ChriScorpiObi
Monday, February 13, 2012
情人節?
聽日就係情人節…今日都未唸倒食乜…
其實往年都唔會話好特別慶祝, 從來都唔會出街食情人餐, 通常都會整個蛋糕, 可能係美味又易整既ugly chocolate cake, 不過今年有糖尿…唔食得甜品…早2日去烘焙店入麵包粉問老公要唔要入d朱古力整ugly cho佢又話呢排屋企好多新年朱古力佢冇咩朱古力癮, 舊年印象比較深, 鞋然都係要返工既日子, 不過放工整左2個超巨型漢堡~好玩又好食XD 今年又唔食得…同埋再整都悶啦~
上星期問老公情人節搞乜好, 佢話出街食囉, 我話食乜呀?佢話你唸下你有乜食得啦…=.=
尋日問左位糖尿媽媽佢地講好去打邊爐…原本好鍾意打邊爐既我…上星期打左2餐, 仲要主力打菜…都真係有點悶…
有人話食扒…食得半塊…=.=
Subscribe to:
Post Comments (Atom)
我地自從買左樓之後，聖誕/情人節呢D大日子都唔會出街食，因為唔想比人劏啊 haha
ReplyDelete尋日去 jusco 買左皇帝蟹腳、煙三文魚。 諗住聽日放工再去買塊扒，羅馬生菜整沙律 ~ 簡簡單單咁過!!!
[版主回覆02/13/2012 16:18:48]好在我同老公都唔好蟹, 有冇聽過蟹腳係墮胎既藥引? 雖然唔知真唔真, 可免則免呀~沙律我試過一次中招, 李斯特菌o個單新聞之後有一排唔敢食, 依家又食返, 不過盡量都煮熟黎食, 菌既野洗唔倒架
[Hellocc回覆02/13/2012 15:57:03]哈哈~其車係我老公好想食蟹腳，見佢拎起包野睇到5捨得放低，唔想掃佢興~咪買囉，我諗我會食一舊囉!!! 沙律菜我會過好多次水先食 ~ 大吉利是我有左之後，都食左幾次，自己整我覺得乾淨過出街食!!!
[版主回覆02/13/2012 15:40:33]你敢食蟹腳??蟹腳喎…煙三文魚我都唔敢…>< 沙律又係高危,不過我依家都冇戒沙律:p呢d都係生完先食喇…以前都試過去citysuper買dbuffet既野食返屋企, 價錢差唔多, 食得自在d, 不過依家又唔食得甜又唔食得生…肉又唔食得晒…冇咩mood...
[小beebee回覆02/13/2012 15:25:52]好sweet!!
我都無特別planing 因為大肚好疲倦唔想周圍同人迫!!!
ReplyDelete[版主回覆02/13/2012 15:41:28]我地聖誕情人節都未試過出街同人迫架, 以前樓下都有間幾好食既泰國菜, 不過依家變左茶餐廳=.= 以前簡單焗個蛋糕煮下西餐都ok, 依家連呢個選擇都冇埋
情人節真係好sai錢，今年要返工又無時間自己煮，迫住要出街食
ReplyDelete[版主回覆02/13/2012 16:19:27]中菜, 印度菜, 泰國菜, 打邊爐呢d應該都唔難book
[艾利絲回覆02/13/2012 15:52:54]要搵間坐得舒服唔貴唔使食情人節餐又唔使早d去book的真的有難度！
[版主回覆02/13/2012 15:42:24]其實係食西餐情人餐先side錢je, 街都有好多野食既~我地從未試過出去食情人餐
原本我明天想去睇美女與野獸3d. 但我太遲發現佢上映. 全部戲院都冇哂位. 或得番頭一行.
ReplyDelete最後諗住去行下megabox 宜家就當係情人節節目. 哈哈
[版主回覆02/13/2012 16:20:06]megabox好丫, 除左宜家成棟都好多bb野行, 不過太遠了…而且我要買既野都買晒
租dvd返屋企啦...最好睇d開心既sweet d既...^^
ReplyDelete食野就都係係屋企煮啦..~
[版主回覆02/15/2012 08:22:42]破晒戒XD 好滿足~~~XD
[Vanilla.T回覆02/14/2012 11:17:25]我都明白既........
