pw@MargaretIsland

10

9

8

7

6

5

4

3

2

1

photo taken by 老公
retouched by 老婆
photo taken@budapest-MargaretIsland
2010.7.28

post-wedding preview

話說一早唸住帶衫黎影post-wedding, 尤其last day住瑪格麗特島, 不過執行李o個陣差d放棄, 老公只係帶左恤衫, 我都冇帶d咩配件道具。
去到last day, 食到肥晒先黎影…因為last day先住呢個島…之前又太放縱…
不過結果得我自己影獨照…老公話冇時間SET腳架…而且天色都麻麻

我痴眼睫毛失敗呀…嗚…又冇帶睫毛液…本身單眼皮睫毛又短…嗚…個妝好麻麻呀…>< 都係D唔見樣呀, 剪影O個D最靚… 頭先一路睇一路嗌「好肥呀…」=0=

呢張出奇地影到"好似"好瘦XDDDD完全冇執過架XDDDD

得返我一個…其實叫唔叫post wedding…呢^^" 咁又應該點叫呢:P

蜜月回歸!!

返黎喇返黎喇~^0^ 大家有冇掛住我呀~~~
尋日匈牙利時間晚上7點機, 返黎香港今日下晝3點~坐左十幾個鐘頭機…訓得極唔好…背頸都好痛…=0=

HEA訓食團, 肥左好多呀…嗚…
換泳衣浸溫泉老公話: 「你真係肥左好多!」嗚…
跟住我都係繼續食食食>< 仲要LAST DAY先影POST WEDDING…

布達佩斯第七天

(攝於布達佩斯HEV火車站, 水鞋o係聖坦德小店買^.^)
依家係匈牙利時間7月26日晚上10:51
後日就返香港喇…聽日我地會搬酒店, 出發前BOOK左依家呢間酒店7晚, 另一間o係瑪格酡特島既酒店1晚, 唸住佢靚靚地last day可以影下相, 不過就冇依家呢間咁方便, 而且上網要8euro一個鐘, 所以聽日應該唔會見倒我地上網喇XD
其實依家住緊呢間酒店真係唔錯, 早餐好味~ 地點方便, 房間冷氣夠凍又舒適, 免費上網, 價錢又平, 好似5, 6百一晚~

今日十點幾出發, 終於去左國會大廈, 排隊買飛連埋入去參觀用左2個幾鐘, 跟住去左李斯特紀念館, 睇左恐怖屋既外圍(星期一冇開…), 去左中央街市食野~睇手信(聽日再買), 行左陣瓦西大街(冇咩行…賣既野同中央市場差唔多不過貴D)。返酒店已經不經不覺過左7個鐘, 係咁多日黎行得最多既一日, 唔怪得咁支力啦…

休息左陣打算出去食鵝肝, 睇左BLOG友介紹, 打算去返李斯特館O個個站, 不過實在太飽…到夜晚9點都未餓…於是放棄左…聽晚先去! 不過聽日一定要去倒呀!!唔係就得返LAST DAY晏晝喇!

聽日我地會check out左先~再去中央市場買野~食晏~希望可以o係露天茶座飲杯野~夜晚再戰鵝肝~~ 老公問我返香港夠唔夠膽磅一.一

夜晚可能要買野入島食:p 老公話希望入黑前入去, 好在呢度接近9點至入黑~~

布達皇宮直擊

依家係匈牙利時間下午5:20

我地今日行左布達皇宮, 冇去到蓋勒特山, 亦冇行到皇宮博物館, 已經好支力喇:P
一上到漁人堡已經要買菠蘿雪條消消暑~ 呢度雖然係遊客區不過D野都唔算好貴, 300FT一支大約十幾蚊港紙啦, 有菠蘿肉架~~好味!

