第2次o係廣華照, 之前結構照倒有d野要跟進, 廣華本來話同我照, 跟住見我返私家就話龔醫生好可靠, 唔駛再照, 我個私家又話我廣華生要返廣華照, 跟住我又同廣華講我唔返龔醫生照, 終於安排左今日同我照, 遇返第一次話同我照o個位醫生, 點知佢話係因為妊娠糖尿所以照…但都有同我睇埋其他, 佢好快手度好晒之後就另隻mon過黎俾我睇, 叫埋老公過黎一齊睇, 好詳細講解~(雖然佢講野好lur, 語氣好搞笑…XD不過佢真係好唔錯, 上次已經覺得佢細心又好人, 有問必答)仲俾我地睇埋丁叮個樣, 同22WO係私家照2D時一樣一個正面既豬樣XD 豬嘴豬鼻(爹爹話似我…)姿勢同上星期一樣, 頭O係下面, 左邊背脊, 手腳o係右邊, 成日踢我右腰~!
今日度倒2.5kg, 即係有5.5磅重!! 一星期前o係龔醫生度只係4lbs9oz, 即係4.5磅多d, 今次期望佢有5磅, 居然有5.5磅!! 叻仔! 今個星期其實都唔多夠訓, 趕左一星期工, 星期六日又返工時間就醒左訓唔返, 星期六仲2點幾先訓著, 丁叮居然重左咁多~而我呢個星期冇重過~^^
呢次超聱波大約等左十個字, 跟住過徐展堂等見醫生, 等左個半鐘有多…又係1點先入房, 好在呢個醫生雖然趕, 不過咩都做齊晒, 同第二次產檢遇倒o個位超hea女醫生真係冇得比~! 雖然照左不過循列都摸下肚, 度下大細, size正常, 血糖紀錄唔錯, 醫生話冇咩事都唔駛提早催生可以等到40w(原來糖尿可能影響阿b過大要提早催生), 摸完肚話落左少少盆(朝早照完都話未落…), 呢個周數正常(佢計我36w2)其實我自己覺得落左, 最近下面有d吉吉下咁, 不過落左未我都唔擔心, 調左頭就ok~
今日驗埋b鍊, 係用一支好長既棉花棒撩陰道同肛門分泌, 陰道唔痛, 肛門痛到我ss聲…>皿<不過比用鴨嘴鉗好~係由一位資深姑娘帶住一位(估計係)實習姑娘做既, 其實o個位實習姑娘只係企側邊睇住, 資深姑娘再講解, 呢位姑娘好好, 我已經第4次見佢, 有3次係覆診, 1次聽分娩的認識由佢負責演講, 佢見我ss聲都話肛門係有少少痛…下星期返黎覆診睇報告, b鍊中左都唔會打電話通知
依家開始每星期都要返黎喇~ 希望下次唔駛等咁耐啦…2次加埋搞左成3個鐘…跟住老公趕返工, 自己一個去食左個lunch就返工~ o係火車訓左一覺…好眼訓…
返多4日就放假喇~下星期覆完診可以返屋企大覺訓喇~
wht is b鍊?
