商戶評分~婚禮攝影攝錄-Jan & Michael

黎到最後一PART商戶評分喇~
相信大家都睇過JAN幫我地影既相同MICHAEL既VIDEO~~
JAN-home、出車、文化中心、註冊、Cafe、酒樓
MICHAEL-video by michael

回想當時揀婚攝, 洗洗下blog去左jan度, 已經唔記得點link過去, 睇倒佢最新o個篇吸引左我, 就係呢篇Sophia & Horace - Snapsho。

難得老公都覺得唔錯, 就約左出黎, 不過當時得michael出黎, 我直至bd當日先第一次見jan。
我知道有人會好堅持見過攝影師先book, 不過我又冇咩所謂~ 而且當時既價錢真係好抵, 只係4千幾就有1p1v, (依家事隔年半唔夠已經加價幾倍喇~~據知我book之前一年內亦已加價2, 3次~~~) 於是我地o係09年4月考慮左幾日就book左~

當時老公其實對於freelance有戒心, 不過michael俾左佢私人戶口我地過數佢又覺得有保障D。原本只係打算join snap, 見過面之後佢反而提議book埋video, 我之前係完全冇唸過要打片呢…^^" 不過standard就冇搵喇, 搵左朋友幫手~

o係收相前有jm分享佢既不快經驗, 不過我都冇咩擔心, 其實對於snap, 我都冇預期佢會影d咩, 而且有咁多朋友幫手影相, 應該都冇咩影漏呱~ 如果佢唔影, 可能代表佢覺得冇咩好影~

原定3個月收相, 結果大約2個半月就收倒~第一次一次過睇冇咩特別, 不過我地2個係一路睇一路笑既~^^ 跟住慢慢揀黎up上facebook時先發覺真係影得唔錯喎, 捕捉倒好多好開心既畫面, 角度又特別, 完全冇後悔搵左jan~

講返michael, 其實當初老公話佢影得肆肆正正四平八穩穩穩陣陣就ok, 直至睇倒佢up上blog既highlight~ 覺得好有驚喜~~ 有追開佢既片既jm都覺得唔錯, 仲有唔少blog友睇到眼濕濕~^^~ 喜出望外~~ 我第一晚都睇左2, 3次~~ 而另一隻較長既碟就係差唔多全日既野都有晒, 好似睇緊蝦碌片段咁XD睇見自己扮上車行左幾次XD睇見老公擺POSE影沙龍XD

雖然對SNAP同VIDEO好滿意, 不過都要講一講缺點。JAN幫我地影既擺POSE相都好靚, 但係就唔係好識教我地笑。事前2位都叫我地當日記得笑, 咁…係人都知笑就靚啦, 但係你就咁叫我笑好難笑得自然啊~~2位都唔多出聲, 如果好似masalili既攝影師咁識搞氣氛就會好好多喇。 夜晚老公肚痛得我一個影左幾張相, jan就話一個人好似有d寂寞…你老公ok再嗌我丫~我:「啊…」有d無奈…^^" 所以呢, 如果本身唔係好識擺pose識自動波既新人, 我唔建議搵jan影pre-wedding, 不過影snap就一流~
(補充: 叫我地玩bell實在抵讚~~我地平時成日玩~~所以幅相亦影得好自然XDDDD)

準時
聽講2位係打的黎既, 好準時, 仲好似早左少少到~
交相亦好準備, 仲早左2, 3個禮拜, 不過可能唔係全職加上多客, 3個月收相期對唔少jm黎講可能耐左d

老實
知道我9點出發冇咩接新娘野搞都叫我唔駛俾ot要佢地早入黎

snap
滿分~

video
驚喜

收費
我個價實在抵!

交流
合格。雖然jan好少講野…不過michael之先都有同我msn, 我亦send左我要影既野既list俾佢~