裙褂開估

呢4套入面, 究竟我揀左邊套呢~~?

左一中五福: 0.5票

左二小五福: 6.5票

右二珠片褂: 4票

右一褂皇: 1票

答案係
.
.
.
.
.
.
.
.
.
.
.
.
.
.
.
.
.
.
.
.
.
.
.
.

右二既珠片褂!!
估中既有以下四位^0^

蘑菇蜜糖兒

堅 & Tata

Ryan & Fion

媚媚/ZUZU
以上四年我自己既選擇會係右二, 左二, 左一, 右一

其實仲試左第二件珠片褂, 呢件係孔雀, 老闆娘係咁講, 而我自己要到睇相先知佢講咩孔雀…:P 另一件係花花, 不過太多橙色珠片, 同紅色太近唔突出, 不過O個件就好清楚睇倒花花, 睇返覺得呢套孔雀型D襯我D:P

開頭一心想搵小五福, 上次去美華都嫌佢既小五福唔夠紅, 點知今次試第一年中五福又覺得OK, 只係心儀水波腳, 加上男友都係偏愛多紅, 於是試左左二既小五福。
小五福可能睇得太多, 來來去去都咁上下, 上次陪FD試都分唔倒佢試O個3件, 於是又試下佢話唔好既珠片褂, 點知一試又幾SHARP喎*0* 我自己有眼前一亮既感覺, 男友都話呢件特別D! 已經心郁!
右一係見有人試緊, 而我又冇咩機會著於是順便試下^^" 唔鍾意佢太多金銀線, 聽講會老, 自問會肥…而且我心目中既褂係紅色既…:P著左上身, 原來係咁硬…手都屈唔倒…^^"
老闆娘都預左我唔會揀呢件, 都好好人俾我玩:P 佢都贊成我揀珠片褂, 話我著得好睇, 唔會SELL我地揀貴野。
不過我發覺D繡莊好似幾海鮮價, 個個問返黎既價都有出入, 係美華既小五福同網上所見一樣, 錦發同永隆時平時貴。

我地仲試埋馬褂XD 雖然冇租到, 總算了左我心願影左相XD佢接受唔倒個繡球XDDDD

最後叫佢送睡衣^^ 另外可能會返去買龍鳳被~~我始終都係鍾意呢D傳統款, 不過係驚佢甩色…><有冇人買過呢D繡莊既龍鳳被呢?