ReplyDelete[版主回覆02/27/2012 22:17:00]今年開始政府一定會同你check
[Mrs. Sun回覆02/27/2012 22:09:09]wa~~~~好驚呀!!!一定要check ar
[版主回覆02/27/2012 22:00:12]B群鏈球菌(Group B Streptococcus, GBS)屬革蘭氏陽性，顯微觀察呈鏈狀排列而得名，常見于腸道中，是造成新生兒敗血癥之最大殺手；幸存者中百分之三十有神經系統的后遺癥，例如：聽力或是視力受損、學習與運動障礙或是腦性麻痹等。其感染方式分為”早發性”與”遲發性”兩種：前者即出生后一周內發病，以”垂直感染”為主，于母親子宮內被感染，為主要的感染途徑，約80%左右；后者則發生在產后一周，常因接觸不潔的手而致之”水平感染”，這類較少見。
1996年美國疾病管制局等單位曾發表GBS感染的防治方針：1.孕婦都應被告知GBS預防事項。2.GBS菌尿癥或曾患此病者生產時，均應給予預防性抗生素。3.在35～37妊娠周數時，應進行GBS篩檢。篩檢時，要同時采集陰道口和肛門樣本，進行48小時的細菌培養。若結果為陽性，則應在分娩前4小時給予有效的抗生素；若是急產、破水過久或新生兒出生時有癥狀，則應對新生兒給予治療。4.高危險群生產時給予抗生素注射。5.高危險孕婦產下之嬰兒要至少觀察四十八小時。
實驗室操作GBS篩檢時，可以選用”選擇性培養液”培養后，以含血之”選擇性固態培養基”分離菌株，可減少腸球菌過度生長造成的干擾，最后再以”鏈球菌分型測試法”進行鑒定。若是時間急迫，可以使用Real-time PCR的方法，進行快速篩檢。至于使用快速抗原鑒定試驗直接偵測產婦陰道、尿液檢體，或新生兒的尿液檢體，因敏感度較低，美國疾病管制局并不建議使用。
GBS新生兒敗血癥，有時發病進展很快，常常令人措手不及，預防勝于治療，與其在產后診斷治療不如在產前篩檢預防。目前我國健保對于孕婦GBS篩檢并無給付，但研究顯示篩檢可以降低約七成的新生兒垂直感染，因此建議孕婦仍可采自費方式執行此篩檢；也希望健保局能將它列入產檢注意事項或給付事項內，鼓勵醫師對孕婦篩檢該菌，以預防其造成嚴重之新生兒感染
祝你一切順利~
ReplyDelete[版主回覆02/27/2012 23:23:39]多謝呀~^^
時間過得真係好快呀, 你都就快放假lu~
ReplyDelete[版主回覆02/28/2012 12:50:53]不過辛苦得黎係幸福既~^^
[Tareworker回覆02/28/2012 12:39:09]曾經聽過有人話, "到你生左出黎, 感受到坐月同揍b 既苦況, 可能你會想塞番個b 入個肚度!", 好搞笑~
[版主回覆02/28/2012 10:11:13]我見既都係早既多
[Tareworker回覆02/28/2012 09:19:51]希望bb 唔好逾期居留啦~
[版主回覆02/28/2012 00:28:15]係呀38周唔錯XD 仲要見紅先~~
[Tareworker回覆02/28/2012 00:05:54]我打算放前3後7, 再加2星期annual leave, 我都希望早38-40內bb 會出世, 驚遲出世會太大個呀, 而且又可以早少少見到佢~
[版主回覆02/28/2012 00:02:13]YEAH~我由唔捨得變到有D期待~不過唔知會唔會好悶, 希望唔駛悶太耐
進入大直路啦, 加油!!!
ReplyDeletebtw, 依家政府有得check埋b鍊真係好~~
[版主回覆02/28/2012 10:11:29]係呀~真係話都冇咁快^^
要有妊娠糖尿先有得照超聲波呀?咁我下次都應該無得照喇~
ReplyDeletebb話咁快就出世, 加油, 加油!!
[版主回覆02/28/2012 12:52:24]如果有得照佢會另外有一張去北十既覆診紙架
好似37週會再照多次架....confirm頭仔係咪落左....!!哎我驗b鍊時直頭叫了一聲..係個醫生同我做，手勢雖然快但係少少痛同埋驚囉....跟住醫生仲話生仔會痛好多好多，頭先個d唔駛叫呀哈哈!真樣衰
ReplyDelete[版主回覆02/29/2012 09:56:46]真係奇怪~
[Nip Ying回覆02/29/2012 08:52:26]係呀我係助產士小組呀!!!
