問阿媽4月邊個星期六得閒, 佢就揀左尋日~ 我地下晝有試食會~ 於是12點同未來老爺飲完茶, 跟住我地2個就出左旺角買椰子~XD 我真係好鍾意對椰子XD
原本只係唸住買椰子, 不過行勻成條花園街都搵唔倒(點知買完就搵倒一.一$38個有囍字既) 我地去左行金都, 問左好多間都係388/2籃, 有D$318/1籃, 有D就$190, 好在臨尾問埋地下O個間榮華, $150籃, 同之前O係美華見倒既一樣, 不過D野可能唔同, 但係我都唔要D上頭野所以冇咩所謂~
返黎先知原來除左椰子, 仲有對女家揮春(唔怪得問我地男家定女家~呢樣都係我本身都唸住買既野)龍鳳燭(冇咩用不過好似幾得意), 一對疑似檳榔, 紅繩(又係上頭用)同埋一罐敬茶用既觀音王。
(雞雞同魚魚係本身屋企有既XD)
另外三牲三口我地唸住買魚豬雞公仔, 不過只係搵倒好得意既沖涼豬~~ 又唸過買魚柳包豬柳漢堡同麥香雞XD 貼個囍字~ XD 我好鍾意呢個提議架~~不過跟住要BBQ又要試食會所以冇買, 不過我地買左牛扒、魚柳同雞翼XDDDDDDDDDDDD
最後去奇華買埋對龍鳳餅就搞掂喇~ 都有唸過自己整架, 不過唔見有龍鳳餅模賣:P
好鍾意你用D豬仔、魚仔同雞仔ge公仔呀...好用想頭呀..哈哈^^
ReplyDelete[版主回覆04/06/2010 02:49:00]哈哈 其實我好鍾意魚柳包漢堡包麥香雞既構思XD
呀...係"好有想頭"先啱
ReplyDelete冇LALA 係你過大禮既日子參與到BBQ大會 ~ 真係好老黎AR!
ReplyDelete希望沾下你們的旺氣 ! 等我都順順利利
[版主回覆04/06/2010 15:52:00]哇哈哈哈
牛扒、魚柳同雞翼 好攪o野呀, 真係與別不同呀!!!!!
ReplyDelete[版主回覆04/06/2010 18:34:00]哈哈哈 好求其XDDDDD
好有創意的過大禮 我都好鍾意對椰子, 會發芽, 可以種ka ^^
ReplyDelete[版主回覆04/07/2010 09:38:00]我都見有JM對椰子發左芽呀~~要種咪要好大地方?XD
不如你去M記睇下有無魚柳包漢堡包麥香雞既Q版公仔呀!
ReplyDelete我記得漢堡包有出Q版公仔..haha..
[版主回覆04/07/2010 10:03:00]算啦已經過左XD
咦, 我都係呢日過大禮哦, 不過未UPLOAD D相呀! 3號話係好日來架! ^0^ ^0^ ^0^
ReplyDelete[版主回覆04/07/2010 14:24:00]係?哈哈~真係擇日不如撞日~咁都撞倒好日XD