我地一路由北行向南, 一路行一路影, 行過幾座教堂, 博物館, 原來想入去行, 但係售票員放Lunch…入唔倒…o係博物館同漁人堡都有人需要我地幫手影合照, 同時問返我地駛唔駛同我地影~ 於是就有左我地既頭1, 2張唔係自拍/對鏡既合照喇~^^

黎左幾日, 我地既寶貝小藍小寶終於出場~~

回程地鐵上~ 呢度d地鐵好有歷史, 冇冷氣, 有小窗, 布sofa~

不經不覺又5個鐘, 今日流得特別多汗, 可能係咁特別支力呢~ 2, 3點就返酒店浸個靚浴疏肝疏肝~ 希望今晚可以成功出動睇夜景同上餐館啦!!>.<

攤抖完, 依家又去超市入貨喇~ 黎左幾日真係行超市多過博物館XD 不過佢地D鋪好早收~依家入完貨~ 今晚再出動!^0^

布達佩斯行程簡介

第一天 20/7 (TUE)
9點黎到等CHECK IN
行左多瑙河, 聖史提芬大教堂, 歌劇院(冇入到去, 3, 4點先有導賞團), 食BURGER KING
原來呢便連BURGER KING廁所都要收費, 約HK$4一次
CHECK IN後勁支力, 雖然只係2, 3點, 再出去行左陣超市買左D野食就返酒店
6, 7點食完野就訓左XD

第二天 21/7 (WED)
4點幾訓醒, 老公未起身, 上下網, 食下野咁, 7點等埋老公落去食早餐~
十點倒出發, 行左其中一段瓦西大街(返黎先知未行晒, 要再去~)行左中央市場, 同埋附近既國立博物館。個館好大, 行極都行唔晒, 最鍾意睇佢入面既仿舊居室, 好有味道, 同埋鍾意睇以前皇室既衣服飾物~
好似唔係去左好多地方, 但係已經好支力, 原來不經不覺又行左6個鐘, 再去超市買埋晚餐就返酒店, 唸住今日唔係好眼訓, 點知8點達落床又訓左XD 8:40日落, 老公自己一個出左去影相~

第三天 22/7 (THUR)
3點幾醒左XD 不過好在馬上訓得返~ 發覺俾老公偷影, 於是又影返佢雕像般既睡姿XD
6點幾起身~ YEAH~又有得食早餐~可惜今日冇左莎樂美~~呢便超市賣得好平, 十幾至廿幾蚊已經有一包, 份量多過香港6X-8XO個D~~又好味~~
依家9點幾, 一陣我地會去布達區, 行下布達皇宮, 漁人堡, 蓋勒特丘陵, 希望可以影倒夜景啦!>< 不過可能都要之後再搵個夜晚去多次 :P 希望今日可以成功上館子啦!! 黎左幾日都係幫襯超市:p 唔駛溝通嘛...最鍾意逛超市~慢慢揀自己鍾意既野, 又可以試下d地道野~ ^^

黎緊幾日大約行程
1. 英雄廣場, 賽切尼浴場(溫泉), 動物園, 馬戲團(都係o係同一個地鐵站)
話說我地尋日出左2張7日票, 真係好方便~搭咩都得, 又唔駛打孔~~圍返百幾蚊張

2. 聖坦德(山丹丹)郊區, 較方便既小鎮, 可以搵地鐵轉hev火車40分鐘就到, 又或者多瑙河搭船入去都得, 大約2個鐘。

3. 重遊中央市場, 食下food court, 買手信~ 行下附近既工業美術館, 行埋未完成既瓦西大街, 地鐵博物館

4. 瑪格利特島(我地last day會入去住, 到時再慢慢逛下影下相)

一定要搵一晚出去睇下呢度既夜景! 睇下日落咁~~其實呢邊8點幾9點就日落,  不過已經係香港時間半夜3點, 我之前2晚都訓左>< 一定要搵一日睇下多瑙河2岸既夜景, 希望可以坐遊船睇下兩岸既十條橋~~

布達佩斯我來了~^0^

原以為BD過後會是一連串蜜月資料搜尋, 沒想到, 被噩夢纏繞了3個星期, 心情一直很低落, 接著是連串飯局…:P 明天便出發了, 早上還要上班, 老公甚至7時才下班, 我們約在機場會合 ^^"

早知道要在婚後一段日子才能出發, 選擇了婚後一個月紀念的日子。這一個月有許多改變, 工作環境轉變了, 幸福王國成立了, 媽媽回港工作, 每天有你在身邊。要不是這場噩夢剛巧發生在BD後, 我也不會那麼切實感受到情人跟夫妻的分別, 也許, 未結婚你還是會一樣支持我 ^^"

明天便要出發了, 準備功夫只有約一成完成…過去去台灣準備得很充足, 可是這一次, 只買了3本旅遊書(一本東歐的, 一本匈牙利的, 還有一本布達佩斯的)還沒有細看…。是次目的地真冷門呢…旅遊書真不好找… 還好有同事借出一本中歐的, 雖然只有短短十數頁, 卻是最清楚易懂的一本! 很實用!