[版主回覆02/28/2012 16:49:45]你係咪助產士小組? 聽助產士小組d媽媽話佢地有得照, 跟醫生o個d反而冇
[Nip Ying回覆02/28/2012 13:58:17]係上次個護士同我講37週照既....下星期一就知有無得照啦
[版主回覆02/28/2012 13:53:48]應該唔會喇, 我見3月媽媽會D媽媽多數都冇得照, 我36W2照調左頭, 同埋唔係我話照佢都唔唸住照, 個醫生仲話我多要求, 男醫生定女醫生…?好在我個姑娘用安慰既語氣同我講係有少少痛…
真好，咁快就放假啦.
ReplyDelete[版主回覆02/28/2012 16:49:14]已經約緊人喇~^^
好好休息, BB出世無得好瞓呀~
ReplyDelete[版主回覆02/28/2012 16:50:34]但係依家放假都好似返工咁早起身呀…訓左晏覺夜晚仲訓唔著添…好在夜晚通常都訓得幾好
返多幾日就放.....真係好LA!!! 我E家已經唔想返工，都唔知點捱到3月中 HAHA
ReplyDelete[版主回覆02/29/2012 14:46:38]不過都係去人地屋企, 食T, 或者上黎我屋企咋~ 一個人就可能出去行下
[Hellocc回覆02/29/2012 14:33:04]行多D好丫...易生D ^^
[版主回覆02/29/2012 13:39:28]都係多我幾日je~^^
[Nip Ying回覆02/29/2012 13:26:25]我都好羨慕呀....我要番到10/3...倒數中
[版主回覆02/29/2012 10:58:50]倒數3日~~~已經安排緊黎緊既節目喇~周圍約人t~XD
點解政府B鍊要撩埋肛門? 我上次去私家做只係撩陰道
ReplyDelete[版主回覆02/29/2012 11:59:30]我都唔知呀, 驗全面d都好, 我第一次政府驗都係陰道咋
上BK 都話撩肛門好痛. 好驚......
ReplyDelete[版主回覆02/29/2012 11:59:12]痛囉, 又不至於好痛既
好好休息,加油!!!
ReplyDelete[版主回覆02/29/2012 12:18:51]我怕悶呀~ 已經安排緊節目喇XD 黎緊星期一私家覆診, 星期一廣華覆診, 星期三、五都約左人, 下星期日影大肚相外景XD節目豐富~
加油呀 ~
ReplyDelete我想問你排廣華, 是否可以如期 CHECK 心跳, OSCAR, 糖士, 結構果D呀, 其實我還未登記, 仲考慮緊邊間生, 我怕廣華太方便, 會有好多雙非衝關, 又有好多單非RESERVE 哂 D 位做CHECKING,咁就不能如期做CHECKING ! 可否SHARE D INFORMATION 給我呢個新手呢,THX
[版主回覆03/05/2012 20:25:21]即係放左3星期胎? 咁係咪應該計5w? 咁廣華未必俾倒早期oscar期你, 但你都可以問下, 第一之產檢通粉會係16周之後, 不過要高齡先有得照結構, 如果你住港島, 咁其實去瑪麗好d
[Luxembourg回覆03/05/2012 20:15:02]我係人工受孕的，如果用放胎計已是3weeks, 但用m計就6weeks了
[版主回覆03/05/2012 19:00:48]個個都係最少4個月先第一次產檢架, 不過之前會有一次oscar, 其實你有bb未?qm好似係最好架, 不過你住邊先?最緊要方便, 好似我住大埔, 冇可能去qm啦~(係咪指瑪麗?還是瑪嘉烈…?)廣華你遲少少去登記都排唔倒早期oscar架, 你依家幾多w呀?
[Luxembourg回覆03/04/2012 13:41:21]我見有D JM 寫排廣華, 要去到4,5 個月先有得做產檢, 所以仲心思思唸緊排邊間生!! 我有個FRIEND 係QM 生, 可能吾係一個方便的地方, 佢次次都CATCH UP 得到BB 週數去照, SO FAR 只係係私家睇過三次, 佢5月生啦, 所以我呢個新生仍然在找資料, 我唸我最遲都要10號決定了
[版主回覆03/04/2012 11:13:29]你有bb未?有就冇時間考慮喇，4w倒預約會有oscar期，結構高齡高危先有，聽講廣華單非都唔收