廣州行收鑊(婚紗)

此行既主要目的係買多件婚紗
雖然之前都買左一件高腰二手婚紗, 不過硬係想要多件修腰新婚紗^^"
本住唔一定有收穫既心態上去, 點都要見識一下, 唔係唔心息:P
首先行左好百年, 再行江南大道北既右邊, 過馬路行時代婚紗廣場, 再行返左邊返返天一o個便, 唸住搭地鐵過海珠廣場仲有, 點知過到去d人又指返我地過黎…白白浪費左大半個鐘…><

第一二件試身@柏莎婚紗禮服設計有限公司(婚紗相見被遺棄的婚紗)
快行完一輪之後, o係好百年試左2件成件都係lace既婚紗, 分別係一件魚尾同一件A-line。
試左魚尾, 踩住高跟鞋, 踏上下面打左燈既台, 披上頭紗, 終於有震撼既感覺!*0* 原來著婚紗係咁既一回事……… 好靚呀~~~(我覺得…:p) 跟住試埋件A-line, 其實除左個型之外同第一件好似, 呢件合身d, 又係覺得好靚~~~exactly就係我最初睇既款式, 不過可能因為咁, 覺得好悶… 鍾情魚尾多d。
呢間要訂造, 唔多想賣現貨, 15日起貨, 可以幫我寄黎香港。2件分別開價38xx同36xx, 八折。

由於仲有2件o係第二間既想試所以離開左, 我地2個都覺得係因為佢個台同件頭紗先有咁震撼既感覺, 問左佢條頭紗點賣, 佢話好貴, 跟住好似求其開價6百幾, 其實6百幾我都覺得值, 因為可以慳返3k唔駛買佢件婚紗就有咁amazing既效果… 但係硬係覺得好似見過呢條頭紗, 於是返黎上網搵。唔記得o係淘寶定外國網見過…依家仲未搵倒…可能diy…男友難得支持我DIY XD

第三件
由於驚呢個商場早收, 於是穿過江南大道北, 先去時代婚紗廣場二樓最入面一間婚紗店, 好似叫詩怡婚紗。
呢件係我同男友第一件大家一齊覺得幾好既婚紗^^ 上面有好多花花係佢既特色, 但我地都麻麻地D花花…^^" 後面縛帶既, 試左上身, 佢話D花花冇咁礙眼^^" 我就覺得冇之前O個2件咁高貴, 佢話因為D花花, 拆左佢就高貴D, 有花花就活潑D, 不過呢件既下擺就靚過之前2件!縛帶都有好處, 肥左瘦左都唔駛改。呢件開價1868, 八折。

第四件
行返去江南大道一間地鋪, 之前3件都係象牙白, 呢件係白色既, 都係魚尾(試左4件有3件都係大小不同既魚尾)。呢件都係平口領, 有塊lace葉凸出黎幾特別, 不過又有2塊男友稱之為腮既野…唔知做乜XD 不過都可以改既, 但係可能佢環境燈光(白光管)問題, 真係被比下去…呢件開價888仲有得平

最後都係返去時代廣場買^^
即係第三件

後面縛帶自己真係好難著…胸位唔知係咪拉得唔好, 好大隻咁…= =

之前O個件係白色紗, 我鍾意象牙同紗, 佢就鍾意白同絹, 所以今次打算買象牙同絹。最後買左象牙同半絹半紗。
埋單1400人仔

買左呢件又心思思第一間O個件, 不過我知買左O個件又會心思思呢件…
其實2件都唔係完美, 坐這山望那山…^^"

其實廣州D大婚紗店俾唔俾影試衫相既呢? 好掛住企o係o個個台, 披住o個條頭紗, 著住婚紗既自己呀…>.<

ps 呢度d婚紗店大多要除鞋入去, 記住踢拖去呀!!

生日廣州行(路線)