台灣美食2010-大腸包小腸

事隔個幾月終於繼續台灣美食分享:P

繼續係腸~~

去左幾次台灣都冇試過大腸包小腸~因為唔係咁鍾意出面件糯米腸, 不如就咁買條腸食~ 不過今次落機行去酒店之前, 途經中正紀念堂既攤檔, 見我同BF都未食過就買一條黎食~ 冇咩特別:P

知道係台中既特產, 於是去到又試下~住o係逢甲夜市附近既酒店, o個度有3間好多人排隊既大腸包小腸, 我地第一日試左中間o個檔, 第二日再試埋其餘多龍do個2檔!因為時間尚早不算多人~

 

第一檔官芝麻(右邊o個檔)試左花生粉口味~好味過台北O個D好多呀~~~唔怪得會咁紅~ 多左好多配料~~咁先係家嘛~~就咁搵條糯米包住有咩好食…好似糯米卷咁…

第二檔(左手邊)又係官芝麻, 不過呢檔又話唯一老店

中間, o係2間官之麻中間, 又話係大腸包小腸創始店, 不過呢檔就名顯冇咩人, 而前一晚幫襯o個檔直頭未開。

隔左一晚無從比較, 只能比較同一日買既呢2檔

左手邊WASABI味係o係最長龍o個間官芝麻買既~而右邊既蒜味就o係對面o個家買既

daddy話腸同配料都係官芝麻好食d, 而個糯米腸就對面o個家好味~我都唔係好記得喇:p 應該一返黎就記低嘛 ^^"

各位如果有機會去台中一定要試下呀~我都好回味>0< 下次一定要再去影相~~影相後一定要再去食啊~~~>0<