3月預訂機票後一直把蜜月擱置一旁, 以為婚後會有整整一個月準備, 沒想到, 只是匆匆看了書, 還沒有把地點與交通路線規劃好。

朋友說只要預備好機場去酒店的交通就好, 其他再慢慢計劃, 可是我得出的結論是, 計程車似乎是最理想而平宜的方案:P

市內主要景點均有地鐵相連, 其中市郊的聖坦德(又名山丹丹)可轉乘40分鐘火車HEV, 或從多瑙河搭船前往~我當然想趁機遊覽多瑙河啦~還要一邊哼唱藍色多瑙河^皿^

得到JM提點, 已EMAIL告知2間酒店及航空公司這是我倆的蜜月之類, 問問有沒有special offer:p 其中一間酒店覆我可給我最好的房間(他們的房間是均一價沒有房型之分), 可是其他都沒有回音呢>0<

待會整理行裝~凌晨網上CHECK IN~準備衝出亞洲~^0^

KitchenAid攪拌機資料搜集

看了若干篇網誌, 幾乎所有人的開場白都是: 我相信每個喜歡烘焙的人都想有一部KA XD

我也是想了很久, 不過卻又不是實在知道它的好處…

有年美食博覽見過, 今年再去看看吧~?

有沒有blogger能告訴我有關心得呢~?

http://www.wretch.cc/blog/juliashiau/7959569&tpage=1

各項配件也很吸引

http://blog.yam.com/phuny/article/25905130

各項份的分析及有關新聞

油麻地新填地街$2900/5L

DIY wedding cake

設計左好耐, 唸過整幾層大蛋糕, 不過一早俾人ban左…話咁忙既時間唔係仲走去整蛋糕呀…:p 跟住我就搵cupcake資料, 老公話唔錯, 特別d, 而且作為新娘既我應該可以應付倒, 後來又唸, 加個大蛋糕o係頂應該都ok~

跟住落黎就搵蛋糕架~ 原本o係香港訂左個仿laca邊既三層膠蛋糕架, 錢都俾埋, 點知黎到話斷左腳…退返錢俾我…又要搵過…跟住唸住diy啦, 上網搵倒呢個, 做左個迷你版, 不過買唔倒咁大塊既發泡膠…放棄左~ 最後上淘寶搵倒呢款, 之前訂o個間都有呢款蛋糕架, 不過就貴好多~ 我依家好似$35人仔+$5x運費><, 圍返100蚊港紙倒啦~

cupcake我自己試過幾款, 有buttercream topping, creamcheese, fondant topping, icing都試過開頭好甜, 到試左幾次減糖實驗, 亦學識用棉花糖整fondant; 試下唔同口味~ 到最後製作先篤定呢款lemon cheese buttercream~

原先唸住部分加朱古力企鵝仔~不過最後決定用彩色馬卡龍, 同頂層大蛋糕相呼應~

至於頂層蛋糕, 原本打算用牛油蛋糕+糖皮, 不過我唔鍾意糖皮太甜, 最後用左最拿手既戚風蛋糕加cream裝飾~入面加左士多啤梨JAM。畫左2隻大企鵝~呼應返我地既logo ^^亦因為整左咁大隻企鵝~所以cupcake就唔整喇~

結婚當日先見倒組合後既樣, 又幾唔錯喎~^0^ 我好滿意呢~~

切完蛋糕交完杯分蛋糕喇~~

分完CUPUCAKE到分大蛋糕喇~有冇見過新娘自己分蛋糕XDDDD

相片特別鳴謝各方好友及Jan

袁太茶聚~

呢個名其實係malau改既~~
一開始其實唸住整個蛋糕俾佢~佢話約我拎, 我話你唔唸住同我地食架? 於是就搞左呢個聚會~~ 叫佢開個event, 居然改左呢個名~

