台灣之旅簡報

返左黎幾日, up晒相上facebook, 有好多野想講, 打返篇簡報先~^^

2010年2月16日 星期二 虎年初三 台灣第一天

4點起身, 530出門口搭815班機, 黎到台北車站1120, 都幾快~高鐵舒適又方便~

行去酒店路上必經中正紀念堂, 呢幾日有好多小食檔好好行~

我地去新尚旅店放低行李之後就去台灣故事館, 睇過朋友facebook既相覺得都幾得意, 之前黎過3次, 好多地方都去過, 今次可以去d之前冇去過而書仔又有介紹既地方。夜晚再去每次必到既士林!:p

好多人會話去過好多次, 但係我地每次都要去搵士林大叔買腸腸~係daddy仔來台既第一目的XD 今次仲O係呢度買埋豬肉卷卷~ 雖然唔夠華西街夜市O個檔正, 不過都可以頂下癮~

 

2010年2月17日 星期三 虎年初四 台灣第二天

今日係最有時間訓覺既一日, 大約1點出去永康街高記買左籠小籠包就過動物園, 呢2日都好大雨, 好多動物呢埋晒~ 我地主要目的係睇企鵝冇影響 ^^ 仲睇左熊貓, 樹熊, 象, 馬, 駱駝~ 呢度好大入場費又平(NT60), 好天應該好多野睇~ 帶左皮皮同毛毛仲有其他紀念品返屋企~ 之後出返西門町蛋蛋屋食野再掃街~

 最後打算返永康街買高記生煎包同鼎泰豐小籠包可惜已關門大吉(10點幾) 點知見倒有一檔賣北京填鴨2食, 就4左半隻NT280~ 炒O個隻仲好食過平時食開包O個隻~

PS買唔倒義美蛋糕皮!!!

 

2010年2月18日 星期四 虎年初五 台灣第三天

今日要CHECK OUT去台中喇, 所以又要早D起身, 不過O係台灣呢幾日一般都係9點幾醒, 趕得切去試下呢度既早餐~~。呢幾日中正紀念堂有好多攤檔, 買左一條山豬肉腸就出發去搭高鐵喇~

去到已經3點幾, 約左5點溝通, 行左陣逢甲就打的過去

新春的士加價NT85一程至年初五, o係masaLiLi揀完聽日影相既衫同埋同攝影師溝通完之後就返酒店, 買左burger king食完, 敷埋mask, 12點幾就訓喇~係最早既一晚

 

2010年2月19日 星期五 虎年初六 台灣第四天

今日係呢個行程最重要既一日--拍照日。約左一齊去masa影相既blog友一齊打的過去~化妝試衫12點幾就出發去買花球汽球再過預定拍攝場地。得8度又落雨, 睇住自己全身不受控制地震…影到6, 7點返公司影內景, 職員遞上熱薑熱, 化妝師借我暖包~身體冷但係個心好warm~ 繼續努力影到10點幾~ 又一齊打的返酒店~ 有埋公司提供既午餐同晚餐返酒店食~ 冇精力再去行夜市喇~

2010年2月20日 星期六 虎年初七 台灣第五天

買完2條大腸包小腸就過masa~

今日係挑片日, 一直都好有信心唔會揀得太多, 因為之前已經影過一輯有千幾張相, 而且試衫又肥, 冇咩信心, 好彩效果好理想! 尋日已經好鍾意第一個造型, 睇相都係覺得咁靚XD 好難頂咁一路睇一路嗌: 好靚呀~~XDDDD 埋單72張加3張同另外2對朋友既合照~最難得係daddy仔都滿意呀~^0^

買埋MOS就搭高鐵返台北喇~

估唔到仲趕倒行臨江街夜市~又試左D好味新野~ 另一篇再介紹!

肥豬秘撈

2010年2月21日 星期日 虎年初八 回港喇

最後衝刺~先去忠孝敦化食咁多次都食唔成既東區粉圓!! 好味!!值得特登去~ 過隔離買鼎泰豐小籠包, 同第一次一樣o係分店食~ 第二站轉戰西門町第三次幫襯阿宗~又係第一次食睇書睇左好耐既鴨肉扁~ 決定去華西街夜市一倘搵豬肉卷卷, 可惜早得滯搵唔倒...不過食左豬血糕, 胡椒餅(好食過福州世祖! 我同胡椒餅既第一接觸就係o係呢檔!)第一次食黑輪~仲買左d薑母黑糖同紅棗桂圓黑糖~ 跟住再去返中正紀念堂春水堂飲珍珠奶茶, 最後去埋永康街高記買生煎包就返酒店打的去台北車站喇~ 台北車站買埋mistor donut就去機場lu~~

8點十機, 返到香港11點幾, 返埋屋企已經點幾...3點幾訓, 7點又起身返工...

咁係咁完成左我既虎年台灣之旅喇~