篩入低筋麵粉、高筋麵粉攪拌均勻即為麵糰。

3. 取1/2的麵糰與可可粉拌勻後，先用手壓平，再用麵棍碌成約0.5cm厚，待用。

4. 其餘的麵糰同樣地先用手壓平，再用麵棍碌成約0.5cm厚。

5. 於4.的牛油味麵糰先壓出圓形麵糰，再於圓形麵糰上壓走心形/花形...

6. 於3.的可可味麵糰壓出心形/花形...，並放於5.的牛油味麵糰上的空缺位內。

7. 放入焗爐以180度焗約15-20分鐘，取出待涼。

8. 將裝飾用的朱古力隔熱水融化，裝入小擠花袋中，在餅乾上擠出字形即成。

1st valentine~~

婚後第一個情人節~

經過2年星期六日既情人節, 舊年仲係大年初一, 今日大家都要返工, 節目就係原本安排o係年假做既整巨型漢堡!

放工去買送, 買唔倒牛肉, 買左免治豬肉、煙肉、番茄、洋蔥、香水菠蘿、高筋麵粉~~屋企有生菜、雞蛋、茄醬、芥末。

首先開機搓包, 天氣凍不過麵包機入面暖暖地都發得唔太差, 造型後放入暖暖地既焗爐入面再發。焗出有樣既心形包包~

豬肉調味+洋蔥碎+蛋攪攪攪撻撻撻至起膠, 造形煎出心形漢堡~~

切番茄、洋蔥、菠蘿, 煎煙肉、菠蘿(煎左軟d甜d好食好多~~~)、蛋(一太陽一炒蛋)呢part老公放工返黎接力~!

包包出爐都成十點~跟住切開就到老公最期待既部份!

組~~裝~~!XD