我試過將一晚唔睇電視...改為聽歌..傾下計..
輕輕鬆鬆咁過...其實都幾舒服！
食品方面︰都係要乖乖戒口...最多整d字母款式..叫做得意d...haha~
[版主回覆02/13/2012 16:59:03]其實屋企好多碟, 不過我同老公鍾意既戲種好唔同, 都好少一齊睇, 睇碟我又成日訓著, 出去戲院睇又成日遇倒d多野講既人, 至於屋企煮…我其實幾乎年年都係屋企煮, 問題係煮咩呢…食返平時d野又好悶…糖尿+懷孕又好多野唔食得…=.=
今年情人節我地都唔會出去食飯lu,廢事同人迫,o係屋企過仲好...我都好鐘意打邊爐,但我媽話大肚唔好成日打喎,會好熱氣!!!
ReplyDelete[版主回覆02/13/2012 20:27:27]我都唔唸住同人迫, 唸住近近地o係附近食咋, 不過可能o係屋企開罐頭鮑食^^ 鮑魚係我至愛, 都應該幾開心, 其實打邊爐怕生熟交叉感染多d, 熱氣可以打豆漿湯底~
♥ ~ ~ ~ Happy Valentine's Day ~ ~ ~ ♥
ReplyDelete[版主回覆02/14/2012 15:12:09]情人節快樂~^^
我都係無節目, 而家仲諗緊今晚休息唔煮飯買咩外賣食咋...
ReplyDelete[版主回覆02/14/2012 15:11:38]尋晚都提議嗌外賣, 老公話「你食得d咩…」=.=嗌外賣呢個選擇都冇…老公返工前買左牛扒, 唔知仲買左咩呢? 我打算放工去買件餅放縱下^^"
我今晚都係自己整^^
ReplyDelete[版主回覆02/15/2012 08:23:27]破晒戒呀尋晚XD肉同澱粉都食多左, 又少菜~不過好滿足~^.^
[Smile and XO回覆02/14/2012 16:13:52]你有糖尿又真係要好小心食野!
[版主回覆02/14/2012 16:03:10]一"掌"心份
[版主回覆02/14/2012 16:02:54]老公唔俾食辣, 同埋唔食得多…唔想整咁複雜…肉我只可以食一半心份…所以依家煮送都係容易計份量既肉加大量菜…>< 打邊爐其實都ok, 不過上星期打左2日…而且主力打菜…好悶…今日老公買左牛扒, 我打算開左屋企罐鮑魚黎食, 買杯細細裝雪糕2個人分, 或者買件餅食少少…T^T繼沒有甜品的聖誕之後, 到沒有甜品的情人節…=.= 呢幾日開始重返…都唔敢太放肆…
[Smile and XO回覆02/14/2012 15:46:12]整泰式丫!
[版主回覆02/14/2012 15:43:42]其實自己整唔係問題, 問題係整乜好呢…平同時一樣又唔想…
而家有左小朋友後，哩個節日唔會出街食，多數都會係屋企食，齊齊慶祝一下！！
ReplyDelete[版主回覆02/14/2012 16:00:42]我其實幾乎年年都屋企食, 不過都想有d新意…可唔可以唔食糖尿餐呀…=.=
情人節某程度上係d商舖搞出黎既活動jei, 唔使特別慶祝啦~ 其實日日都係情人節呀!! =)
ReplyDelete[版主回覆02/15/2012 08:21:23]只係想食餐開心飯, 唔係平時咁悶嘛, 其實年年都係屋企食, 今年唔知食乜好, 好在最後都食得好開心~^^ 有我至愛既鮑魚~~勁大隻~^0^ 老公煮左鮑魚撈拉麵, 煎牛扒, 仲有巴馬火腿多士(不過D火腿焗過…^^")我自己整左個乳酪蛋糕又買左雪糕, 不過食唔落雪糕…尋晚超晒標…不過好滿足~^.^
Happy Valentine's day!!
ReplyDelete[版主回覆02/15/2012 08:21:43]情人節快樂~^0^