回禮曲奇

又係關於我結婚既DIY食品^^

當初選回禮都唸過幾樣食物, 主要係幾塊曲奇, 蝴蝶酥同馬卡龍

最後2個選擇係印模曲奇同馬卡龍

印模曲奇比較有個性, 可以訂製自己既專屬曲奇印

而馬卡龍就比較高貴, 曾聽說馬卡龍係要o係勻勻蛋白餅中搵倒2塊最相配既結合起黎組成, 好比婚姻, 因此呢樣都係我心儀既選擇, 不過最後都係揀左印有我地自家logo既曲奇。

包裝方面, blog友幫我o係台灣買左合尺寸既膠袋, 自己裁紙, 雕印, 再用熱風槍同凸字粉所上我地另一個logo, 我自己好滿意呢個設計呢 ^.^

而曲奇方面, 其實用左2個食譜, 有一部分係之前整玻璃曲奇既食譜, 脆d硬d; 而之後用上冇蛋既鬆化食譜, 比較易印易甩模, 印出黎亦比較清析。