今次連埋我一共十人, 全部都係o係masalili影過相或者打算去紅豆影相既jm~ 識左幾個月, 見左幾次面, 加上日日esd上見~已經好熟喇~~

除左大家姐carol~ 就到我成日阿太~ ^^
今日仲特登著左件好人妻既連身裙XD 果然佢地一黎到就話我著到好阿太XDDDDD


呢日整左個MALAU指定既NY cheese cake, 加上大家姐既綠茶豆腐芝士蛋糕同芝士既瑞士雞翼~仲有malau至愛台灣腸(預備左包俾佢帶走唔記得拎=0=||)

每次都又食又拎既聚會, 唔少得曲奇既mask~同mm既expo入場券~(不過我冇拎到lu~唔去lu~)

一班(準)阿太講下泰拳, 講下減肥, 講下expo, 講得見工, 講下婚紗, 玩下肥豬, 4個鐘頭不經不覺就過左去~~

由未影婚紗相到依家嫁左人, 好高興識倒呢班jm, 就算大家少左上esd(之前極瘋狂), 到依家已經靜左落黎, 但係大家會約埋一齊試衫一齊學拳(雖然冇我份:p)已經成日真正朋友!

好勇敢既壽星女~ 無懼三字頭~
佢話，要話俾人聽佢30歲既時候聽倒人講「你唔似喎～～」*0*
XDDDDDDDDDD
同我阿媽一樣XDDDD

玩左成日既肥豬~少有地咁早就支力死左XD
而且今次仲冇上次大家姐同malau黎bbq加試食會時咁chur住要食野添~乖乖喇~

得閒搞下呢d聚會都幾開心, 好似一班阿太o係度吹水, 悠悠閒閒又一日, 不過真係好鬼嘈XD(肥豬都話係~~XD)
下次可以入黎完成我地未完既馬卡龍約會啊~~
或者一人整一樣野食入黎大食會^0^ 菠羅腸都得架~^皿^

生日蛋糕2010

6. 7月7日for jm malau~

5. 7月7日 for 6, 7月之星amy & 小刁

4. 7月11日for舊同學carey

3. 6月30日 tiramisu for 老公

2. 6月5日 for同事vincent

1. 3月18日for 同事vani

公司派餅．鬆化擠花曲奇

又係金桶~金桶o係我地今次既婚禮真係功不可沒~XD

好鬆化既曲奇~ 連我麻麻地曲奇既都覺得好味~ ^.^

 

《妙趣曲奇》食譜:(約54塊份)

牛油200g+糖霜50g打起, 篩入低粉150g+粟粉50g拌勻。

180'C焗12-15分鐘至金黃, 出爐放涼即可。

公司派餅．迷你綾酥

之前派帖俾親戚時整過2, 3次5cm版, 今次整左再迷你d既版本俾同事試下~^^

大家見倒都好新奇~ 仲好搶手~

戚風都未切完已經一掃而空^0^

食過既朋友話唔太甜又唔太油好好食~ 一位auntie個女(1x歲)自己掃晒6個5cm版冇留俾佢媽咪XD ~我自己都好鍾意~^.^

同老公半夜食新鮮出爐既紅黃綾真係好正! >.<

黃綾食譜(8個份量)
油皮:固體菜油 15g, 低粉70g, 糖漿15g, 水30g, 色素少許
酥油: 低粉90g, 固體菜油55g
餡: 蓮蓉300g

做法:
油皮及酥油各自拌勻搓成柔軟麵糰分成8份, 將油皮麵糰按扁, 包著酥油, 用木棒碌長, 捲起, 轉90度擀薄, 左右向中間褶成3層, 按壓成酥皮, 包餡搓圓, 180度焗25-30分鐘。

＊紅綾將餡料改成蓮蓉

公司派餅．戚風

我至愛既戚風～　整左班蘭同mocha味~

呢隻牌子既班蘭香膏唔夠味啊~之後再整加多左都係食唔出…:(

呢款係用圓模既西柚戚風，唔中空果然難熟…不過呢個經驗話我知，結婚o個日個蛋糕都係用返戚風模啦~

冇時間o即花, 簡單試左側邊既條紋同CS619 :P