Amazing Place

上電梯前收倒一張傳單, o係隔離2個鋪位有間lunch buffet, $55位, 於是就去試下~

d野都幾好食, 雞扒好滑, 我件牛扒就太生太un…佢地d又冇事…煙肉絲炒雜菜好好味~蒜茸包好脆好好味~呢3樣都係我有encore既~另外仲有肉醬長通粉, 意大利雜菜湯, 茄醬茄子, 吞拿魚沙律, 薯仔沙律, 蛋沙律法包, jelly糖, 蕃茄粟米沙律, 西瓜蜜桃菠蘿, 我冇試既有ny cheese cake, coffee cheese cake, 麥包三文治(唔知咩餡), 想試而唔記得左既甘筍忌廉湯~

另外值得一提既係佢d服務都幾好, 一個疑似係老細既男人好有禮有斯文, 後生仔女trendy打扮得黎又好似去飲~唔知開左幾耐?我地估係新開張~

附近仲有幾間差唔多格局既鋪頭仔, 每一間都細細間, 呢間迫迫地都坐倒60人, 要行出行入羅野食就迫左d, 坐定定食都ok。